| 47 exemples | | 1 | Souvienge toy que vie curial est de la nature des folles et dissolues femmes qui plus cherissent lez derniers venuz, et gettent les bras au col plus ardaument a ceulx qui les pillent et diffament, que a ceulx qui trop les ayment et servent. Et se tu veulz congnoistre fortune et te submettre a sa variableté, de tout temps en court la trouveras. (CHART., L. Esp., c.1429-1430, 7). | |
| 2 | ...et se l'odor lui monte par le corps dedens jusques a la bouche et aux narines, tu doiz congnoistre qu'elle n'est pas brehaigne quant est de deffaut qui soit en li. (SAINT-GILLE, A.Y., 1362-1365, 87). | |
| 3 | Et peult ou bien assés congnoistre qu'elles [des ampoules contenant du sang de martyrs] ne furent onques faictes par mains d'omme terrien, et si ne scet on de quoy elles sont, mais tresbelles sont; et icelles empolles scella monseigneur saint Martin de son grant seel, et en sont encor seellées. (Voy. Jérus., c.1395, 101). | |
| 4 | Chascuns s'esmerveilloit fort de ce que ly contes demouroit tant. Et venoient attendre a la porte devers la forest et furent la grant temps, et tousjours venoient gens qui tousjours disoient comme les autres, et que ilz s'estoient esgarez toute la nuit contreval la forest, sans savoir tenir ne congnoistre voie ne sentier, dont ilz s'esmerveilloient tuit forment. (ARRAS, c.1392-1393, 28). | |
| 5 | Mescongnois tu court ? Et si l'as tant essaiee ! Au moins ce fruit en deusses tu avoir rapporté que par la congnoistre tu la sceusses fouir et eschever. (CHART., L. Esp., c.1429-1430, 7). | |
| 6 | Et qui dit le contraire, je dy que les secrez jugemens de Dieu et les punicions sont invisibles a congnoistre a entendement humain, car il est trop gros pour entendre l'espite espirituelle, ne comprendre que c'est. (ARRAS, c.1392-1393, 311). | |
| 7 | Car nulz ne peut ores congnoistre Dieu ainsi qu'il est, mais lors nous le congnoistrons en verité et non mie en mireoir (Mir. st Guill., c.1347, 4). | |
| 8 | Toutes dirent qu'il [le comte de Foix] a sens et scïence Et de chascun escouter pacïence, Et en amours bien grant experïence Et grant savoir, Valeur, bonté, hault cuer et bon devoir, Et droit advis pour congnoistre le voir Et qu'il vault bien a belle dame avoir. (CHART., D. Fort., 1412-1413, 194). | |
| 9 | ...la contesse d'Artois ne luy avoit encore rien congnu de son affaire, car du premier cop ne voulu mie faire son congnoistre pour tous dangiers jusquez a ung jour qu'ellez estoient a part (Comte Artois S., c.1453-1467, 121). | |
| 10 | Et se par artacion et indisposition elle est separee du premier mary qui ne le puet congnoistre charnelement, et elle soit mise avec ung aultre homme et soit faicte ydonie avec l'aultre homme, elle sera separee du second et remise avec le premier. (Sacr. mar., c.1477-1481, 78). | |
| 11 | Il y a difference entre ceulz qui sont impuissans par frigidité et les maleficiéz, car le froit ne puet congnoistre femme, ne aussi a mouvement en femme, ne voulenté de habiter, mais le maleficié puet aultre femme congnoistre que celle avec qui il est. (Sacr. mar., c.1477-1481, 78). | |
| 12 | Cestui Zabulon fist la nativité de [Pasiphaé] et de sa lubricité, et expressement nota qu'elle appecteroit bestes brutez et à la fin se fist au moïen Dedalus congnoistre charnellement au torel, où elle s'encloyst en la forme d'une vache. (SIMON DE PHARES, Astrol., c.1494-1498, f° 28 r°). | |
| 13 | Or y pensez, belle Gantiere [dit la belle Heaumière], Qui escolliere souliez estre, Et vous, Blanche la Savetiere, Or est il temps de vous congnoistre : Prenez a destre et a senestre, N'espargniez homme, je vous prie, Car vielles n'ont ne cours ne estre Ne que monnoye qu'on descrye. (VILLON, Test. R.H., 1461-1462, 57). | |
