| 31 exemples |
| 1 | Car Nature avoit ordené Le lieu et trés bien aourné De mainte diverse couleur, Et toutes coulours de valeur, De ce que puet faire Nature, Dont la champaigne estoit verdure, Et les couleurs abelissans Contre le vert resplendissans. (MACH., D. Aler., a.1349, 386). |
|
| 2 | Mais de Circé l'enchantement Ne de Piquus le hardement Ne de Caneüs le chanter Ne porroient si enchanter Le vent, le froit et les Compagnes Qui sont au bois et aus champagnes, Qu'il vous menassent la seür Sens avoir aucun maleür. (MACH., Voir, 1364, 618). |
|
| 3 | ...on trouva aucuns hameaulx ars et aucunes champaignes de blez, de prez et d'aultres choses (LE BEL, Chron. V.D., t.1, 1352-1358, 62). |
|
| 4 | ...il ne veoient honme ne fenme : tout s'en estoit fui et repus pour la doubtance d'euls. Et trouverent auqunes petites compagnes de bleds et de prees et la se logierent toute li hoos. (FROISS., Chron. D., p.1400, 138). |
|
| 5 | Si se loga toute li hoos celle nuit en une belle compagne de bleds (FROISS., Chron. D., p.1400, 140). |
|
| 6 | ...quant on le chasce et il vient hors dou buisson ou forest ou l'en le chasce pour vuidier le païs, il a doubte d'entreprendre la champaigne ou de lessier sa forteresce (GAST. PHÉBUS, Livre chasse T., 1387-1389, 91). |
|
| 7 | A grant peinne [le renard] veult vuidier un pays ne prendre la champaingne (GAST. PHÉBUS, Livre chasse T., 1387-1389, 99). |
|
| 8 | ...Soit es desers ou es montaignes Ou es villes ou es champaignes (MICHEL, Myst. Pass. J., 1486, 108). |
|
| 9 | Les poetes et aussi les historians dient que le roy Ulixes aprés la destruction de Troye chemina en la mer par XIIII ans et arriva a un port d'une cité de champaigne de Romme que l'en appelle Gayecte (PREMIERFAIT, Cas nobles hommes G., 1409, 214). |
|
| 10 | ...les compaignies dudit conte de Dunois se trouvèrent en la champaigne du Neufbourg (CHART. J., Chron. Ch. VII, V., t.2, c.1437-1464, 137). |
|
| 11 | Et le lundi, penultime jour de decembre, oudit an, le roy, en retournant dudit bas pays de Normendie, vint au Pont Audemer et de là en la champaigne de Neufbourg, et envoya mondit seigneur de Bourbon devant Louviers. (ROYE, Chron. scand., I, 1460-1483, 148). |
|
| 12 | Qant il furent venu sus la campagne ou la bataille avoit esté, li hiraut dou roi d'Engleterre trouverent biaucop des hiraus les signeurs de France qui la estoient venu pour cerchier lors mestres et lors signeurs mors. (FROISS., Chron. D., p.1400, 739). |
|
| 13 | ...si elles fuient le couvert, chiens en assentiront mieulz que si elles fuient la champaigne ou le chemin, pour ce que elles touchent de tout le corps as herbes ou païs fort (GAST. PHÉBUS, Livre chasse T., 1387-1389, 80). |
|
| 14 | Sy ne tarda gairez que toute la champaigne fu couverte de gens a cheval, lesquelx se misrent en arroy l'une partye devant l'autre (Comte Artois S., c.1453-1467, 9). |
|
| 15 | ...sur petite espace l'en ne veoit que destriers et coursiers esfreement saillir et tressaillir par la champaigne, traynans par leurz estriers lez aulcuns leurz maistrez enversés et non ayans puissance de eulx relever. (Fille comte Pontieu B., c.1465-1468, 118). |
|
