Dictionnaire du Moyen Français (1330-1500) - ATILF - CNRS & Université de Lorraine

[L'idée est celle du principe créateur, de l'origine première] : Il nest [l. n'est] pas de puissance a entendement humain veoir ou entendre parfaictement ceste saincte et benoiste trinite [l. trinité] tant que on est en ceste mortelle vie, car cest[l. c'est] article ou articles de foy mais de loing et aussi comme en vne vmbre on en peult parler a la semblance deuant dicte ainsy que on congnoist la cause par leffect [l. l'effect]. (CIB., p.1451, 202). La creature raisonnable le dit et afferme, car par l'effect et par ce qui est fait parvient jusques a la congnoissance de la cause, qui est le createur. (Somme abr., c.1477-1481, 101).

[Une des façons de désigner Dieu] La cause des causes : Lez roys sont l'instrument de la divine ordonnance ; et se tu veulx par eulx raysonner contre celui qui fist rayson, et causer a la cause de toutes causes, cerche en ton foible papier, et examine le compte de leur office ou est le deffault (CHART., L. Esp., c.1429-1430, 35). Cause des causes tresovereinne ! Roy eterne ! deité haulteinne ! (Compl. Liège Z.N., p.1468, 104).

"Ce qui fait qu'une chose est condition nécessaire et suffisante ; principe d'une chose (sont distingués quatre genres de causes : la cause matérielle, la cause formelle, la cause efficiente et la cause finale)" : ...en ce livre a IIII causes [cause materiel] cause formal, cause finel et cause efficient (SAINT-GILLE, Comment. A.Y. L., 1362-1365, 362). La cause de mariage est quadruple. La premiere cause, c'est que le consentement des voulentés et des couraiges soient expriméz par les paroles de present. La cause materiele sont les personnes, l'homme et la femme. La cause formele, c'est la benediction de l'anel et aultres misteres. La cause finale est double. (Sacr. mar., c.1477-1481, 44).

Cause materielle. "Ce dont une chose est constituée" : La cause materiel de ce livre et le subgiet du livre est toute une mesme chose (SAINT-GILLE, Comment. A.Y. L., 1362-1365, 362). Et pour ce les hommes coleriques qui ont la partie derniere du cerveau froide et seche legierement deviennent chanus en jeunesse et la cause efficiente est chaleur qui n'est pas trop excedent, la cause materielle, c'est vapeur seche (GORDON, Prat., c.1450-1500, II, 1). Item cause agente et cause materielle n'est pas tout ung : le sperme de l'omme est cause agente, donc il n'est pas matiere de l'embrion (GORDON, Prat., c.1450-1500, VII, 14). La cause materiele [du mariage] sont les personnes, l'homme et la femme. (Sacr. mar., c.1477-1481, 44).

Cause formelle : ...la cause formel n'est autre chose que la maniere de proceder en ce livre (briefve et ensforistique, deviser le livre en traictiez et les traictiez en chapitres et en parties) (SAINT-GILLE, Comment. A.Y. L., 1362-1365, 362). Je respons a tout que la semence de l'omme n'a pas toutes les choses devant dictes seulement, mais aussi l'esperit de chaleur qui est en la semence, car il est en la semence comme cause agente et comme cause formale et ne entre point en la composicion substanciele de l'embrion. (GORDON, Prat., c.1450-1500, VII, 14). La cause formele [du mariage], c'est la benediction de l'anel et aultres misteres. (Sacr. mar., c.1477-1481, 44). Et encores comme ainsi soit que Dieu est cause effective et formele et finale de toutes choses, comme dire de lui on ne puet que comme il est cause faisant que il soit cause faicte, ne en tant qu'il est cause formale qu'il soit cause ou chose formee, par pareille raison on ne puet dire que come il est cause finale qu'il soit finie aiant fin. (Somme abr., c.1477-1481, 132).

Cause efficiente/effective : ...tous les nerfz et membres nervus procedent du cervel si comme de leur cause efficient, si comme il apperra en toutes les anatomies de medecine combien que les philozophes diroient autrement, et que tout despent du cueur en genre de cause efficient (SAINT-GILLE, Comment. A.Y. L., 1362-1365, 362). Et se il [un meisme corps] est meu selon ce que il est receptible de enfermeté, il sera meu a enfermeté. Mais les choses pesantes et les legieres semblent plus avoir en soy meisme principe ou cause efficiente de leurs mouvemens pour ce que leur matiere est tres prochaine de leur substance. (ORESME, C.M., c.1377, 680). Et pour ce les hommes coleriques qui ont la partie derniere du cerveau froide et seche legierement deviennent chanus en jeunesse et la cause efficiente est chaleur qui n'est pas trop excedent, la cause materielle, c'est vapeur seche (GORDON, Prat., c.1450-1500, II, 1). Et par ainsi ce sera proces sans fin et comme ung cercle, qui se retourne en soy mesmes, dont on ne puet scavoir n'apparoir principe ne fin, ou il convient parvenir a une chose qui est cause effective de toutes choses sans avoir estre d'aultrui ou par aultre chose. (Somme abr., c.1477-1481, 101). Et encores comme ainsi soit que Dieu est cause effective et formele et finale de toutes choses, comme dire de lui on ne puet que comme il est cause faisant que il soit cause faicte, ne en tant qu'il est cause formale qu'il soit cause ou chose formee, par pareille raison on ne puet dire que come il est cause finale qu'il soit finie aiant fin. (Somme abr., c.1477-1481, 132).

Cause finale. "Ce en vue de quoi une chose est faite" : ...la cause final [du livre] comme est la fin a quoy tent l'acteur fust double, la cause final de l'oeuvre et la cause final de l'ouvrier (SAINT-GILLE, Comment. A.Y. L., 1362-1365, 362). ...car de l' amour en nous donné gracieusement sans desserte, le Saint Esperit non seulement est cause active et effective, mais aussi exemplaire et finale. L'amour, qui est en nous, est et vient du Saint Esperit activement, pour ce que le Saint Esperit est Dieu. (Somme abr., c.1477-1481, 115). Les ydees des choses et les exemplaires et raisons sont telement en Dieu que ce nom ydee emporte cause active conforme et samblable a l'effect. Mais l'exemplaire emporte cause formele, et raison emporte cause finale. Dieu est principe de toutes choses de qui sont, et est forme exemplaire a la pourtraiture du qui sont, et est la fin auquel sont. (Somme abr., c.1477-1481, 157).

MÉD. SC. "Cause comme agent dans un processus de causalité et de conséquence" : ...cest procés est de la cause a l'effect. (ORESME, E.A.C., c.1370, 109). Toutes ces causes peuvent estre ramenees a deux, c'est assavoir a cause chaude pongnant et mordant ou a trop grant froidure paraliticant (GORDON, Prat., c.1450-1500, VI, 14). Aussi [le chirurgien] ne laisse pas les accidens car iceulx aucunefoys surmontent leurs cause et toute la cure pervertissent. (PANIS, Guidon, 1478, chap. sing.).

[Formulation proverbiale] Si la cause cesse, l'effet est nul : Mais a present, par la bonte [l. bonté] de mon Pere, il est tout autrement, car tout le peuple gallican, l'eglise, les nobles, et toutes les bonnes villes, au jeune Moyse couronne [l. couronné], souverain maistre de la nef francoise, et non autre, en vraye amour et pardurable dilection et reverence naturelle, sont vrais obeissans. Et pour ce a noz propoz, selon le dit du philosophe, cessant la cause, l'effet est nul. (MÉZIÈRES, Songe vieil pèl. C., t.2, c.1386-1389, 397). ...et ainsi se la cause cesse, l'effect cesse (GORDON, Prat., c.1450-1500, VII, 9).

[Autres syntagmes propres à ces domaines spécialisés]

Cause accidentelle : ...la cause [des jours critiques] est double, l'une essentielle et radicalle, c'est le mouvement de nature et de la maladie, l'autre cause est accidentelle, si comme la vertu et influence du corps, c'est le celestiel (SAINT-GILLE, Comment. A.Y. L., 1362-1365, 362).

