| 171 exemples | | 1 | ...prez et bois sont en verdour Et cil oisillon par baudour Chantent et par envoiseüre Chascuns le chant de sa nature (MACH., D. verg., a.1340, 13). | |
| 2 | Par la grant douceur de sa lire Les nimphes des bois le sievoient Et les grans arbres s'enclinoient Pres de lui pour lui escouter. (MACH., C. ami, 1357, 83). | |
| 3 | Et avoit assez prez un pou de bois qui duroit environ demie lieue ; et la s'embuscha et manda en l'ost qu'ilz feussent tous prests comme pour recueillir leurs ennemis. (ARRAS, c.1392-1393, 228). | |
| 4 | Item, peut vendre à son proufit aux potiers de la poterie du dit lieu tant pour aesserie que pour sechier leurs pos et autres ouvrages à leur mestier, des houvres de chesne et d'autre boiz à non vall[o]ir, et auxi leur vendre du plain bois pour aesserie et autre chose necessaire à leur mestier par le martel (HECTOR DE CHARTRES, Cout. R.B., 1398-1402, 63). | |
| 5 | Les religieux, abbé et couvent de Cernay ont acoustumé d'avoir et prendre en ladicte forest boiz pour tout leur ardoir, hesbe[r]gier, maisonner et esdiffier, hors essende (HECTOR DE CHARTRES, Cout. R., 1398-1408, 32). | |
| 6 | ...boiz pour hesbergement par livrée du verdier... (HECTOR DE CHARTRES, Cout. R., 1398-1408, 37). | |
| 7 | ...le bois pour fere escarrie à leurs maisons par livrée... (HECTOR DE CHARTRES, Cout. R., 1398-1408, 39). | |
| 8 | ...le chesne et tout autre boiz necessaire et convenable pour ediffier audit manoir par la livrée du verdier (HECTOR DE CHARTRES, Cout. R., 1398-1408, 48). | |
| 9 | Item, boiz pour reparer et ediffier sondit manoir par livrée du verdier... (HECTOR DE CHARTRES, Cout. R., 1398-1408, 49). | |
| 10 | ...boiz pour l'ediffice, reparation et hesbergage pour son manoir du Parquet (...), pourveu que icelui boiz soit mis en euvre dedens l'an et le jour qui lui aura esté livré. (HECTOR DE CHARTRES, Cout. R., 1398-1408, 54). | |
| 11 | Fay de tel bois que tu as, flesche [I>Cf. faire flèche de tout bois/I>] (MIÉLOT, Prov. U., 1456, 194). | |
| 12 | Si tous ceulx-cy voulois cognoistre, Tu trouverois qu'ont a leur estre Ung signe de boys de follie, Et pour leur saigesse abollie Ont tousjours ceste maintenue. (RIVIÈRE, Nef folz D., 1497, 429). | |
| 13 | ...pour 26 lambourdes dont on se aida à faire le biere et les tourelles d'icelle, 12 deniers pour piece, sont 26 solz ; à lui, pour 8 aisselles de gaugnier dont on se aida à faire les courbes desdictes tourelles, payé pour chacune 3 solz, sont 24 solz ; à lui, pour 73 aisselles de blanc bois dont on se aida à faire le planchier de ladicte chappelle (Comptes Etat bourg. M.F., t.1, 1420, 472). | |
| 14 | Au chief du temps, ou bois parfont S'embati et la, d'aventure, Si com tesmoigne l'escripture, Trouva les .II. serpens ensemble. (CHR. PIZ., M.F., I, 1400-1403, 43). | |
| 15 | Blanc boys bien bon, belles bonnes barrieres (LA VIGNE, V.N., p.1495, 132). | |
| 16 | Dont besoing n'est pour satin ne velours Abuser nul de blanc boys soubz escorce. (LA VIGNE, Ball. Bruyt Commun B., 1509, 176). | |
| 17 | ...usage au boiz mort pour arder pour XII personnes demourant illec, sans païer aucune faisance. (HECTOR DE CHARTRES, Cout. R., 1398-1408, 6). | |
| 18 | Les habitans de Vernon ont droit de prendre en la forest de Vernon, en lieu dit "en Chastellet", bois mort pour ardoir et toutes branches et cimeux depuis que le corps de l'arbre sera osté. (HECTOR DE CHARTRES, Cout. R., 1398-1408, 32-33). | |
| 19 | Comme tousjours ait esté mise différence entre les coustumiers, entendans la signification des parolles, de mort bois à bois mort, en prenant bois mort pour celui qui est sec, soit abatu ou en estant, ou en entendant le mort bois de certain bois vert en estant... (Ordonn. rois Fr. S., t.8, 1402, 529). | |
| 20 | ...que lui et ses hoirs et successeurs ou de luy aians cause, demourans oudit ostel de la Morinière, aient doresnavant à tousjours leur usaige pour leur chauffaige de boys mort et mort boys en ladicte forest de Molière, (...) et qu'ilz en joyssent tout ainsi que font plusieurs autres ayans ledit droit de boys mort et mort boys en icelle forest (Doc. Poitou G., t.11, 1469, 224). | |
