| 125 exemples | | 1 | A Robin Stokes, escuier angloiz, auquel par Monseigneur Messire Loys avoit esté baillé à lever la terre de Monseigneur Jehan de Boutemont, chevalier, à cause dabsence [l. d'absence], jusques à tant que la somme de IIc l. de rente, que Monseigneur avoit donnée audit Angloiz, li fust assignée (Compte Navarre I.P., 1367-1371, 112). | |
| 2 | Cedit jour, a esté baillée à J. Le Maçon (...) une quittance de LX libvres parisis par lui paiées à moy N.de Baye, graphier de ceans, à qui ladicte somme estoit assignée pour mes gages (BAYE, I, 1400-1410, 257). | |
| 3 | Item, pour assigner la vie Du dessus dit maistre Robert [Robert Valee], Pour Dieu, n'y aiés point d'envye, Mes parens, vendés mon haubert, Et que l'argent, ou la plus part, Soit emploié dedens ces Pasques A acheter a ce poupart Une fenestre emprés Sainct Jacques. (VILLON, Lais R.H., c.1456-1457, 18). | |
| 4 | ...si se mist au chemin et vint au lieu assigné. (C.N.N., c.1456-1467, 231). | |
| 5 | Et enfin le roy se condescendi que les trois estas se tendroient et assembleroient ; et, pour ce faire, leur fut lieu assigné en la ville de Tours, pour ilec eulx y trouver au premier jour d'avril (ROYE, Chron. scand., I, 1460-1483, 198). | |
| 6 | L'endemain, a heure assignee, je, furny de mes agoubilles, me trouvay ou lieu assigné ouquel estoient desja assembleez les six dames qui aprés moy attendoient (Ev. Quen., I, c.1466-1474, 80). | |
| 7 | En toute la loy ne trouvons Raison ne vif enseignement Qui assigne si proprement Le lieu ou le saulveur doibt naistre. (Myst. Pass. Troyes B., a.1482, 298). | |
| 8 | Qu'adorer puisse ton hault chief tresinsigne, Et que m'assigne Lieu pour regner bien solitairement ! (LA VIGNE, S.M., 1496, 212). | |
| 9 | Gieffroy ordonna gens pour faire reffaire l'abbaye de Malleres, et leur assigna ou ilz prendroient la finance pour paier les ouvriers. (ARRAS, c.1392-1393, 279). | |
| 10 | ...si travilloient (...) que une asamblée de leurs consaulx sur traitiés de pais fust assignés et mis en la citté de Tournai. (FROISS., Chron. R., X, c.1375-1400, 208). | |
| 11 | ...ce parlement (...) seroit asignés à Arras (FROISS., Chron. D., p.1400, 457). | |
| 12 | ...en tant comme il avoit esté tribons du pueple et demené par .II. fois office [de trihomme] l'une fois noturne, l'autre pour une colonie assigner et mener. (BERS., I, 9, c.1354-1359, 46.3, 86). | |
| 13 | SETH. Helas, et quel signe en aray je Sur quoy ma credence s'assigne ? CHERUBIN. Tien, mon filz, tu aras ce signe : Porte ces trois grains en ta main Et, quant Adam son cours humain Ara exploicté par la mort Qui tout tue, tresperse et mort, Plante les dessus son tombeau. (GRÉBAN, Pass. J., c.1450, 29). | |
| 14 | Damp cordelier, non content de ceste offre, demande qu'il luy assigne sa vie, remonstrant tout premier comme la fille l'avoit aveuglé [Devenu aveugle en soignant une jeune fille malade, un cordelier adresse au père de la jeune fille une requête en dédommagement] (C.N.N., c.1456-1467, 36). | |
| 15 | Ilz [les rois mages] ne proposent pas cela ; Leur totale raison s'assigne Que l'estoille leur monstre signe Que Cristus doit estre venu. (GRÉBAN, Pass. J., c.1450, 87). | |
| 16 | La belle va Climent assigner de son doy, Climent vint volentiers a elle par ma foy (Flor. Octav. L., t.1, c.1356, 201). | |
| 17 | Et celle s'en alloit Et vint toust au palaiz la ou Florent estoit Qui de ces Sarrazins le maintien regardoit ; Et la pucelle l'a assigné a son doyt ; Florent l'a aperceue, celle part s'en alloit (Flor. Octav. L., t.2, c.1400, 528). | |
| 18 | Vela ung homme que je voy Qui me assigne ; je vueil aller Sçavoir s'il veult a moy parler (Myst. Viel test. R., t.2, c.1450, 306). | |
