| 99 exemples | | 1 | Il nous a fait la moe a touz Et puis s'en va ses pas comptant (Mir. Rob. Dyable, c.1375, 51). | |
| 2 | ...et les voix comptées, fu trouvé que messire Henry de Marle, premier president ceans, avoit trop plus de voix que nul. (BAYE, II, 1411-1417, 130). | |
| 3 | Quant le petit Saintré fut partis de Madame, il s'en ala tantost compter son tresor (LA SALE, J.S., 1456, 61). | |
| 4 | LE JUIF. Tiens toy cy en ces entrefaictes Que ung cent d'escus ay [a] conter. MATHATIEL. Gardez vous de vous mesconter Et les contez avant deux fois. (Mir. st Nic. juif, c.1480-1500, 82). | |
| 5 | Item, tous les macquereaulx et le haren qui seront apportez a Paris, seront venduz a compte et se le marchant qui l'achetera ne le veult compter, il aura le serement de cellui qui l'amenera s'il luy plaist, ou l'estalier qui le vendra se fera creable par sa foy de tel compte, comme il y trouvera. (Mét. corp. Paris L., t.1, 1351, 13). | |
| 6 | Mais il me semble, Mareschal, que vous devez ancores ennuyt monter le premier à cheval atout dix lances et que vous comptez par nom et par surnom tous [ceulx] qui sauldront avecques vous, affin que, soubz umbre de vous, ne saille nulz qui puisse aller dire les nouvelles. (BUEIL, I, 1461-1466, 103). | |
| 7 | Et furent, tous comptés, environ sis cens lances et quinse cens d'autres gens. (FROISS., Chron. R., XI, c.1375-1400, 90). | |
| 8 | ...li chevaliers se leva et vesti et arma et fist armer ses varlés, et tout compté il n'estoient que euls douse. (FROISS., Chron. D., p.1400, 893). | |
| 9 | ASTAROTH. Cinq ou six torchons bien hurtans Ne seroient pas mal assiz. LUCIFER. Va hardiëment jusqu'a six Ou cent ou deux cents tout comptent. (GRÉBAN, Pass. J., c.1450, 142). | |
| 10 | Lors vindrent les receveurs de toutes ses terres, et entrerent en une chambre. Et la fu Gieffroy et ceulx qu'il avoit commis et ordonnez pour les comptes ouïr, car a lui n'en chaloit que un pou. Et tant ont compté et recompté que tout estoit bien a point. Mais tousjours es comptes du receveur de Lusegnen avoit au derrenier : Item, X. solz pour le pommel de la tour. Et compta bien Gieffroy que, de tous les X. ans dont il avoit rendu compte, tousjours y avoit au derrenier : Item, X. s. pour le pommel de la tour. (ARRAS, c.1392-1393, 295). | |
| 11 | Ilz sont, se je n'ay mal compté, Treize portans chappealx rouges (BOUVET, Appar. Meun A., 1398, 39). | |
| 12 | Sommes nous trestous descendus ? Or contons se nous sommes dix. (Myst. st Bern. Menth. L., c.1450, 46). | |
| 13 | Mais de voz doleurs raconter Faictes bien, ainsi qu'il me semble, Et les assommer et compter Devant Amours (CH. D'ORLÉANS, Compl. C., 1433-p.1451, 273). | |
| 14 | Malbec, frapons Dismas accop ! Jambes et cuisses luy rompons. Ung, deux, trois, quatre comptons, V, VJ, VIJ, VIIJ, IX et X. (Pass. Auv., 1477, 230). | |
| 15 | Dont, de conter ne soyez endormy, Car en effect trois en aurez, en somme. (LA VIGNE, S.M., 1496, 173). | |
| 16 | ...Ce n'est fors que plaisant folie [Amour]. A droit compter, sans decevance, Quant un amant vient demander Confort de sa dure grevance, Que vouldoit il faire ou trouver ? Cela, je ne l'ose nommer. Au fort, il fault que je le dye : Ce qui fait le ventre lever, Ce n'est fors que plaisant folie. (CH. D'ORLÉANS, Ball. C., c.1415-1457, 146). | |
| 17 | Pour quoy notez que cest escript Fut fait en l'an de Jhésu Crist Mil quatre cens, à droit compter, Et vignt et cinq, sans plus monter (LA HAYE, P. peste, 1426, 168). | |