| 21 | Item, ont droit de demander en ladicte forest de Lions (...) le vert boiz en gesant et le sec en estant ; boiz pour maisonner et faire ediffice, par livrée du verdier, sans en païer amende (HECTOR DE CHARTRES, Cout. R., 1398-1408, 4). | |
| 22 | Item, pour un faiz de vif bois vert prins hault, deux soulz, et pour un faiz de vif boiz prins bas, XII d., hors deffens. (HECTOR DE CHARTRES, Cout. R., 1398-1408, 57). | |
| 23 | ...IIIcXXIII aisselles tant de chesne comme de bois vert (Comptes Lille L., t.1, 1438-1439, 364). | |
| 24 | Et à ceste cause ne vint point de bois à Paris par la riviere et fut bien chier, comme de sept à huit solz par le moulle ; mais, pour secourir le povre peuple, les gens des villages amenerent en ladicte ville à chevaulx et charrois grant quantité de bois vert. (ROYE, Chron. scand., II, 1460-1483, 105). | |
| 25 | ...les oyseaulx, sans mentir mie, Et les bestes de champs et boiz Si sentent bien aucunes foiz Les grans dangiers (LA HAYE, P. peste, 1426, 57). | |
| 26 | Car si en vert boix virtüeux, Comme je suis, teulx choses font, En boix sec, helas, que faront ? [Réf. à Luc 23, 31] (Pass. Auv., 1477, 191). | |
| 27 | De Jehan Rogier, qui fu pris en menant bois vif du batiz, à I cheval, senz congié, V s. (Comté Champ. Brie L., t.3, 1347-1348, 397). | |
| 28 | Le matin vont trouver leurs lances toutes verdes et miraculeusement feullees et ramees de boys neuf. (BAGNYON, Hist. Charlem. K., c.1465-1470, 187). | |
| 29 | ...de tous hardis compaignons, De jeunes boys (Serm. pou puce K., p.1475, 493). | |
| 30 | Il n'est feu que de jeune bois. (P. moyne, a.1500, 50). | |
| 31 | Item, ont en ladicte forest coustumiere le boiz sec en estant et en gisant, le boiz verssé et le mort boiz, reservé le cherme, lequel ilz dient à eulx appartenir, mes ilz n'en ont point usé et pour ce ne leur est point delivré. (HECTOR DE CHARTRES, Cout. R., 1398-1408, 224). | |
| 32 | Jehan Boudart, escuïer, a coustume prendre es dictes forests de Lions (...) le boys vert en gesant et le seq en estant et en gesant, le mort boys par toute ladicte forest, le boul en hauste fustaie pour hesberger, les fours et branches pour clorre et heberger avenanment (HECTOR DE CHARTRES, Cout. R., 1398-1408, 5). | |
| 33 | ...bosc vert en estant (HECTOR DE CHARTRES, Cout. R., 1398-1408, 101). | |
| 34 | Les habitans de la ville de Lions ont es forests de Lions hors tailles et deffens, le bois seq en estant et en gesant, le vert en gesant se il n'y a caable, le mort bois, hors deffens, es landes (HECTOR DE CHARTRES, Cout. R., 1398-1408, 9). | |
| 35 | Et, s'aucuns voulloient arguer que je vueil faire de vieil bois nouvelle maison, pour ce que de longtemps ceulx qui ont escript les faiz des Rommains, les Cronicques de France et les autres batailles du temps passé, ont mys suffisamment la manière en escript et la façon de soy gouverner à la guerre... (BUEIL, I, 1461-1466, 17). | |
| 36 | Il est aussi moult nécessaire Cele saison mansion faire Loigns des palus, lacz et maroiz, Hors vallées, forestz et boiz (LA HAYE, P. peste, 1426, 77). | |
| 37 | Tout ainsi qu'en toute saison Se fait de vielz boiz noeufve maison, Fait on bien par commun usage De deux vielz culz noeuf mariage. (Devin. R., c.1470, 80). | |
| 38 | Et, pour ce qu'ilz [les boucs sauvages] ne treuvent rien vert en yver, ilz menjuent des pins et sapins et un boys que on apelle boix ["buis" ; I>cf./I> I>C.N.N./I>, 514], qui touz jours est vert (GAST. PHÉBUS, Livre chasse T., 1387-1389, 73). | |
| 39 | Item, ont par coustume toutes les branches que eulx et leurs femmes et leurs vallés (...) pourroient avoir et rompre en ladicte forest, à tirer à un croc si lonc et si hault comme il pourroient attaindre en tous bois, hors essart, et pevent coupper et prendre gaulles à lier et athacer à leurs crocz ainsi que il a été acoustumé, et semblablement hars de coustume pour lier et estrainde tout ce qui leur plaira en ladicte forest prins en coustume, hors quesne. (HECTOR DE CHARTRES, Cout. R., 1398-1408, 247). | |