Cause active/agente/faisante : Je respons a tout que la semence de l'omme n'a pas toutes les choses devant dictes seulement, mais aussi l'esperit de chaleur qui est en la semence, car il est en la semence comme cause agente et comme cause formale et ne entre point en la composicion substanciele de l'embrion. (GORDON, Prat., c.1450-1500, VII, 14). Item cause agente et cause materielle n'est pas tout ung : le sperme de l'omme est cause agente, donc il n'est pas matiere de l'embrion (GORDON, Prat., c.1450-1500, VII, 14). Et a ce confermer dist Saint Bernard : Dieu n'est pas formé, il est forme, non effect formé. Dieu est cause active et faisant, non faicte, ne passive. Dieu n'est pas composé, mais est simple de nature et selon estre. (Somme abr., c.1477-1481, 148). La cause active ou efficiente de predestination est Dieu quant aux effects denotéz et contenus ou nom de predestination. La cause materiele est cellui qui est predestiné et preordonné. Mais il y a maniere ou ordre en predestination, car premierement est donnee la grace et aprez la glore. (Somme abr., c.1477-1481, 166). Mais il est vray que la cause de ceste maladie fust double. C'est asavoir l'une faisante universelle et l'autre patiente ou souffrante particuliere. (PANIS, Guidon, 1478, tr.II, doct.2, chap.5).

Rem. Cause active/agente/faisante semblent synonymes et être proches de cause effective/efficiente.

Cause antecedente : Au commencement se les choses particulieres s'i accordent, faites saignees des II. basiliques pour la cause antecedente et puis des II. sophenes pour la cause conjoincte et que on attraye la matiere vers les parties basses et puis mondifiés la matiere selon l'exigence de l'umeur pechant (GORDON, Prat., c.1450-1500, VII, 8).

Cause conjointe : Au commencement se les choses particulieres s'i accordent, faites saignees des II. basiliques pour la cause antecedente et puis des II. sophenes pour la cause conjoincte et que on attraye la matiere vers les parties basses et puis mondifiés la matiere selon l'exigence de l'umeur pechant (GORDON, Prat., c.1450-1500, VII, 8).

[P. oppos. à cause accidentelle] Cause essentielle : ...la cause [des jours critiques] est double, l'une essentielle et radicalle, c'est le mouvement de nature et de la maladie, l'autre cause est accidentelle, si comme la vertu et influence du corps, c'est le celestiel (SAINT-GILLE, Comment. A.Y. L., 1362-1365, 362).

Cause extrinseque/foraine : La cause de opilacion et duresse d'esplain, de quoy nous entendons plus a parler est extrinseque ou intrinseque (GORDON, Prat., c.1450-1500, VI, 7). ...et par ceste maniere tu viendras a congnoissance des causes foraines (GORDON, Prat., c.1450-1500, II, 10).

Cause generale : La tierce consideracion est que les sains de paradis ont parlé aucunes foys generalment de nostre Dame et des autres en ceste matiere, voulans donner a entendre que sans privilege especial et selon les causes generales, nostre Dame eust eu pechié originel comme les autres (GERS., Concept., 1401, 422).

Cause intrinseque : La cause de opilacion et duresse d'esplain, de quoy nous entendons plus a parler est extrinseque ou intrinseque (GORDON, Prat., c.1450-1500, VI, 7).

[P. oppos. à cause prochaine] Cause lointaine/remote : Huitiesmement tu dois noter que entour de la tierce digestion que est ou foye peut estre cause lontaigne de lepre, mais erreur vertu immutative en chair est cause prochaine (GORDON, Prat., c.1450-1500, I, 21). Item note que humeurs en priapisme remplissent la verge, mais quant elle tent, c'est par ventosité comme par cause moyenne, car tantost vient et tantost va, sicomme dit Galien ou livre De interioribus. Et aussi ce se peut faire par humeur comme par cause remote (GORDON, Prat., c.1450-1500, VII, 2). Cestui voulut bien enquerir les causes loingtaines et prouchaines, lesquelles peut estre n'avoyent encorre esté si vivement perscrutées, et finablement, par longues experiences, congneut reallement les choses de cy bas estre totallement gouvernées par celles d'en hault (SIMON DE PHARES, Astrol., c.1494-1498, f° 13 v°).

Cause moyenne : Item note que humeurs en priapisme remplissent la verge, mais quant elle tent, c'est par ventosité comme par cause moyenne, car tantost vient et tantost va, sicomme dit Galien ou livre De interioribus. Et aussi ce se peut faire par humeur comme par cause remote (GORDON, Prat., c.1450-1500, VII, 2).

Cause naturelle : Je puis, par figure et ymaginacion raisonnablement fondees, dire que dame Nature, laquelle descript le grant Alain (...), se presenta incontinent avec ses chamberieres qui sont les influences et causes naturelles, et se offry a la formacion de ceste dame et de la toute belle amie de Dieu (GERS., Concept., 1401, 391).

[P. oppos. à cause active/efficiente] Cause passive/patiente/souffrante : La quinte [cause peut être] grant réplétion Male o foible complexion, Lesquelles sont causes passives Plus que efficiens ne actives. (LA HAYE, P. peste, 1426, 48). Mais il est vray que la cause de ceste maladie fust double. C'est asavoir l'une faisante universelle et l'autre patiente ou souffrante particuliere. (PANIS, Guidon, 1478, tr.II, doct.2, chap.5).

Cause premiere/primeraine : Tu scez, mon Ame, que tu es faicte d'autruy que de toy. Sy conclus que la fontaine et premiere cause par laquelle tu es faicte est pardurable et immuable, car elle n'est point ne ne pourroit estre faicte par autre cause premeraine et plus parfaicte. Pareillement elle ne pourroit estre destruicte car tout depent d'icelle, et ceste premiere cause par laquelle tu es faicte et creée, je appelle nostre Dieu. (GERS., Trin., 1402, 159). Des causes célestieles et primeraines des pestillences, et, par espécial de la grant pestillence qui ou temps dudit Roy régna partout. (LA HAYE, P. peste, 1426, 23).

Cause privee : ...aulcune douleur vient de cause privee, aulcune de cause lointaigne : cause privee, c'est quant la cause prochaine et antecedente est ou cerveau et qui ne vient pas d'autre part ; cause lointaigne, c'est quant les vapeurs ou les fumées montent en l'estomac ou du foye ou de l'esplain ou de la matrice etc. et ainsi des autres. (GORDON, Prat., c.1450-1500, II, 10).

Cause prochaine : ...aulcune douleur vient de cause privee, aulcune de cause lointaigne : cause privee, c'est quant la cause prochaine et antecedente est ou cerveau et qui ne vient pas d'autre part ; cause lointaigne, c'est quant les vapeurs ou les fumées montent en l'estomac ou du foye ou de l'esplain ou de la matrice etc. et ainsi des autres. (GORDON, Prat., c.1450-1500, II, 10).

[Dans le langage courant]

"Ce qui est à l'origine de qqc., ce qui produit ou occasionne qqc."

La cause de qqc. : Chil Escoçois demorerent plus d'un mois a Londres et ne pooient estre respondu (...). La cause qui metoit detriance ou consel dou roi, je le vous dirai. (FROISS., Chron. D., p.1400, 205). L'occasion ou cause de sa maladie print au disner sur le premier president premier jour de Parlement. (BAYE, I, 1400-1410, 179). Et combien que ces choses soient assez evidentes et cognoistre, si y errent les pluseurs. Car, en racontant les faiz qu'ilz cognoiscent a l'oeil, ilz demeurent en descognoissance de la cause. (CHART., Q. inv., 1422, 4). Qui pourra doncquez reprendre l'ouvrier a qui nul n'aprint oncquez riens ? Ne comment peult homme reprouver le effeict dont il ne peult attaindre la preuve ne la cause ? (CHART., L. Esp., c.1429-1430, 35). La principalle cause des guerres et questions qui sont entre les princes et roix est pour la deffiance qu'ilz ont les ungs entre les aultres. (BUEIL, II, 1461-1466, 257).

Estre cause de qqc.