| 14 | Si me semble que les grans seigneurs et gentilzhommes, quant ilz vuellent applicquer leurs enffans à la guerre, ne doivent point avoir honte de les mettre au commencement soubz la main et conduite d'aucun bon cappitaine, sans leur bailler estat ne serviteur, par quoy ilz se puissent trop tost congnoistre. (BUEIL, I, 1461-1466, 59). | |
| 15 | Et n'est pas merveille se l'ame humaine se doit congnoistre, car elle est la belle ymaige faicte et formee du Souverain Maistre a la semblance de la Deité et de la benoite Trinité (GERS., Trin., 1402, 154). | |
| 16 | Se tu veulx bien penser a toy congnoistre tu trouueras en toy grant tresor pour forger larche de sapience. Regnum celorum intra vos est. (CIB., p.1451, 195). | |
| 17 | O la tresbelle entre les femmes puis que tu te ignores et que tu ne te veulx congnoistre va ten, ys de la compaignie des bestes et va derriere apres les tropeaux de tes bestes, tu paistras les boucs. O dure sentence sur lame qui ne se veult congnoistre. (CIB., p.1451, 199). | |
| 18 | Item par la premiere maniere de congnoistre on congnoist la lumiere, par la seconde les tenebres. Et pareillement il est a dire que par la premiere maniere on congnoist le bien et ce qui est bon. Par la seconde le mal (Somme abr., c.1477-1481, 165). | |
| 19 | Car le prince ne peut congnoistre de tant de causes. Et convient que il face malveses commissions et distributions de biens d'offices et de honeurs. (ORESME, Pol. Arist. M., c.1372-1374, 289). | |
| 20 | ..commectons [Bouciquaut] (...) de congnoistre (...) de tous les cas (...) perpétrez par les dessusdiz rebelles (Ch. VI, D., t.1, 1411, 338). | |
| 21 | Et sont ces manières de proceder entendus quant es cas mobilières et de simples injures, dont l'en peult congnoistre en basse justice. (Instruct. ensaign. B.G., c.1386-1390, 43). | |
| 22 | Mais il estoit si desguisiez et desconneüz que nulz ne le peüst adviser ne congnoistre. (Bérinus, I, c.1350-1370, 148). | |
| 23 | Or vous alez donques armer et vous mettez en tel estat que nul ne vous puist congnoistre, et nous vous actendrons au dehors de la ville, et si vous menrons en tel lieu ou vous vous pourrez bien vengier a vostre aise. (ARRAS, c.1392-1393, 57). | |
| 24 | ...tu le pourras congnoistre par les enseignes qu'il avra ou front (Bérinus, II, c.1350-1370, 39). | |
| 25 | Par ma foy, pour neant je me suis traveilliez de y venir, car je y cuidoie trouver mon pere et ma mere, maiz il m' est aviz que non feray, car pour nul avoir ilz ne s' i oseroient faire congnoistre. (Bérinus, I, c.1350-1370, 357). | |
| 26 | ...ce poise moi que vostre nepveu s'est fait congnoistre a vous (Bérinus, I, c.1350-1370, 365). | |
| 27 | Sachiez que encores vit Jossellins de Pont le Leon, et a un filz qui gouverne a present toute la terre de Leon, qui doit estre vostre. Vous en yrez devers vostre oncle Alain de Quemeninguigamp et vous ferez congnoistre de lui, et il vous croira assez de ce que vous lui direz. (ARRAS, c.1392-1393, 50). | |
| 28 | Et nonpourquant, se je veoye celle mer, je la cuideroie bien congnoistre selon ce que j'en ay oÿ compter (Bérinus, I, c.1350-1370, 209). | |
| 29 | ...la court de Parlement contraindra ung cardinal evesque ou arcevesque a congnoistre son seing manuel, et quant il aura congneu a garnir (JUV. URS., Verba, 1452, 370). | |
| 30 | Mais jamais je n'ay congneu prince qui ait sceu congnoistre la difference entre les hommes (COMM., I, 1489-1491, 78). | |
| 31 | Requis se il scet lire ne congnoistre lettre aucune à lui sur ce monstrée, dit que non, par ce que dit est, et qu'il n'a point frequanté l'escolle ne aussi aprins à lire. (Reg. crim. Chât., I, 1389-1392, 75). | |
| 32 | Les autres savoient congnoistre, Fust seculers ou fust de cloistre, Li quels pensoit a fausseté, Et li quels voloit loyauté (MACH., D. Lyon, 1342, 215). | |
| 33 | Car elle est sage et parcevant De congnoistre un cuer decevant Au maintieng et a la parole (MACH., R. Fort., c.1341, 66). | |
