| 119 exemples | | 1 | ...et nous est signifié par les persuasions et par les increpacions ou blasmes et par les imprecacions ou preeres qui sont faites par les amis pour retraire aucun de mal. (ORESME, E.A., c.1370, 144). | |
| 2 | ...et si avez besoing et mestier que voz plaies soient visitees, et aussi il me semble qu'il vault mieulx que nous repairons vers l'ost de nostre voulenté que par force nous y convenist repairier, car il n'est mie doubte qui retourne fuyant en chace de ses ennemis, qu'il n'y puet avoir se blasme non, combien que on dit qu'il vault mieulx fuir que mauvaisement attendre. (ARRAS, c.1392-1393, 233). | |
| 3 | Et aussi ne cuide je pas que cel omme soit maculé du blasme qu'il luy baille. (MACHO, Esope R., c.1480, 233). | |
| 4 | Pour ce lesseray, car j'ay blasme, De parler de moy nullement Mes parleray durement De mon ame et a Dieu diray Qu'il me garde de dampnement Et humblement l'en supliray. (Pac. Job M., c.1448-1478, 333). | |
| 5 | Vaissalz, or vous gardez, car mez corpz vous deffie, Car huy l'avez fait blasme et trez grant villonnie. (Lion Bourges K.P.F., c.1350, 67). | |
| 6 | Et de fait, pour ce que les gens dudit seigneur de Novion avoient dit et deffendu à icelle prisonniere que doresenavant ne venist en l'ostel dudit sire de Nouvion, et par maniere de desrision, et pour faire blasme et diffame audit sire de Nouvion, avoit mis sur le bras dudit enfant un rolle ou escriptiau ouquel avoit escript : Cest enfant est filz messire Jehan Le Mercier, sire de Novion. (Reg. crim. Chât., II, 1389-1392, 120). | |
| 7 | Lors se party ly chastellains et chevaucha tant qu'il vint au recept, ou il trouva ceulx de son lignaige que il avoit mandez, et leur compta toute l'aventure, et comment Jossellins et ses filz avoient esté pendus, et qu'ilz avoient en pensé d'en faire, ou de lui vengier de Remondin qui lui avoit pourchacié cest ennuy, et a eulx fait si grant blasme et si grant hontage, ou de le laissier en ce party. (ARRAS, c.1392-1393, 68). | |
| 8 | ...car en tel cas elles se demonstrent comme maistresses et dames, et a elles mesmes feroient grant blasme, et grant vilenie a leurs mariz. (Ménagier Paris B.F., c.1392-1394, 77). | |
| 9 | Et de fait, s'il ne s'en fust fuy, les freres de la damoiselle l'eussent la tué, pour le grand blasme et deshonneur qu'il luy avoit fait et voulu faire. (C.N.N., c.1456-1467, 384). | |
| 10 | ...aultrement vous ferons honte et blasme, car en publicque ycy nous l'amerrons, et chacun de nous quatre en fera son bon plaisir. (C.N.N., c.1456-1467, 549). | |
| 11 | Vo sergant me fait blasme, maix il lou comperoit ! (Lion Bourges K.P.F., c.1350, 64). | |
| 12 | Si ferez trop grandement vostre blame, se vous faictes ce que vous dictes, et si romperez tous nos pourpos et traittiez. (FROISS., Chron. M., XIV, c.1375-1400, 210). | |
| 13 | Aultrement vous feriés vostre blame trop grandement, et ne trouveriés chevalier nul qui vosist demorer en garnison sus frontiere des ennemis (FROISS., Chron. D., p.1400, 617). | |
| 14 | Perdu avons de noz amys ; Noz dieux en requeillent les ames, Mes on ne nous peult donner blasme, Puis que nous avons le dessus (Myst. st Laur. S.W., 1499, 159). | |
| 15 | Il est maint ribault, maint hourlier Qui souvent de soy met en blame Contre raison sa preude fame (DESCH., M.M., c.1385-1403, 281). | |
