Dictionnaire du Moyen Français (1330-1500) - ATILF - CNRS & Université de Lorraine

Commettre qqn ou qqc. qq. part. "Placer, mettre qqn ou qqc. qq. part (au propre ou au fig.)" : ...je le commeit [dit le Saint Esprit de Sathan] en puis d'enfer (HENRI FERR., Modus et Ratio, Songe pest. T., c.1354-1377, 191). La fut le sepulcre signé Par Juïfz au cueur obstiné, Et gardes a l'entour commis (GRÉBAN, Pass. J., c.1450, 368). ...et s'aprouchierent pres du gouffre de Patras, tant que la garde que les Sarrasins avoient commis sur la montaigne les apperceut. (Hist. seign. Gavre, c.1456. In : Chrestom. R., 160).

Commettre qqn / qqc. en (la) garde de qqn / en garde à qqn. "Mettre qqn / qqc. sous la garde de qqn" : Pour c'en ceste mer cy le met Et en ta garde le conmet. (Mir. march. juif, c.1377, 204). Mon ame en ta garde commetz. (GRÉBAN, Pass. J., c.1450, 354). ...deux des chevaliers du Francq Palais ausquelz il avoit commis en garde Pourrus et Cassiel quant ils monterent en mer pour aler en Ynde. (Percef. IV, R., c.1450 [c.1340], 84).

Commettre qqc. sous les pieds de qqn. "Soumettre qqc. à qqn" : Dieu a voulu tout pour l'homme former Et soubz ses piez toutes choses commettre (Cene dieux, c.1492, 111).

Commettre une cause (en justice). "Soumettre une cause à la justice" : Mais quant le prince escoute et respond benignement, il a ja le requerant a moictié sactiffait, et supposé que sa requeste fust ja du tout desraisonnable, sy s'en va il a moittié contens, et lui doulcement remonstrant que sa requeste seroit au prejudice de partie (...) ou que il commettera sa chose en justice (LA SALE, Salade, c.1442-1444, 13). ...mais ce seroit bien fait que le roy vous deffendist que ne sellissiez aucunes lettres pour commettre causes aillieurs que devant les ordinaires (JUV. URS., Nescio, 1445, 540).

B. -

Commettre qqc. avec qqc. "Joindre qqc. à qqc." : [Par le mors de la pomme, Adam] En pechiet dont vient la mort sure, Mort dampnable esperituelle (,) Commist aveuc mort corporelle. (Mors de la pomme, a.1465 [éd. M. Colombo Timelli, Romania t.130, 2012, 55]).

C. -

DR. FÉOD. [Du vassal] Commettre un fief (envers le suzerain). "Conduire un fief à l'encontre des engagements pris, placer le fief dans une situation telle que le suzerain est amené à le saisir" : Et quant ladite conté de Flandres vous appartiendroit, ce que n'est, vous l'auriez commis et confisqué envers nous par les desraisonnables termes qu'avez tenuz. (Lettres Ch. VIII, P., t.1, 1486, 128).

Part. passé [D'un fief] "Saisi par le seigneur faute des devoirs du vassal" : L'en ne puet vendre simplement la chose de fief sanz le consentement du seigneur du fief ; et qui le fait, la chose est commise et acquise au seigneur dudit fief (Cout. bourg. glosé P.M., c.1380-1400, 205). Ledit sire de Greilley mort, le filz du filz aprouva le testament de son grant pere et voult et lui pleut que ledit nepveu dudit seigneur feust hoir en la terre de Bourgoingne, lequel nepveu s'entremist en toute la dite terre comme hoir ; messire disoit que la dite terre lui estoit commise et forfaite, car ledit sires de Greilley, qui tenoit de lui la dite terre en fief, ne povoit mettre la dite terre par testament ne entre les vifs en autre main senz son consentement (Cout. bourg. glosé P.M., c.1380-1400, 212). ...pour les causes dessusdictes Edouard et le prince son filz forfirent toutes les terres qu' ilz avoyent en ce royaulme, et furent commises et confisquees au roy. (JUV. URS., T. crest., c.1446, 131). Pour ceste ingratitude et felonnie commise contre sondit seigneur, furent scelon droit commises, c'est a dire confisquées, et devoient retourner audit roy Phelippe toutes les terres, fiefz et seigneuries que ledit Richard tenoit de lui (Droiz Cour. Fr. H., 1460, 340).

II. -

[Idée de mettre à exécution] Commettre qqc. "Accomplir qqc."