| 40 | ...comme appert assez par plusieurs tables qu'il en composa pour adressier les navigans qui aloient querir les cedres et autres bois precieux pour le Temple (SIMON DE PHARES, Astrol., c.1494-1498, f° 33 v°). | |
| 41 | ...20 toises de boys bastard pour emploier à faire 14 pieux servans à la chaussée (...) ; item, deux poultrelles chacune de 5 toises de long et unze poultres de fourniture servans à faire les chappeaulx pour asseoir sur lesdits pieux (...) ; item, deux chevrons de 4 toises de long lesquelz ont servy à faire les coullieres à batre lesdits pieux (Comptes Paris M., t.2, 1488-1489, 488). | |
| 42 | Item, doivent avoir le mort boiz en essart, sans amende, tel boiz qui est dit mort boiz en la chartre aux Normans. (HECTOR DE CHARTRES, Cout. R., 1398-1408, 63). | |
| 43 | ...et se aucun chesne apert sec par le coupel au dessus du maistre fourq et qu'il doie estre nommé estoc, ilz le pevent prendre par païant III s. p. d'amende, la souche pour VII s., et avoir tout mort boys vert et sec pour leur usage sans amende. (HECTOR DE CHARTRES, Cout. R., 1398-1408, 222). | |
| 44 | Comme tousjours ait esté mise différence entre les coustumiers, entendans la signification des parolles, de mort bois à bois mort, en prenant bois mort pour celui qui est sec, soit abatu ou en estant, ou en entendant le mort bois de certain bois vert en estant, affin que plus n'en soit débatu, l'en déclaire que ainsi doit-il estre entendu ce que dit est, et le mort bois tel et non aultre comme il est dit et déclairé en la Charte des Normans qui en fut faicte par le Roy Loys, l'an mil trois cens et treze, l'interprétation et nomination dudict mort bois, et aussi sera interprété et prins ès cas qui s'en offrent et offreront (Ordonn. rois Fr. S., t.8, 1402, 529). | |
| 45 | ...que lui et ses hoirs et successeurs ou de luy aians cause, demourans oudit ostel de la Morinière, aient doresnavant à tousjours leur usaige pour leur chauffaige de boys mort et mort boys en ladicte forest de Molière, (...) et qu'ilz en joyssent tout ainsi que font plusieurs autres ayans ledit droit de boys mort et mort boys en icelle forest (Doc. Poitou G., t.11, 1469, 224). | |
| 46 | Item, [les coutumiers de la forêt de Roumare] ont le tremble hors trembloie, le carme semblablement, et tout autre mort boiz semblablement, mais que l'en n'en voie sept d'une veue, hors deffens (HECTOR DE CHARTRES, Cout. R., 1398-1408, 69). | |
| 47 | ...les princes (...) manderent a l'arrieregarde qui [l. que] quant ilz les verroient assembler, que hastivement s'approuchassent pour ferir du costé, car en ce grant plain n'avoit bois ne valees ou gens se peussent embuchier (LA SALE, J.S., 1456, 220). | |
| 48 | ...lequel essart est entendu quant il y a cinq chouques de mort boiz d'une veue, comme boul, tremble, fresne et hérable, et autre boiz qui est tenu mort boiz en ladicte forest, entre deux taux, c'est assavoir entre Pasques et saint Michiel. (HECTOR DE CHARTRES, Cout. R., 1398-1408, 76). | |
| 49 | Item, se yceulx bourgoiz amenent ou font amener bois à somme de ladicte forest et leurs crocs de somme rompent ou despiesent, eulx em pevent faire de bois de coustume en ladicte forest sans païer amende, autant comme eulx en aront despiecé. (HECTOR DE CHARTRES, Cout. R., 1398-1408, 249). | |
| 50 | ...il le fourrier doit livrer les linceux et estrain pour les litz et pour paillaces de l'hostel du prince ; et livre bois de livrée et bois de despence, et soubz luy se fait une très grande despence. (LA MARCHE, Mém., IV, Pièces annexées, 1474,,, 79). | |
| 51 | ...vif bois quant ilz en auront necessité par livrée, pour leurs moulin et maison fere, et pour leurs autres necessités, et un fou à leur ellection à Noël. Et pour ce, sont tenus prier Dieu pour leurs fondeurs. (HECTOR DE CHARTRES, Cout. R., 1398-1408, 5). | |
| 52 | Item, pour un faiz de vif bois vert prins hault, deux soulz, et pour un faiz de vif boiz prins bas, XII d., hors deffens. (HECTOR DE CHARTRES, Cout. R., 1398-1408, 57). | |
| 53 | Item, ont acoustumé avoir la pierre, la terre, la mousse, la coudre, le genest, le genievre, le saux, le marsaux, la noire espine, et tout le boys puant, sans amende. (HECTOR DE CHARTRES, Cout. R., 1398-1408, 251). | |