| 19 | Fernagus vint auz treis Erchebaux de Geneve et demandat lequel estoit le sire d'eaulx ; et ons luy asseingnat Erchebaux. Et il vint a luy et dist : "Comme as tu nom, glos ?" Respont : "J'ay nom Erchebaulx de Geneve, filz Doon de Maience, et suys oncle d'Ogier le Danois, qui est oultre mere. Plaisist a Dieu qu'il fuist cy : il abbateroit cest poneez." (JEAN D'OUTREM., Myr. histors G., a.1400, 147). | |
| 20 | SAINT JEHAN. Sa, Pierre, procedons avant. Vecy nos deux gens separéz. Ça, vecy deux sors ["lots (dans un tirage au sort)"] preparéz Comme le commun les assigne : L'un en y a qui a ung signe De quoy a part signé l'avons Par l'accord de nos compaignons ; Le second de signe n'a point. (GRÉBAN, Pass. J., c.1450, 445). | |
| 21 | Des exemples vous avés assés mis, Mais je pourrois des amans assigner Qui des dames ont esté relenquis. (SAINT-GELAIS, Eurial. Lucr. R., c.1490, 48). | |
| 22 | MAGDELAINE. En dueil, en tourment et en noise Des or vueil ma vie mener, Quant je ne truis qui assigner De mon tres doulz seigneur me puisse ["Quand je ne trouve personne qui puisse me renseigner à propos de..."]. SECONDE. Lasse moy ! Ne sçay ou le truisse, Le doulz Jhesu (Myst. Pass. N.S. R., c.1350-1370, 256). | |
| 23 | Au propos tous nous concedons Que Cristus, que nous actendons, Sera filz d'ung roy noble et franc, Car, s'il n'estoit de noble sang, Mal luy duiroit la seigneurie Que la lectre lui approprie Qu'il nous doit regir francs et quictes. S'il est donc né comme vous dictes, Assignez moy de quel seigneur. (GRÉBAN, Pass. J., c.1450, 117). | |
| 24 | Et quant Millon le voit si le va assigner : "Maistre donc venez vous ? ..." (Hern. Beaul. D.B., c.1350-1400, 73). | |
| 25 | Ce pouvre prestre en grant tourment Veint devant la Vierge Marie Prier tendrement en pleurant Qu'elle luy assignast sa vie. (MART. D'AUV., Mat. Vierge L.H., c.1477-1483, 135). | |
| 26 | JUDAS. [s'adresse aux hommes de main] Prenés en vous bon hardement ; Chascun a bon endroit assigne. Mais vous souviengne bien du signe Que je vous baillay au partir. (MICHEL, Myst. Pass. J., 1486, 287). | |
| 27 | ...se il l'eust assiné sus le bachinet, il l'eust porté a terre de che cop, si comme je croi, quer le coup fu si grant que il lui coupa un cartier de son escu et feri l'espee en terre bien avant. (HENRI FERR., Modus et Ratio, Songe pest. T., c.1354-1377, 105). | |
| 28 | Car par Dieu il m'en souviendra. Unes foix on te le rendra. Tu m'as bien assigné mes boces : Oncques mays ne fu a telx nopces (Pac. Job M., c.1448-1478, 214). | |
| 29 | ...qui faudra a [a]signer [l.assigner] de ses trois lances, il se combatra a son compaignon aus espees jucques a outranche. (HENRI FERR., Modus et Ratio, Songe pest. T., c.1354-1377, 99). | |
| 30 | Outrage fist ses trois lanches sans assiner (HENRI FERR., Modus et Ratio, Songe pest. T., c.1354-1377, 105). | |
| 31 | Dieu par sa sainte grace doint paix et paradis Au roy mon premier maistre et celuy qui m'a mis En service, duquiel j'ay ma vie assignee, Surs le grant senechal ou el sera finee. (BRÉZÉ, Dits chien Souillard T., c.1483-1490, 58). | |
| 32 | CC livres a l'estrelin que li rois d'Engleterre li donna de revenue par an, asignés sus ses coffres. (FROISS., Chron. D., p.1400, 794). | |
| 33 | ...on paieroit presentement trois mois desdis arrerages escheuz depuis l'advenement du Roy, et du surplus on les assigneroit sur les prouffis et revenues qui seroient levées pour le Roy à Paris (FAUQ., III, 1431-1435, 17). | |