| 18 | Mais aucunez qualités appropriés aux hommes principaument sont attribués a Dieu par transsumption, entre lesquellez je compte ire et fureur, qui sont passions humaines et tiltres de imperfection, et pour ce ne competent pas ces tiltres a Dieu veritablement. (CHART., L. Esp., c.1429-1430, 157). | |
| 19 | Ce dict jour dont, conté vint et ungiesme Du moys d'octobre, de Thurin print congié (LA VIGNE, V.N., p.1495, 320). | |
| 20 | Le jour de la Nativité Nostre Signeur, que on compta en l'an de grasce .MCCC. et vint siis, fu couronnés a roi d'Engleterre Edouwars de Windesore (FROISS., Chron. D., p.1400, 103). | |
| 21 | Environ la Saint Jehan Baptiste, que on compta l'an de grasce .MCCCXXXI., li jones rois Edouwars d'Engleterre et la roine s'en vinrent a Evruich euls tenir et lor estat (FROISS., Chron. D., p.1400, 208). | |
| 22 | Et la furent li rois et la roine et tous li hostels un temps jusques a la Pasque ensievant, que on compta l'an de grasce mille .CCCXXXII. (FROISS., Chron. D., p.1400, 227). | |
| 23 | Dimenche, premier jour d'avril. Fu celebrée la solempnité de Pasques et de la resurrection Nostre Segneur pour l'an mil CCCCXXXI, à compter et commencier au temps d'icelle resurrection, I>more gallicano/I>. (FAUQ., III, 1431-1435, 10). | |
| 24 | Desquelles [fleurs] je cueilly pluiseurs, en comptant les fueilles (LA SALE, Salade, c.1442-1444, 74). | |
| 25 | ...le roy Phelippe de Valoys estoit plus pres que Edouart de la couronne d'un degré, ou a conter de Phelippe filz du dit roy saint Loys, car de luy jusques a Charles de Valois son filz n'a que ung degré (JUV. URS., T. crest., c.1446, 54). | |
| 26 | A concté de ycy en ung moys, Vostre fillie ung vous amenra. (Myst. st Bern. Menth. L., c.1450, 30). | |
| 27 | L'on dit que cestui Audoxus fut celui qui donna l'invencion de fere le theatre merveilleux in Heraclea, lequel est compté entre les sept miracles du monde pour le quint. (SIMON DE PHARES, Astrol., c.1494-1498, f° 50 r°). | |
| 28 | Mais tousjours es comptes du receveur de Lusegnen avoit au derrenier : Item, X. solz pour le pommel de la tour. Et compta bien Gieffroy que, de tous les X. ans dont il avoit rendu compte, tousjours y avoit au derrenier : Item, X. s. pour le pommel de la tour. (ARRAS, c.1392-1393, 295). | |
| 29 | ...et leur bailla, elle qui parle, du pain et du vin ; et compterent leur escot, qui monta à XV deniers (Reg. crim. Chât., I, 1389-1392, 559). | |
| 30 | Item je confessois et cognois moi davoir Perrim de Ceys, clerc de Besenceon, dix penalx de fromant loïaul et marchaul et un coppat a la mesure de Ceys pour le renterre de son champt dessus Chenuz, assis a Clarom, après chiés le Porcheret. (...) Item je confessois moi davoir Hugonate, fille a Porcheret, quarante solz de menoie, comptey le gros tornois d'argent pour vint deniers. (Test. Besanç. R., t.1, 1338, 365). | |
| 31 | Notez que on souloit compter XII deniers pour reffaire les chausses ou soullers de la royne, et muer chapperon en manches. Notez que de l'excez des seigneurs vient celuy des subgietz (GERS., Annonc., a.1400, 239). | |
| 32 | Mais me murtrit douleur desmesuree Quant je ne voy ma doulce dame en vie. J'ay perdu cuer, sentement et savoir. Plourer a part, c'est mon euvre commune. Plains et regrez sont mon plus riche avoir Ne je ne compte en ce monde une prune. (CHART., R. Bal., c.1410-1425, 391). | |
| 33 | Perrot Le Bernois fist devant luy compter XXIIc. frans, et puis C. frans pour les frais des compaignons (FROISS., Chron. M., XIV, c.1375-1400, 204). | |