| 16 | O Francoys, Francoys, vous avés par une damnee et aconstumee blapheme despité le nom de celui a qui tout genoil se doit flechir, et il vous a par l'usance de sa justice mis en blasme et en reprouche de nations, et fait ploier voz corps et encliner voz testes devant vos ennemis. (CHART., L. Esp., c.1429-1430, 75). | |
| 17 | ...sire, pour la doulce dame, Ne me mettez tel blame sus. (Mir. march. larr., c.1349, 106). | |
| 18 | Et oultre, dist messire Guillaume Heltem, pour moi nettoier et purgier de tout blasme s'il estoit en Angleterre et hors d'Angleterre nulz chevaliers ou escuier (...) qui voulsissent dire ne mettre avant que je me fusse desleaultez envers le roy (FROISS., Chron. M., XIV, c.1375-1400, 161). | |
| 19 | Et se j'envoy devers ma chiere dame Dire qu'elle mon cuer mine et entame, Et que s'amours l'art sans feu et sans flamme Et le martyre, Et que desirs de plus en plus l'enflame, Elle dira que je ten a son blame Et que ne doy dire a home n'a fame Mon grief martyre. (MACH., F. am., c.1361, 162). | |
| 20 | ...il envoya devers le duc de Juillers notables hommes telz comme le seigneur de Votonne, le seigneur de Borgneval, messire Jehan Sceclas, archydiacre de Haynnau, Godefroy de la Tour, grant rentier de Brabant, et aultres, en luy remonstrant bellement et saigement et doulcement que ceste offense fust amendée, et que elle couroit trop grandement au blasme et au prejudice du duc de Braibant, qui estoit gardien et souverain regard de la Lange-Fride. (FROISS., Chron. M., XIV, c.1375-1400, 161). | |
| 21 | ...et conmenchierent a murmurer li prelat, li baron et li honmes des chités et bonnes villes d'Engleterre moult fort sus le roi et son consel, et a dire et proposer que on l'avoit tant tenu en wiseusses et en delisces que li roiaulmes d'Engleterre avoit recheu blame et damage oultre mesure et que ce ne se pooit recouvrer. (FROISS., Chron. D., p.1400, 48). | |
| 22 | Qant ce vint a l'endemain, messire Lois d'Espagne appella le visconte de Rohem, l'evesque de Lion, mesire Hervi de Lion et le mestre des Genevois, pour avoir consel et avis conment il se deduiroient, car il veoient la ville de Hainbon tres forte et rafresquie de bonnes gens d'armes et d'archiers, par lesquels de nuit il pooient estre fort travilliet, et recevoir plus de blame et de damage que de pourfit. (FROISS., Chron. D., p.1400, 530). | |
| 23 | ...car de perdre une telle ville que Calais est, ce pooit estre trop grandement au blame et ou prejudice dou roiaulme de France, et par especial des marces et frontieres de Piqardie. (FROISS., Chron. D., p.1400, 769). | |
| 24 | Et, en y allant, passa par Piquegni, où il prinst le bourg et le chasteau, dedans lequel estoient aucunes gens de guerre, tant de la compagnie du grant maistre que d'autres, avec certain nombre de frans archiers, dont aucuns leur donnerent blasme de ce qu'ilz avoient laissé prandre ledit chasteau par leur faulte. (LE CLERC, Interp. Roye, c.1502, 268). | |
| 25 | Parquoy ma treshonnoree dame, Fille du roy treschrestien, Ne me vueillez tourner a blasme Ce que j'ay faict pensant en bien. (BRÉZÉ, Chasse T., c.1481-1490, 48). | |
| 26 | "Sire", dist Milie, "oncques je ne lui diz chose par quoy je doye recevoir blasme ne ennuy..." (Bérinus, II, c.1350-1370, 135). | |
| 27 | J'ayme muelx qu'aprez vous mort me doiez moyn lassier Que j'aie si grant blasme ne si grant reprovier. (Lion Bourges K.P.F., c.1350, 35). | |