| 54 | Et de fait la cuida prendre pour la faire mourir villainement, mais elle serra les portes du chasteau ou elle se tenoit a l'encontre du dit seigneur de Rochefort, quy se cuida derver quant on luy fist visage de bos, qu'il convenoit qu'il se retournast sans rien faire de sa mauvaise volenté. (Jehan d'Avennes F., c.1465-1468, 121). | |
| 55 | Iceulx Bourgoignons (...) se tirèrent en la cité, en laquelle cuidèrent entrer sans cop ferir (...). Mais, quand vient aux lanches bassier, ilz trouvèrent face de boix (MOLINET, Chron. D.J., t.2, 1474-1506, 343). | |
| 56 | Cousin, vous estes mau menés, On vous fait visaige de bos. (MOLINET, Myst. st Quentin C., c.1482, 20). | |
| 57 | Car ce ne vient que de Fortune Qui flevement sa gent fortune, Et tout aussi comme la pluie Qui tost vient et qui tost anuie. S'en diray un petit argu D'un po d'aucun bos bien agu Dedens mole terre fichiez : Il seroit plus tost arrachiez C'uns qui seroit a grant effort Fichiez en un lieu dur et fort. (MACH., D. Aler., a.1349, 300). | |
| 58 | ...veez cy nostre homme et sa femme qui se boutent ou boys chantans, jouans, et devisans (C.N.N., c.1456-1467, 89). | |
| 59 | ...le deable (...) par la passion que l'omme souffrit ou bois fut vaincus de l'omme (CRAP., Cur Deus, De arrha B.H., c.1450-1460, 168). | |
| 60 | ...tu voiz bien ung petit festu en mes yeulx et tu ne consideres point un grant boiz [trabs] qui est dedens tes yeulx (COLART MANS., Dial. créat. R., 1482, 120). | |
| 61 | ...ledit suppliant, et pour obvier à la fureur dudit deffunct et à ce qu'il ne le meurtrist, bleçast ou occist de sadicte coyngnée, se tira arrière de lui en tournant le bois de sa javeline, pour en vouloir frapper ledit deffunct (Doc. Poitou G., t.12, 1477, 152). | |
| 62 | Pour ce qu'on joute a la quintaine (...) "baille lui bois" (CH. D'ORLÉANS, Rond. C., 1443-1460, 335). | |
| 63 | Tel souloit porter hault le boys Qui est au bas des quatre piés. (ALECIS, Faintes monde P.P., c.1460, 116). | |
| 64 | Prenons courage ! Hault le boys, Encore un coup ! (Troys Gal. P., c.1445, 16). | |
| 65 | Or sus ! gens d'armes, hault le boys ! (Myst. Viel test. R., t.4, c.1450, 170). | |
| 66 | Je te vueil servir aultrement Sans y mettre compte ne taille. Contre toy ay juré bataille ; Deffent toy, tu es assailly. Hault le boys ! Ai-ge point failly ? (Myst. st Laur. S.W., 1499, 224). | |
| 67 | ...pour hault bois Ne telz habois Je ne m'effritte. (ALECIS, Blas. faulses am. P.P., a.1486, 205). | |
| 68 | Et lequel Raguier, acompaigné comme dit est, avoit autour de lui quatre pietons vestus de livrée et tousjours estans près de lui et du coursier sur quoy il estoit monté, lesquelz estoient prestz de le servir et recueillir son bois. (ROYE, Chron. scand., I, 1460-1483, 203). | |
| 69 | Nous avons anticipé l'eure Que les bestes de se pays Pour coustume font leur logis Aux champs, es vignhes ou es boys. (Pass. Auv., 1477, 141). | |
| 70 | Prenés harnois, lances, escus de poids, Rompés le bois sur le Turcq infidelle. (MOLINET, Faictz Dictz D., 1467-1506, 15). | |
| 71 | ...des leaux coraiges Qui leur bois ont rompus (MOLINET, Faictz Dictz D., 1467-1506, 309). | |
| 72 | ...pour avoir le mieux jousté et rompu bois pour ce jour (LA MARCHE, Mém., II, c.1470, 379). | |
| 73 | Mais pour ce que vo lance ploye, Vo n'y poez ferir adroyt, Se vous n'avés le bois plus droit. (Six dessins dialogués à double sens, éd. K. Baldinger, c.1470. In : Trav. Ling. Philol. 31, 1993, 20). | |
| 74 | ...si craignoit fort [une jeune pucelle] à attendre le coup de la lance, pour ce qu'elle estoit encore entière et ne sçavoit encore que c'estoit. Pour tant reculoit elle tant qu'elle pouvoit, et disoit à son Moyne qu'il avoit trop gros bois et qu'elle ne le sçavoit porter. (TARDIF, Facéties Pogge M., c.1490, 238). | |
| 75 | Je demande ung gentil gallois. CUPIDO. Vous en voulés ung hault la main Prest a vous presenter le bois ? (P. moyne, a.1500, 47). | |
| 76 | Bissus est vers naiscens de terre Et de boys, et qui le veult querre, Quant il est du bois arrachiez, Adonques fault qu' il soit plungiez En l'eaue, et puis traiz par defors, Puis aux raiz du souleil tresfors Doit estre mis et desechiez (DESCH., M.M., c.1385-1403, 249). | |