| 34 | ...il est de neccessité que vous chevauchez et que vous facez gaigner les compaignons ; il y a longtemps qu'ilz ne firent que despendre. On vous a assigné vostre payement sur le payz ; et le duc Baudoyn vous en occupe la pluspart, et c'est où est le debat. (BUEIL, II, 1461-1466, 83). | |
| 35 | Dieu Cupido et Venus la Deesse, (...) Savoir faisons que le duc d'Orlians, (...) Nous retenons pour l'un de noz servans Par ces presentez ; Et lui avons assigné sur noz rentes Sa pension en joyeuses attentes (CH. D'ORLÉANS, Ret. am. C., 1414, 15). | |
| 36 | ...car par deça et aillieurs ilz [les receveurs des aides] quierent escus foibles pour payer les assignez par le roy (JUV. URS., Nescio, 1445, 529). | |
| 37 | Et si les femmes se deullent de ce que je n'ay mis ou assigné les dictes chouses que je tiens a maleurtez surs elles come surs les hommes, elles le me pardonront, si leur plest, combien que je leur ay rien meffait (Quinze joies mar. R., c.1390-1410, 114). | |
| 38 | ...le lieu et office, qui autresfois avoit esté assigné en ladicte Chambre de Parlement à maistre Christofle de Harcourt, estoit vacant (FAUQ., I, 1417-1420, 380). | |
| 39 | Si fu la tramis P. Cornelius atout .I. ost et a Marcius furent assigné li novel ennemi, mesmement car desja avoit on commandé faire guerre aus Anagins et aus autres Herniciens. (BERS., I, 9, c.1354-1359, 43.2, 79). | |
| 40 | Derechief, une loy dit que, se le patron qui a manumitté un honme sers, assigne cest honme a un de sez enffens, ceste assignacion ne puet estre transportee en un aultre, tant que il y ait aucun qui descent de celluy filz (Songe verg. S., t.1, 1378, 250). | |
| 41 | Et incontinent le filz dudit roy Andrieu, que ladicte royne Jehanne premiere avoit laissié au chastel neuf de Napples, lui fust rendu et assigné par commandement de ladicte royne Jehanne. (LA SALE, Salade, c.1442-1444, 182). | |
| 42 | Mais les autres dient que il semble inconvenient, car ilz actribuent au beneuré tous biens et si ne li assignent nulz amis. (ORESME, E.A., c.1370, 484). | |
| 43 | Lors s'encline la royne devant son pere et le salua moult doulcement. Et il lui dist : Ma fille, vous soiez la tres bien venue. Je suiz bien joyeux quant Dieu m'a fait tant de grace en mon vivant que je vous voy si haultement assignee (ARRAS, c.1392-1393, 122). | |
| 44 | ...si povre orpheline comme je sui n'est pas digne d'estre assignee en si hault lieu que d'avoir la fleur de chevalerie et de noblesce de toute crestienté. (ARRAS, c.1392-1393, 236). | |
| 45 | La douziesme joye de mariage si est quant le jeune homme est tant allé et venu qu'il a trouvé l'entree de la nasse et est entré dedens et a trouvé femme telle qu'il la demandoit, et a l'aventure il lui fust bien mestier d'en avoir trouvé une aultre, mais il ne le vouldroit pour riens, car il lui semble qu'il est mieulx assigné que nul aultre et qu'il fut bien beneuré quant il pleut a Dieu qu'il la trouvast, car a son avis n'en est nulle pareille a elle, et l'escoute a parler et se gloriffie en son fait, en sa prudence, combien que par aventure el ne scet qu'elle ravace. (Quinze joies mar. R., c.1390-1410, 90). | |
| 46 | Par ma foy, dist ly conte de Forests, monseigneur, vous dictes voir, et quant de ma part, comme vous dictes, je ne l'en pense jamais a enquester, ja soit il mon frere, car je le tien pour tres bien assigné a mon aviz. (ARRAS, c.1392-1393, 44). | |
| 47 | Il ne l'a pas ore a eslire, Ains y a [pour le gouvernement de l'empire] moult bien assigné : Car son frére y a ordené, Avec ma dame. (Mir. emper. Romme, 1369, 249). | |
| 48 | ...Estephen Ingram, clerc nadgairs assignéz pur les receiptes, costages et dispences del hostiel de dame Isabelle, darrein Royne d'Engleterre, de touz maniers receiptes, costages et dispences du dit hostiel del cour (Lettres agn. L., p.1401, 9). | |
