| 24 exemples | | 1 | Mais celle moisteur ou humidité est gastee et consumee par l'excés de la chaleur. (ORESME, C.M., c.1377, 442). | |
| 2 | La .VIe., que leur benoit corps glorifié sentiront tant agile, mouvant, sain et legier (...) que partout où il leur plaira pourront passer et entrer, sans ouverture faire, dont quant à plaisir leur vendra par maniere de soulas pourront eulx transporter en cestui monde, qui adont sera mondifié et la terre toute consommée par feu, si que le dit la Sainte Escripture (CHR. PIZ., P.V.H., 1416-1418, 49). | |
| 3 | ...lors que les biens et les richesses multiplioient par le royaume et que les finances y habondoient comme sourse d'eaue vive, voz pompes desmesurees, voz oisivetez aouillees de toutes delices et la descognoissance de vous mesmes vous avoit ja et a bestourné le sens, si que ambicion d'estaz, convoitise d'avoir et envie de gouverner, vous commençoient a mener a la confusion ou vous estes. Et par ces trois estoit et est consumee la pecune roial et les tresors de la seigneurie, evacuez en temps d'abondance. (CHART., Q. inv., 1422, 38). | |
| 4 | Car excédent charnalité Consume et gaste humidité Et la chaleur de corps humain, Et le rent failli, lent et vain, Et abrége souvent la vie, Mesmes en temps d'épidémie. (LA HAYE, P. peste, 1426, 107). | |
| 5 | Conforte toy en ce, et pense que le bruit de tes ennemys n'est pas pardurable, quant souvent, aprez tous les effors de oultrage humain, de violens usurpateurs d'autruy regnes sont confundus et aneantis, et la terre au paraler remaint aux anciens habiteurs ; mesmement le plus des foys si poy demeure aux conquereurs que ilz degastent leur puissance et consument leurs forces (CHART., L. Esp., c.1429-1430, 141). | |
| 6 | Car ou France souloit estre plaine de justice elle est plaine de tirannie, et par ce l'avez en effect mise desolee et consummee (JUV. URS., Loquar, 1440, 364). | |
| 7 | ...tel cheval (...) ...s'il n'est mené sagement D'omme avisé et vertueux, Il se consume plainement. (MARTIN LE FRANC, Champion dames D., t.1, 1440-1442, 33). | |
| 8 | ...car, à la grandeur d'Allemaigne et à la puissance qui y est, n'estoit pas possible que tost ne se consumast et ne se perdist de tous pointz. (COMM., II, 1489-1491, 6). | |
| 9 | Et pour ce que icelles choses sont usées et consumées, (...) j'ay estimé icelles choses à la somme de 70 livres (Aff. Jacques Coeur M., 1453-1457, 231). | |
| 10 | Dame serez de mon cueur sans debat, Entierement, jusques mort me consume, Lorrier soüef qui pour mon droit combat, Olivier franc m'otant toute amertume. (VILLON, Test. R.H., 1461-1462, 111). | |
| 11 | ...car à faire les payemens si grans et les finances dont ilz estoient edebtez, ce ne sont pas choses legieres à consummer (FROISS., Chron.[Livre IV] V., c.1400, 701). | |
| 12 | Lequel pluseurs fois et par divers moyens s'estoit efforcié entrer à Paris pour consummer la traïson qu'il avoit conceue en soy de longtemps. (RAOULET, Chron. Ch. VII, V., c.1461-1467, 158). | |
| 13 | L'EMPEREUR. Nous voulons, c'est nostre plaisance, Que leurs corps [des martyrs] soient tous boutez En ung grant feu, et consumés Ou fin millieu de ceste ville, Car peril avroit en ceste isle, Se ilz estoient longuement Sans en faire degastement ; Pour ce voulons qu'ilz soient ars Et mis em pouldre et en degars, Car en ce c'est nostre plaisance. (Myst. st Adr. P., c.1450-1485, 160). | |
| 14 | Tantost après, le duc de Bourgogne, pour consummer sa traïson, abusa tellement le roy, malade, et qui estoit molt perplex et qu'il tenoit en ses mains, qui lui fist faire tel appointement avec le duc de Clerence, pour le roy d'Angleterre son frère, que icelui roy d'Angleterre espouseroit dame Katherine, seule fille du roy (RAOULET, Chron. Ch. VII, V., c.1461-1467, 163-164). | |
| 15 | ...pour consummer cet excecrable paricide (Doc. 1472. In : Bessey-Paravicini, Guerre des manifestes, 2017, 212). | |
| 16 | Celle nuit coucha le Jouvencel avec sa dame ; et, au matin, que le mariage fut consummé, le Roy appella le Jouvencel (BUEIL, II, 1461-1466, 181). | |
| 17 | Car selon le proverbe ancien, nulz ne pueent savoir se ilz sont amis ensemble jusques a tant que ilz aient consummé ou gasté et despendu ensemble une mesure de sel. (ORESME, E.A., c.1370, 420). | |
| 18 | ...bouterent le feu en divers lieux leens, et ne s'en partirent tant que tout fut consumé (C.N.N., c.1456-1467, 226). | |
| 19 | Et après [les Bourguignons] bouterent le feu parmy toutes les eglises et maisons, et y firent meschef et dommage irreparable ; et, après que tout fut bruslé et consumé, emplirent les fossez des murs d'icelle. (ROYE, Chron. scand., I, 1460-1483, 164). | |
| 20 | ...et soit noté que ce sont jà trois grandes et enormes combustions, l'une en Babillone, la seconde en Athenes, la tierce en Egipte où furent consumiz par feu presque XVIIc mil volumes de livres ! (SIMON DE PHARES, Astrol., c.1494-1498, f° 48 r°). | |
| 21 | ...j'ay qui parle, ay veu et encore ay devers moy une maniere de roche, en maniere de tallz fort transparant et luisant que jamais feu ne peut consumer et se peut filler comme alun de plume et s'en fait des bourses et se mectent dedans le feu et se en tirent sans domage. (SIMON DE PHARES, Astrol., c.1494-1498, f° 98 v°). | |
| 22 | ...et, entre autres singulieres choses, l'on dit qu'il eut une perre nommée albeston, laquelle, une foiz alumée, jamais ne se consulme et toujours brusle (SIMON DE PHARES, Astrol., c.1494-1498, f° 98 v°). | |
| 23 | Celui an, j'estoye ou pays de Valoy en Aganoys, où je fuz ès montaignes de Morcles de Salenches (...), serchant aucunes herbes et arbres, dont parle Aristote en son Epistre à Alexandre, et là trouve la mesche en semblance d'alun moussu, qui jamais ne se consomme ou feu. (SIMON DE PHARES, Astrol., c.1494-1498, f° 160 r°). | |
| 24 | Du sourplus ne fault faire enqueste ne demande, les oeuvres sont publiques et le tesmoing en est intollerable famine, qui encourt et courra sus a ung chascun si amerement que tart sera de regreter la passee habondance et vouloir par raison departir le demourant des choses consumees par oultraiges (CHART., Q. inv., 1422, 22). | |
|