| 77 | ...la teste [du cerf] est haulte et drue A gros bois (LA BUIGNE, Rom. deduis B., 1359-1377, 487). | |
| 78 | ...beste (...) de long bois (FROISS., Pris. am. F., 1372-1373, 137). | |
| 79 | L'en puet jugier et congnoistre grant cerf au bois porter (HENRI FERR., Modus et Ratio, Livre deduis T., c.1354-1377, 22). | |
| 80 | ...n'estoit lors le païs de Flandres habité et n'estoit que bois, desers et forestz. (SIMON DE PHARES, Astrol., c.1494-1498, f° 108 r°). | |
| 81 | Aussi li vueill aprendre a conoistre grant cerf par le boys porter, quar, quant un cerf va parmi un boys fort et espés et il ha haute teste et large et il trueve le boys juene et les rainssiaux tendres, il a la teste plus forte que le boys. Adonc en porte il le boys et mesle l'unne branche sus l'autre (...). Et, quant les portees du boys sont larges et hautes, donc le puet il juger cerf chassable (GAST. PHÉBUS, Livre chasse T., 1387-1389, 154-155). | |
| 82 | Puis je prins les voyes obliques, Moy tenant aux bois et aux champs (LA VIGNE, S.M., 1496, 314). | |
| 83 | ...et les levriers la prendront [la I>truie/I>], soit en fort bois ou en cler. (HENRI FERR., Modus et Ratio, Livre deduis T., c.1354-1377, 87). | |
| 84 | Il avint que il aloit une foiz tout seul par un bois, si trouva .I. grant arbre abatu que l'en avoit voulu fendre a coings. (ORESME, E.A.C., c.1370, 161). | |
| 85 | ...ilz se embatirent en ung cler bois (Percef. III, R., t.2, c.1450 [c.1340], 164). | |
| 86 | ...es roches haultes et es haulx boys et desrubaux (ARRAS, c.1392-1393, 32). | |
| 87 | Et au lez, vers le hault bois, au dessus de la praierie, est la roche si haulte et si droitte que de ce lez nulle creature n'y pourroit habiter. (ARRAS, c.1392-1393, 46). | |
| 88 | Phelipot Poupart (...) a en la forest du Trait et de Maulevrier le quesne en hault boiz pour maisonner... (HECTOR DE CHARTRES, Cout. R., 1398-1408, 135). | |
| 89 | Mys sera a l'espee fourbie, S'on l'ataint en boys ne en prez. (Myst. st Laur. S.W., 1499, 186). | |
| 90 | Souvent aloit au bouays chacier En la forest de Coulombier. (COUDRETTE, Mélus. R., c.1401-1402, 116). | |
| 91 | A deux compaignons qui ont esté aux boys quérir du may pour couvrir le basteau de ceulx qui ont fêté (Comptes roi René A., t.3, 1476, 43). | |
| 92 | Premièrement nous trouverons en ceste place de quatre-vingts à cent hommes, tant à pié comme à cheval, et la place gardée : car je feray demourer tous ceulx qui ont acoustumé d'aller au bois ou au labour et garderont la place. (BUEIL, I, 1461-1466, 81). | |
| 93 | Au boys, au boys, cuillir beutours. Mirez vous la, ho ! (P. Jouh. D.R., a.1488, 23). | |
| 94 | ...porter vueil ce mais A un hermite mien ami Qui est ou bois de Saint Remi (Mir. abbeesse, 1340, 88). | |
| 95 | ...en menant abreuver deux des chevalx dudit capitaine, lesquelz, quant ilz orent beu, il leissa aler audit lieu et fort de Salucet ; et il s'en afouy et s'en vint mucer ès bois qui sont à demie lieue d'icellui lieu de Salucet (Reg. crim. Chât., I, 1389-1392, 124). | |
| 96 | ...et que le Roy octroie, s'il est besoing, que l'en vende de ses bois de Laye, Bondis et autres, plus largement que l'en ne faisoit. (FAUQ., I, 1417-1420, 184). | |
| 97 | ...Lyonnel Wasselin, marchant et receveur de la taille d'amont oudit bois de Nieppe (Comptes Etat bourg. M.F., t.3, 1418-1420, 498). | |
| 98 | Ce jour, le roy d'Angleterre et la royne, sa femme, fille du Roy nostre souverain segneur, vindrent du Bois de Vinciennes au giste à Paris (FAUQ., II, 1421-1430, 50). | |
| 99 | Et, après disner, les mena au bois de Vincennes esbatre et chasser aux dains dedens le parc dudit bois, et après s'en revint chascun en son hostel. (ROYE, Chron. scand., II, 1460-1483, 101). | |
| 100 | ...ledit roy Philippe fist paver la ville de Paris et clorre de mur le bois de Vicennes, l'an mil cent IIIIxx et ung. (SIMON DE PHARES, Astrol., c.1494-1498, f° 119 r°). | |
| 101 | Parties des joyaulx du petit mesnage trouvez ou dressouer estant en la chambre du roy aux boys ["au château de Vincennes" (note éd.)] (Invent. mobilier Ch. V, L., 1379-1391, 213). | |