A. -

"Accomplir qqc. (de blâmable), se rendre coupable de qqc." : Trop sui, dame, esbahis de celle Qui assez tost arce doit estre, Conment elle a peu conmettre Tel meffait (Mir. marq. Gaudine, 1350, 157). Item, aucune fois un homme commet et fait adultere tant seulement pour cause et afin de gaaignier et de prendre aucun proffit. (ORESME, E.A., c.1370, 280). ...certain homicide par eulz commis et perpétré (Ch. VI, D., t.1, 1382, 37). Et plus ne scet ne n'est record d'autres larrecins ou mauvaistiez par lui faites et commises, si comme il a affermé par serement. (Reg. crim. Chât., I, 1389-1392, 135). ...[il] cogneut et confessa par serement avoir fait et commis, et aidié à faire et commettre les crimes et larrecins qui ensuient (Reg. crim. Chât., I, 1389-1392, 366). Et dit que ce sont tous les crimes et deliz qu'il a faiz, commis et perpetrez (Reg. crim. Chât., II, 1389-1392, 70). ...oncques jour de sa vie ne fist ou commist aucuns autres larrecins que ceulx cy-dessus desclairés. (Reg. crim. Chât., II, 1389-1392, 136). ...il par long temps a ouvré et gaignié sa vie audit lieu de Villebon, et, par ce, deust avoir adverti le bien et prouffit des gens dudit hostel, et, par ce, a conmis en fait traïson (Reg. crim. Chât., II, 1389-1392, 408). ...je n'ay point fait ma penitence entiere, j'ay parjuré maintes foys et commis pluseurs fraudes - je le sens bien maintenant ! (GERS., Déf., 1400, 228). David commist adultere et homicide (Mirouer pech. B., p.1400, 189). Ne vouldroit pas, par souhaidier, Du monde estre sires et chiefs Et commettre villains pechiez (CHR. PIZ., M.F., II, 1400-1403, 87). Par le pechié que j'ay en vostre corps commis M'est avenus droit cy cest doeul et chest peris ! (Huon Bordeaux B., c.1400-1450, 249). ...qui les choses dessusdictes ont commises et perpétrées (Ch. VI, D., t.1, 1405, 276). ...sur certeinnes fraudes et malices commises par ledit Charles et les siens ou prejudice dudit Brunet (BAYE, II, 1411-1417, 103). ...mieulx vauldroit a une personne s'abandonner a la mort que commettre ung seul peché mortel ? (C.N.N., c.1456-1467, 143). ...il est aujourd'uy largement de prestres et curez qui sont si gentilz compaignons que nulles des folies que font et commettent les gens laiz ne leur sont impossibles (C.N.N., c.1456-1467, 293). ...pesez voz vouloirs desraisonnables et le grand mal que vous voulez commettre a petite occasion. (C.N.N., c.1456-1467, 549). ...si jamais le jour vient ou je doye non seullement commectre desloyauté en nostre mariage (C.N.N., c.1456-1467, 565). Gardés vous de comectre usure (Pass. Auv., 1477, 125). Punit serey Du mal commis (Pass. Auv., 1477, 276). Jamais homme allié en aucune femme par mariage ne puet prendre aultre par mariage, ne il ne fut onques licite. Et se aucun l'a fait, il commet adultere, se n'est par revelation divine et par l'instruit du Saint Esperit. (Sacr. mar., c.1477-1481, 70). LE SERGENT. Pourtant compterez vous a l'oste L'un et l'autre, je le vous jure, Avez vous commis tel injure A la personne d'un sergent, Il vous coustera de l'argent Plus que meshuy vous n'en tenrez, Par le sang bieu, vous en verrez Tout present en prison tous deux. (Sav. serg. D.L., c.1480-1490, 34). Va y tost et luy dis combien De maulx le jour il peult commectre (LA VIGNE, S.M., 1496, 483). Et ont esté es ditz pays faiz et commis, se font encores et commettent chascun jour plusieurs autres grans maulx, abuz, crimes et delitz, en diverses manieres qui seroyent en voye, se l'on les tolleroit et passoit par dissimulation, de tourner à très grant inconvenient et scandale pour toute la chose publique de nostre royaume. (LE CLERC, Interp. Roye, c.1502, 226).

Commettre qqc. à qqn : Et est à noter que le peché par icelluy conte d'Armignac commis à sa seur, laquelle il avoit maintenue contre la loy de Dieu, peust estre cause de son occision. (LE CLERC, Interp. Roye, c.1502, 331).

Commettre qqc. contre qqn : ...en commettant trahyson et infidelité contre son souvrain seigneur et crisme de leze majesté ou premier chief (JUV. URS., T. crest., c.1446, 152). Item le pechié est commis contre cellui qui est infini sans fin. Et pour ce, la paine doibt estre tele (Somme abr., c.1477-1481, 176).

Commettre qqc. en qqn : ...de demander qui il estoit ne pourquoy il commettoit en eulx tel oultraige. (Percef. IV, R., c.1450 [c.1340], 140).

Commettre qqc. sur la personne de : ...pour le murdre qu'il avoit commys sur la personne du comte Estonné (Percef. IV, R., c.1450 [c.1340], 301).

Commettre en la personne de. "Attenter à la personne de" : ...disrent au duc de Bourgogne et aux aultres qu'ils se reculassent ; car ils avoient paour qu'ils ne voulsissent commectre en la personne du Daulphin. (RAOULET, Chron. Ch. VII, V., c.1461-1467, 166).