[D'une pers.] "Être l'origine, l'auteur de qqc. (lorsque la chose est positive ou neutre) ; le fauteur, le responsable (lorsqu'elle est négative)" : Afin que (...) li biau fait d'armes (...) dont li roi sont cause, soient notablement registré (...) je Jehans Froissars, tresoriers et chanonnes de Chimay, me voel ensonniier de metre en prose (FROISS., Chron. D., p.1400, 35). Tu diz que je suis cause de ceste tresmaudite guerre et que je l'ay pourchacee et bastie par impatience de la haulte prosperité de paix. (CHART., Q. inv., 1422, 37). ...et ceulx mesmes qui deussent garder le pouvre peuple sont causes desdictes afflictions, et sont plus cause de la destruction du royaulme que les ennemis. (JUV. URS., T. rever., 1433, 58). Si fuz accusé avec les aultres, mes compaignons, d'avoir esté cause et moyen de la sedicion (C.N.N., c.1456-1467, 575). "Monseigneur, s'il vous plaist, vous me donnerez congié jusques à demain de pratiquer avec vous et monseigneur le Chancelier ces matières ; car je suis si espriz d'amour au Roy et à vous, qui estes cause de mon bien, que meshuy je ne vous sauroye que respondre, tant que mon sang soit rapaisié." (BUEIL, II, 1461-1466, 162). "Monseigneur, s'il vous plaist, vous me donnerez congié jusques à demain de pratiquer avec vous et monseigneur le Chancelier ces matières ; car je suis si espriz d'amour au Roy et à vous, qui estes cause de mon bien, que meshuy je ne vous sauroye que respondre, tant que mon sang soit rapaisié." (BUEIL, II, 1461-1466, 162). ...et pour ce faire seroient regardez tous les moyens et diligences que faire se pourroient pour recouvrer laditte depposition et que ad ce faire seroient contraintz tous ceulx qui avoient esté cause de la recelation d'icelle depposicion. (LE CLERC, Interp. Roye, c.1502, 213).

[D'une chose] : Car estre me peut cest honneur Cause de mon grief dampnement (Mir. ev. arced., c.1341, 106). Tu te plains de moy et cries a Dieu venjance des maulx que tu mesmes t'as pourchacé, mais tu ne te juges pas de ta mesmes coulpe, ainçois faiz la clamour et le bruit des presentes pertes et afflictions sans ramentevoir tes faultes passees qui en sont la cause. (CHART., Q. inv., 1422, 25). ...et predist aussi comme tout l'ost seroit affamé et comme le roy ne parviendroit point son entreprinse et que icelui voyage seroit inutille et cause quasi de la perte de plusieurs grans personnages et de son royaume (SIMON DE PHARES, Astrol., c.1494-1498, f° 144 v°). Et luy sembloit aussi que le duc pourroit prandre quelque asseurence en eulx pour cause dudit advertissement ; ce qu'il fist. Et fut laditte oppinion cause de la redution de laditte ville. (LE CLERC, Interp. Roye, c.1502, 257).

Estre cause de + inf. "Être responsable (de telle action)" : Cause seray et mocion De faire persecucion A mes fréres (Mir. Barl. Josaph., c.1363, 273). ...de fait, si a elle ne tenoit, elle seroit cause d'enrichir et honorer tout son lignage. (C.N.N., c.1456-1467, 155). Et, cedit jour, eschapperent trois prisonniers des prisons de Thiron, dont l'un avoit esté cause avecques Loys Sorbier de bouter les Bretons et autres dedens Pomtoise, et estoit de la compaignie de Joachin Rouault. (ROYE, Chron. scand., I, 1460-1483, 127). ...s'il s'en feust alé, il eust peu estre cause de les faire destrousser ; il eust adverty les ennemiz et dit toute la convine du Jouvencel. (BUEIL, II, 1461-1466, 94). Cermilias, le grant astrologien, lequel, au moyen de sa science, gouverna entierement l'empereur Aurrellien et fut cause seul et principal de fonder, faire et construire la noble cité de Geneve, sur la fin du lac de Losenne (SIMON DE PHARES, Astrol., c.1494-1498, f° 85 v°).

Estre cause que : Pére, qui cause et mouvement Es que nous sommes crestiens... (Mir. st Val., c.1367, 165). ...il estoit cause souvent que on faisoit moins de mal (JUV. URS., Nescio, 1445, 463). ...il ne sceut faire sa visitacion sans le sceu des voisins qui avoient esté cause que la defense avoit esté faicte (C.N.N., c.1456-1467, 441). Car leur nombre n'est point pareil, et si n'en peuent point recouvrer quant ilz veullent et se y peuent perdre ung chef ou ung conducteur, qui est cause bien souvent que le demourant des compaignons et gens de guerre ne demandent que à habandonner les places. (COMM., I, 1489-1491, 150). Aucuns dient qu'il fut aussi cause et donna conseilh que le roy Cambises fist escorcher le faulx juge, sur la peau duquel il fist asseoir son filz en la chaise de justice ad ce qu'il advisast à sentencier droit. (SIMON DE PHARES, Astrol., c.1494-1498, f° 46 r°). ...et fut cause que ceulx de Bruges se vindrent rendre en l'obeïssance du roy. (SIMON DE PHARES, Astrol., c.1494-1498, f° 145 r°). Et fut ledit appointement cause que ledit seigneur de Lescun parvint depuis à estre gouverneur de Guienne (LE CLERC, Interp. Roye, c.1502, 330).

Loc. adv. [Les loc. avec cause expriment plusieurs rapports : la cause essentiellement, mais aussi le moyen, le but]

À/par/pour (la) cause de qqc./qqn

À/par/pour (la) cause de qqc. "Sous l'effet, par l'action, en raison de qqc." : ...ceste fortune perverse (...) Me vient a cause du meffait Que envers mon seigneur ay fait. (Mir. Theod., 1357, 107). ...car nul ne doit improperer ou reprouchier a un homme ce que il est aveugle se il est tel de nature et de nativité ou par cause de maladie ou par une plaie. (ORESME, E.A., c.1370, 200). Et tant qu'à la mise de l'argent je responderay (...) que je l'ay paiet et delivré à ceulx envers qui j'estoie oubligiez par cause de debte. (FROISS., Chron. M., XIV, c.1375-1400, 17). Congnut aussi que pour cause de paroles injurieuses meues par entre sondit maistre et lui (Reg. crim. Chât., I, 1389-1392, 25). ...il fu emprisonné oudit Chastellet, et delivré par les graces de la royne par lui faites à Paris, à cause de son joyeux advenement (Reg. crim. Chât., I, 1389-1392, 37). Encores n'est past chascune humaine creature disposee souffisamment pour veoir icy Dieu en telle maniere : les aucuns pour l'empeschement du corps qui oste l'usaige de raison, soit a cause de aage comme es enfans, soit a cause de maladie (GERS., Trin., 1402, 153). ...pour occasion des plaintes et inconveniens qui estoient advenuz et advenoient chascun jour pour cause de l'insouffisance, ignorance ou negligence de pluiseurs (FAUQ., I, 1417-1420, 201). ...et subleueras ta pensee quant tu congnoistras ce qui a este [l. esté] dit en la seconde partie : quant tu penseras sur la iustice de Dieu quil [l. qu'il] excerce en homme pour la cause de pechie [l. pechié] ; et leueras ta pensee a mediter en humilite [l. humilité] lestat [l. l'estat] de nature humaine qui a este [l. esté] nauree de pechie [l. pechié] (CIB., p.1451, 187). ...lors pour cause d'estat et de la dignité, damp Abbés fut assiz au hault bout de la table (LA SALE, J.S., 1456, 275). La femme, sentent le chareton, a cause du froit et de la petitesse du lit, d'elle s'approucher, tost se vira vers son mary (C.N.N., c.1456-1467, 66). ...après (...) que le chief des ennemis fut prins et mené en la ville prisonnyer, les nouveaulx victoriens firent grant joye et menerent grant feste et triumphe pour cause de ceste destrousse. Car ilz véoient evidamment que Dieu et fortune leur favourisoit (BUEIL, I, 1461-1466, 113). Meliclaus, homme très cler en la science des estoilles, fut en ce temps home moult aprecié par les Lacedemoniens à la cause de ses predicions astrologalles, ès quelles il fut très expert. (SIMON DE PHARES, Astrol., c.1494-1498, f° 27 v°).