| 102 | ...et le roy mena l'Empereur au Bois (CHR. PIZ., Faits meurs Ch. V, S., II, 1404, 124). | |
| 103 | ...tantost après fist venir grant foison d'ouvriers terrillons et ouvriers de bois (ARRAS, c.1392-1393, 45). | |
| 104 | Encontre tous me veil offrir A combatre seul contre trois, Disant que vous estes Vaudois De soustenir une querelle, De croire une fille des bois Et que vous ahourez Pucelle. (Myst. siège Orléans H., c.1480-1500, 556). | |
| 105 | S'on le robe ou tue en un bois... (DESCH., M.M., c.1385-1403, 74). | |
| 106 | Et lors commencierent tous deux fort a penser, et lors ouyrent, au long du boys ["à travers le bois"], un grant escroiz et fort desrompre les menus rams et le ronceys. Lors print Remondin son espie qui estoit par terre, et ly contes traist l'espee, et attendirent ainsi longtemps pour savoir ce que ce seroit, et se mirent au devant du feu, au lez ou ilz avoient ouy le bois desrompre. (ARRAS, c.1392-1393, 21). | |
| 107 | ...ceulx qui desrobent les gens en un bois (JUV. URS., Nescio, 1445, 531). | |
| 108 | Et meismes les brigans et larrons, qui sont ès boys, ont justice entr'eux, et, sans cela, ilz ne se sauroient bien conduire. (BUEIL, II, 1461-1466, 24). | |
| 109 | Et estoit grant biauté de veoir reluire contre che soleil ces banières, ces pennons et ces bachinès et si grant fuison de gens d'armes que vue d'ieux ne les pooit comprendre, et sambloit uns drois bois des lances que on portoit droites. (FROISS., Chron. R., XI, c.1375-1400, 129). | |
| 110 | Toutdis refuit li leus au bos. (FROISS., Joli buiss. F., 1373, 196). | |
| 111 | ...car l' esguillon de fain et contrainte necessité de vivre fait saillir le lou du boys (CHART., L. Esp., c.1429-1430, 13). | |
| 112 | Neccessité fait gens mesprendre Et fain saillir le loup du boys. (VILLON, Test. R.H., 1461-1462, 33). | |
| 113 | ...car on dit communement que la faim chasse le loup hors du bois. (BUEIL, I, 1461-1466, 27). | |
| 114 | Lors print Remondin son espie qui estoit par terre, et ly contes traist l'espee, et attendirent ainsi longtemps pour savoir ce que ce seroit, et se mirent au devant du feu, au lez ou ilz avoient ouy le bois desrompre. (ARRAS, c.1392-1393, 21). | |
| 115 | Abatez bois, le roy se baigne. (MIÉLOT, Prov. U., 1456, 192). | |
| 116 | ...le deable (...) par subjestion du morsel ["action de mordre"] du bois avoit l'omme vaincu (CRAP., Cur Deus, De arrha B.H., c.1450-1460, 168). | |
| 117 | Sachiez que l'endemain, par matin, le nepveu du roy s'arma, et guetta vostre pere en un petit bois ou il s'en aloit esbatre dessoubz Leon. (ARRAS, c.1392-1393, 50). | |
| 118 | On doit avoir deux chevaux, et a chascun cheval ait un homme dessus, vestu de vert et un chapelet de boys dessus sa teste pour mieulx couvrir son visaige [Ou est-ce "buis" ?]. (GAST. PHÉBUS, Livre chasse T., 1387-1389, 273). | |
| 119 | Si ne sot il pas pour ce mains D'armes, de bois ne de riviere. (Tomb. Chartr. W., c.1337-1339, 82). | |
| 120 | ...et pria à chascun qu'ilz fussent aprins de bois et de rivieres, d'eschés, de tables (Ponthus Sidoine C., c.1400, 14). | |
| 121 | Le chevalier estoit vestu de vestemens de bois noblement appareillié et aigrement sievoit la chasse. (Percef. I, T., c.1450 [c.1340], 161). | |
| 122 | En l'ost ne demoura ne cheval ne jument Que ne fust mis en oeuvre pour amener briefment Le bos et le mairien en l'ost communaulment. (Cip. Vignevaux W., p.1400, 94). | |
| 123 | Et, en oultre, fu ordonné que commandement seroit fait aux marchans qui s'entremettoient de vendre bois et busche, qu'ilz meissent leur bois et marchandises à pris competent et raisonnable (FAUQ., I, 1417-1420, 205). | |
| 124 | Aveugle d'obscure ignorance, Qui prens en ces dieux esperance Qui ne sont riens que pierre et bois, Et ton createur ne cognois Qui a formé et ciel et terre, Et aussi tout ce que encerre (Myst. st Adr. P., c.1450-1485, 78). | |
| 125 | ...une hache à coupper boys (BUEIL, II, 1461-1466, 39). | |