| 28 | Et se l'en tieng a sage, Quant de l'homme congnoist l'usage Qui n'est ne biaus ne grascïeus, Mais trop grandement perilleus, Et dont elle puet avoir blame. (FROISS., Par. am., c.1361-1362, 58). | |
| 29 | ...car, s'il faisoit aultrement, il receupveroit trop grant blasme et se metteroit en l'indignation du roy, et monstroit que sa querelle ne seroit pas juste ne bonne, et que trop mieulx luy valoit mourir à honneur et attendre l'aventure que monstrer faulte de courraige. (FROISS., Chron. M., XIV, c.1375-1400, 66). | |
| 30 | Et en ce veez vous la diversité entre la vertus de manificence et le vice d'orgueil, car orgueil ne quiert fors son propre los, soit que bien en doye venir ailleurs soit non, mais manificence, tout au contraire, n'a l'ueil fors au proffit d'autrui et a l'onneur de Dieu, tellement que se tel proffit devoit venir par encourir blasme personnel, ou que l'autre en eust la gloire, ja de riens ne laisseroit a faire ce que elle fait (GERS., P. Paul, a.1394, 503). | |
| 31 | Chacun y fist si son devoir Que nul n'en devoit blasme avoir, Mais lors Fortune, a mon cuider, Volt mieulx au roy Ninus aydier, Qui tant le jour se combati Que plusieurs tous mors abaty (CHR. PIZ., M.F., II, 1400-1403, 180). | |
| 32 | Et se doit cest examen mielx faire en loenge que en blasme. Et yci donnent les docteurs difference entre le bon angle et le bon message, et le mauvais (GERS., Annonc., a.1400, 235). | |
| 33 | ...car de se marier a sa voulenté sans leur bon consentement, acquerroit trop grant blasme, et s'elle assennoit a mauvaise partie et que mal lui en prenist, jamais ne seroit plainte et si perdroit leur grace. (CHR. PIZ., Trois vertus W.H., c.1405, 90). | |
| 34 | ...se l'enfant du prince mesprent il le doit courrigier en lui disant que ce n'est mie estat du prince d'ainsi faire, et que s'il ne se chastie il encourra honte et blasme (CHR. PIZ., Corps policie L., 1406-1407, 11). | |
| 35 | ...par Dieu, mes Dames, Vous leur portez trop de rigueur [aux amants]. (...) Se n'y monstrez vostre doulceur, Vous en pourrez recevoir blasmes. (CH. D'ORLÉANS, Rond. C., 1443-1460, 371). | |
| 36 | ...pour paour de aucune blasme acquerre, attendirent de l'envaïr tant qu'il fut prest pour rentrer ou tournoy (Percef. IV, R., c.1450 [c.1340], 0). | |
| 37 | De cela blasme n'aurez pas, Car on doibt tousjours sa maison Gouverner par reigle et compas (LA VIGNE, S.M., 1496, 204). | |
| 38 | Si vous en vueil des maintiens dire, Mais ne le fais pas pour mesdire De nullui, car qui autrui blasme Sur soy meismes acquiert le blasme (CHR. PIZ., M.F., II, 1400-1403, 31). | |
| 39 | Mesdisans font l'amant secret, Vray et loyal, sage et discret En garder l'onneur de sa dame Qu'elle ne chiesse en aucun blasme, Si que mesdisans n'en puist dire Chose qui touchast à mesdire. (MACH., Compl., 1340-1377, 268). | |
| 40 | Ceste voye n'est mie de garder honneur ; ains est impossible que longuement soit maintenue par femme, qui qu'elle soit, que n'en chee en blasme. Et pour ce la sage dessusdicte, si tost que elle aperçoit par aucun signe ou semblant que quelque homme a vers elle pensee, lui doit donner toutes occasions de s'en retraire en manieres, paroles et semblans, et tant faire que il aperçoive que elle n'y a courage ne veult avoir. (CHR. PIZ., Trois vertus W.H., c.1405, 180). | |