[Indique essentiellement l'origine d'un lien de parenté] À/par cause de qqn. "Du fait de qqn" : ...et du consentement de maistre Pierre Michiel, hoir à cause de sa femme de damoiselle Perrenelle de Crepon, jadis mere d'icelle sa femme (BAYE, I, 1400-1410, 9). ...estes vous Carados de Brave, mari a Cleremonde, et qui gardés le païs pour ung chevalier de la Grant Bretaigne qui sires en doibt estre a cause de sa femme ? (Percef. IV, R., c.1450 [c.1340], 413). ...car, autrement, ne l'eust jamais faict, pour la grant amour qu'il portoit à la maison de Lenclastre, dont il estoit prochain parent à cause de sa mère, laquelle estoit fille de Portugal. (COMM., I, 1489-1491, 191). Cestui prenostica la mort de messire Loys, conte de Flandres, d'Artois, de Bourgongne et de Nevers, qui trespassa le penultieme de janvier 1383, duquel fut heritier Philippe, duc de Bourgongne, à cause de sa femme, fille dudit messire Loys. (SIMON DE PHARES, Astrol., c.1494-1498, f° 145 r°). ...cousin du roy a cause de sa mere (LA VIGNE, V.N., p.1495, 261).

En partic. Pour cause de brieveté. "Pour faire bref, par souci de brièveté (dans un texte)" : ...ne fault doubter qu'il n'y eust pluseurs devises qui longues seroient a racompter : si m'en passe pour cause de brefté. (C.N.N., c.1456-1467, 377). ...faire guet et de garder les portes d'icelle et les autres fermer et murer et mettre les chaynes de fer des rues de ladicte ville en estat, pour servir quant mestier en seroit, et plusieurs autres choses, qui longues seroient à escripre, que je passe cy pour cause de briefté. (ROYE, Chron. scand., I, 1460-1483, 41). Des autres doubtes y a assez ; mais pour cause de briefté je les tairay pour le present (BUEIL, I, 1461-1466, 49). ...cestui allegue plusieurs astrologiens que je laisse et pour cause de breveté, pour ce que n'en ay parfecte memoire et que, estant escolier, je ne fiz que passer icelui livre. (SIMON DE PHARES, Astrol., c.1494-1498, f° 23 r°). ...qui ne sont cy nommez pour cause de briefveté. (LA VIGNE, V.N., p.1495, 304).

À/par + adj. poss. + cause. "À cause de, grâce à + pron. pers." : "Je vous requiers, dist le chevallier, que vous allez vostre chemin, car il ne me samble point qu'a vostre cause il me puist advenir aucun bien..." (Percef. III, R., t.1, c.1450 [c.1340], 18). "Sire chevalier, ne creez ces femmes, car sachez que la perte qui vous est advenue des deux escus vous est venue a leur cause..." (Percef. III, R., t.1, c.1450 [c.1340], 309). O vierge Marie ! veillez mon cueur rejoyr, et que par ma cause il n'ayt nul mal (C.N.N., c.1456-1467, 367). ...oyoit ces bons devis qui a sa cause se faisoient. [Enfermé dans un casier le curé entend la discussion qu'il a, bien malgré lui, provoquée entre un homme et son épouse] (C.N.N., c.1456-1467, 445).

À/par/pour ceste/celle cause

"À cause de cela, pour cette raison" : ...je y suis amoureux voirement [dans le Brabant]. Et a ceste cause m'y tire le cueur (C.N.N., c.1456-1467, 175). Ce jour aussi se print le feu à Paris en une maison en Champ Gaillart, dont le roy ot ung peu de paour, et ordonna pour ceste cause que on feist faire des feux par tous les quartiers de Paris et les habitans armez devant iceulx, et que le guet feust renforcié ; ce qui fut fait. (ROYE, Chron. scand., I, 1460-1483, 128). Et ilz respondirent qu'ilz venoient de leur adventure et avoient bien senty qu'il y avoit gens entour la place, et pour ceste cause s'estoient retrais dedans les fossés pour advertir le guet et pour garantir leur forteresse. (BUEIL, I, 1461-1466, 72). A ceste cause il fut envoyay par icelui Xerxes amasser gens et navires, pour venger la honte que les Grecs avoient faicte à son pere (SIMON DE PHARES, Astrol., c.1494-1498, f° 46 v°). Et aussi ne peürent plus tenir ledit duc de Lorreyne, les quatre ans passés, sans luy bailler ladite conté ou le asseürer à certain temps et par escript et tousjours payer les trente six mil livres : en quoy ne se peürent accorder et, à ceste cause, partit très mal content d'eulx de la court. (COMM., III, 1495-1498, 7).

"Dans ce but, à cette fin" : Pour ce, beaux seigneurs, qu'il est de coustume que on declaire au commencement a quelle fin ceste feste fut estoree, l'en ne le peut mieulx donner a entendre que par le lay qui sera chanté devant tous, lequel devise tout le cas, et aussi fut il fait a celle cause. (Percef. III, R., t.1, c.1450 [c.1340], 237). Et, quant (...) ilz [les jeunes nobles] ont esprouvé les durs faiz, la pesanteur et le travail de la guerre et ilz parviennent à avoir charge et gouvernement d'autres, ilz les scevent mieulx entretenir et congnoissent plus parfaitement l'usance de la guerre. A ceste cause avoient tous les parens et amys du Jouvencel mys icellui en la conqueste et exercite des armes pour estre apprentis et lui laissoient avoir plusieurs souffraites comme aux autres. (BUEIL, I, 1461-1466, 59). Le roy d'Angleterre, qui ouyt parler de ceste fille qui estoit tant belle, tant sage et bien moriginee, ce pensa en luy mesmes qu'il seroit bon que la fist demander. A ceste cause envoya en Espaigne une moult belle compaignie de ses barons (Jehan de Paris W., 1494-1495, 18).

[Cause de "en vue de" est le calque de lat. causa + gén.] : Patienche est, cause de honnesteté ou de utilité, voluntaire et longtaine souffranche des choses haultes et difficiles. (DAUDIN, De la erudition H., c.1360-1380, 197).

À cause de + inf. "Pour + inf." : Et ne feray ce [écrire l'histoire] tant à cause de lui donner gloire, ne los en ses mérites, comme je le fais pour nettoyer et deffardeler de toutes charges envieuses (CHASTELL., Chron. K., t.4, c.1456-1471, 9). L'homme puet acceder et approcer a sa femme en quatre causes. Premierement pour cause [...] de rendre le deu, a cause de eviter incontinence. (Sacr. mar., c.1477-1481, 46).

En cause de qqc. "À titre de, en vue de qqc." : Aprez la messe, en cause d'hommaige, les oncles du roy baisierent le roys comme ses tenaulz et fievez et luy firent et jurerent foy et hommaige à tenir à perpetuelité (FROISS., Chron. M., XIV, c.1375-1400, 81).

Loc. conj.

À cause (de ce) que. "Parce que" : Et tant vueil je que vous sachiés que c'est un grant merveille de cest enfant a cause qu'en ceste cité n'a enffant eagié de deux ans qui ait la force qu'il a. (Percef. IV, R., c.1450 [c.1340], 253). ...il n'est roy, royne, duc, seigneur, dame ne damoiselle, jusques aux plus petis, que chascun ne s'esforce a dire bien de vous, a cause que avez esté et que estes humbles et gracieux (LA SALE, J.S., 1456, 75). Sy estoient toutevoies les eaues bien grandes et hors de rive partout, par quoy il y faisoit pénible passer, mais ce fit-il à cause qu'il vouloit fuir peut-estre les honneurs (CHASTELL., Chron. K., t.3, c.1456-1471, 34). Sy prist la charge de cecy Toison-d'or comme j'ay dit et s'en acquitta bien, et le roy aussi, à cause que raison ne lui souffroit pont à y mettre refus, en agréa le faire assez légèrement (CHASTELL., Chron. K., t.3, c.1456-1471, 314). A ces paroles escouta ententivement le seigneur de Montauban, et prist la response devers luy, à cause de ce qu'il sembloit que le respondre luy séoit mieux sur ce point que à l'autre, messire Jehan de Cuy, et dist... (CHASTELL., Chron. K., t.4, c.1456-1471, 29). Sire, on vous doit honneur porter A cause que vous estes prestre (C. Riffl., c.1480-1520, 59).

