| 26 exemples |
| 1 | L'ennemi te suit, qui atent Le jour que tu dois seens estre : Envoier te vueil a un prestre, Un hermite, mon confesseur, Cui li vrais Diex fait tant d'onneur Qu'il lui tramet ce dont il vit (Mir. enf. diable, c.1339, 33). |
|
| 2 | Encores, Beau Filz, ton confesseur doit estre saige, meur et discret, bien fonde en la science de theologie et es loix divines et morales, pour savoir discerner et determiner des grans cas qui peuent entravenir a ta personne royalle. Et doit estre devost, humble, conversable et hardy de non dissimuler les pechiez de toy (MÉZIÈRES, Songe vieil pèl. C., t.2, c.1386-1389, 271). |
|
| 3 | ...je me suis pluseurs foiz presentée de faire mon devoir, mais mon confesseur n'y veult jamais entendre (C.N.N., c.1456-1467, 225). |
|
| 4 | Il emmena quant et luy le confesseur du duc de Guyenne et ung escuyer d'escuyrie ausquelz on imputoit la mort dudict duc de Guyenne, lesquelz ont esté prisonniers en Bretaigne par longues années. (COMM., I, 1489-1491, 240). |
|
| 5 | ...et eut ung religieux de Saint Benoist, qui l'introduisit en icelle science, duquel je n'ay sceu le nom, fors qu'il estoit son confesseur et natif de Saint Denis (SIMON DE PHARES, Astrol., c.1494-1498, f° 130 r°). |
|
| 6 | ...monsieur l'evesque d'Angiers, confesseur du Roy (LA VIGNE, V.N., p.1495, 310). |
|
| 7 | Et, pour ce que je m'en vois lundi à Tours, je ne vous escripz autre chose, mais j'ay plus grant fin de parler à vous, affin de trouver le remede en ceste matiere de Bourgoigne, que je n'euz oncques à confesseur pour le salut de mon ame. (LE CLERC, Interp. Roye, c.1502, 328). |
|
| 8 | Et oudit Hostel de la ville descendi et fut mené au bureau dudit Hostel, contre lequel il y avoit ung grant eschafault drecié ; et au joignant d'icellui on venoit par une alée de bois à ung autre petit eschafault, là où il fut executé. Et en icellui bureau fut ilec avec sesdiz confesseurs faisant de grans et piteux regrés, et y fist ung testament tel quel et soubz de bon plaisir du roy, que ledit sire Denis Hesselin escripvy soubz lui. (ROYE, Chron. scand., I, 1460-1483, 359). |
|
| 9 | ...sortit habilement en chemise, et vint mettre ens son confesseur et puis ferme l'huys, le menant au lieu ou son mary deust avoir esté. [Une femme reçoit chez elle son amant, le curé] (C.N.N., c.1456-1467, 442). |
|
| 10 | Asseéz vous sur ceste plainche. Haro, comme il a la cher blainche ! Quel conffesseur de beguynes ! (Pass. Semur D.M., c.1420 [1488], 210). |
|
| 11 | Vierge, le fils de Dieu enfantas, Et apres vierge demoras[t]. Se ne fuist son naschement, Tous attendissimmes à dampnement. Dame, ie priie, par vostre grasce, Doneis moy de confesseur l'espasse Et me racordeis à vostre fils (Sept péchés C., c.1300-1350 [p.1478], 240). |
|
| 12 | ...et qe nostre douce Dame me vousist mettre en la balance, contre mes mals, les grandes peynes et tourmentz q'elle soeffri (...) et le martirement de touz les seintez martirs - tout est bosoigne - et de ces parfitz confessours ou les benoites virges et seintes veves (HENRI LANC., Seyntz medicines A., 1354, 234). |
|
| 13 | ...son confesseur, qui est ung cordeler ou ung jacopin (Quinze joies mar. R., c.1390-1410, 60). |
|
| 14 | Des confesseurs et des vierges lit on Conme ont suivi par vraie entencion La panthére sur tous enamourée (Mir. st Ign., 1366, 117). |
|
| 15 | Tres saint, beneuré colliege et court de Paradis, angelz, archangelz, cherubins, seraphins, trosnes et dominacions, saints apostres de Dieu, martirs, confesseurs, et toute l'université des beneurees sainctes, martires, vierges et continentes, priez pour moy et soiez en mon aide. (CHR. PIZ., Trois vertus W.H., c.1405, 22). |
|
| 16 | ...veoir la gloire des benois apostres, euvangelistes, martirs et confesseurs, et de ces belles vierges chantans devant Dieu et tous sains et saintes (CHR. PIZ., P.V.H., 1416-1418, 46). |
|
| 17 | Sy entra le tyrant en la cité sans y povoir nul mal fayre, et s'en passa oultre par l'autre porte, que il ne sceut demourer. Car l'umble obeissance du bon saint confesseur osta l'ire de Dieu et forclouy en tel endroit le executoire du flael. Pensons que le povoir de Dieu infini peult donner fin es fraelles puissances dez terriens orgueilleux, et ressoudre la foeblesse dez humiliez. (CHART., L. Esp., c.1429-1430, 146). |
|
| 18 | LE PREVOST en cheminant. A Dieu nous convient grace rendre Et au glorieux confesseur. (Mir. st Nic. juif, c.1480-1500, 144). |
|
| 19 | Il nous en fault trestous aller En requerant le vray corps sainct De vray cueur humble et non pas fainct Sainct Martin le vray confesseur Que a tous nous doint faire labeur Si bon a vous hommes et femmes Que la saluation de noz ames Puissions tellement demener Quen Paradis soyons sauuez. (Myst. st Martin K., a.1500, 378). |
|
| 20 | Puet une personne sans pechier mortelment refuser penitence en ce monde et attendre celle de purgatoire, et se ung confesseur devroit assoldre telle personne ? Response : Je tiens que oÿ en aucuns cas (GERS., Déf., 1400, 232). |
|
| 21 | ...et fist le sermon ung cordelier nommé frere Pierre aux Buefs, confesseur de la Royne (FAUQ., I, 1417-1420, 188). |
|
| 22 | Frère Estienne. Confesseur du commun. (Ch. VI, D., t.1, 1422, 440). |
|
| 23 | Auquel tu n'envoias point ton varlet ou ton page, mais la garde de ton âme, c'estassavoir ton confesseur (Doc. 1408. In : MONSTRELET, Chron. D.-A., t.1 c.1425-1440, 319). |
|
| 24 | Et d'aultre part osta et destitua tous les officiers et gouverneurs dudit Daulphin, réservé son confesseur et son cuisenier. (MONSTRELET, Chron. D.-A., t.5, c.1444-1453, 414). |
|
| 25 | ...luy voyant que il estoit en sa fin, manda son confesseur (JUV. URS., Verba, 1452, 295). |
|
| 26 | ...et, ma dame, qui est vostre confesseur, pour lui donner quelque puissance, se besoing est ? (LA SALE, J.S., 1456, 255). |
|
