B. - | [Valeur négative] "Avec ruse, dans l'intention de tromper" : Un autre contë ausi dist D'un riche, qui son sergant mist A question, pour ce qu'avoit Oui que ses biens dissipoit. Le quel sergant, qui se douta, Cauteleusement en ouvra A fin que, se hors mis estoit, Assez ëust de quoi vivroit ([GUILL. DIGULL., Pèler. J.-C. S., 1358, 227]). Et raporta le bachinet du roy qui estoit prisié XX M. frans par les riches pierres qui estoient sus. Et ja avoit-on parlé en l'ostel du roy moult largement sus luy, et avoient dit les aucuns par envie que cauteleusement et fraudeleusement il estoit parti. ([FROISS., Chron. M., XII, c.1375-1400, 170]). Quant il furent venu en Avignon et furent amis que il estoient là trait cauteleusement pour trahir le pappe, si furent pris et envoiiet à Mascons et là decollé. ([FROISS., Chron. R., IX, c.1375-1400, 158]). Et, certes, celle allegacion laquel vous avez amenee si est moult sophistique, et cauteleusement a ce propos l'avés enduite, pour plusieurs raysons. ([Songe verg. S., t.1, 1378, 174]). Mais tant y a qui ont grande mauvaistié et malice pour cauteleusement tapir leurs vices soubz fainte simulacion en ombre et couleur de bien. ([CHR. PIZ., Corps policie L., 1406-1407, 29]). Assez en parlerent les uns et les autres, en especial le roy Oethés. Si vint a lui [Jason] a son retour du temple de Dyane et lui desconseilla l'entrer en l'isle de Colcos, lui affermant qu'il y morroit s'il y entroit et qu'il avoit illec esté envoyé cauteleusement pour le faire perir. ([LEFÈVRE (R.), Hist. Jason P., c.1460, 202]). ...ausquelz commis nous donnons plain povoir par ces mesmes presentes de arrester toutes manières de gens transgresseurs de nosdites ordonnances, prandre et empescher leurs lectres de change et autre lectres quelconques cautheleusement et par fiction faictes touchans fait de change et délivrance d'argent contre nosdites ordonnances et pareillement toutes bulles et procès touchans matières bénéfficiales de nostredit royaume ([Pol. Louis XI, G., Pièces justif., 1462,,, 418]).
|