Pour (la) cause (de ce) que

"Parce que, au motif que" : ...il manda à ce duc d'Irlande que pour la cause de ce qu'il avoit courroucié ses biaux cousins d'Angleterre et brisiet son mariaige (...) que il se partesist de son pays (FROISS., Chron. M., XIV, c.1375-1400, 73). ...doubtoit Abraham (...) que on ne le tuast pour la cause que Sarra sa fame estoyt belle (JUV. URS., T. rever., 1433, 62). ...verité est que je m'arrestay au lieu de Luc, pour ce qu'il estoit du party que je tenoie, et aussi pour cause que j'avoie longuement travaillié et avoie besoing de repos ; par quoy je sejournay là par aucuns temps. (BUEIL, I, 1461-1466, 21). ...auquel lieu il disna pour cause que les Allemans avoient bruslé Pontresme (LA VIGNE, V.N., p.1495, 277). Et, par le conseil dudit patriarche, mondit seigneur de Nemours fist assavoir au roy qu'il envoyast devers luy le mareschal de Cominge et monseigneur du Lau pour l'assurer ; aultrement n'estoit pas deliberé ne conseillé y aller. Et les demandoit ledit seigneur de Nemours pour cause qu'il estoient les plus fort acompaignez pour lors à l'entour du roy, et couchoit ledit du Lau avec le roy. (LE CLERC, Interp. Roye, c.1502, 186).

[+ subj.] "Afin que" : "Madame, dist elle, mon nom ay je celé jusques a maintenant en cestui païs pour cause que acusee ne fusse a aucun sieuvant de Romme ; si vous declaire que je suis nommee Cerses." (Percef. IV, R., c.1450 [c.1340], 330).

B. -

"Ce qui inspire une certaine manière d'agir, mobile d'action, raison, motif"

La cause de qqc. "La raison, le motif de qqc." : A peu de parolles, je ose affermer que tes faiz, que chascun congnoist, me donnent plus cause de defiance vers toy que au prince ne donnent de confiance (CHART., Q. inv., 1422, 39). ...aprenons ne querir pas dehors ce que nous pouons trouuer dedens nous. Tu trouueras en toy matiere et cause dumilite [l. d'umilité] quant tu penseras la fragilite [l. fragilité] de nature humaine. Tu trouueras matiere de magnanimite [l. magnanimité] quant tu penseras la dignite de humaine nature. (CIB., p.1451, 196). Alphasar roy en champ sur sa baniere Ruay [Fortune] jus mort. Cela est ma maniere : Ainsi l'ay fait, ainsi le maintendray, Autre cause ne raison n'en rendray. (VILLON, Poèmes variés R.H., c.1456-1463, 65). ...voulut aller en sa chambre et illec dire les causes de son hastif retour. (C.N.N., c.1456-1467, 443).

La cause pourquoi + prop.. "La raison pour laquelle..." : Je me sui longement tenus a parler des gerres de Bretagne et de mesire Carle de Blois et de la contesse de Montfort. La cause pour quoi je m'en sui sousfers, ç'a esté pour les trieuves qui furent prisses devant la chité de Vennes (FROISS., Chron. D., p.1400, 810). ...il se ne peut plus tenir de demander la cause pour quoy on le servoit plus de pastez d'anguilles que les aultres (C.N.N., c.1456-1467, 82). Janus, va t'en a la cité ; Dy a Pilate de par nous Qu'il envoye par son plaisir La cause pour quoy doit morir Jhesus, et qu'en escript la mecte. (Pass. Auv., 1477, 214).

Empl. abs. : ...chierement je te pry, Ne te plains plus, car cause n'as pourquoy, Puis que je fais ainsi que tenu suy (CH. D'ORLÉANS, Ball. C., c.1415-1457, 88). Mais je voy les crestiens parjures A vostre Jesus faire injures En le maulgreant, despitant. Parquoy, je ne m' y fie pas tant. Je vous dy la cause pour quoy : Car n' y a loyaulté ne foy. (Mir. st Nic. juif, c.1480-1500, 89). LE JUIF. Mathatiel ! MATHATIEL. Vieilles grimaces ! LE JUIF. Il y a bien cause pourquoy : Le crestien jure sur sa foy Qu'oncques je ne luy prestay rien ! (Mir. st Nic. juif, c.1480-1500, 123).

La cause qui meut qqn (à qqc.) (à + inf) : Dame, dist ly roys Elinas, par vostre courtoisie ne vous vueille desplaire se je vous enquier de vostre estre ne de qui vous estes, car la cause qui m'y muet si est telle que je vous diray. (ARRAS, c.1392-1393, 7). ...lequel [Phisias] confessa que il estoit vray, et les causes qui le mouvoient (JUV. URS., T. rever., 1433, 62). ...la cause qui a ce faire le mouvoit estoit affin que madame ne desire pas tant l'assault amoureux (C.N.N., c.1456-1467, 279). ...je vous requier que vous me dictes la cause qui vous meut de moy tenir si grand rigueur quand je vous veil baiser. (C.N.N., c.1456-1467, 317). Pour ce que l'appetit de l'homme est insaciable et quiert tousjours choses nouvelles, pourquoy très souvent il est deceu, et meismement par faulte d'experience, j'ay voullu prendre paine d'escripre et racompter les causes mouvans le Jouvencel, duquel je faiz principalle mention, d'aller à la court pour trouver aucun avantaige (BUEIL, I, 1461-1466, 41). Et autres des chefz de la guerre furent d' oppinion contraire, disans que, se ledit duc mettoit plus grant armée dedans laditte ville, que ce seroit la cause qui plus mouveroit les habitans d'eulx rendre aux François, et qu'il devoit lesser seulement dedans laditte ville la garde qui y estoit. (LE CLERC, Interp. Roye, c.1502, 257).

Cause motive. "Raison qui pousse à agir" : Car en ce se fait une euvre non pas seulement par laquele Dieu veult grace donner, mais aussy il y a cause motive par laquele la personne est excitee a devotion, en ce que l'on a presente la fontaine de toute doulceur et le large donneur de toute grace. (Traité S. Sacr. B., c.1450-1500, 151).

Loc. adv.

À cause/à bonne/juste cause. "Avec raison, à juste titre, à bon droit" : ...a bonne cause perdroit Et corps et biens. (Mir. Oton, c.1370, 338). ...par especial le duc de Bourgoingne y avoit grande affection, et à cause, car le duc de Guerles herioit sa belle ante, la duchesse de Brabant et son pays (FROISS., Chron. M., XIV, c.1375-1400, 230). Quant ce vint au matin, les nouvelles en vindrent en la chité de Clermont en Auvergne, qui gist à une petite lieue de là, comment les Anglois, en la nuit, avoient prins et conquis la bonne ville de Montferrant qui leur est si prochaine et si voisine. Si en furent touttes gens durement esbahis, et à bonne cause, car leurs ennemis estoient trop prez amassez (FROISS., Chron. M., XIV, c.1375-1400, 218). ...Jehan Petit, maistre en theologie (...) disoit de par ledit duc, qui l'a advoué, que à bonne et juste cause avoit fait mourir le duc d'Orleans (BAYE, I, 1400-1410, 222). Se vo conscience est troublée, Rapaisiez vous et congnoissiez Que Jhesus fu crucifiés A juste cause, car il dist Maintes choses contre l'escript De no loy qu'avons de Moyse (MARCADÉ, Myst. Pass. Arras R., a.1440, 225). ...de ce furent effroyez, et a cause, ceulx de l'ost ; ilz se mirent a la fuite pour leurs viez sauver (Comte Artois, c.1453-1467, 45). "...les hommes font la bataille, mais Dieu donne la victoire." Et, pour tant, ung chevalier ou prince ne doit bataille entreprendre, se ce n'est à bon droit et à bonne cause. Et, pour tant, sainct Augustin, ou livre de la Cité de Dieu, en son cinquiesme livre, ou XXIIe chappitre, dit que bataille ne se doit faire, si ce n'est à grant cause et à grant neccessité. (BUEIL, II, 1461-1466, 72).