| 34 | ...ledit vendeur, pour soy et sesdiz hoirs, en confessa jà avoir eu et reçeu desdiz religieus en bonne monnoie bien comptée, et s'en tint du tout à bien content paiez et agrees par devant lesdiz clers notaires jurez (PHIL. VI VALOIS, Doc. paris. V., t.1, 1335, 240). | |
| 35 | ...qui voulroit conter les degrez depuis le roy saint Loys, qui est vray stipite, le roy Phelippe de Valoys estoit plus pres que Edouart de la couronne d'un degré (JUV. URS., T. crest., c.1446, 54). | |
| 36 | À Raoul Boncompagnon (...) portant lettres de moy J. Climence à Gieffroy le Routier [prévôt et receveur d'Ennet] à Ennet, pour le faire venir compter, I quart de franc. (Compte Navarre I.P., 1367-1371, 447). | |
| 37 | Si fist par tout compter et paier (...) et entra en ung vaissel (FROISS., Chron. M., XIV, c.1375-1400, 74). | |
| 38 | À Mahiet Bougon, serviteur de mondit Seigneur, en deduction et rabat de ce qui li est et sera deu, pour cause des mises qu'il a faites et fait chascun jour, es voiages et autrement, pour les besongnes de mondit Seigneur, depuis le derrain jour d'avril l'an dessusdit IIIIxxXVI ; desquelx voyages il doit compter et rendre les parties, si comme, par certification dudit Adenin donnée le XVIIe jour de novembre et quittance dudit Mahiet donnée le IIe jour de décembre l'an dessusdit, puet apparoir : 100 fr. (RAPONDE, Comptes La Trémoille L.T., 1396-1406, 33-34). | |
| 39 | Deniers payez sur ladite reste (...), par les dessus diz Digne et Jaques Raponde, par la manière qui s'ensuit (...). À Jehan du Croc et Gilet de Ruilly, messagiers, lesqueulx ont esté envoiez, par l'ordonnance de mondit seigneur et de son conseil, porter lettres closes à tous les receveurs de ses terres, pour yceulx faire venir compter en son hostel à Paris, du temps dont ilz avoient à compter, par deux quittances desdiz messagiers cy rendues, faisans mencion qu'ilz ont receue ladite somme de maistre Raoul Wytart (RAPONDE, Comptes La Trémoille L.T., 1396-1406, 141). | |
| 40 | Qui tousjours fait son compte D'amasser a sa poste, Et ne veult rendre compte De ce que a aultuy oste, Se justice est decoste, Payer lui fait les drois : Qui compte sans son hoste, Il doit compter deux fois. (Prov. rimes F.M., c.1485-1490, 47). | |
| 41 | Sire, j'ay mangé si sallé que je bevray bien encores assez, mais je cuide que, quant nous aurons compté ensemble, que je vous en payreray comme il appartient, si que vous ne m'en saurez aucun gré (Doolin de Mayence V, P., a.1500, 114). | |
| 42 | Oure, hoste, combien vous fault ? Comptez, et puis serez paiez. (Myst. st Bern. Menth. L., c.1450, 39). | |
| 43 | «...Folie vous feroit contre luy argüer ; Mais sotie vous fait sans rabatre conter.» (God. Bouillon R.B., t.3, c.1356, 172). | |
| 44 | Mais pour ce que aucunes nous pourroient par aventure ycy respondre que nous comptons sans rabatre - c'est assavoir que nous disons a toutes fins que les dames doivent tant amer leurs seigneurs et en monstrer les signes, mais nous ne parlons mie se tous desservent vers leurs femmes que on leur doye ainsi faire, pour ce que on scet bien que il en est de telz qui se portent vers elles tres felonnessement et sans signe de nulle amour, ou bien petite - si respondons a ycelles que nostre doctrine en ceste presente oeuvre ne s'adrece pas aux hommes, quoy que il fust besoing a tout plein que bien fussent endoctrinéz. (CHR. PIZ., Trois vertus W.H., c.1405, 54). | |
| 45 | Beau sire, quant je y pense Il me semble que ces villains Ont trop beau compter sans rabatre, Car ilz ne sont jamaiz contraings [De soy] faire tüer ne batre (CHART., D. Her., p.1415, 435). | |