| 41 | Ou cas qu'il estoit chargiez de tenir, sauver et garder la Langue-Fride, il ne vouloit pas [que], par sa négligence, il fust repris, ne approchiez de blasme (FROISS., Chron. M., XIV, c.1375-1400, 161). | |
| 42 | Et quant Gallopin, son escuier, qui estoit la present, entendi le blasme et le despit que on metoit sur Aigre son maistre, si fut dolent et courroucié et plain de grant mautalent, car bien sentoit tant de prouesce en lui que ce ne pouoit avenir qu'il en avoit oÿ recorder. (Bérinus, I, c.1350-1370, 334). | |
| 43 | Je doy bien estre tenu pour excusé et delaissié pour si chetif que je suis, sans adjouster a ma misere blasme ou reproche (CHART., Q. inv., 1422, 25). | |
| 44 | "Certes", ce dist Achars, "je l'ay moult bien desservie, car j'ay villainement mesdist et parlé du plus sage, du meilleur et du plus courtoiz chevalier qui soit en tout le monde, de quoy j'ay menti de tout le blasme et de la villenie que je lui ay mise sus." (Bérinus, I, c.1350-1370, 348). | |
| 45 | Quant ceulx de la partie senestre oÿrent qu'ilz estoient ainsi laidengié et que on vouloit mettre le blasme sur eulx, si furent plus courroucié que devant et dirent a Frotagaret que de la villenie qu'il leur mettoit sus il mentoit parmi les dens, comme mauvaiz traïstre qu'il estoit. (Bérinus, II, c.1350-1370, 5). | |
| 46 | ...dont dist a ses compaignons : "Seigneurs, par la foy que je vous doy, se nous n'avons autre conseil, nous sommes mal baillis, et nonpourquant j'ay pensé une voye par quoy, si comme je espoir, nous nous osterons de ce blasme et ferons nostre paix a l'empereur". (Bérinus, I, c.1350-1370, 386). | |
| 47 | Lors pour elle jetter de blame, Fuit en sa chambre d'un escueil Et se couche la larme a l'ueil, Pour plus son mary assoter. (DESCH., M.M., c.1385-1403, 121). | |
| 48 | Et pour ce que nous vous cuidons tel que bien vous savrez excuser et deffendre de ceste charge quant vous en serez adverti, nous vous envoions le double, esperans que vous mectrez peine a vous geter hors de ce blasme a voustre honneur et a l'esjouissement de ceulx qui plus volentiers verroient voustre los croistre que amendrir. (Lettres Chart., 1425, 360). | |
| 49 | Michiel, je vueil oster de blame Ma treschiére amie et aidier, Qui ne me cesse de prier Que je li soie secourans. (Mir. femme roy Port., c.1342, 198). | |
| 50 | Il nous tourneroit a grant blame et reproce, et aussi nous ne le poons faire. (FROISS., Chron. D., p.1400, 205). | |
| 51 | ...Et puis irons si fors à yaus (...) Que nous rarons le roy et le daufin osy, Et si le ramenrons, segneur, et par ensi Ne poront abeter sur vous, ne sur moy osi Cose qui puist tourner à blame, n'à anuy. (Geste ducs Bourg. K., c.1410-1419, 340). | |
| 52 | Et quant il veult dire quelque chose, il avise la main que riens ne die qui puist tourner à desplaisir de nullui ne à blasme, ne dont rancuneuse response lui doie estre dicte. (CHR. PIZ., Paix W., 1412-1413, 87). | |
| 53 | Et ad ce respondit le dit Thomas : "Ma tresdoulce damoiselle et hostesse, pensez que je suis noble homme, et pour chose qui me peust advenir ne vouldroye faire chose qui tournast a vostre deshonneur ne blasme..." (C.N.N., c.1456-1467, 388). | |
| 54 | Trop s'avance Par presumptive fiance Qui se lance En si grant oultrecuidance, Et desert blasme et reprise. (CHART., L. Esp., c.1429-1430, 36). | |