Sans cause (et sans raison) : "...Occire me vosistez, san cause et san raison..." (Hugues Capet L., c.1358, 72). Lequel roy d'Ausay en a eu tel despit qu'il a deffiee la damoiselle et son pays, et y est entrez a force, et banniere desploiee, faisant guerre de sang et de feu, par son oultraige, sans cause et sans raison, et l'a assegiee, lui et ses gens, en la ville et chastel de Lucembourc (ARRAS, c.1392-1393, 150). Je ne dy pas cecy sans cause ; voise chascun a sa conscience. (GERS., Noël, p.1404, 297). Les faulx menteurs m'ont tout environné, Et les flatteurs m'ont ainsi ordonné Que vous voyés, sans cause et sans raison. (Pouvre peuple H., c.1450-1492, 195). Et sont telz melancolieux souuent degectez de vne meschante tristesse et ont paour sans cause et sont souuent si tristes que se tu leur demandes pour quoy ilz sont tristes et de quoy ilz se deulent, ou de quoy ilz ont paour, ou de quoy ilz ont desplaisance, ilz ne sceuent que respondre (CIB., p.1451, 219). ...le duc de Bourgoigne recommença par sa grande follie à faire la guerre à tort et sans cause aux Suisses, ses bons prochains voysins, qui estoient ceulx dont il povoit avoir grant secours pour les affaires de la guerre... (LE CLERC, Interp. Roye, c.1502, 358).

[Parfois en incise, avec un aspect exclamatif] (Et) pour cause

"Pour des motifs évidents, pour de bonnes raisons" : ...nous vous mandons et pour cause[,] que les journees que (...) le conte de Bloys a par devant vous en parlement[,] vous continués juques au mercredi après les brandons prochain venant. (PHIL. VI VALOIS, Lettres closes C., 1331, 36). ...le doulx amoureux Jhesu Crist ama tressaintement et tendrement s'espouse, la glorieuse vierge Marie ; et pour cause, car elle fu moult semblable espirituelment. (Mir. femme roy Port., c.1342, 150). ...je ne baille à aucuns de messieurs aucun procès à visiter que touche aucun de messeigneurs les ducs de Berry, de Bourgoigne, oncles du Roy, et d'Orleans, frere du Roy nostredit Seigneur, ou Bourbon, oncle dudit Seigneur, sanz en parler à la Court avant et pour cause. (BAYE, I, 1400-1410, 18). ...le trespiteux fut a la fille sa dame, a laquelle il promist tantost retourner : ce qu'il ne fist point et pour cause [Le séducteur s'est enfui, son amie étant enceinte] (C.N.N., c.1456-1467, 68). ...ilz se doubtoient d'estre surprins et ne s'attendoient pas du tout aux parolles du Jouvencel, et pour cause. Car, comme dit Virgille, es vaincus n'a pas grant fiance. (BUEIL, I, 1461-1466, 73). Ha dea, nous le disons pour cause. (Sots Magn., a.1488, 209).

DR. "Formule dont la cour se sert quand elle n'énonce pas les raisons évidentes d'une de ses décisions" : Et ordonne la court que doresnavant l'en ne jouera plus au dit jeu de propoz sinon que Dangier ou Sagrin soient entre deux, et pour cause. (MART. D'AUV., Arrêts Am. R., c.1460-1466, 117). Etau surplus sont compensees les despens d'un costé et d'autre, et pour cause. (MART. D'AUV., Arrêts Am. R., c.1460-1466, 170). ...au regart des fruiz demandés par ledit demandeur, et semblablement des arreraiges demandés par lesdiz defendeurs, et aussi des despens de la cause principalle, ladicte court les a compensez d'un costé et d'autre, et pour cause. (Lettres Louis XI, V., t.7, 1478, 304).

[Après l'énoncé d'un fait] Et bien y a cause. "Il y a de bonnes raisons (à telle chose)" à : De la prise dou pont de Taillebourc furent cil dou castel, Durandons et li autre, tout esbahi et courouchié ; et bien i avoit cause, car il avoient perdu le passage de la rivière. (FROISS., Chron. R., XI, c.1375-1400, 210).

Loc. verb. Avoir cause

Avoir cause de qqc. "Avoir des raisons pour faire qqc." : La veissez une merveilleuse risée (...) mais celuy qui en avoit le mains cause ne s'en pouvoit ravoir. (C.N.N., c.1456-1467, 188). ...mondit seigneur du Maine, en retournant de l'ost desdiz Bourguignons, dist aux portiers de ladicte porte Saint-Anthoine qu'ilz feissent tous bonnes cheres, et que, au plaisir de Dieu, avant qu'il feust huit jours lors à avenir, tous auroient cause de joye et de crier "Noel." (ROYE, Chron. scand., I, 1460-1483, 101).

Avoir cause à qqc. "Avoir des raisons pour prétendre à qqc." : Et là où les proismes de honnouré prince de Guerles vouldront seeller, ceulx qui cause pourroient avoir, par proismeté, au calange de la conté et seignourie de Guerles (...) je m'y assentiray au mariaige. (FROISS., Chron. M., XIV, c.1375-1400, 150). ...mesires Robers d'Artois enortoit le roi d'Engleterre a calengier la couronne de France, et li metoit en l'orelle par ses informations que li roiaulmes de France li estoit devolus par la mort de son chier oncle le roi Carle darrain trespasset, et que Phelippes de Valois qui en tenoit la posession, n'avoit pas juste cause a l'iretage de France (FROISS., Chron. D., p.1400, 235).

Empl. abs. "Avoir des raisons (pour faire qqc.)" : "M'amye, pourquoy faictes vous cecy ? - J'ay bien cause, dit elle..." (C.N.N., c.1456-1467, 71). Il fault, et je n'en doubte, car j'ay cause, que quelque ung se soit de vous accointé qui noz mesnage ait ainsi renforcé. (C.N.N., c.1456-1467, 463). ...et est ce cela dont tant vous dolez ? Et par mon serment, vous avez bien cause (C.N.N., c.1456-1467, 471).

Avoir (bonne) cause à/de + inf. "Avoir de (bonnes) raisons de" : ...Si que ce peuple ait achoison Et nouvelle cause et raison De toy loer et aourer (Mir. st Panth., 1364, 347). ...Ne je ne quier ne n'ay envie De riens qui tant me puisse plaire Con j'ay de trouver de mal faire Aucune cause ou achoison. (Mir. Rob. Dyable, c.1375, 24). ...sy voy bien que vous avez cause et aussi ont touttes gens de vous plaindre. (FROISS., Chron. M., XIV, c.1375-1400, 25). Ne ne creez conseil de homme exillié, ne fuitif de son pays, ou il puist touchier au desir de nuire ceulx qui l'ont exillié, s'il n'a bonne raison, et vous bonne cause de lui aidier, car ce vous pourroit moult empeschier de venir au degré d'onneur. (ARRAS, c.1392-1393, 86). Car il n'est riens, en ce monde, que li Alemant desirent si que d'avoir auqune cause et title de gueriier le roiaume de France pour le grant orguel qui i est abatre, et pour partir a la riçoise. (FROISS., Chron. D., p.1400, 229). ...vous ne autres n'aurez cause de vous douloir de deffault de justice. (Ch. VI, D., t.1, 1411, 342). "...qu'avez vous a plorer maintenant ? - Helas ! sire et j'ay bien cause plus que nul aultre de douloir..." (C.N.N., c.1456-1467, 93). ...le Roy veult soy acquitter envers tous et premièrement à ses subgectz, à ses amiz et aliez, et aprez à ses ennemiz. Et Dieu veult qu'on face raison à chascun. Et, pour ce, ne veult pas le Roy que nul ayt cause de soy plaindre de luy. (BUEIL, II, 1461-1466, 28). Resveille toy, franc cueur joyeux, Tu n'as pas cause de dormir, Car vecy le temps gratieux (Cene dieux, c.1492, 107).

Avoir cause que : Et pour ce semble que j'ay assez cause que on viengne devers moy pour y adviser (JUV. URS., Aud. illos, 1432, 42). J'ay grant cause que tousjours m'en souviengne [des souffrances de l'amoureux]. (CH. D'ORLÉANS, Songe compl. C., 1437, 104). Or s'esbate, de par Dieu, Franc Gontier, Helayne o luy, soubz le bel esglantier ; Se bien leur est, cause n'ay qu'il me poise, Mais quoy que soit du laboureux mestier, Il n'est tresor que de vivre a son aise. (VILLON, Test. R.H., 1461-1462, 118).

II. -

"Intérêts (à défendre) d'une partie devant une juridiction ; ensemble des intérêts ou des droits d'une personne"

A. -

DR.