| 49 | Pour ce ne prindrent point les prestres de la ligne de Levi partie en la terre de promission quant l'eritage fut departy aux lignees d'Israël, ains receurent de l'univers peuple lez dismes et offrendes. Nulle part ne leur fut assignee sur le tout, mais ilz eurent leur tout sur la part de chacun. (CHART., L. Esp., c.1429-1430, 172). | |
| 50 | ...fu li contes de Cambruge (...) ordonnés et assignés de aler en une belle ville en Portingal (FROISS., Chron. R., X, c.1375-1400, 158). | |
| 51 | Vous, Gedeon, qui portastes le signe Chrestifferant, humblement vous assigne De comparoistre par devant ces mastins, En leur monstrant vostre chief tresinsigne, Pour les destruyre de fin fons en racyne Comme jadis fistes soirs et matins, Dont puis aprés en mon trosne me tins Hault eslevee de bruyt et de louenge, Incessamment plus heureuse c'une ange. (LA VIGNE, Ress. chrest. B., 1494, 120). | |
| 52 | Ha, larron d'argent consigné, Es tu ja si fort obstiné Que tu ne te veulx convertir ? T'a ja le grand dyable signé Pour estre en enfer assigné A jamais sans en departir ? (MICHEL, Myst. Pass. J., 1486, 271). | |
| 53 | ...et donna on à entendre au roi d'Engleterre que par ce parlement qui seroit asignés à Arras, il aueroit en pareçon grant part dou roiaulme de France (FROISS., Chron. L., II, c.1375-1400, 260). | |
| 54 | Si fu regardé que li rois d'Ermenie [en exil] pour tenir un estat moyen, seroit assené de une rente et revenue par an (...) Si fu assigné le dit roy d'Ermenie de VIM frans par an (FROISS., Chron. M., XII, c.1375-1400, 224). | |
| 55 | J'ay entendu par voz voisins Que d'enffans estez moult chargez. Bon est que vous en deschargez, Si vous requier que un m'en donnez Et il sera bien assignez, Car tellement l'assineray Qu'a tousjours riche le feray. (COUDRETTE, Mélus. R., c.1401-1402, 114). | |
| 56 | Et à mons. de Bourbon fut baillé et laissé sa pension telle qu'il avoit du temps du roy trespassé et les gens de guerre qu'il tenoit oudit temps, et assigné du paiement à lui deu pour la reste de son mariage (ROYE, Chron. scand., I, 1460-1483, 122). | |
| 57 | Jugement (...) que dit que, se ung homme fait sa devize et donne a cez enffans sertainnes sommes pour eaulz assigneir, et il samble auz autres des maimbours que l'ergent wairdes qu'il soit bien temps de l'ergent a metre en prouffit, et cil vuelt metre la partie qu'il warde, li autrez ne s'en pueent debaitre, ains convient qu'il le faicet. (Jug. maître-échev. Metz S.M.S., t.1, a.1494, [1331], 88). | |
| 58 | Cedit jour, pour ce que le Roy estans à Chartres manda, environ quaresme, XIJ des seigneurs de ceans et son procureur general et ses IJ advocat, qui furent audit Chartres ou à l'environ par aucuns jours, et depuiz pour leur salaire ou gages furent assignez sur les amendes de ceans, dont ancores n'estoient pas payé, a esté dit et ordonné que des deniers desdictes amendes ne sera distribué ailleurs nulle part, jusques à ce que de leurs diz gages et salaire il soient parpayez. (BAYE, I, 1400-1410, 281). | |
| 59 | Et commanda que les souldoyers fussent assignez sur IIIJ bons villaiges pres de Londres (Chron. Rich. II, W., c.1400-1420, 2). | |
| 60 | A Jehan Roulin, procureur fiscal, le XVIe dudit moys, pour son veaige d'aller à Flaeolz, quérir l'argent assigné auxdits maneuvres de Peyrolles par une descharge contenue ou compte précédent la somme de neuf florins six gros (Comptes roi René A., t.1, 1479, 41). | |
| 61 | ...et seroient d'icellui prouffit fais les paiemens aux gens d'armes et autres qui estoient assignez de leurs gaiges sur ladicte Monnoye (FAUQ., I, 1417-1420, 298). | |