Empl. pronom. à sens passif : ...lesditz delitz se commectent par les ennemis (JUV. URS., T. rever., 1433, 56). ....car tous crismes, delitz, malefices, tirannies ont esté commises et se commectent de jour en jour (JUV. URS., Loquar, 1440, 398).

B. -

P. ext.

"Accomplir, exécuter qqc., mettre qqc. en oeuvre" : Puisque les Roys sont fais pour gouverner Et les princes pour leurs Roys obeir, Aussi sont fais les ducs pour gens mener Et aux contes commettre leur plaisir (DESCH., Oeuvres Q., t.2, c.1370-1407, 59). JUSTICE. (...) Je vueil bien veoir qui ce fera [qui se portera garant de l'homme], Car assez commect la besongne Qui par autruy euvre et besoingne. (GRÉBAN, Pass. J., c.1450, 44).

Commettre le cas de sa propre main. "Exécuter qqc. (de blâmable) soi-même" : Se je fay faire aulcune poison et Jason en est mis a mort, ceulx qui la poison auront faitte ne s'en pourront taire. Que plus est, Jason se garde soigneusement de ceste chose. O, que de pensees ! Je n'y voy moyen se de ma propre main ne commetz le cas. (LEFÈVRE (R.), Hist. Jason P., c.1460, 131-132).

Part. passé [D'une chose] Estre commis ailleurs. "Être mis en oeuvre ailleurs, être appliqué ailleurs" : ...par dons acquert on amis Et conquert on ses ennemis. Pluiseur signeur l'ont esprouvé Et je l'aroie tost prouvé Par Karle, le roi de Behagne, Qui faire a tous largece essagne Selonc leur pooir et leur mise ; La glose n'est ailleurs commise. (FROISS., Pris. am. F., 1372-1373, 39).

"Susciter, instituer qqc." : ...pourquoy ce tournoy a esté commis et ordonné (Percef. III, R., t.2, c.1450 [c.1340], 52).

"Susciter qqc. (de négatif)" : ...par blandir et par flater Fist tant (...) Qu'entre les barons grant descort Commist par son maulvais rapport (CHR. PIZ., M.F., III, 1400-1403, 268). SATHAM. (...) Je voys a l'empereur commectre En sa teste illusions Affin que a confusions Souyent trestous ses faulx crestïens. (Myst. st Sébast. M., c.1450-1500, 65).

III. -

[Idée de charger qqn de qqc., de désigner qqn pour qqc., de confier qqc. à qqn]

A. -

Commettre à qqn qqc. (ou qqn)./Commettre à qqn (à) + inf./Commettre à qqn que

Commettre à qqn qqc. (ou qqn). "Confier qqc. (ou qqn) à qqn ; charger qqn de qqc. ; imposer, enjoindre qqc. à qqn"

"Confier qqc. (ou qqn) à qqn" : ...a Salomon le commist [le Temple]. (Renart contref. R.L., t.1, 1328-1342, 81). De Dieu te benis et absol Et du pouoir qui m'est conmis. (Mir. parr., 1356, 10). Secondement, se il est certain de l'innocence il ne doit pas le jugement ou la cause commectre a celui qui le condempneroit, car ainsi seroit l'innocent condempné par le fait de cest juge. (ORESME, E.A.C., c.1370, 319). Si veez que c'est bien de commettre a bonnes gens sa delivrance car le bien vault doublement. (GERS., Déf., 1400, 234). Affin qu'encore plus sceusse Son fait mieulx et apperceusse Me volt commettre un sien message (CHR. PIZ., M.F., I, 1400-1403, 33). Nef bien garnie, grande et preste Ymeneüs adonc appreste, A mon patron bien la commet (CHR. PIZ., M.F., I, 1400-1403, 46). Et ce seroit chose tres convenable et pertinent aux causes des cas divers et particuliers, dont la cognoiscence leur est imputée et de droit commise, de quoy ne pevent avoir introduction des loys, se n'est par estranges expositeurs (CHR. PIZ., Faits meurs Ch. V, S., I, 1404, 16). ...Dieu se monstrera a luy et aussy a chascune personne qui veille a garder sa seule brebis qui luy est commise, c'est son ame. (GERS., Noël, p.1404, 297). Et, toutesfoiz que pestillence Prent sa racine, ou sa naissance, De Divin vouloir seulement, Doit un chascun certainement Son ame et corps du tout commettre Dévotement au Roy Célestre Sans delessier remède querre Par les choses qui sont en terre (LA HAYE, P. peste, 1426, 62). SOTTINET. Puis que la chose m'est commise, Vous en admenré pied ou elle (Roy sotz, c.1450-1500, 214). ...et que ilz soient secrez et telz que on leur puist feablement les secretes choses commettre. (FILLASTRE, Traité Conseil H., c.1472-1473, 158). ...c'est a entendre que le Filz par l'auctorité du Pere a auctorité de creer les choses, et que la preposition "in" filio signifie une auctorité donnee et commise par le Pere au Filz. (Somme abr., c.1477-1481, 110). ...nul ne doit commettre son secret a son amy se par avant ne le a tempté et esprouvé. (COLART MANS., Dial. créat. R., 1482, 249). ...[de] humble couraige aussi et devote requeste la commectons à la Vierge glorieuse qui des pecheurs, desquieulx jusques cy le tres miserable avoir esté nous confessons, tousjours est advocate (LE CLERC, Interp. Roye, c.1502, 282).