| 55 | Il nous tourneroit a grant blame et reproce, et aussi nous ne le poons faire. (FROISS., Chron. D., p.1400, 205). | |
| 56 | Si en fu durement courouchiés, et li tourna a grant blame, ce li fu avis, pour tant que il avoit le souverain regart de Flandres. (FROISS., Chron. D., p.1400, 369). | |
| 57 | ...et li tournoit, ce li estoit vis, a grant blame, pour tant que il avoit la carge de la garde de la ville de Dignant. (FROISS., Chron. D., p.1400, 521). | |
| 58 | ...car il nous tourneroit voirement a trop grant blame et damage, se nous perdions Calais. (FROISS., Chron. D., p.1400, 820). | |
| 59 | "Beaux compains", ce dist Aigres, "je sçay bien que li aler avant fait moult a redoubter, mais en nulle maniere je ne feroie le retour, ne ja, se Dieu plaist, je ne retourneray arriere jusques a tant que j'aie parlé au roy, pour chose que j'aye encores oÿe ne veüe, car il nous seroit tourné a grant blasme..." (Bérinus, I, c.1350-1370, 299). | |
| 60 | Oudit moys, ledit duc de Bourgongne, qui avoit esté devant la ville de Nux par l'espace de XII moys, s'en parti et s'en ala de nuit et honteusement de devant icelle ville sans l'avoir peu conquerir, qui lui vint à moult grant blasme et perte de gens et biens, et puis s'en revint en ses pays, où il trouva son frere le roy Edouart d'Angleterre qu'il y avoit fait descendre pour, en continuant son mal et malice, faire derechef guerre au roy et à ses pays et subgetz. (ROYE, Chron. scand., I, 1460-1483, 340). | |
| 61 | SEUR YSABEL. Dame, paix et bonne aventure Vous ottroit Diex par son plaisir (...) L'ABBEESSE. Et il vous gart de vilain blame, Mes seurs, ne ja ne vous meschiéce (Mir. abbeesse, 1340, 80). | |
| 62 | Mais que celer veuillez mon blasme Sanz descovrir. (Mir. femme roy Port., c.1342, 176). | |
| 63 | De ce qu'il fist dessa le Rin Me tais, car maint bon pelerin, Maint chevalier et mainte dame Scevent qu'il n'i ot point de blame. (MACH., C. ami, 1357, 109). | |
| 64 | ...il ne voult onques qu'en sa mére peust estre trouvée injure ne blasme pour cause de sa naiscence. (Mir. st J. Paulu, c.1372, 93). | |
| 65 | Qui vuelt acquerir bonne renommée, il doit premièrement faire le pourquoy et soy employer à fais notables sans soy vanter ne hault louer. Car louenge est reputée blasme en la bouche de cellui qui se loue (BUEIL, I, 1461-1466, 32). | |
| 66 | ...Et s'en partit par desplaisance Sans avoir commis aulcun blasme (Vie st Eust. 2 P., c.1400-1450, 209). | |
| 67 | ...ainsin que dit Valerius Maximus en son VJe livre, ou il dit que c'est grant blasme au duc de la bataille ou combateur de dire "Je ne cuidoie pas qu'il feist ainsin" (LA SALE, J.S., 1456, 33). | |
| 68 | Lazer, mon amy, mon bon frere, Comme sçavés, nous devons ayder Es grans pecheurs pour les retraire De mal et a bien les tirer (...) Doncques nous deussions exciter Magdalaine, que vit en blasme. (Pass. Auv., 1477, 133). | |
| 69 | Tout incontinant vous l'aurez ; En cella n'a vice ne blasme. (LA VIGNE, S.M., 1496, 511). | |
| 70 | Lequel, quant il fu retourné en l'ost et chevauchiée dudit conte, pour ce qu'il s'en estoit partis sans son sceu et congié, et en emmené le cheval dudit conte, jà soit ce qu'il [ l'] eust ramené quant il retourna au service d'icellui conte, fu par icellui conte commendé à aucuns ses gens et serviteurs que l'en lui coppassent saditte oreille destre, laquele il lui coperent, sans ce qu 'il feust reprins, attaint ou convaincu d'aucun autre blasme ou reprouche. (Reg. crim. Chât., I, 1389-1392, 116). | |