| 62 | ...d'ilec s'en ala à Bruges et à l'Escluse pour appointier du fait des capitaine et sauldoiers du chastel de l'Escluse qui estoient assignez de leur gaiges d'aucun temps sur ladicte recepte (Comptes Etat bourg. M.F., t.3, 1418-1420, 566). | |
| 63 | ...il est de neccessité que vous chevauchez et que vous facez gaigner les compaignons ; il y a longtemps qu'ilz ne firent que despendre. On vous a assigné vostre payement sur le payz ; et le duc Baudoyn vous en occupe la pluspart, et c'est où est le debat. (BUEIL, II, 1461-1466, 83). | |
| 64 | ...madamme Aliénor sa mere estoit là assignée de son douaire (FROISS., Chron. M., XII, c.1375-1400, 262). | |
| 65 | Fuiez de cy. - Belle, pour quoy ? - Pour vous seroie diffamée ! Et si fauldroit moustrer de quoy, Dont je fusse bien assignée. - Or ay je donc putain trouvée Pour argent, que j'en remercie ! (DESCH., Oeuvres R., t.8, c.1370-1407, 185). | |
| 66 | ...mondit seigneur par sesdictes lettres leur a accordé et assigné avoir et prendre lesdiz deux sommes par leurs mains sur les deux gros des cervoises estranges appellez le hoppembier illec (Comptes Etat bourg. M.F., t.3, 1416-1420, 217). | |
| 67 | Item, a mes povres clergons [deux très vieux chanoines de Notre-Dame], Ausquelz mes tiltres resigné - Beaux enffans et droiz comme joncs Les voyant m'en dessaisiné -, Sans ["cens"] recevoir leur assigné, Seur comme qui l'aroit en paulme, A ung certain jour consigné, Sur l'ostel de Gueuldry Guillaume. (VILLON, Test. R.H., 1461-1462, 106). | |
| 68 | Conjecturant la tollerance insigne Des sainctz martirs que Dieu garde et prosigne, Conflagellés du furibond satrape, Sans plus chercher d'exteriore signe, Tu dis tout hault : "Avecq eux je m'assigne ; Christïen suis, vostre loy vous resigne, Comme eulx voeus estre attrapé a la trappe." (MOLINET, Faictz Dictz D., 1467-1506, 508). | |
| 69 | La demonstrance, c'est la lettre De toutes choses et le signe De parolle, qui nous assigne Les dis des accens (CHR. PIZ., M.F., II, 1400-1403, 126). | |
| 70 | Et pour chacun point vouldray baillier et assigner ung exemple. (BUEIL, I, 1461-1466, 118). | |
| 71 | Quel nom doncques (...), lui souffreray je porter [au roi Charles VII défunt] ? Car il fault ou que moy mesmes lui assigne tiltre ou qu'a autrui oppinion je m'acorde pour la vive attainte. J'ay dit que le nom de conquereur ne lui duit point pour les causes alleguees, et que celui de recouvreur ne lui souffit pour ce que point n'est capable assez de son tout. (CHASTELL., Chron. IV, D., c.1461-1472, 316). | |
| 72 | Et par ceste maniere se puet entendre la sentence du Philosophe qui assigne trois manieres de mouvoir : l'une du centre, l'aultre au centre et l'aultre autour du centre. Le centre du cercle est le moyen point du cercle, selon lequel le cercle se forme en reondeur, et aussi la droite moyenne d'une chascune chose. (Somme abr., c.1477-1481, 145). | |
| 73 | ...devant que descendre au principal, est expediant faire la division et assigner l'ordre et les parties de ce present Elucidaire, lequel je deviseray en trois principalles parties. (SIMON DE PHARES, Astrol., c.1494-1498, f° 8 r°). | |
| 74 | Nany, elles [les bêtes] estoient cornues Et barbues comme vieulx boucz. On les prent qui leur dit deux motz Bien assignés, quant on les chasse. (Pass. Auv., 1477, 141). | |
| 75 | Aucuns pourroient dire que entre les IIII vertus, lesquelles en ceste presente epistre ont esté tant louees, neccessaires et approuvees pour le confort de l'ost et fondement de victoire, III autres vertuz y seroient mieulx assignees, c'est assavoir foy, esperance et doulce charité... (MÉZIÈRES, Epistre lamentable C.P., 1397, 127). | |