En partic. "Confier à qqn (une tâche, une mission, une responsabilité, une dignité...) ; charger qqn de qqc." : A tous ceus qui ces presentes lettres verront, Robers de Condeit, commis et deputeis de par le Roy, nostre sire, as choses faire qui s'ensuient, salut. Comme par la vertu dou pooir qui nous est commis, contenant ceste fourme... (Trés. Reth. S.L., t.2, 1331, 11). Qui ses besongnes li conmet, Il les fait a bon chief venir. (Mir. Amis, c.1365, 26). Le Saint Pere doit comettre l'aministracion et le gouvernement, non mie seulement a l'Impereur, mez, generaulment, a tous princes et seigneurs terriens. (Songe verg. S., t.1, 1378, 214). En ly baillant la cocuche : Recevez papal dignité Et en general auctorité Sur tout l'estat de sainte Eglise, Qui de par Dieu vous est commise, Afin que vous edifïez, Plantez, esrachiez, destruiez, Plantez vertus, esrachiez vices, Destruiez erreurs et malices, Edefïez sus la foy temples De sainteté par bons examples Et par saine et vraye doctrine ! (Mart. st Pierre st Paul R., c.1430-1440, 159). ...afin d'avoir congié et licence de ladicte Court de aler ou païs de Flandres pour acomplir certaine charge à lui, comme il disoit, ordenée ou commise par le duc de Bourgongne (FAUQ., III, 1431-1435, 116). ...et ordonna le senat que on feist des nefz pour secourre au païs sur la mer. Laquelle chose fut commise a Diulius, le consulle (LA SALE, Salade, c.1442-1444, 33). TRESORIER. Besoing n'est a aultre permectre Ceste presente dignité, Ains luy debvons tretous commectre, Car il est plain de saincteté. (LA VIGNE, S.M., 1496, 396).

Commettre la parole à qqn. "Donner la parole à qqn" : Et pour ce que troys des susdictes chambrieres, en faisant leurs enquestes pour les pechiez du monde avoient este troublees, elles commistrent la parolle a damoiselle Compassion (MÉZIÈRES, Songe vieil pèl. C., t.1, c.1386-1389, 285).

[Le compl. d'obj. second désigne une faculté humaine] : Et en petiz vers fleurissans, à celle fin que les lisans Puissent avoir quelque plaisance En lisant, pour la consonance Et mesure du plaisant mètre, Et à la fin de mieulx commettre Tel doctrine, subtille et vive, à la vertu mémorative (LA HAYE, P. peste, 1426, 164).

Commettre qqn à qqn. "Attribuer qqn à qqn (son supérieur)" : ...par laquelle guerre le roy avoit commis mondit seigneur à son lieutenant general (ROYE, Chron. scand., I, 1460-1483, 335).

Empl. impers. : Il m'est commis que je demande Vostre avis, Belle, D'une questïon bien nouvelle Dont en ce livre la querele J'ay mise (CHART., L. Dames, 1416, 303).

"Imposer qqc. à qqn ; enjoindre qqc. à qqn"

"Imposer qqc. à qqn"

Commettre une peine / une amende / la mort... à / sur qqn : ...devant le Saint Espirit, lequel fut commis de Dieu le Filz de leur commetre telle paine comme il ont desservi selon le cas (HENRI FERR., Modus et Ratio, Songe pest. T., c.1354-1377, 118). ...ains ont griefment pechié contre le Pere et le Filz et contre moi, pour quoi paine leur sera commise. (HENRI FERR., Modus et Ratio, Songe pest. T., c.1354-1377, 190). Aprés je donne ma sentence de paine sur la Char, car je commeit sur les humains mortalité soudaine (HENRI FERR., Modus et Ratio, Songe pest. T., c.1354-1377, 190).

Rem. V. mort. Doc. 1404 ds GD II, 194c.

"Enjoindre qqc. à qqn"

Empl. impers. : Choses grans misteres portans Habondanment et en grant somme Ay veües en mon pesant somme, Qui ou temps futur adviendront, Que revelees ne seront Par moy a parens në amis Tant qu'il me soit de Dieu commis, Dont ce hault bien m'est procedé. (Myst. Pass. Troyes B., a.1482, 659). [= GRÉBAN, Pass. J., c.1450, 242, v.18194]

Commettre à qqn (à) + inf. "Charger qqn de + inf."