| 71 | ...pour la paour et crainte qu'il avoit d'iceulx, se parti d'icelle ville de Troyes, et vint demourer en la ville de Paris, en laquele il a tousjours depuis continuelment, et ou pays d'environ, demouré, sanz ce qu'il ait esté reprins d'aucun blasme ou reproiche. (Reg. crim. Chât., II, 1389-1392, 142). | |
| 72 | L'une des choses principales que devés eviter c'est de avoir blasme et user de manieres comme feroit en partie ung tirant. (JUV. URS., Verba, 1452, 217). | |
| 73 | Mon amy, vous avez grant blasme De vous ainsi desesperer. C'est mal entendu vostre game (LA VIGNE, S.M., 1496, 411). | |
| 74 | Quelle dame, doulx sire ? helaz ! Vous me dites blame, par foy, Car il n'ot huy femme avec moy. (Mir. march. larr., c.1349, 105). | |
| 75 | ...il lui avoit dit plusieurs injures, blasmes et vilenies. (Reg. crim. Chât., I, 1389-1392, 276). | |
| 76 | Lors, de son meffait, sur la femme S'excusa et donna le blasme. (CHR. PIZ., M.F., II, 1400-1403, 137). | |
| 77 | Je ne vis homme a mon vivant Que tous jors darior et devant Ne disist riotes et blaymes. (Serm. femmes K., c.1450, 232). | |
| 78 | Il n'est homme, tant fust constant, Quil ne perdist cy pacïence : En cueur, en corps, en conscïence, Il nous a dit blasme tout oultre, On le voit. (Myst. Pass. Troyes B., a.1482, 592). | |
| 79 | Ma chiere dame, Vostre biauté mon cuer art et enflame, Si que seur tout vous aim, sans penser blame, De cuer, de corps, de vray desir et d'ame. (MACH., J. R. Beh., c.1340, 7). | |
| 80 | Et ceste gent, sans penser blame, L'avoir, le cuer, le corps et l'ame Mettoient jusques a la fin En servir Amours de cuer fin. (MACH., D. Lyon, 1342, 211). | |
| 81 | Et se ceulx qui seront deputez pour entendre aux comptes et aux besoingnes de vostre royaulme y voient le contraire, ilz y pourverront et en feront ceulx departir courtoisement sans blasme, pour l'onneur de vostre personne, et y ordonneront et y metteront aultres hommes notables, par l'advis et regard, premierement de vous et de vos seigneurs vos oncles et des prelas et des aultres barons notables de vostre royaulme. (FROISS., Chron. M., XIV, c.1375-1400, 27). | |
| 82 | ...tout le temps de sa vie il avoit esté et estoit homme de bonne vie, renommée, sans avoir en lui aucun blasme ou reprouche. (Reg. crim. Chât., I, 1389-1392, 120). | |
| 83 | Tous jours [le marquis] l'a trouvee sanz blasme [Griseldis], Et vertüeuse sanz deffaulte. (Gris., 1395, 71). | |
| 84 | Plouree fu de son lignage Et de tous autres ensement, Aprés le sien trespassement, Car moult ot esté vaillant dame, Tout son temps, sanz meffait ne blame, Et moult loyale a ses espous, Onc fors lui ne fu lez li pouz. (CHR. PIZ., M.F., II, 1400-1403, 229). | |
| 85 | ...mon cueur se pasme Quant il oyt les fais vertueux D'elle, qui estoit sans nul blasme (CH. D'ORLÉANS, Ball. C., c.1415-1457, 95). | |
| 86 | Mais, s'a vous comme amy sans blame Je di ce qui m'estraint et charge, En descouvrant ma dure flame, J'en avray le cuer plus au large. (CHART., D. Rev., a.1424, 309). | |