| 76 | Mais a savoir mon de celui qui se depart et ist hors du moien, a quelle quantité et en quelle maniere il est hors, quant il doit estre blasmé ou a combien loing du moien et quellement loing il doit estre blasmé et vituperé, ce n'est pas legiere chose de rendre et assigner de ce raison ou regle certaine. (ORESME, E.A., c.1370, 263). | |
| 77 | Prudence qui les loys droiturierement interprete, quant vint que parler devoit, moult eloquemment sa raison assigna : "Je ne voy, dit elle..." (GERS., Concept., 1401, 402). | |
| 78 | ...il confessa purement et nuement icellui cas en la présence du roy de Cécile et monseigneur de Berry, assignant nulle cause, fors qu'il avoit ce fait par l'ennort du dyable. (Doc. 1408. In : MONSTRELET, Chron. D.-A., t.1 c.1425-1440, 345). | |
| 79 | Hela, oncques ne leur greva Le bon seigneur ne leur nuysi, Et si le tourmentent ainsi Sans y avoir cause assignee. (GRÉBAN, Pass. J., c.1450, 294). | |
| 80 | ...Par quoy je conclus clerement Qu'il [Jésus] n'est prophete aucunement, Sans autre raison assigner. (MICHEL, Myst. Pass. J., 1486, 158). | |
| 81 | Mauldit soit le desloyal juge Qui le jugement assigna Et quant la sentence assis n'a Par justes causes assignees. (MICHEL, Myst. Pass. J., 1486, 390). | |
| 82 | Les Planètes à son vouloir, Leur ordonna tousjours mouvoir En leurs cercles diversement, Tant en commun comme autrement, Et à chascune vraiement Assigna propre mouvement, Lequel ne pevent translater Par pou mouvoir ne trop haster (LA HAYE, P. peste, 1426, 39). | |
| 83 | Et croyez que Dieu n'a point estably l'office de roy ny d'autre prince pour estre exercé par les bestes ny par ceulx qui par gloire dient : "Je ne suis point clerc, je laisse faire à mon conseil ; je me fie en eulx" et puis, sans assigner aultre raison, s'en vont à leurs esbatz. (COMM., I, 1489-1491, 130). | |
| 84 | ...je n'entreprans pas de rendre ou assigner sur toutes choses raisons si proffondes (SIMON DE PHARES, Astrol., c.1494-1498, f° 5 v°). | |
| 85 | Dont quant il commande quelque chose, il assigne la raison ou la cause du commandement en chelui lieu ou ailleurs. (DAUDIN, De la erudition H., c.1360-1380, 229). | |
| 86 | Aprés il assigne la cause pour quoy telz chevaliers ne ont pas la vraie vertu de fortitude et monstre comme de ceste fortitude et de fortitude civile s'ensuivent divers effectz. (ORESME, E.A.C., c.1370, 213). | |
| 87 | Et donques se cause ne puet estre assignee pourquoy telle chose commenceroit ou fineroit maintenant plus que en autre signe, et telz signes ont esté et seront infinis, il s'ensuit que aucune chose ait esté generable et puet avoir eu commencement par temps infiny. (ORESME, C.M., c.1377, 238). | |
| 88 | Item, encore pourroit l'en assigner autre cause pourquoy les planetes plus hautes font leurs cours ou leur propre mouvement en plus lonc temps, et est pour ce que tant plus sont hautes, tant plus grant cecle descrivent elles et font plus grant circuite. (ORESME, C.M., c.1377, 490). | |
| 89 | Et moult de raisons pevent estre assignees pourquoy la circoncision estoit faicte en l'uytiesme jour. (BATALLIER, Lég. dorée D.-L., 1476, 198). | |
| 90 | ADRASCUS. Oncques mort si tres redoubtable N'endura corps de crëature. HERMOGENÉS. Il fault prendre en gré l'adventure ? Quant a moy, ma sentence assigne Que c'est pugnicion divine Qui l'a rabatu par tel serre. (GRÉBAN, Pass. J., c.1450, 111). | |
| 91 | ...je ne veulx point que en nostre disputacion nous assignons aucuns inconveniens estre a Dieu, par lesquelx impossibilité soit designee a Dieu (CRAP., Cur Deus, De arrha B.H., c.1450-1460, 180). | |