Commettre à qqn à + inf. : ...nous avons commandé et commis de bouche à nostredit cousin à ce faire par li ou par personnes souffisans qu'il y deputera par ses lectres ouvertes. (Titres Bourbon H.-B., t.1, 1339, 384). ...la marquise de la Gaudine, qui par l'accusement de l'oncle de son mari, auquel son mari l'avoit conmise a garder, fu condampnée a ardoir (Mir. marq. Gaudine, 1350, 123). Ses brebis li commist a paistre (LE FÈVRE, Respit Mort H., 1376-1380, 132). Laquelle chose puet estre prouvé par une decretale qui dist que, se un evesque comest a un aultre evesque a ordener certaines persones, certes l'evesque qui comet semble miex doner lez ordres que celluy qui de fait ordene. (Songe verg. S., t.1, 1378, 169). ...tres debonnairement s'arrestoit à oïr leur supplicacions, desquelles passoit charitablement les raisonnables et piteuses ; les plus doubteuses commettoit à visiter à aucun maistre de ses requestes. (CHR. PIZ., Faits meurs Ch. V, S., I, 1404, 44).

Commettre à qqn + inf. : ...et c'elle [la communauté] commectoit ceste chose au Prince faire, par raisonnable mutacion, laquelle elle peult, comme il appert par cestui chapitre et autres desjà, le Prince ne feroit pas ceste chose... (ORESME, Monnoies W., c.1365, LXXII).

Commettre (à qqn) que. "Enjoindre à qqn de" : Si donnons en mandement et commettons, se mestier est, au séneschal d'Anjou et du Maine, ou à son lieutenant que le dit Rasse mette en possession et saisine de la moitié de la terre et appartenances dessu dites (Cartul. Laval B., t.2, 1345, 213). ...vous mandons et le plus expressément que faire le povons commandons en comectant par ces présentes sur la foy et loyaulté que nous devez et sur tout ce que vous povez forfaire envers nous de rechef, que... (Doc. 1415. In : MONSTRELET, Chron. D.-A., t.3 c.1425-1440, 91). ...nous vous mandons et se mestier est commettons que ladicte lettre vous reffaites des propres moz et substance contenus eudit registre sans y adjouster aucune chose, fors ce qui appartient à stille de tabellion (Rouen temps Jeanne d'Arc L., 1434, 278). ...Et leur enjoinct et leur commist Qu'en la vigne se transportassent Et que les fruis luy raportassent. (GRÉBAN, Pass. J., c.1450, 225).

Rem. Doc. 1365 (Bordeaux) ds D. Trotter, Z. rom. Philol. 114, 1998, 62.

B. -

Commettre qqn à / de / en / pour qqc./Commettre qqn (à / de / pour) + inf./Commettre qqn + attr. de l'obj.

Commettre qqn à / de / en / pour qqc.

Commettre qqn à / de / en / pour une fonction, une charge, une tâche... "Désigner qqn à (une fonction, une charge, une tâche...) , préposer qqn à qqc., conférer à qqn la responsabilité de qqc."

Commettre qqn à qqc. : "...Pour quoy avez vous ore dessus moy le feu mis ?" "Pour ce," se dist Ernault, "que jë y suis commis, Vo barbe vous venoit de si jusques au pis..." (Hern. Beaul. D.B., c.1350-1400, 34). En lieu de moy vous fas regent De mon royaume et de la gent ; Et dès maintenant m'en desmet Et en mon lieu vous y conmet, Mon chier fil (Mir. ste Bauth., c.1376, 111). Et nientmeins humblement vous merci Par plus de fois qu'on ne porroit nombrer, Car vous et vos enfans moult esclarci M'avez ces fais que j'ay a ordener, Pour lesquels arriere tous mis Seront autres, puis qu'a ce sui commis, N'a autres fais jamais jour n'entendray, N'onques amans, tant fust bien vos amis, Ne vous servi mieus que vous serviray A mon pooir, tant comme je vivray. (MACH., Prol., c.1377, 5). Sy di que Misericorde piteuse, qui fut comme messagiere et moyenneresse de tout ce mistere, descendy premier en Nostre Dame, et y commist trois pucelles, trois chamberieres ou damoiselles ou chambellaines pour elle servir, qui estoit esleue a royne de tout le monde. (GERS., Annonc., a.1400, 232). Li bons dus de Bourgongne y fu adont commys Et fu fais capitaine de trestout le païs C'on dist de Picardie (...) Se fist sien kievetain d'un cevalier gentis (Geste ducs Bourg. K., c.1410-1419, 303). Ce jour, la Court a commis Jaquot de Marcilly à l'exercice et gouvernement de l'office de garde et concierge de l'Ostel du Roy à Gouvieux (FAUQ., I, 1417-1420, 337). DESGOUTTÉ. Or adieu donc, jusques a demain, Je vendray dire ma sentence Ou si non en mon absence G'y commectray ung lieutenant Qui sera gentil et plaisant Et amoureux (Est., p.1460, 26). ...et, du costé du roy, y fut commis monsr de Saint-Pierre et autres (ROYE, Chron. scand., II, 1460-1483, 66). Quant au regard du luminaire [pour mes obsèques], Guillaume du Ru j'y commectz (VILLON, Test. R.H., 1461-1462, 147). MERCURE. Faisons prestres de guerre s'entremettre, Et gens de guerre aux eglises commettre, Et par maistrisse aux femmes porter brays Si punirons le peché des mauvais (Cene dieux, c.1492, 120). Et, après son procès fait par messire Tristan l'Ermite, acompaigné d'aucuns seigneurs de la court de Parlement et autres notables gens de conseil à ce commis, par ledit messire Tristan fut condempné à estre decapité comme criminel de lese majesté (LE CLERC, Interp. Roye, c.1502, 212).