"Affaire pour laquelle une action est intentée en justice, cause, cas " : ...l'une dez partiez, pour delaïer la cause, si appelle au prelat de celle dyocese, et ja soit ce que ce soit aprés grans cous et missions, l'official du prelat s'efforce d'avoir la cognescence de telle cause, reele ou personnelle (Songe verg. S., t.2, 1378, 171). Et ce fait, la Court a deliberé et conclud de faire en ladicte cause et procès ce qu'il appartendra par raison sans en faire aucun renvoy. (FAUQ., II, 1421-1430, 315). Puis qu'a ma court tu te reclames, J'en suis content et tant t'en dy Que j'en remet la cause aux dames. (CHART., E. Dames, 1425, 370). Item, mon procureur Fournier Aura pour toutes ses corvees - Simple sera de l'espargnier - En ma bourse quatre havees, Car maintes causes m'a saulvees, Justes, ainsi Jhesucrist m'aide ; Comme telles se sont trouvees, Mais bon droit a bon mestier d'aide. (VILLON, Test. R.H., 1461-1462, 89). ...et entre autres privileges leur a esté donné et concedé qu'ilz puissent et leur soit loisible avoir ung juge royal par ressort, qui puisse congnoistre et decider de toutes leurs causes et querelles, tant en demandant que en deffendant, et tant en chief que en membres. Et en usant desdiz previlèges, iceulx supplians ont aucune foiz eu leur juge par ressort en nostre ville de Limoges, le juge du parage illec ordonné, autrefoiz à Chinon, le juge des exemps par ressort (Doc. Poitou G., t.12, 1476, 62). Declarez le moy cy tout hault, Car la cause je vueil entendre. (B. veoir, p.1480, 16). Plaidons en procès ordinaire Et mettons la cause a huyttaine. (P. moyne, a.1500, 49).

Cause civile/criminelle. "Affaire relevant de la juridiction civile ou criminelle" : Donques, a ceulx, seulement, appartient de chose juste et injuste, tant en cause civile conme en cause criminele, juger et determiner. (Songe verg. S., t.1, 1378, 28). Et, toutevoies, lez officiaux dez prelas dient que la cognescence leur appartient dez causes civiles, especiaulment sur lez possessions, et dez interdiz. (Songe verg. S., t.2, 1378, 149). Puiz a esté plaidoiée une cause criminelle du ravissement d'une fille d'Anjou. (BAYE, I, 1400-1410, 344). ...vous devés faire justice et raison tant en causes civiles comme en criminelles (JUV. URS., Aud. illos, 1432, 27).

Cause d'appel. "Affaire jugée en appel" : ...mestre Guillaume Le Preus (...) est adiournez par devant vous en une cause d'appel contre Robert du Palays a lundi prochain ansivant (PHIL. VI VALOIS, Lettres closes C., 1340, 85). ...veu le procès et ce que les parties ont voulu dire en ladicte cause d'appel, ledit Gauvain Trente ne fait à recevoir comme appellant et l'amendera. (FAUQ., I, 1417-1420, 372). ...Phelippe Baussant, escuier, sire d'Escland, heritier pour la moitié de feu maistre Jehan de Roichefort, jadiz conseillier de feurrent messires Phelippe et Jehan, duc de Bourgoingne et leur bailli d'Auxois, et aussi auditeur avec les autres auditeurs des causes d'appeaulx dudit duchié (Comptes Etat bourg. M.F., t.1, 1419, 98). ...nous voulons que icellui procés soit du tout vuidé et jugé avant que icellui seigneur de Boesgues soit receu à poursuir sa dicte cause d'appel (Lettres Louis XI, V., t.2, 1463, 148).

Cause de contrat. "Procès ayant trait aux actes authentiques" : ...les seaulx dont l'on use aux causes du contraz de la court du Bourc Nouvel (Cartul. Laval B., t.3, 1412, 25).

Sceau à causes. "Sceau avec lequel le Garde du sceau scelle les actes juridiques" : ...et prisent de toutes ces convenances lettres seelees dou seel a causes de la ville de Gant. (FROISS., Chron. D., p.1400, 262). En tesmoing desquelles choses (...) avons seellées ces presentes du petit seel aux causes du dit bailliage. (Chron. Mt-St-Mich. L., t.1, Pièces div., 1424, 133).

Rem. Cf. F. Lot, R. Fawtier, Hist. des instit. fr. au Moy. Âge, t.1, 1957, 224

Sans connaissance de cause. "Sans connaître les faits, les circonstances d'une affaire" : En laquelle commocion aucuns prisonniers et autres furent tuez et mis à mort sans autre congnoissance de cause, soubz umbre de ce que on disoit yceulz avoir esté et estre favorisans au conte d'Armignac contre le duc de Bourgoingne (FAUQ., I, 1417-1420, 131). ...mais aujourduy sans congnoissance de cause ung simple juge royal saisira le temporel des personnes ecclesiastiques, et mesmement des evesques. (JUV. URS., Nescio, 1445, 492). Et se ung seigneur souvrain fait violence meismes a son subget sans congnoissance de cause prealablement, il devra estre restitué en sa possession (JUV. URS., T. crest., c.1446, 102).

Avoir bonne/juste cause. "Avoir le droit de son côté ou contre soi, agir à bon droit ou contre le droit" : CHÉRUBIN. Et en ce voudra discerner Mon glaive flamboiant et cler Qui geule devisant est dit Pour juger de tout contredit Pour ceux qui bonne cause aront Faire passer en ciel amont Et les autres hors retrenchier Et en dempnacion chacier. (GUILL. DIGULL., Pèler. âme S., c.1355-1358, 20). ...cest assavoir se avez juste cause et querelle en vostre guerre. (JUV. URS., Verba, 1452, 230). ...il est à croire et est chose vraye que ceulx qui ayment Dieu et ont bonne cause et sont repentans et confès de leurs pechiez, finablement auront victoire de leurs ennemiz (BUEIL, II, 1461-1466, 73).

Avoir mauvaise cause. "Avoir une affaire en justice mal engagée ; avoir le droit contre soi" : Et venoit Jossellin, son pere, devant lui, sur un palefroy griz. Et firent la reverence au roy. Et moult sembloit Jossellins esbahiz ; de quoy pluseurs tenoient qu'il avoit mauvaise cause. (ARRAS, c.1392-1393, 62). Car ceulx qui disoient paravant : "Garganon a droit" disoyent lors qu'il avoit tres mauvaise cause. (Percef. IV, R., c.1450 [c.1340], 1405).

[D'une chose] Fondé en cause. "Légitime" : Ta cause e[s]t piteuse, et non moins fait a plaindre ta personne, mais n'est de sy grant poix ton infortune comme tu cuides ta complainte estre fondee en cause (CHASTELL., Temple Boc. B., 1463-1464, 101).

Defendre/plaider/plaidoyer la cause (de qqn). "Argumenter pour défendre le cas, les intérêts (de qqn), plaider une cause" : Chascun est attrait par sa volupté c'est a dire par son plaisir. J'ay doncques trop dure partie, trop puissant advocat encontre moy, qui a tellement desja plaidoyé sa cause que presques tout le monde le croit. (GERS., Déf., 1400, 222). Ce jour, environ IX heures, vint en la Chambre monseigneur le Chancellier, et en sa presence fu plaidoyée la cause qui s'ensuit (BAYE, I, 1400-1410, 42). Quand le jour fut venu, les parties se presenterent en temps et lieu. Ilz furent huchez a dire et plaidoyer leur cause (C.N.N., c.1456-1467, 499). ...quand vint l'heure de plaider sa cause par ung bon advocat bien informé de ce qu'il devoit dire... (C.N.N., c.1456-1467, 37). ...s'il vous plaist, vous i(l) vendrez, Mon doulx maistre, et me deffendrez Ma cause, car je n'y sçay rien, Et je vous payëray tres bien (Path. D., c.1456-1469, 144). J'ay tel honte de voir leur vie dampnable, Que je renonce a plaider plus leur cause. (Cene dieux, c.1492, 116).

Prov. Jamais homme n'est sage en sa cause. "On défend mal ses propres intérêts" : Et, pour ce, dit-on que jamaiz homme n'est saige en sa cause ; et, pour ceste cause, est-il en justice ordonné qu'on ne plaidoye point pour soy-meismes et fault faire dire son fait par office d'avocat. (BUEIL, II, 1461-1466, 225).

