ART MILIT. "Ouvrage avancé (en forme d'auvent) pour abriter un poste de défense, percé de meurtrières ; meurtrière percée dans le mur d'une forteresse" : ...dont ils firent leurs barbequanes, car les fossés estoient sans murs et sans bretesques, quant les Englès y vindrent à siége. ([Hist. chron. Flandres K., t.2, c.1342-1383, 308]). Et quant ils furent ens, la porta s'avala. La grande barbakene à le tierre coula : Là furent atrapé cil qui estoient là ([God. Bouillon R., t.2, c.1356, 183]). Pour pluseurs oeuvres et mises faictes par Jehan Margot, bourgoiz de Mortaing, pour cause de la fortiffication de la barbaquenne de la basse court du chastel de Mortaing ([Compte Navarre I.P., 1367-1371, 310]). La barbacanne ont de prinsaut Gaaingnie, et dou premier assaut ; Et puis le chastel assaillirent. ([MACH., P. Alex., p.1369, 121]). Et en chascune face y ait propre place establie et maçonnee pour asseoir engins à traire dehors, se besoing de deffence venoit, manteaulx et barbacannes de bois soient atachiéz dehors aux creneaulx pour targier du trait. ([CHR. PIZ., Fais armes cheval., 1410, 51 r°]). ...lui estant sur les murs de ladicte ville et faisant le guet par nuit, ainsi qu'il est acoustumé, eust veu et apperceu que sur la porte de Neaufle de ladicte ville avoit trois belles pierres de taille, sur quoy l'en se seoit au feu, et deux autres sur une guerite qui est a l'endroit de l'ostel a la dame des Boves, lesqueles cinq pierres, qui comme il semble avoient servy a pendre barbaquennes de bois ausdiz murs ([Chancell. Henri VI, L., t.1, 1428, 92]). Constantinople est très forte, en figure triangulaire ; elle a vingt milles de tour devers la terre, cinq devers la mer, cinq devers le port, et autres cinq devers le golphe. Les murs de devers la terre sont très gros et hauts, et dessus y a barbacannes et machicolies, et au dehors faux murs et fossez ([Doc. 1453. In : CHART. J., Chron. Ch. VII, V., t.3, c.1437-1464, 23]). Et ès greigneurs vaisseaulx de guerre fait-on à la foys tours et barbacanes, affin que, ainsi que on fait des haulx murs, on puisse getter contreval et navrer et occire. ([BUEIL, II, 1461-1466, 56]). Monseigneur le bastart venant à l'encontre dudit messire Jehan estoit houssié de velours tané chargié de brodure en barbequesnes et ses lettres avec son mot à bordure de velours vert. ([LA MARCHE, Mém., IV, Pièces annexées, p.1468, 124]). ...octroyons de grâce espécial par ces présentes congié et licence, de faire rééddiffier, construire et clouoir sesdicts chasteau et lieu de Loué et de y faire murailles, tours, sarbacannes [l barbacanes], portaulx, foussez et aultres choses nécessaires et convenables à fortifficacion. ([Cartul. Laval B., t.3, 1482, 295]). Gran pons levis, boulouars et lucarnes, Meurtrissoueres de haulteur succombees, Larges fossez a basses barbacanes ([LA VIGNE, V.N., p.1495, 178]). |
