ARM. "Arme blanche à lame recourbée, courte et large et à un seul tranchant" : Là avoit un escuier, qui s'appelloit Colinet de Bleville, et trençoit devant le roy de Navare : si fu moult courouciés, quant il vei son mestre ensi demener ; et trest son baselaire, et l'aporta en la poitrine dou roy de France, et dist qu'il l'occiroit. ([FROISS., Chron. L., IV, c.1375-1400, 178]). A ces mos il traïst un grant baselaire que il portoit (...) et fiert che Tieullier un tel horion parmi la teste que il l'abat as piés de son cheval. ([FROISS., Chron. R., X, c.1375-1400, 120]). ...combien que ycellui Guillaume feust son cousin remué de germain et ne lui eust fait aucun desplaisir, ne se doubtoit point de lui, le dit chevalier et ses diz varlez, meuz de très mauvaise voulenté, lui coururent sus et lui osterent son espée, et au varlet qui avec lui estoit son badelaire, et lors le dit chevalier le print par le chaperon et lui abati devant le visaige ([Doc. Poitou G., t.5, 1377, 57]). Pierre Villequin, coustellier, demourant à Paris, pour II bazelaires garnis d'argent et de gueynes, achetées de lui pour le Roy ([Comptes hôtel rois Fr. D.-A., 1380-1481, 38]). ...ledit Jehan Braque féry nostredit sergent d'armes de son coustel ou baudelaire jusques à effusion de sanc ([Ch. VI, D., t.1, 1388, 88]). Lequel qui parle, quant il vint emmi la rue, apperçut que deux hommes se entrebatoient de leurs espées ou badelaires, qu'il avoient sachez nus, et dont il gettoient moult fort l'un à l'autre, s'aproucha de l'un desdiz compaignons, desquelx il ne congnoissoit aucuns, et dudit badelaire qu'il tenoit, fery l'un d'iceulx parmi la gorge tout au travers, lequel chey illec. ([Reg. crim. Chât., I, 1389-1392, 83]). Auquel homme, il qui parle, sans plus mot dire, donna et fery IIJ coups d'un badelare qu'il avoit pendu à sa sainture parmi le corps ([Reg. crim. Chât., I, 1389-1392, 156]). Et, avec ce, lui osterent un bazelaire qu'il avoit, qu'ilz emporterent aussi. ([Reg. crim. Chât., II, 1389-1392, 224]). ...quant il fu emprisonné il avoit or et argent sur lui avec un grant badelaire garni d'argent, qu'il disoit avoir gaignié au mestier de cousturier ([Reg. crim. Chât., II, 1389-1392, 480]). ...un badelare garny d'argent ([Invent. test. beauv. L., 1397, 49]). ...le dit Jehannot avoit un bazelaire tout nu ([Doc. Poitou G., t.6, 1400, 360]). [Il s'agit de l'armée anglaise égarée en Ecosse] ...la riviere devint si grande que nuls ne le peuist passer. Si les convint jeuner, tout le jour otant bien que la nuit, et les chevaus mengier terre avoecques le wason, ou bruiere toute dure ou fuelles d'arbres ; encores n'en avoit mies qui voloit. Et leur convenoit coper plançons de bois a lors espees ou baselaires tous ploians, pour lors chevaus loiier, et verges pour faire hutelettes pour euls muchier. ([FROISS., Chron. D., p.1400, 133]). ...tous subjectz et vassaulx qui appenséement machinent contre la santé de leur Roy et souverain seigneur pour le faire mourir en langueur, par convoitise d'avoir sa couronne et seigneurie, fait consacrer, ou à plus proprement parler, fait exorer espées, dagues, badelaires ou couteaulx, verges d'or ou anneaulx dédier ou nom des dyables par nigromance, faisans invocacions de caractères, sorceries, suggestions et maléfices (...). Cellui ou ceulx qui le font ne commectent point seulement crime de lèze-majesté ou premier degré, mais commectent crime de lèze-majesté divine ([Doc. 1408. In : MONSTRELET, Chron. D.-A., t.1 c.1425-1440, 217-218]). ...tout parmy le pis Baselare et espée li orent ou cors mis, Sicomme il leur estoit enjoint des anemis Pour parfaire leur cierne ([Geste ducs Bourg. K., c.1410-1419, 321]). ...le lundi ensuivant, fut crié parmy Paris (...) que tout homme, prestre, clerc ou lay, portast ou envoiast toutes ses armeures, quelles qu'elles fussent, ou espées, ou badelaires, ou hachetes (...) au chastel de Sainct-Anthoine. ([Journal bourgeois Paris T., 1416, 73]). ...ledit suppliant (...) trouva en la ruelle de son lit une petite espée ou bazelaire ([Paris domin. angl. L., 1425, 198]). ...iceulz espée et badelare et anel ainsi dedyés et consacrés furent baillez au dit duc d'Orlienz pour en faire et parfaire les diz maleficez en la personne du roy ([COCHON, Chron. norm. B., c.1430, 227]). Je prendray mon grant baudelaire Et le mectray soubz ma caboche A celle fin que, s'on s'approche, Je soye plus prest au hutin. ([Myst. Pass. Troyes B., a.1482, 820]). |