| 126 | Entre aucunes choses, escripvit la nature du figuier de Egipte, les branches ou bois duquel, gectées ès l'eaue, prennent le fons et ne nagent point sur l'eaue, comme autre bois (SIMON DE PHARES, Astrol., c.1494-1498, f° 24 r°). | |
| 127 | Et lors fist on crier par la cité que de chascun hostel alast un homme sur le champ pour assembler les Sarrasins mors sur une montaigne et y portast on grant foison bois, et feust le roy Selodus mis tout au dessus, et feussent tous couvers de bois, et feust le feu boutez dedens, et feussent tous les payens ars et bruiz, et tous les crestiens enseveliz et mis en terre saincte. (ARRAS, c.1392-1393, 186). | |
| 128 | ...et orent, dedens le second jour, jusques a IIIJc. hommes d'armes, que de leur lignaige, que aliez, et les firent logier en un bois, ou moult pou de gens les sceurent. (ARRAS, c.1392-1393, 70). | |
| 129 | ...à Paris avoit grant necessité tant de boiz que de pain pour les molins gelez (BAYE, I, 1400-1410, 215). | |
| 130 | ...d'un mesme boys tu en pues faire du feu et de la cendre, ou en puez faire une belle ymaige et la garder. (GERS., Trin., 1402, 163). | |
| 131 | ...et lors aussi embesoignera ses gens a couper bois pour la garnison du chaufage de l'ostel (CHR. PIZ., Trois vertus W.H., c.1405, 155). | |
| 132 | En faisant feu de boiz propice. Le boiz à ce plus convenable Si est boiz sec et odorable, Comme aiglentier, junièvre et fresne, Ciprez, rosmarin, vigne et chesne (LA HAYE, P. peste, 1426, 80). | |
| 133 | ...l'une partie [des couleuvres] se retira pour la doubte de l'autre ou creux d'un gros arbre, cuidans eulx sauver, mais l'autre partie de moult impetueuse course, en sibillant, suivit aller après dedans icelui arbre, lequel fut environné de bois sec et y fut mis le feu et ainsi finerent. (SIMON DE PHARES, Astrol., c.1494-1498, f° 111 v°). | |
| 134 | ...bosc à ardoir (HECTOR DE CHARTRES, Cout. R., 1398-1408, 3). | |
| 135 | ...item, le mort boiz pour son chauffer livré par le verdier, hors deffens. (HECTOR DE CHARTRES, Cout. R., 1398-1408, 50). | |
| 136 | ...boiz pour ardoir à l'usage de l'ostel dudit lieu de Saint Mahieu... (HECTOR DE CHARTRES, Cout. R., 1398-1408, 53). | |
| 137 | ...boiz pour ardre suffisant, sans wast, par livrée... (HECTOR DE CHARTRES, Cout. R., 1398-1408, 53). | |
| 138 | ...tant plus y a de boys, plus fait grant feu (BEAUVAU, Troyle B., c.1455, 576). | |
| 139 | ...et a tant exploictié qu'il vint en droit heure de my nuit a la corniere d'un bois ["au coin d'un bois"] sur une petite montaigne, et regarde en la valee, et voit l'ost des Sarrasins (ARRAS, c.1392-1393, 95). | |
| 140 | Celui qui est de science ou d'art pratique qui tent a l'oeuvre, comme est le charpentier, se il mectoit plus de sa painne et de temps a enquerir et savoir les causes ou commencemens, la generacion, la nature du bois de quoy il a a faire que il ne fait a sa besoingne, il feroit que les choses qui sont hors l'oeuvre seroient pluseurs que les oeuvres. (ORESME, E.A.C., c.1370, 123). | |
| 141 | Je vous abandonne la forest pour prendre bois a charpenter, et, quant ly moyne y seront estably, je leur en donne pour leur ardoir, et tous leurs adherens et habitans. (ARRAS, c.1392-1393, 75). | |
| 142 | ...ung appentis par maniere d'eschoppe de bon bosc (Rouen temps Jeanne d'Arc L., 1420, 20). | |
| 143 | Et quant les quinze jours d'avril furent passez et les treves commencees, Saintré envoya maistres de Paris pour dressier de bois et de planches deux maisons toutes semblables (LA SALE, J.S., 1456, 175). | |
| 144 | Pour lesquelz faire [des engins de siège], convient avoir environ trois cens toises de bois quarré, ung millier d'aisselins, vingt-quatre roolles et grant quantité d'aultre menu bois avecq les clous ad ce neccessaires (BUEIL, II, 1461-1466, 49). | |
| 145 | ...boys long, ront et carré, L'un charpenté, l'autre non escarré. (LA VIGNE, V.N., p.1495, 133). | |
| 146 | ...une grant fenestre où il n'y avoit ne fer ne bois qui estoit toute ouverte (LE CLERC, Interp. Roye, c.1502, 168). | |
| 147 | ...et fist ledit conte abatre le boys et la charpenterie des portaulx de laditte ville. (LE CLERC, Interp. Roye, c.1502, 183). | |
