I. -

Empl. trans. [Préfixe con- perfectif] "Donner forme à, composer" : Pour ce te bail ci trois de mes enfans Qui t'en donront la pratique, Et, se tu n'ies d'euls trois bien congnoissans, Nommé sont Scens, Retorique et Musique. Par Scens aras ton engin enfourmé De tout ce que tu vorras confourmer ; Retorique n'ara riens enfermé Que ne t'envoit en metre et en rimer ; Et Musique te donra chans, Tant que vorras, divers et deduisans. (MACH., Prol., c.1377, 2). ...si commença à parler au Jouvencel, en lui disant et remonstrant plus amplement et en plus grant languaige ce que le premier avoit dit en brief. Si conforma ses parolles en telle manière :... (BUEIL, I, 1461-1466, 45).

II. -

[Préfixe con- d'accompagnement, de conjonction ("avec")]

A. -

Empl. trans. Conformer qqn/qqc. (à )

1.

"Former qqc. à la ressemblance de qqc. (un modèle)" : ...je veulx dire Que Dieu le Pere Adam premier forma Et, quant au corps, a luy le conforma Si bien parfaict que mieulx n'estoit possible. (LA VIGNE, S.M., 1496, 336).

-

Conformer qqn à. "Former à la resemblance de" : Puis vient le don de sapïence Qui nous conforme et joint a Dieu. (Myst. st Clément Metz D., p.1439, 565).

2.

"Adapter qqc. à qqc., rendre qqc. ou qqn conforme à qqc." : ...les personnes les quelles nous voions estre samblables et conformees a la divine bonté par noblesce de meurs. (FOUL., Policrat. B., V, 1372, 299). Et sembleroit que le Prophete conformast son parler a cest opinion quant il dist de Dieu : Qui firmavit terram super aquas. (ORESME, C.M., c.1377, 542). Celuy Sergius (...) se joingny a toy et t'enforma de seditions et erreurs controuveez, et t'ensaigna a bastir le livre Alcoren, ou tes adherens apprennent la lecture de desmesuree volupté, et reçoivent voulentiers l'ouverte licence et congié de soy aoyller en leurs plaisirs charnelz, et en effrenee luxure. Et pour ce les eubz tu si prestz a obeir. Car tu conformas ta doctrine a leur appetit et donnas loy familiaire a la chair, attraiant les cueurs a vanité decevant. (CHART., L. Esp., c.1429-1430, 125).

-

"Adapter qqc. à qqn, à ses besoins, à ses exigences" : ...la puissance du seigneur conforme a soy toutes les offices (FOUL., Policrat. B., III, 1372, 236).

3.

Conformer qqc. "Rendre qqc. conforme" : Pour ayder a conformer les allegations et conclusions premises, sont cy aprés incorporees aulcunes chartres (JUV. URS., T. crest., c.1446, 170).

-

[D'une chose] "Illustrer qqc. (en y étant conforme)" : ...largement d'ystoires a ce propos pourroit on mettre avant conformant la bestise des Champenois. (C.N.N., c.1456-1467, 131).

B. -

Empl. pronom.

1.

Se conformer à/en qqc.

a)

"S'adapter à qqc." : Au sixte, de la sainte Escripture qui dist que le soleil tourne et cetera : l'en diroit que elle se conforme en ceste partie a la maniere de commun parler humain aussi comme elle fait en pluseurs lieus, si comme la ou il est escript que Dieu se repenti et que il se courrousa et rapaisa et teles choses qui ne sont pas ainsi du tout comme la lettre sonne. (ORESME, C.M., c.1377, 530).

-

[D'une chose] "Devenir semblable à" : Et ce meismes feu si verdist sur l'esmeraude et si se conforme au firmament ou plus pur saphir (FOUL., Policrat. B., V, 1372, 282).

b)

"Se soumettre à qqc., se mettre en accord, en harmonie avec qqc." : Einsi est, puis que tant t'assers A Fortune que tu la sers Et yes mis en sa servitute, Il couvient par force que tu te Mettes a nagier et a rime, Selonc ce qu'elle nage et rime, Et qu'a ses meurs tu te conformes En tous cas et en toutes formes, Puis que tu yes de ses maisnies. (MACH., R. Fort., c.1341, 95). ...afin qu'il [le peuple] se conforme a l'eglise (JEAN GOLEIN, Rational B.D., c.1370-1372, 277). Ausqueles oppinions, tout veu, icellui mons. le prevost se conforma et ainsi le prononça. (Reg. crim. Chât., II, 1389-1392, 159). Et après ce, le prevost des marchans dist que, en la Ville, ilz avoient deliberé de soy conformer du tout et faire selon la deliberacion et advis de ladicte Court. (FAUQ., I, 1417-1420, 342). Ceste solution me engendre doubte nouvel, et je me fonde sur l'Escripture, qui dit que oreison appaise l'ire de Dieu. Son vouloir doncquez se conforme a nos prieres, non pas noz oreisons a son vouloir, quant par ellez son indignation est moderee. (CHART., L. Esp., c.1429-1430, 156). Et cest ymage nest iamais du tout efface, combien que par pechie il soit bien soullie. Lymage de recreacion est entendu en ce que lame se conforme actuellement ou habituellement a Dieu par congnoissance et amour de sa diuine bonte. (CIB., p.1451, 204). Faictes regarder en la Chambre des comptes les manieres comme usoient anciennement vos predecesseurs (...) et vous y conformés et y advisez (JUV. URS., Verba, 1452, 267). Mais conformeté est tresble de trois manieres. Premierement se conforme a Dieu en la chose voulue seulement, comme les Juiz estoient conformes a Dieu en la mort de Jhesu Crist. Secondement quant on se conforme en la chose volue et en la fin, mais point en la maniere, comme quant on fait aucune chose non par charité. Tiercement quant se conforme en la chose voulue et en la maniere, mais pas en la fin, comme quant l'intention du faisant se extend et retort en aultre fin bonne. (Somme abr., c.1477-1481, 175).

-

"Être fidèle à qqc." : Et c'est la glose Saint Augustin en ce pas et se conforme au texte. (ORESME, Divin. C., c.1366, 116).

-

[D'une chose] : La .VIe. vertu est chasteté, a laquelle se conforme toute honnesteté (CHR. PIZ., Trois vertus W.H., c.1405, 168).

2.

Se conformer à qqn. "Prendre qqn pour modèle, se ranger sur qqn" : ...en oyant les merites des sains et les faiz recorder et preschier, les devoz se seulent par bonnes euvres a eulx conformer (Mir. chan., c.1361, 138). Vous alez devers l'empereur De Romme, qui est mon signeur, Si que à li me conformeray ; Car ce qu'il fera je feray. (MACH., P. Alex., p.1369, 29). ...il ne volt pas que ses desciples se conformassent aus roys si que il eussent seigneurie sur leur subgés. (FOUL., Policrat. B., VIII, 1372, 126).

C. -

Empl. intrans. "Se ranger sur (un modèle, un cas antérieur)" : ...tellement que les ennemys pensoyent que la dicte bataille se descamperoit et mettroit en desarroy, en conformant et adjouxtant foy ad ce que par autres foys ilz avoyent ouy dire des Françoys (LA VIGNE, V.N., p.1495, 284).