Loc.

Pour fin de cause. "En dernier ressort" : Et s'ilz disent que nous leur faisons tort, Et qu'ilz ayent devant Dieu appellé, Pour fin de cause et pour dernier ressort Encor n'est pas leur filé desmeslé. (Cene dieux, c.1492, 140).

Avoir cause contre qqn. "Avoir un procès contre qqn" : ...plusieurs avoient appellé céans [au Parlement de Paris] et avoient causes d'excès et d'actemptas contre aucuns capitaines (Ch. VI, D., t.1, 1412, 347).

Perdre sa cause. "Perdre son affaire en cours, son procès" : ...et s'il ne se oppose dedans ledit jour, il ne sera plus receu et perdra sa cause. (Vieux cout. Poitou F., c.1451-1454, 92). Mais nonobstant il (...) se plaingnist au duc Baudouyn, lequel lui dist qu'il avoit tort et que, puisque son adverse partie estoit deffendeur, il le devoit oultrer dedans le soleil couchié, ou aultrement il perdoit sa cause. (BUEIL, II, 1461-1466, 111). LE JUGE. Si de vous en brief n'est desdit, Claude, vostre cause perdez. (LA VIGNE, S.M., 1496, 520).

Traire qqn en cause. "Citer qqn en justice" : ...mais ce non obstant, les dis Manin Quatriex, Gautier de Mez et autres ont trait en cause le dit exposant, pour raison de leurs biens et marchandises que ilz dient avoir esté prins en la dicte nef (Doc. Poitou G., t.4, 1372, 145). Par quoy ledit roy Charles, le voulant traire en cause, s'en dolut à son parlement, afin d'en avoir décision du droit et du tort. (CHASTELL., Chron. K., t.4, c.1456-1471, 277). Comme (...) nos bien amez les Maïeur, eschevins, habitans et communauté de nostre ville d'Auxonne oultre Saône eussent esté adjournez et traiz en cause pardevant noz amez et feaulx conseillers les commissaires par nous ordonnez derrenièrement en noz pays de Bourgoingne, Charrollais... (Chartes communes Bourg. G., t.2, 1459, 43).

"Chef d'accusation" : ...Pomponius, qui estoit tribun du poeuple, fist citer en jugement Manlinus Torcatus qu'il heoyt a mort et l'acusa de deux causes. (LA SALE, Sale D., 1451, 151).

B. -

"Intérêts et droits d'une personne"

Avoir cause (de qqn). "Posséder les droits d'une personne (par procuration ou autrement)" : ...avons fait fin compte ou nom et pour les hoirs dudit messire Harnaut et ceulx qui de lui peuvent avoir cause (Titres Bourbon H.-B., t.1, 1365, 518). Et poour ce, sont tenus à païer au roy notre sire ou à ceulx qui ont cause de luy, lez faisances qui ensuivent (HECTOR DE CHARTRES, Cout. R., 1398-1408, 16). ...à cause du retrait d'une rente de cinquante et deux escus d'or et demi et des arrerages d'icelle rente, appartenans audit de Mailli ou autres, dont il se faisoit fort ou se disoit avoir cause (FAUQ., II, 1421-1430, 281).

Ayant cause. "Celui ou celle à qui les droits d'une personne sont transmis" : ...tout ainsi que li dessus dis hiretages siet, s'estend et se comprend, wis et hébreghiez devant et derierre les quatre cors et le molon, et tout quanques il y tient à clau, à queville, à chime et à rachine, pour ent ghoir et possesser par no dessus dit redoubté signeur et les ayans cause de luy (Hist. Lille T., t.2, 1383, 430). Ferrant de Froville, escuïer, seigneur du fieu de Calletot, a en la forest de Brotonne, à cause de sondit fieu et hostel, coustume pour ses pors qui seront pour le gouvernement de sondit hostel, et aussy ses successeurs ou ayans cause dudit fieu de Calletot seullement. (HECTOR DE CHARTRES, Cout. R., 1398-1408, 85). ...et à asseoir à la femme et enfans, ou ayans cause dudit feu J.. Huel, cent libvres tournois de rente annuelle à vie d'iceulx vefve et enfans ou ayans cause et du survivant d'eulx, et leur paier pour une foiz la somme de IJm libvres tournois. (BAYE, II, 1411-1417, 76). ...et aussi, se mondit seigneur de Bourgoingne aloit de vie à trespas avant le Roy, ses heritiers et ayans cause feront au Roy lesdiz hommage, fidelitez et services, ainsi qu' il appartiendra. (LA MARCHE, Mém., I, c.1470, 229). ...led. Oury du Chastellet a baillé et baille, cedde, quicte, octroye et transporte par pur, vray eschange et permutation, sans aucune soulte, aud. Gobert de Bohan, pour luy, ses hoirs, sucesseurs et ayans cause, a tousjours perpetuellement, les choses qui cy après s'ensuivent... (Trés. Reth. L., t.4, 1477, 364). ...maistre Jehan Lesprevier est president, à l'encontre des heritiers de feu Jaques Cueur ou leurs ayans cause (Lettres Ch. VIII, P., t.2, 1488, 36).

(Faire qqc.) en/pour la cause de qqn. "(Faire qqc.) en faveur de qqn" : ...ilz se tindrent ens ou chastel de Brisco, qui est bel et bien fort, et quidoient chilz des loingtains marches, en sus de Galles, que le roy se tenist là pour la cause et faveur du duc d'Irlande (FROISS., Chron. M., XIV, c.1375-1400, 45). ...il luy sambloit que sa guerre estoit finée, et que jamais en la cause du duc de Lancastre tant de bonnes gens d'armes ne d'archiers n'en vuideroient hors d'Angleterre pour faire guerre à Castille (FROISS., Chron. M., XIV, c.1375-1400, 116).

Mettre sa cause sur la pointe de l'espee. "Défendre ses intérêts, sa cause par la force armée" : ...il besongne bien doncques et est excusable que celuy qui se sent le plus grevé en nature et autorité de prince, et à qui il duit rebouter force par force et oppression par puissance, qu'il mette sa cause aussy sur la pointe de l'espee, la où force luy fait foule. (FROISS., Chron. M., XIV, c.1375-1400, 438).

C. -

P. ext.

"Cas (en général), affaire, situation" : "...Cousin, seur tous ceulz du mont Sine Doy ammer se bourgois, la cause le destinne, Car il m'a visité d'ammoureuse doctrine, Si ammoureusement par pensee beninne Que se fusse ses fieux engenrré de s'orinne..." (Renaut Mont. B.N. V., c.1350-1400, 459). Et quant il l'eut aucun pou festoié, il lui demanda dont il venoit la endroit. Atant le chevalier lui racompta la cause, et comment ceulx de la Selve Carbonniere s'estoient rebellés contre lui (Percef. IV, R., c.1450 [c.1340], 303). ...[il] se vint nombrer droit cy entre les malheureux [et reputant] sa cause non moins triste que beaucop d'aultres, remonstrant place luy appartenir au temple et point n'y mettoit doubte. (CHASTELL., Temple Boc. B., 1463-1464, 67).

"Événement (provoqué par une conjonction de planètes)" : Cestui predist l'exil des Romains sur la signifficacion d'une grande conjuction et les grandes causes qui furent en Occident et la cherté des vivres provenant, comme il disoit, de l'infortune de Mercure et de Jupiter (SIMON DE PHARES, Astrol., c.1494-1498, f° 67 v°).

"Occasion de chute, de péché" : Ensi touz jours, Sire, ta grace et ta misericorde a alé devant moy, delivrant me de touz mauls, rompant les laz despachez devant moy, ostant les occasions des causes, car, se tu ne heüsses ce fet, je heüsse fet touz les pechiez du monde (GAST. PHÉBUS, Livre oraisons T., c.1380-1383, 63).

Rem. Dans l'ex. suivant, cause semble signifier "manière d'être", sens non attesté ailleurs : Veez cy la cause des filles d'Alemagne ; si Dieu plaist, bien tost seront ainsi en France ! (C.N.N., c.1456-1467, 472).. Dans l'éd. Vérard on lit guise.

DMF 2020 - Article revu en 2015

Pierre Cromer

Fermer la fenêtre