| 16 | Monter sur ung genet d'Espaigne, Pour loz avoir et bruit conquerre, La combatre Flandre ou Almaigne, Porter l'estandart ou l'enseigne, Souple comme ung bel estourjon, Et bondir en plaine champaigne (COQUILL., Oeuvres F., 1478-p.1494, 251). |
|
| 17 | Et avoit à son col une targe voltie : A le champaigne d'or, qui luist et reflambie, A fleurs de lis d'asur et d'argent (Baud. Sebourc B., t.2, c.1350, 153). |
|
| 18 | Cascuns avoit IJ croix de geules, ce m'est vis : La campaigne d'argent avoit cascuns viestis. (God. Bouillon R., t.2, c.1356, 371). |
|
| 19 | Le banière de Gant y estoit desploïe, À un lion d'argent couronnet par mestrie Sus la noire campaingne (Geste ducs Bourg. K., c.1410-1419, 435). |
|
| 20 | ...ung escu dont la campagne estoit de fin or (Percef. I, T., c.1450 [c.1340], 428). |
|
| 21 | ...en la champaigne asuree avoit une trannine d'argent. (Percef. III, R., t.2, c.1450 [c.1340], 3). |
|
| 22 | Et affermerent avecques ce et jurerent par leur dicte foy et par leurs diz seremenz pardevant nous que il n'estoient ne sont obligiez en aucune chose, par lettres de Champaigne [l. champaigne] ou souz quelconques autre seel autentique que ce soit, envers quelconques personnes que ce soit (Chartes Abb. St-Magl. T.F., t.3, 1344, 127). |
|
| 23 | ...grandes lettres à champaigne d'or (Comptes Lille L., t.1, 1467-1468, 502). |
|
| 24 | Et donc, quant levriers l'auront hasté ou chienz tant chascié qu'il verra qu'il ne pourra demourer en sa meute, lors vuide il le païs et fet sa fuite tout droit de relinq tirant et fuyant, ore les champaignes, ore les landes, ore le pueble, ore les voyes, ore les ruissiaux (GAST. PHÉBUS, Livre chasse T., 1387-1389, 219). |
|
| 25 | ...a propos de ce que vous dittes de femmes expertes en la science de paintrerie, je congnois aujourd'uy une femme que on appelle Anastaise qui tant est experte a faire vigneteures d'enlumineure en livres et champaignes d'istoires qu'il n'est mencion d'ouvrier en la ville de Paris, ou sont les souverains du monde, qui point l'en passe, ne qui aussi doulcement face fleureteure et menu ouvraige qu'elle fait (CHR. PIZ., Cité dames C., c.1404-1407, 759). |
|
| 26 | Encore cil de .III. montaignes Acrut Romme et d'autres champaignes (CHR. PIZ., M.F., III, 1400-1403, 190). |
|
| 27 | Mais bien say qu'en petit de voie En une champaigne arrivasmes (CHR. PIZ., Chem. estude P., 1402-1403, 31). |
|
| 28 | Et ne trouvay depuis Leve jusques cy ung tout seul arbre que tout belle champaigne. (LA BROQUIÈRE, Voy. Outr. S., c.1455-1457, 106). |
|
| 29 | A chief de piece Desir, qui premier estoit, se regarde et vit assez loign d'eulx ung moult hault pin qui estoit au meillieu de celle plaine, ne oncques ne peut appercevoir ville ne chastel a une veue a l'environ, et si estoit la champaigne si grande et si lee comme vous avez ouÿ, ne ne fut pas le pin si pres d'eulx qu'il ne fust nuyt toute obscure avant qu'ilz y peussent venir. (RENÉ D'ANJOU, Cuer am. espris W., 1457, 88). |
|
| 30 | ...Par valees, par mons et par champaigne (LA VIGNE, Ress. chrest. B., 1494, 137). |
|
| 31 | ...car icelui Maquemorre et ses Yrlandois chevauchoient chevaux sans selle, contre val les montaignes, d'aussi grant cours que l'on sauroit fere en plaine champaigne et usoient de dars brullez au bout, de terrible puissance et penetracion (SIMON DE PHARES, Astrol., c.1494-1498, f° 145 r°). |
|