Commettre qqn à un titre. "Conférer un titre à qqn" : Guillaume, or entendez, amis : La puissance qui m'a commis A estre Charité nommée Fait que par ouevre sui prouvée, Dont on en voit les apparans En tous mes plus prochains parans. (MACH., J. R. Nav., 1349, 219).

Commettre qqn de qqc. : ...il fu moult lié de ce que le roi le vout commetre de une si bonne euvre et si sainte comme estoit ceste (HENRI FERR., Modus et Ratio, Songe pest. T., c.1354-1377, 119). ...car il est constraint lesser aux saiges ce dont il est par droit estably et commis. (LA SALE, Sale D., 1451, 26).

Commettre qqn en qqc. : ...et seroit ung grant abus de commettre une personne en ung office qui ne sauroit qu'il devroit faire. (JUV. URS., Verba, 1452, 337).

Commettre qqn pour qqc. : Lors vindrent les receveurs de toutes ses terres, et entrerent en une chambre. Et la fu Gieffroy et ceulx qu'il avoit commis et ordonnez pour les comptes ouïr, car a lui n'en chaloit que un pou. (ARRAS, c.1392-1393, 295). Il est tout notoire que monsieur le conestable, que Dieu absoille, et monsieur de Dunois estoient chiefz commis et ordonnéz de par le roy pour le fait de l'entreprinse qui fu faite pour ladicte cause (CHASTELL., Chron. IV, D., c.1461-1472, 198). Nous, les planettes erraticques, De par le Soleil commis sommes Pour trouver façons et praticques De intopicquer le plus des hommes. (Cene dieux, c.1492, 129).

Empl. abs. Commettre qqn. "Désigner, déléguer qqn (pour une mission, une charge...)" : Il est vray que Regnaut faisoit garder tousdis Toute nuit anutie et portes et potis, Et les cretiaux ossi (...) Et avoit diseniers chascune nuist commis. (Renaut Mont. B.N. V., c.1350-1400, 221). LE ROY. Damoiselles, je vous conmet Et vous pri, vueilliez regarder A la royne bien garder (Mir. fille roy, c.1379, 12). LA ROYNE. Anne, je vous conmet et vueil Qu'aiez de cest enfant la cure (Mir. fille roy, c.1379, 20). ..celui qui par lui sera commis (Ch. VI, D., t.1, 1385, 64). Item, que le Prevost de Paris commette et ordene XXX ou XL bons sergens et seurs qui se transportent souvent par la ville et es tavernes (BAYE, II, 1411-1417, 153). Si vous supplie que en ce royaulme vueillez commectre telz gouverneurs comme il vous plaira (Jehan de Paris W., 1494-1495, 92).

Commettre qqn en son lieu. "Désigner qqn à sa place" : Et ou cas qu'elle n'y pourroit estre, Vueil que en son lieu puisse commectre Ung ou deux autres a sa plaisance (HAUTEV., Conf. Test. am. tresp. B., c.1441-1447, 65). ...s'il advenoit (...) que ledit entrepreneur fust porté par terre aux armes de pié en combattant, ou qu'il eust blechure ou maladie, ou inconvenient et empeschement raisonnable, en ce cas porroit commettre en son lieu, pour acomplir les armes dessusdictes, autre chevallier ou escuier noble et sans repproche (Doc. 1448. In : ESCOUCHY, Chron. B., t.1, c.1453-1460, 270). ...sans vostre consentement, je ne puis commettre aultre lieutenant general en mon lieu (BUEIL, II, 1461-1466, 8).

Estre commis de qqn : Se elle [une personne] le fait [l'aumône] ou nom de saincte Eglise principalment, ou comme envoyee et comise d'autruy qui est en grace, le bien proffite. (GERS., Déf., 1400, 234).

Commettre qqn que. "Désigner qqn pour" : Sire, sire, chi fui commis De par ma mere et mes serours Que je vous brise les errours De trestoutes merancolies (FROISS., Pris. am. F., 1372-1373, 143).

Commettre qqn (à / de / pour) + inf. "Charger qqn de, préposer qqn à, désigner qqn pour + inf."