| 87 | Moult ot de vertus ceste dame, Mais plusieurs lui donnerent blasme Pour ce que son filz espousa, Mais de ce faire s'excusa Pour ce qu'elle ne vouloit mie Que cil eust espouse, n'amie Qui fust royne couronnee, Car ne vouloit que femme nee, Fors elle, fust dame clamee En son regne, crainte, n'amee. (CHR. PIZ., M.F., II, 1400-1403, 188). | |
| 88 | Jhesus est homme sans blasme, Tresparfait et juste personne (Pass. Auv., 1477, 167). | |
| 89 | Mais il n'est ame, N'homme vivant qui aimme si sans blame, S'il est tapez de l'amoureuse flame, Qu'il n'aimme mieus assez le corps que l'ame. (MACH., J. R. Beh., c.1340, 121). | |
| 90 | Et aussi qui aimme sans blame En tous cas doit croire sa dame, Einsi comme il vuet qu'on le croie. (MACH., R. Fort., c.1341, 155). | |
| 91 | ...pluseurs hommes y venoient Qui juroient et parjuroient Aus dames leurs fois et leur ame Qu'il les amoient sans nul blame (MACH., D. Lyon, 1342, 192). | |
| 92 | Helas ! dolens, souvent souspir et plour, Bien le savez, pour vous qu'aime sans blame, Mais vos durs cuers n'a pité de mon plour [l. vous que j'aim sans blame (ms. consulté par G. Roques)] (MACH., L. dames, 1377, 193). | |
| 93 | Nul seul espoir ne laist en mon cuer meindre Qu'Amours entame, Quant je ne puis à mon desir ateindre Qui est sans blame. (MACH., Les lays, 1377, 320). | |
| 94 | Mais, s'a vous comme amy sans blame Je di ce qui m'estraint et charge, En descouvrant ma dure flame, J'en avray le cuer plus au large. (CHART., D. Rev., a.1424, 309). | |
| 95 | Helas ! Que vous grieve, ma dame, S'un franc cuer d'omme vous veult bien ? Et se par honneur et sans blame Je suis voustre et voustre me tien ? (CHART., B. Dame, 1424, 338). | |
| 96 | Aussi prenez avec ces choses Une entière dragme de roses Esleues et de sandaulx Et de muscatellin fin beaulx, De tous les deux la quantité De deux dragmes par équité, Et de macis de bonne sorte O noys que la muscate porte, De cloz de girofle sans blame, De tous les troiz demie dragme (LA HAYE, P. peste, 1426, 148). | |
| 97 | La dist messires Gautiers de Manni une parole qui fu bien oie et entendue : "Qant nous sonmes venu jusques a chi, blames et reproces nous seroit trop grans au retourner..." (FROISS., Chron. D., p.1400, 618). | |
| 98 | -- Comment, dist le moinsné, vous me voullés donner blasme pour vous attribuer louenge ! (BUEIL, I, 1461-1466, 126). | |
| 99 | FRANCE (choquée qu'on ne l'ait pas reconnue). "Dame" ? Mes vostre chamberiere M'appellez ! "Dame" ! Ce m'est blasme ! (Concil Basle B., 1434, 93). | |
| 100 | Et li fu avis trop grant blame li seroit de dire non. (FROISS., Chron. D., p.1400, 318). | |
| 101 | Et li aultre disoient le contraire, et que ce seroit damages, blames et traison trop grande a deshireter son signeur. (FROISS., Chron. D., p.1400, 636). | |
| 102 | Amours veult que femme soit dame Et que l'omme et de cueur et d'ame La serve, prise, honnore et doubte, Sy me seroit doncques grant blasme D'estre serve (Narcissus, p.1426, 287). | |
| 103 | Car ce me seroit trop de blasme De l'oublier ceste journee, Je pry a Dieu qu'il en ait l'ame. (CH. D'ORLÉANS, Ball. C., c.1415-1457, 84). | |
| 104 | ...c'est grant blasme au duc de la bataille ou combateur de dire "Je ne cuidoie pas qu'il feist ainsin" (LA SALE, J.S., 1456, 33). | |
| 105 | Par Dieu, se nous sera grant blasme, Nous en retourner sens riens prandre ! (Pass. Auv., 1477, 140). | |