| 46 | Dolent et desplaisant seroye, S'a les compter je mesprenoye. (C. Riffl., c.1480-1520, 60). | |
| 47 | PATHELIN, en contant sur ses dois. Pour vous, deux aulnes et demye, Et pour moy trois, voire bien quatre ; Ce sont... GUILLEMETTE. Vous comptez sans rabatre. Qui, dyable, les vous prestera ? PATHELIN. Que vous en chault qui se fera ? On les me prestera vrayement A rendre au jour du jugement, Car plus tost ne sera ce point. (Path. D., c.1456-1469, 54). | |
| 48 | Mais puis que vient a entrer ou debat De ce propos qui entre nous s'embat, Tel compte hault qui depuis en rabat. Vous racontez Les haulx plaisirs, la joye et les bontez Ou jeune cuer est par Amours montez, Mais les douleurs ne les maulx ne comptez Dont tant y a (CHART., D. Fort., 1412-1413, 179). | |
| 49 | ...quand ilz eurent beu et mangé (...) et qu'ilz eurent compté et paié leur escot, les aucuns commencerent a dire... (C.N.N., c.1456-1467, 542). | |
| 50 | ...et comptoient le service de leurs gens d'armes qu'ilz avoient audit royaulme et tant qu'ilz tiennent lesdites places, pour deux cens cinquante mil ducatz. Et puis veullent compter la despence de les garder ; et croy que leur intention n'est point de les rendre, car ilz ne l'ont point de coustume quant elles leurs sont bien seantes, comme sont ceulx icy qui vont de leur cousté du gouffre (COMM., III, 1495-1498, 265). | |
| 51 | Prests a compter fais a plusieurs gens d'armes sous le gouvernement de mons. de Craon en la langue d'oïl sans monstre (Doc. 1352. In : Ph. Contamine, Guerre, État et société à la fin du Moy. Âge, 1972, 93.). | |
| 52 | ...et manda ceulx qui par Jehan Bonne-Lance estoient ordonné de recepvoir l'argent, et leur dist : "Comptez, car veslà tout ce que nous vous devons." Ilz compterent jusques à XXIIc. frans. Après ce, ilz compterent de leurs menus frais à leur hostel et paierent bien et largement tant que tous s'en contenterent. (FROISS., Chron. M., XIV, c.1375-1400, 204). | |
| 53 | Prés ["Prêt"] fais par Je[h]an du Cange, tresorier des guerres, aus gens d'armes qui ont à compter pour l'ost de Bouvines (Comté Champ. Brie L., t.1, c.1350, 450). | |
| 54 | Il est besoing que j'entre à deviser l'estat ordinaire et comptes par les escroes et escrips de l'ostel du duc. Et certifie qu'il a en sa maison, oultre et pardessus les dessus nommez, quarante quatre personnaiges, tant princes, contes, marquis et grans barons, qui sont journellement comptez par les escroes. Item, vingt chevaliers comptez par demy an, les uns contre les autres. Item, trente chevaliers comptez par quatre mois, qui est à entendre tousjours dix d'iceulx trente. (LA MARCHE, Mém., IV, Pièces annexées, 1474,,, 11-12). | |
| 55 | ...le Roy par ses lettres adreçans à la Court avoit octroié audit du Gard que le temps qu'il avoit servi aux Requestes du Palaiz depuiz janvier IIIIxx XVI jusques en aoust CCCC lui fust compté (BAYE, II, 1411-1417, 178). | |
| 56 | ...il sçavoit bien qu'il avoit prins quelques intelligences avecques le roy d'Angleterre, pour ce qu'il avoit sa niepce espousée, mais qu'il le tromperoit ; et luy compta les biens qu'il avoit de luy, disant... (COMM., II, 1489-1491, 31). | |
| 57 | Lors Salomon, voyant ce, de l'anel où estoit l'autre pierre, lui commença à toucher et incontinent fut sa bouche desclose. Si en compta Salomon ung, et ainsi fist un deuxieme et troisiesme et finablement par tous, et n'en trouva que ung loyal en son mariage, pourquoy il dist : "I>Inter mille unum reperi/I>". (SIMON DE PHARES, Astrol., c.1494-1498, f° 34 r°). | |
