A. - | "Grand récipient de métal (dans lequel on fait chauffer, bouillir)" : Faites lui une espreuve devant la baronnie : Prenez une chaudiere de poix boulye, Meslee avec plomb et chaux qui ne refroide mie, Puis entrera dedens tous nus ([Renaut Mont. B.L. V., c.1350-1400, 42]). Pour chascune galee, 25 tonneaux de bescuit, 6 queues et 72 barils a metre eaue et beverage, 6 henaps pour boire, 8 douzaines d'escuelles pour mangier, 6 cueilliers, 2 trepiers, 2 caudieres grans, 2 pos, 2 paelles, 6 lanternes petites et une grant, 7 galons d'uille, 500 busches de gloe, un mortier, un pesteil, 500 does pour appareiller les plaies des blessiés et 25 livres de chandelle. ([Clos galées Rouen M.-C., t.2, 1355, 144]). Vezla une grande chaudiére : Nous l'asserrons en tel maniére Qu'il ara bon feu tout entour ([Mir. st Panth., 1364, 353]). Item, au Palays, en l'ostel Jehan d'Orléans, un an a ou environ, une chaudiere qui estoit emmy la court de son hostel ([Reg. crim. Chât., I, 1389-1392, 41]). En le cuisine : Primes, une cramaillié (...) Item, II. treppiés (...) Item, II. grils (...) Item, un mortier encassillié (...) Item, II. broques de fer (...) Item, une paele d'airain ronde (...) Item, une caudière viese ([Invent. test. beauv. L., 1397, 50]). ...ly dis messires Ernus d'Awans, canonnes, alat tot publement commandeir à une anchienne meskyne, qui de longtemps l'avoit servit, qu'elle alast metre tantost une chodire d'eawe sor le feu, car ses cuziens ne targeroit nint granment qu'il aroit desconfit son anemis ; sy revenroit sy traveilhiez et sy ensangleteis qu'il ly sieroit gran besoing qu'il fuist aisiez. ([HEMRICOURT, Guerres Awans B., c.1398, 10]). Et vinrent a Oizemont, et trouverent encores grant apparel de chars en hastiers, a moitié quites, la laissiés, et des pastes grant plenté ens es fours, et des chars en caudrons et en caudieres sus le feu, qui n'estoient point quites. ([FROISS., Chron. D., p.1400, 709]). Item, ung pot d'estain a gueulle estroitte (...) Item, ung pot de III. chopines de celle fasson (...) Item, II. saliers (...) Item, II. gardenappes de potin (...) Item, une viese eauguiere (...) Item, une caudière ([Invent. test. beauv. L., 1401, 57]). Il entra pas l'uys de derrière Ou il roba une chauldiere, Une escuelle, ung plat et ung pot. ([Gaud. sot, c.1450, 9]). Là font ouvraige de cuivre, pots, poalles, chaudieres, et aultres ouvraiges, plus que en païs du monde et sont grans mineurs en terre. ([LE BOUVIER, Descript. pays H., p.1451, 109]). En la despence. Deux cens 98 livres d'estain, prisé chacun cent 13 l. Item, une grant chaudière à deux aneaulx. ([Aff. Jacques Coeur M., 1453-1457, 115]). Une foiz il pensoit de les bouter [les objets dérobés] dedans les chaudieres et grands potz de cuyvre qui estoient en la cuisine ([C.N.N., c.1456-1467, 398]). |
| | 1. | "Marmite de l'enfer, où sont torturées les âmes des damnés" : Vierge, que ta grace acquiere, Si que trebuchier Ne me puist en sa chaudiere Sathans n'accrochier. ([MACH., Les lays, 1377, 413]). Treynés moy dedans les caudieres D'enfert, car a vous je me donnes ([Myst. st Sébast. M., c.1450-1500, 299]). Vous boullirés tout au dessus De nostre maistre Lucifer Dedens la chaudiere d'enfer. ([Mart. st Pierre st Paul, fragm. Anholt R., c.1480-1500, 185]). Je suis de tous le plus petit Et ay esté en angleterre Ou j'ay fait fere tant de guerre De tempter et tampester terre Que le tiers de toutes les gens Je les feray venir ceans Et les mettrons en la chaudiere ([OUDIN, St Genis M.S., c.1490, 98]). LUCIFFER. Sortez, sortez, grans deables infernaulx, Laissez en paix chauldieres, fours, fourneaux ([LA VIGNE, S.M., 1496, 218]). Mettez lay avecques Neron La bas dedans la grant chauldiere Et faictes feu de grant maniere A jamais pardurablement. ([Myst. st Laur. S.W., 1499, 277]). |