Commettre qqn à + inf. : Li juges dist : "Je suis commis A estre bons juges fïables, Aus deus parties amïables Justement a point, sans cliner. Si doy moult bien examiner Trestout le fait par ordenence..." (MACH., J. R. Nav., 1349, 255). Gabriel, vas : je te conmet A ce feu destaindre qu'il font. (Mir. st Panth., 1364, 356). Je ne sçai pas qui le commet A che faire (FROISS., Joli buiss. F., 1373, 131). ...en la presence de Aleaume Cachemarée, clerc criminel de la prevosté de Paris, commis par ledit mons.le prevost à fere enteriner, accomplir et excecuter ledit jugement (Reg. crim. Chât., I, 1389-1392, 514). Et lors vvida chascun la place, fors cilz qui furent commis a garder le champ, et Jossellins. (ARRAS, c.1392-1393, 62). La Court commet maistres Nicole de Biencourt et Bertran Quentin à veoir l'estat du prevost des marchans (BAYE, I, 1400-1410, 201). Gaius l'en amoit a merveilles, dont le commist a estre son prumier escuier (Percef. IV, R., c.1450 [c.1340], 534). ...pour ce estoient ilz commis a ouvrer de leur puissance quant le cas advendroit (LA SALE, Sale D., 1451, 182). Il a desja journees trois Que je partis de mon pays Pour faire ce qu'on m'a commis A faire en ceste cité. (Pass. Auv., 1477, 192). La cruelle et fiere Attropos Commetz a porter mon enseigne, Luy commandant qu'a tous propos Son espee congnoisse enseigne. (Cene dieux, c.1492, 129). PHEBUS. Avec Juno et la Mort vous commetz A tous humains subitement destruire, Et ne cessez vous et elle jamais De les grever et a tous les leur nuyre. (Cene dieux, c.1492, 139). Cestui Marcianus fut commis à nombrer l'exercite du roy Daire (SIMON DE PHARES, Astrol., c.1494-1498, f° 56 r°). Cestui fut commis à fere plusieurs legacions devers les Rommains. (SIMON DE PHARES, Astrol., c.1494-1498, f° 56 v°). Cestui, comme aucuns recitent, fut commis à soy enquerir la verité d'une fontaine estant en Lorraine, juxte Montchastel, que l'on disoit puis n'avoit gueres estre muée en sang (SIMON DE PHARES, Astrol., c.1494-1498, f° 110 v°). ...mais bien luy pouvoit le roy faire ceste grace que de commectre quelcun à le recepvoir (COMM., III, 1495-1498, 22). Je ne sçay pas que nous ferons S'a le garder fusmes commys (LA VIGNE, S.M., 1496, 378).

Commettre qqn de + inf. : PREMIER DYABLE. Ne t'en chaille. Je suis conmis D'aler son frére tout vif querre (Mir. prev., 1352, 247). ...lequel Saint Espirit nous commetons de exprimier et ordenner les paines que... (HENRI FERR., Modus et Ratio, Songe pest. T., c.1354-1377, 93). ...devant le Saint Espirit, lequel fut commis de Dieu le Filz de leur commetre telle paine comme il ont desservi selon le cas (HENRI FERR., Modus et Ratio, Songe pest. T., c.1354-1377, 118). ...disans qu'ilz estoient commiz de par le Roy, se besoin estoit, d'en cognoistre par vertu de certeinnes lettres que se disoient avoir. (BAYE, I, 1400-1410, 17). Si con pour les amendes fust li mien corps commis De venir o Sepulcre... (Huon Bordeaux B., c.1400-1450, 31). ...avons ordonnéz, commis et deputéz, et par ces presentes, ordonnons, commettons et deputons, et leur avons donné, et, par ces presentes, donnons plain povoir (...) de estre et comparoir pour nous et en nostre nom (Trés. Reth. S.L., t.2, 1409, 642). ...ce sont ces trois Que nous commismes l'autre fois D'aller garder ce monument. (GRÉBAN, Pass. J., c.1450, 399). Une partie de ces nobles seigneurs (...) Furent assez ordonnez et commis Par embassades d'aller vers messeigneurs Les gouverneurs (LA VIGNE, V.N., p.1495, 138).

Commettre qqn de + inf. subst. : ...liquels sauvemens se levera ou sera levéz, chascun an, audit jour par le maieur et eschevins de ladicte ville, et en sera bailliés li emolumens à celui qui pour ledit conte sera commis du recevoir (Trés. Reth. S.L., t.2, 1351, 136).

Commettre qqn pour + inf. : ....et comment le jayant avoit la esté commis pour garder le lieu jusques a tant qu'il en seroit gecté par l'oir de l'une des filles (ARRAS, c.1392-1393, 266). ...et le roy pareillement leur donna escout, et commit de sa part pour parlementer avec eux le duc d'Exestre (CHASTELL., Chron. K., t.1, c.1456-1471, 302). ...les députés qui estoient commis de la part du duc de Bourgongne pour traiter les différens qui estoient entre les deux parties (CHASTELL., Chron. K., t.3, c.1456-1471, 319). Le trésorier des guerres commectoit receveurs pour cueillir et lever le paiement des gens de guerre chacun an (BAUDE, Eloge Ch. VII, V., p.1484, 137). Pour ces causes fut advisé par le Conseil de commettre et ordonner aucune personne notable de grant auctorité, seur et feal au roy pour pourveoir aux choses dessusdittez et icellez corriger, reparer, et obvier aux inconveniens qui en pourroient advenir (LE CLERC, Interp. Roye, c.1502, 225).