| 58 | D'autre part lui ordonna qu'il eust du tout compté et bien paié l'oste, tant des chevaulz comme de la belle chiere, et que quant seroit paié encores lui donnast X escus pour le faire bien contens (LA SALE, J.S., 1456, 289). | |
| 59 | ...comptez doulcement à tous et si avant comme le vostre peut courrir ne estendre pour paier leurs menus frais (FROISS., Chron. M., XIV, c.1375-1400, 100). | |
| 60 | Messire Jehan de Hollande (...) vouloit que les cappitaines venissent parler et compter au connestable ; et ilz seroient tous satisfait tant que bien leur devroit souffire. (FROISS., Chron. M., XIV, c.1375-1400, 101). | |
| 61 | ...à leur departement on comptoit à eulx, et estoient paiet en deniers comptans (FROISS., Chron. M., XIV, c.1375-1400, 110). | |
| 62 | "Je croy, Saintré, que vous avez a voz receveurs compté." - "Nostre maistre," dist il, "c'est madame ma mere qui y a donques compté, car elle m'a envoié de l'argent pour moy esbanoyer et pour mes necessitez..." (LA SALE, J.S., 1456, 53). | |
| 63 | ...messire Jacques de Lalaing retourna en son hostel, (...). Puis assez tost après que ceux qui avoient la conduite de sa dépense, eurent compté à leur hoste, le maistre d'hostel du prince défendit à l'hoste et à l'hostesse que rien ne fust pris, ni or, ni argent, de ce que léans messire Jacques de Lalaing et ses gens avoient dépendu. Et par tous les lieux où il passa par le royaume de Navarre, il fut desfrayé de tous points. (Faits Lalaing K., c.1470, 110). | |
| 64 | Mais puis que vient a entrer ou debat De ce propos qui entre nous s'embat, Tel compte hault qui depuis en rabat. Vous racontez Les haulx plaisirs, la joye et les bontez Ou jeune cuer est par Amours montez, Mais les douleurs ne les maulx ne comptez Dont tant y a (CHART., D. Fort., 1412-1413, 179). | |
| 65 | D'autres parlons Et se attaindre verité en voulons, Comptons les biens et les maulx ne celons, Ou les dolens pour qui nous nous meslons Sont demenez, Chacez, attains, assailliz, pourmenez, Et longuement travaillez et penez, Plus que le cerf qui des chiens est venez. (CHART., D. Fort., 1412-1413, 181). | |
| 66 | ...s'ilz monstroient semblant de peu tenir compte d'elles, elles monstroient tout apertement de rien y compter (C.N.N., c.1456-1467, 364). | |
| 67 | Et se Dieu n'y pourvoit par quelque bonne voye, Je suis content que plus jour bon ne voye Tant que mort soie, bien contemple ce faict, Et le plaintif qui par de luy c'est faict Et se fera : que je n'ay pas compté Quant il viendra en sa noble conté Et en son bon pays de Vendommoys, Face chault, froit, pluye ou grant vent, du moys Non pas de l'an le dueil ne cessera, En quoy son peuple par cest excés sera. (LA VIGNE, V.N., p.1495, 315). | |
| 68 | ...ilz lui dirent que oudit sachet avoit quarante pieces des choses que ilz lui avoient promises de baillier, pour mettre et faire ès puis et ès fontennes, senz le lui compter ne monstrer pour lors (Reg. crim. Chât., I, 1389-1392, 423). | |
| 69 | ...et hurta à la temple de Doolin tellement que le sang en coula contre val (...) Et quant le roy Dannemont le vit ainsi, il lui commença à dire : "Vieillart, il vous convient maintenant compter, car vous avez trop huy beu, mais il me semble que Bussault vous escrote ["lui enlève la croute, l'écorche"] moult bien." (Doolin de Mayence V, P., a.1500, 118). | |
