I. -

Adj. "Pareil" : ...toutes autretelles et samblables rentes ou revenues que doient ou deveront li dessus dis hommes ou femmes de nostredit signeur, il renderont et paieront chascun an annuelment (Trés. Reth. S.L., t.2, 1353, 143). ...onques mais ne fu mencion De gent d'autretelle equité Mourir a si grant quantité (CHR. PIZ., M.F., II, 1400-1403, 319).

II. -

Adv. "Autant, pareillement" : Maine moy jusqu'a son hostel. Je feray pour toy autretel, S'il chiet a point. (Mir. femme roy Port., c.1342, 155). Si oÿssiez la tel deduit Que rien il n'y avoit de vuit. Le cry estoit continuel Des gens et des chiens autretel (LA BUIGNE, Rom. deduis B., 1359-1377, 378). ...je ne dy pas que les peageurs soient larrons, mais je dy bien que assez petit en y a de preudommes (...). Autretel est il des pontoniers et gardez des passaiges des rivieres, especialment sur la Sone et sur le Roone. (BOUVET, Appar. Meun A., 1398, 67). Le messagier d'Amours - c'est assavoir Doulz Regard - estoit tousjours en voye. L'un se hontoioit et couleur changoit, autretel le faisoit l'aultre. Jason ne se pouoit contretenir, et Mirro se percevoit assez de son maintien. Mais Mirro estoit plus subtille et se contregardoit raisonnablement, et plus en faisoit son sens que son ceur ne luy apportoit. (LEFÈVRE (R.), Hist. Jason P., c.1460, 139).

-

Tout autretel. "Tout autant" : Car tout n'euist title de compte, Pluseurs en faisoient tel compte Que ly plus de prinches disoit Que de prez leur appartenoit Et qu'estrés estoit tout du mains De prinches et de chastelains, Et la dame tout autretel. (Dit prunier B., c.1330-1350, 44). Dont pluseurs y ot qui juroient Que le passage essaieroient, Car bien cuidoient estre tel Qu'il feroient tout autretel. S'il y passerent, plus n'en say. Mais tels se porroit a l'essay Mettre, qui s'en repentiroit Et qui jamais n'i passeroit. Car tels jure de son marchié Qui puis en laisse la moitié (MACH., D. Lyon, 1342, 235). Et tout ainsy que Gantois avoient usé de vouloir avoir tout à leur poste et à leur demande, cestes males gens aussy disoient que tout autretel auroient-ils en pareil, et seroient mises jus maletostes et impositions (CHASTELL., Chron. K., t.5, c.1456-1471, 308).

-

Autretel que. "Autant que" : Hahan ! beau cousin de Saint-Pol est mal de mon seigneur, et du roy répulsé à tous lez ; et ne tend-on qu'à le baculer à meschief et à luy faire tout grief, pour l'amour de moy. Et je voue aux saints qu'en telle coupe qu'il buvra, je y buvray moy, et en auray autretel que luy. (CHASTELL., Chron. K., t.4, c.1456-1471, 485). Et en ce mesme temps, ceux d'Anvers firent autretel que Malines, et firent des commotions entre eux aussi à pareil titre ; et qui plus est, à la tierce main, une meschante ville en comparaison aux autres, nommée Lire, fit une grande heurée aussy (...) contre les gouverneurs et pour avoir les choses à leur poste. (CHASTELL., Chron. K., t.5, c.1456-1471, 309).

-

Autretel comme. "Autant que" : LE ROY. Or faites pour moy autretel Conme de vous, ne plus ne moins. Je sui uns petiz chastellains Ceens maishui. (Mir. femme roy Port., c.1342, 157).