B. - | "Religieux de cet ordre, carme" : Dit avec ce que en ycelui temps que elle coucha avec un carme de ladite ville de Rouen, au partir qu'elle fist de sadite chambre, elle mal print une grant nape de table ([Reg. crim. Chât., II, 1389-1392, 435]). Tu n'ez bon fors qu'a estre carmes, Moine recluz ou jacopin. Tu ne vaulx qu'a estre beguin Ou hermite en quelque hermitaige, Car tu es couart d'avantaige ([Gris., 1395, 44]). Ce jour, la Court (...) a delivré aux Carmes de Paris par requeste la somme de CCCC libvres tournois ([BAYE, I, 1400-1410, 136]). À VIII religieux de l'abeye Saint Vaast, IX frères prescheurs, deux frères mineurs, trois carmes et deux religieulx de la Trinité d'Arras qui le jour dudit service dirent les sautiers ([Comptes Lille L., t.1, 1419-1420, 165]). À 4 ordres mendians d'Arras, c'est assavoir les freres prescheurs, freres mineurs, carmes et ceulx de la Trenitté, qui ledit jour furent audit service, à chacun 32 solz, sont 6 livres 8 solz ([Comptes Etat bourg. M.F., t.1, 1420, 477]). Aussi vueil je que tu ayes cure Sur les carmes et augustins, Sur cordeliers et jacopins, Et tous ceulx qu'enseignent la loy. Faiz les errer contre la foy, Tous remplis d'inobediance, Du couvant partir sans licence, Estre appostat et laissier l'ordre : Ainsi ne te pourront estordre. ([Myst. st Adr. P., c.1450-1485, 4]). Item, je laisse aux Mendïans, Aux Filles Dieu et aux Beguines, Savoureux morceaulx et fryans, Chappons, flaons, grasses gelines, Et puis prescher les .XV. signes Et abatre pain a deux mains. Carmes chevauchent noz voisines, Mais cela, ce n'est que du mains. ([VILLON, Lais R.H., c.1456-1457, 26]). Comme il est de coutumes par tous païs que par les villes et villages souvent s'espartent les religieux mendians tant de l'ordre des Jacobins, Cordeliers, Carmes, et Augustins, pour prescher les vices, les vertuz exaulser et loer, advint que, a Lilers, bonne petite ville en la conté d'Artoys, arriva ung carme du couvent d'Arras, par ung dimenche matin, ayant/ intencion d'y prescher ([C.N.N., c.1456-1467, 485]). Carmes n'ont plus de chamberiere Aussi n'ont pas les cordeliers ([Rapp., c.1480, 63]). Johannes Wosfigram, Anglois, fut environ ce temps très erudiq en la science de astrologie et en fist plusieurs beaux et singulliers jugemens, puis se fist carme et mena sainte et bonne vie ([SIMON DE PHARES, Astrol., c.1494-1498, f° 137 r°]). ...et le commun coppa la teste du duc de Sudrien et au conte de Salisbusry et les porterent presenter au roy Henry à Gomsorde, où ilz le trouverent logé aux Carmes et là commanda que on excecutast les prisonniers à seigneur Thomas de Pegeson, son chambellan ([SIMON DE PHARES, Astrol., c.1494-1498, f° 149 v°]). ...les quatre mendiens comme Cordeliers, Jacopins, Carmes et Augustins ([LA VIGNE, V.N., p.1495, 310]). L'ung est moyne, Augustin ou Carme Ou Jacopin, l'autre gendarme. ([P. moyne, a.1500, 46]). |