| 148 | Nous trois seiens a une table Qui n'estoit pas de bois d'erable, Eins estoit d'or fin esmaillie (MACH., F. am., c.1361, 204). | |
| 149 | ...ilz sercherent et garderent en icelle tasse, en laquelle ilz trouverent une petite boiste de bois qui dedens estoit (Reg. crim. Chât., I, 1389-1392, 31). | |
| 150 | Et tousjours Phillibert le suivoit le couvert, ne oncques n'en perdy la veue, et faisoit ses gens esconser ou bois. (ARRAS, c.1392-1393, 199). | |
| 151 | ...ilz regarderent par où l'en porroit monter oudit hostel, et adviserent auprès d'eulx que il y avoit un long chevron de bois, par le moyen et aide duquel chevron iceli Mathelart monta oudit hostel par ladite fenestre (Reg. crim. Chât., II, 1389-1392, 35). | |
| 152 | ...en la rue Saint-Jaques, lui fut presté un seau de bois ferré pour porter de la lye de vin en sa maison (Reg. crim. Chât., II, 1389-1392, 91). | |
| 153 | ...pour III corbeilles, V pelles de bosc et balleis pour porter les ordures pour les dis machons et plastriers par le temps dessusdit (...) pour III seillez pour porter l'eaue et pour I baart pour porter la pierre (...) pour une corde de teil pour establir les ouvriers (Comptes Archev. Rouen J., 1399-1400, 45). | |
| 154 | ...icelles glaces et riviere de Seinne ont abatu ledit pont de boiz (BAYE, I, 1400-1410, 213). | |
| 155 | ...pour que leur vertu n'empire, Soint mises en vaissel de voirre, Nompas de boiz, n'aussi de terre, Et soit le vaissel tout appoint Souventes foiz par dehors oint D'eaue rose (LA HAYE, P. peste, 1426, 152). | |
| 156 | ...le roy Charles fist une grant armée à aler devant Calés et faire siege ; et y porta l'en du Clos des Galléez de Rouen grant quantité de garnisons comme eschielles de corde, manteaux de bost pour cargier, paniers, arballestes, artillerie grant quantité, picois, haches, pelles et garnisons plusieurs. (COCHON, Chron. norm. B., c.1430, 130). | |
| 157 | ...Car devant moy croix ne se comparest, Sinon de bois ou pierre (VILLON, Poèmes variés R.H., c.1456-1463, 51). | |
| 158 | ...et où il y avoit moult noble et belle couverture, tant de charpenterie de bois que d'ardoise et de plomb (ROYE, Chron. scand., I, 1460-1483, 266). | |
| 159 | ...dedens ung sarcueil de bois (ROYE, Chron. scand., I, 1460-1483, 361). | |
| 160 | ...chevilles de bois de couldre (BUEIL, II, 1461-1466, 47). | |
| 161 | Quant Gieffroy l'ouy, si fist Giron lier ou boys a un arbre, et le fist garder a ung chevalier (ARRAS, c.1392-1393, 202). | |
| 162 | ...beches, peles de bois (BUEIL, II, 1461-1466, 48). | |
| 163 | ...et estoit sa maison de boix (MOLINET, Chron. D.J., t.1, 1474-1506, 144). | |
| 164 | ...comme nous disons que une statue, c'est a dire une ymage painte en une paroit ou entretaillié de pierre ou de boiz, est l'ymage d'aucun homme, et tele ymage est apellee ymage imparfaitement. (Somme abr., c.1477-1481, 111). | |
| 165 | Fist le palais à Romme nommé Coliseum, qui est le plus singulier de Romme, et en icelui il constitua plusieurs ymages de bois en la representacion des provinces (SIMON DE PHARES, Astrol., c.1494-1498, f° 70 v°). | |
| 166 | ...en vesselle d'estain et de boys (LE CLERC, Interp. Roye, c.1502, 202). | |
| 167 | Quant on voit ces petis enfans courir parmi les rues a chevaulx de bois, a tout lances et desguisez par maniere de gens de guerre... (Ev. Quen., I, c.1466-1474, 87). | |
| 168 | ...et du grant boiz à refere leurs maisons, par livrée. (HECTOR DE CHARTRES, Cout. R., 1398-1408, 171). | |
| 169 | Et avoient au devant d'eux un fosset largue assés et nouvellement relevet, et par derrière eux grant fuisson de ronsis, de genestres et de menut bois. (FROISS., Chron. R., XI, c.1375-1400, 43). | |
| 170 | Item, pevent prendre et coupper, es aulnois et mares du Trait et environ lesdictez forestz, le menu bois de plain poing ou de mains, du hault d'endroit la petrine et en aval, pour eulx clorre. (HECTOR DE CHARTRES, Cout. R., 1398-1408, 141). | |
| 171 | Pour lesquelz faire [des engins de siège], convient avoir environ trois cens toises de bois quarré, ung millier d'aisselins, vingt-quatre roolles et grant quantité d'aultre menu bois avecq les clous ad ce neccessaires (BUEIL, II, 1461-1466, 49). | |
|