Commettre qqn + inf. : Ses biens me sont bailliez en garde De par mon seigneur de Duriaume, Qui conmis est en ce royaume Garder et tenir en arroy Jusqu'a tant que viengne le roy (Mir. fille roy, c.1379, 29).

Estre commis : Sy m'en retournay, par le plus droit que je peuz, en mon esquif, faire ma relacion, ainssy que je estoie commis (LA SALE, Salade, c.1442-1444, 153).

Commettre qqn + attr. de l'obj. "Désigner, déléguer qqn comme" : ...et y commist souverain ung chevalier nommé Dapés (Percef. III, R., t.1, c.1450 [c.1340], 291). ...le roy Gadiffer l'avoit de nouvel commis chief et souverain de toute l'armee d'Escoce pour chevauchier a ost a l'encontre des Rommains (Percef. III, R., t.2, c.1450 [c.1340], 55). Lors [le conte] lui envoya le roy d'armes de la Jarretiere comis a juge pour leur parti, et avec lui quatre heraulz pour le veoir et soy offrir a lui et certiffier de par leur roy que tous les XIJ qui venoient faire armes a son pas estoient seigneurs du sang et autres barons denommez et ordonnez de par le roy pour oster la volenté de tant qui y vouloient venir (LA SALE, J.S., 1456, 176). ...et aussi l'a estably, commis et ordonné regent et gouvernant son royaulme (BUEIL, II, 1461-1466, 193).

C. -

Empl. pronom.

Se commettre à qqc. "Se charger de qqc., se consacrer à qqc., s'occuper de qqc." : Or chevauchent li prinche qui servent Jhesucris : Pour aquiter le regne ou Diex fu mors et vis, Souffrirent moult de maus, de fain et de durs lis ; Mais chil qui loyamment s'i estoient commis En ont aquis le regne qui est en Paradis. (Bât. Bouillon C., c.1350, 5). Encores, mon tresredoubté seigneur, pour ce que, dès vostre enffance, preinstes plaisir a lirre toutes vertueuses histoires, sy croy que de bien en mieulx vous y commettez (LA SALE, Salade, c.1442-1444, 22).

Se commettre à / de qqn. "Se consacrer à qqn, s'occuper de qqn" : NOSTRE DAME. Sains esperiz Par sa bonté nous conduira (...) JOSEPH. Dame, vous dites verité : Or vueille de nous deux conmettre (Mir. nat. N.S.J.C., c.1343, 208).

"Entretenir des relations (compromettantes) avec qqn, se confier à qqn" : A Povreté te commetras Et sa pourvoiance attendras En tenant sanz quelque declin Dë Humilite le chemin. (GUILL. DIGULL., Pèler. J.-C. S., 1358, 68).

Se commettre d'accord que. "S'occuper ensemble, en sorte que (ou "se mettre d'accord pour" ?)" : Seigneurs, pour la chose adressier, Nous troys d'accort nous conmettons Qu'a mort l'emperiére mettons Une nuit quant il dormira (Mir. st Lor., 1380, 139).

D. -

Part. passé en empl. adj. ou subst. Commis

Part. passé en empl. adj.

[D'une pers.] Commis à qqc. "Chargé de qqc." : ...Pierre Baillet, commis à la recepte du bailliaige de Charrolois (Comptes Etat bourg. M.F., t.2, 1418, 19). ...Jehan Moreaul, lors comis à la recepte generale de Bourgoingne (Comptes Etat bourg. M.F., t.1, 1419, 96). ...Gabriel de Bernes commis (...) à recevoir de monseigneur le duc de Savoye la somme de... (Lettres Louis XI, C., Pièces justif., t.1, 1446, 208).

[D'une pers.] Commis pour qqn. "Chargé à la place de qqn de remplir une mission, une fonction" : ...nous vous mandons que la somme de mille flourins, (...) vous delivrez à nostre argentier maistre Guillaume Goyet ou autre commis pour lui (Lettres Louis XI, C., t.1, 1439, 3).

Gens commis. "Personnes déléguées" : Et tantost qu'ilz estoient parvenus au palais, illecq estoient gens commis qui les recevoient et les pourveoient de logeis (Percef. IV, R., c.1450 [c.1340], 4).

Part. passé en empl. subst.

"Celui à qui a été confiée une mission ; préposé, mandaté, délégué" v. commis

"Mission, tâche confiée à qqn" : A Guillaume Vincent, premier huissier de la court de Parlement seant a Bourdeaulx, sur le commis a recevoir les exploiz et amendes de la dicte court, la somme de... (Comptes Trésor F., 1477, 153).

DMF 2020 - MAJ 2020

Robert Martin

Fermer la fenêtre