| 70 | Comptés ensi : il sont vostre, car il ne sont que une puignie de gens ou regart des vostres. A celle fois chi, en averés vous raison (FROISS., Chron. D., p.1400, 707). | |
| 71 | Quant a ce, il le croit qui veult ; Ja n'en fault plus avans parler : On ne les peut qu'oÿr parler, Mais je n'y regarde ne conte. (Myst. Pass. Troyes B., a.1482, 862). | |
| 72 | Se jamais n'avoie l'ottri De vostre amour jour de ma vie, Je n'y compteroie une alie (Mir. parr., 1356, 5). | |
| 73 | Et, se le lou est aveques les cheaus, quant la louve vient et elle porte rien et le lou n'a assez mengé, il oste la proie a elle et a ses cheaus et menjue son saoul premier et puis leisse le remenant, s'il en y a, et, se non, si muerent de fain, s'ilz veulent, quar il n'en conte gueres, mais qu'il ait le ventre plain. (GAST. PHÉBUS, Livre chasse T., 1387-1389, 95). | |
| 74 | Aincq femme aultre chose n'en fit : C'est leur nature, a tout compter, Que de perdre biens et gaster. (GRÉBAN, Pass. J., c.1450, 212). | |
| 75 | Oncques femme aultrement n'en fist, C'est leur nature, a tout compter, Que de perdre biens et gaster. (Myst. Pass. Troyes B., a.1482, 549). | |
| 76 | Tout conté et rabatu je n'ay point intencion d'obeyr a son mandement (LEFÈVRE (R.), Hist. Troyes A., c.1464, 179). | |
| 77 | J'at tousjours le mestier hanté. Aussi, fust d'iver, fust d'esté, J'ay bons champions frequenté, Et gourmetz de fine vinée ; Tant que, rabatu et conté, Quelque chose qu'il m'ait costé, J'ay bien ma face enluminee. (LA VIGNE, Munyer T., 1496, 234). | |
| 78 | Ligurgus avoit ordonnee ceste loy et pluseurs autres qui s'ensievent. Premierement il ordonna que le pueple obeyroit au prince, que le prince seroit ferme en justice et viveroit sobrement, que l'en marchanderoit de denree sans monnoye, que chascun mengeroit en publique, que ung jeune homme n'auroit en ung an que une robe, que l'un ne fust plus comté que l'autre (LEFÈVRE (R.), Hist. Troyes A., c.1464, 277). | |
| 79 | ...au bas d'une cheminée qui est illec près, muça icelli or en un petit pertuiz qu'il y trouva, sanz ce qu'il comptast oncques quele somme d'or ou d'argent il avoit en icelli gueulle. (Reg. crim. Chât., I, 1389-1392, 463). | |
| 80 | "Ma dame," respondy Jason, "vous parlez souverainement. Mais quoy ! vous ne comptez pas que tout noble cuer plus tost doit eslirre la mort que faire contre son honneur. J'ay entrepris ce veu en la presence de tous les nobles de Grece, iray je contre ma parolle..." (LEFÈVRE (R.), Hist. Jason P., c.1460, 196). | |
| 81 | MALCUS. Nous sommes toutes gens d'onneur, De franc couraige comme comptes, N'en doubtez. CASSENDRE. Et donc tu te comptes. Es tu gent d'onneur et de nom, Senglant bedeau ? (GRÉBAN, Pass. J., c.1450, 257). | |
| 82 | Hoste, mes compaingnons sont ung peu endormis. Nous avons compteit prendez a eulx vostre somme ["nous avons prévu que ce seroit eux qui vous paieront"], car ilz veullent encores sojourneir cy pour leur besoing. (JEAN D'OUTREM., Myr. histors G., a.1400, 221). | |
| 83 | Si eut conseil (...) de retourner arrière en Engleterre, et que il comptast Poito à perdu pour celle saison. (FROISS., Chron. R., VIII, c.1375-1400, 95). | |
| 84 | Biau signeur et bonnes gens, je compte Monsigneur pour mort, mais vechi son fil, son hiretier et vostre signeur, qui vous est demorés et qui vous fera encores biaucop de biens. (FROISS., Chron. D., p.1400, 502). | |
| 85 | Ensi se devisoient li Escoçois et comptoient les Englois pour desconfis ; mais li Englois ne l'entendoient pas ensi. (FROISS., Chron. D., p.1400, 774). | |