| 106 | Che nous seroit virgongne et blames, Quant elles, qui confort demandent Et qui leur droit nous recommandent Et qu'Orgoels a si essillies, N'estoient de nous consillies. (FROISS., Pris. am. F., 1372-1373, 125). | |
| 107 | ...et puisque il estoit si avant venus, blame trop grant li seroit, se il ne faisoit ensi que li aultre. (FROISS., Chron. D., p.1400, 317). | |
| 108 | Euls consilliet, il regarderent que trop grant blame lor seroit, se lor ennemi pasoient si priés de euls que a une lieue ou la environ, et il ne les aloient veoir, qant il se trouvoient gens assés parmi l'aide de ceuls de la ville. (FROISS., Chron. D., p.1400, 370). | |
| 109 | Item, et que par ce present traictié seront estainctes et abolies toutes injures, malveillances et rancunes, tant de paroles, de fait que autrement, advenues par cy devant à l'occasion desdictes divisions, parcialitez et guerres, et tant d'une partie que d'autre, sans ce que nul en puist aucune chose demander, ne en faire question ne poursuite, par procès ne autrement, ne reproucher ou donner blasme, pour avoir tenu aucun parti (LA MARCHE, Mém., I, c.1470, 232). | |
| 110 | ...se li rois dans Piètres l'avoit defalli, il faisoit son blasme et sa deshonneur. (FROISS., Chron. L., VII, c.1375-1400, 59). | |
| 111 | ...li sires de Couchis leur estoit escapés et retournés en France. Si disoient les aucuns que il avoit bien fait, et li aultre disoient que il s'estoit fais et portés grant blasme ? (FROISS., Chron. R., VIII, c.1375-1400, 223). | |
| 112 | Si luy dist telz moctz : "M'amye, je suis tenue de garder mon mary de blasme, et pour ce que je scay qu'il prent plaisir en vous et vous ayme, et qu'il repaire ceans, je vous prye que de luy vous parliez en compagnie le moins que vous pourrez, pour eschever son blasme, le mien et de nos enfans, et que le celiez de vostre part..." (Ménagier Paris B.F., c.1392-1394, 113). | |
| 113 | Les aucuns ont opposé contre saint Pol qu'il redoubta la mort et s'enfuyt aucunes fois, et pour ce le veulent blasmer de paour et d'inconstance. Mais je respon avec saint Jehan Crisostome que doubter la mort ou les tourmens n'est pas pechié ou blasme, mais faire mal est pechié (GERS., P. Paul, a.1394, 499). | |
| 114 | Au pouvre prisonner, ma dame, Donnez l'aumosne de lïece. C'est pour trop craindre et doubter blame Que si dure prison me blesse. (CHART., R. Bal., c.1410-1425, 375). | |
| 115 | "Ha, parastre !" dit il, "(...) Tel blasme vous en vient, que tousjours ensuivant, En seront vilz tenus les vostre appartenant." (Galien D.B., c.1400-1500, 53). | |
| 116 | Et par Dieu, je suis bien infame Et digne de grant honte et blasme : C'est par mon fait qu'elle me lesse. (Narcissus, p.1426, 311). | |
| 117 | Je pense qu'il vault mieulx que je me occise moy mesmes sans attendre a souffrir la honte, la blasme et les tribulacions du cuer qui me tendront desoremais compaignie. (Percef. III, R., t.2, c.1450 [c.1340], 171). | |
| 118 | ...tel cuide bien vengier sa blasme qui l'accroit. (Percef. IV, R., c.1450 [c.1340], 740). | |
| 119 | Si prie au benoist filz de Dieu, Qu'a tous mes besoings je reclame, Que ma povre priere ait lieu Vers luy, de qui tiens corps et ame, Qui m'a preservé de maint blasme Et franchy de ville puissance [celle de l'évêque, Thibault d'Aucigny] ; Loué soit il, et Nostre Dame, Et Loÿs, le bon roy de France (VILLON, Test. R.H., 1461-1462, 26). | |
|