| 34 | Ceste tresscandaleuse faulte est venue de plus haut que de toy ne de moy, quant ceulx qui ont eu a departir les guerredons des biensfaiz et des honneurs les ont donnez aux robes et aux apparences de dehors, dont chascun a prins tele instruction que fort est de congnoistre l'estat des hommes a leurs habiz ne de choisir ung noble home d'avec ung ouvrier mecanique. (CHART., Q. inv., 1422, 41). | |
| 35 | Il est a tenir et a croire que en cest voiage nous pouons congnoistre Dieu que il est et au pays du royaume des cieulz tel qu'il est et comme il est. Jamais toutevoies ne icy ne lassus porrons le congnoistre tout ce qu'il est. (Somme abr., c.1477-1481, 134). | |
| 36 | ...et toutes ses causes et besongnes excuser, deffendre et essoinier, pledier pour elle, entamer plait ou plaiz, convenir, reconvenir, proposer, et, se mestiers est, par escript bailler toutes manieres de faiz, raisons ou exempcions declinatoires, dilatoires, perhemptoires et autres quelconques, repliquier, dupliquier, tripliquier, congnoistre, nyer, advoer, desadvoer (Chartes Abb. St-Magl. T.F., t.3, 1348, 158). | |
| 37 | ...je ne saveroie Le fait congnoistre ne niër. (MACH., J. R. Nav., 1349, 166). | |
| 38 | ...et devez doncques congnoistre que estes homme (JUV. URS., Nescio, 1445, 451). | |
| 39 | Et pour ce que trop fort mespris, Quant a dame de si haut pris M'osay nullement aastir De plait encontre li bastir, Je, Guillaumes dessus nommez, Qui de Machau sui seurnommez, Pour mieus congnoistre mon meffait, Ay ce livret rimé et fait. (MACH., J. R. Nav., 1349, 282). | |
| 40 | Aultrement tu peulx en toy congnoistre mais cest de plus loing la semblance de la trinite selon trois choses qui sont en toy : il y a estre, il y a congnoistre, il y a vouloir. Tu es comme les autres creatures, tu as auec ce congnoissance et voulente. (CIB., p.1451, 203). | |
| 41 | Cuides tu congnoistre le juste d'avecquez le pecheur, et estre certain du secret dez pensees dont Dieu a reservé a soy la congnoissance ? (CHART., L. Esp., c.1429-1430, 50). | |
| 42 | Et semblablement [Mahommet] commanda faire cinq oreisons par jour et neuf genuflections, deux au point du jour, deux aprés medy, deulx aprés soleil absconsé, et troys aprés le souper, par telle condition que toute la nuyt fust exploittee a boyre et a mengier sans cesser, et a soy conjouir en toutes delices entre les bras dez femmez charnellement, jusquez a si cler jour que on peust congnoistre ung fil blanc d'un fil noir. (CHART., L. Esp., c.1429-1430, 121). | |
| 43 | Par foy, dist ly soudans, ilz [les chrétiens] ont ouy quelzques nouvelles que nous ne savons pas, ou ilz le font pour nous donner a congnoistre qu'ilz ont gens et vivres assez pour eulx deffendre contre nous. (ARRAS, c.1392-1393, 96). | |
| 44 | Je vueil la chandelle alumer, Pour miex congnoistre et aviser Quelz homs il est. (Mir. femme roy Port., c.1342, 174). | |
| 45 | ...et fut grant investigateur de sciences nouvelles et ayma moult congnoistre estoilles, perres precieuses et herbes (SIMON DE PHARES, Astrol., c.1494-1498, f° 98 v°). | |
| 46 | Ma dame, se il vous plaisoit, il seroit bien temps que nous alissons voyagier pour congnoistre les terres et les pays, et aussi pour acquerre honneur et bon nom en estranges marches et contrees, par quoy nous feussions introduit de savoir parler avecques les bons des choses qui sont par estranges marches et pays, qui ne sont pas communes par deca. (ARRAS, c.1392-1393, 82). | |
| 47 | Aussi son port En fait assez tesmoignage et rapport Car il portë en son mot par deport, Comme cellui qu'Amours maine a bon port, "J'ay belle dame", Qui sans paine n'avint oncques a ame Et sans sentir le mal et l'ardant flame Qu'a la gaigner cuer amoureux enflame. Or l'a il belle, Si doit savoir qu'est l'ardant estincelle Et congnoistre le plaisir que l'en cele, Et bien jugier sans que nul en appelle. (CHART., D. Fort., 1412-1413, 194). | |
|