| 86 | ...telles choses qui du droit de l'office se devroient faire gratuitement, sont comptees en ordures. (JUV. URS., Verba, 1452, 340). | |
| 87 | ...si tres tant sont les angoisseuses peines et dengiers par les grans perilz qui s'en peuent ensuir (...) que ce ne leur [aux loyaux amants] doit point estre compté a pechié mortel. (LA SALE, J.S., 1456, 28). | |
| 88 | Adont il compta sa paine comme perdue (Percef. III, R., t.2, c.1450 [c.1340], 213). | |
| 89 | ...tous sont trahitrez ; sy comme fause monnoye lé conteroie certe, se je les treuve ! (JEAN D'OUTREM., Myr. histors G., a.1400, 110). | |
| 90 | Et ung grant bourgois, qui compte ses deniers par default d'autre besoigne, ou ung riche chanoyne, qui exploicte le plus du temps a menger et a dormir, criera sur nous pourquoy nous ne combatons et que nous ne chaçons les ennemis comme l'en chaceroit les coulons d'une cheneviere ou d'une pesiere, et ainsi que s'il estoit aussi legier a faire comme a le deviser sur le coute, coste le vin. (CHART., Q. inv., 1422, 29). | |
| 91 | Amis, qui pour folz t'es compté Et ton sens fains estre folie... (Mir. parr., 1356, 38). | |
| 92 | Il ne pooient sans lui ne ses païs ; et ou cas que Hainnau, Hollandes et Zellandes leur seroient clos, il se contoient pour perdus. (FROISS., Chron. R., IX, c.1375-1400, 228). | |
| 93 | Ainsi te souviengne tousdis Que des faictz, vouloirs et tous dictz Te fauldra compter a ce jour : Pource n'ayme tant le sejour Du brief temps que dure ce monde Que ne faces ton ame monde. (MESCHIN., Lun. princes M.-G., c.1461-1465, 39). | |
| 94 | "Bonnes gens, retraiiés vous casquns en son hostel, et dedens trois jours je vous appellerai et serai pourveus de vous rendre si bon compte, que vous en serés tout content." Il respondirent de une vois : "Nous ne volons point tant atendre, mes vieng hors de ton hostel compter a nous." (FROISS., Chron. D., p.1400, 638). | |
| 95 | Ha ! felons traistres, vous n'irez pas à temps, car il fault que comptez à moy de ce que m'avez ainsi tollu ma terre et ledoié ma mere (Doolin de Mayence V, P., a.1500, 66). | |
| 96 | ...et avoit le dit Thomas son espée toute nue en sa main, en disant : "Ribaut, il est temps de compter". Et lors le dit Audouart se revyra vers eulx, et quant il les vit ainsi revenir vers lui, il ot moult grant paour (Doc. Poitou G., t.7, 1413, 234). | |
| 97 | Lez roys sont l'instrument de la divine ordonnance ; et se tu veulx par eulx raysonner contre celui qui fist rayson, et causer a la cause de toutes causes, cerche en ton foible papier, et examine le compte de leur office ou est le deffault, et ne quier point la faulte en la parfaicte bonté qui raemple lez autrez deffaulx, ne ne demande compte ou maistre devant qui fault compter, maiz suppose sans doubter que sa science est infallible, sa providence inevitable, et sa voulenté droicturiere. (CHART., L. Esp., c.1429-1430, 35). | |
| 98 | J'acorderay la paix, (...) Et c'ilz [la] refusent je n'y compte neant (Gir. Vienne D.B., c.1350-1400, 171). | |
| 99 | Lez roys sont l'instrument de la divine ordonnance ; et se tu veulx par eulx raysonner contre celui qui fist rayson, et causer a la cause de toutes causes, cerche en ton foible papier, et examine le compte de leur office ou est le deffault, et ne quier point la faulte en la parfaicte bonté qui raemple lez autrez deffaulx, ne ne demande compte ou maistre devant qui fault compter, maiz suppose sans doubter que sa science est infallible, sa providence inevitable, et sa voulenté droicturiere. (CHART., L. Esp., c.1429-1430, 35). | |
|