| 92 | Je demande comment nous pourrons adsigner en verité que Dieu face ceste belle restauracion plus pour lui que pour nous. Et s'il est ainsi qu'y le face plus pour lui que pour nous, quelle grace sommes nous tenus de lui rendre ? (CRAP., Cur Deus, De arrha B.H., c.1450-1460, 210). | |
| 93 | Item, quant divinemens assignent a cas d'aventure a dire verite, il est si noté que c'est merveille (ORESME, Divin. C., c.1366, 96). | |
| 94 | Pourquoy, pas n'estoit convenable A vous, Justice redoubtable, Que vostre sentence cruelle de dampnacion eternelle Dessus les humains assignez, Qui encores ne sont pas néz. (GRÉBAN, Pass. J., c.1450, 43). | |
| 95 | Mauldit soit le desloyal juge Qui le jugement assigna Et quant la sentence assis n'a Par justes causes assignees ! (MICHEL, Myst. Pass. J., 1486, 390). | |
| 96 | Se le Chaton as bien aprins, C'est la souveraine doctrine ; Celluy a bonnes meurs comprins, De bien vivre c'est la racine ; Au surplus, sur luy, je te assigne En temps de tribulacion Pour souveraine medicine Boesse, De Consolacion. (GARIN, Compl., 1460, 99). | |
| 97 | Je ne trouve herbe ne rachine En champs, prez, jardins ne vergiers, Ne medecin ne medecine Qui nul preservatif m'assine En ces mortiferes dangers. (Cene dieux, c.1492, 132). | |
| 98 | Nous voulons (...) que vous mettez sus, assignez et asseez appatissemens sur les villes (...) et parroisses (...) usurpées et occuppées par les Anglois, (...) ainsi qu'il est acoustumé de faire selon l'estat de la guerre. (Chron. Mt-St-Mich. L., t.1, Pièces diverses, 1421, 108). | |
| 99 | ...li rois d'Engleterre ou li uns de ses enfans poeent venir (...) dedens un terme expresse que nous y assignerons (FROISS., Chron. R., VIII, c.1375-1400, 92). | |
| 100 | ...vous nous assignez trop loin jour que de retourner à le saint Michiel. (FROISS., Chron. M., XIV, c.1375-1400, 30). | |
| 101 | Et descy je vous donne journee, a la requeste du chevalier, de la bataille, au jour qu'il lui plaira assigner. (ARRAS, c.1392-1393, 60). | |
| 102 | ...vostres cors dira Que j'irai à men jour, puisqu'asinet on l'a (Geste ducs Bourg. K., c.1410-1419, 332). | |
| 103 | Au IJe jour aprés, jour des armes assigné, Saintré, avant que nulle chose feist, eust sa messe du Saint Esperit oÿe (LA SALE, J.S., 1456, 122). | |
| 104 | Et adonc le duc dit au varlet qu'il se tenist seur de sa vie avoir bien assignée, s'il faisoit cela. (CABARET D'ORV., Chron. Loys de Bourb. C., 1429, 204). | |
| 105 | ...jasoit qu'elle attendist la bataille dont elle mesme avoit l'heure et le jour assigné (C.N.N., c.1456-1467, 194). | |
| 106 | ...car il n'estoit de memoire d'omme que à journée assignée les Françoys se fussent comparuz jusques à ce jour. (GRUEL, Chron. Richemont L., c.1459-1466, 86). | |
| 107 | L'endemain, a heure assignee, je, furny de mes agoubilles, me trouvay ou lieu assigné ouquel estoient desja assembleez les six dames qui aprés moy attendoient (Ev. Quen., I, c.1466-1474, 80). | |
| 108 | Chargés vostre fais : il est tart, Car vostre heure est asignée ! (OLIOU, Mess. Arg. A., c.1470, 498). | |
| 109 | ...au jour assigné, environ vespres, on lui vint remonstrer comme son cas estoit en dangier et que le pappe estoit sain sans apparance de maladie, lequel, pour toute responce, leur dist : "Actendez l'eure avant que plus parler." (SIMON DE PHARES, Astrol., c.1494-1498, f° 159 v°). | |
| 110 | Omelion le Grecq, grant astrologien, fut en ce temps, lequel predist la venue du roy de Babilone et destruction de toute Egipte, et assigna icelle durée par XL ans. (SIMON DE PHARES, Astrol., c.1494-1498, f° 44 r°). | |
| 111 | Papirius dist mestre des chevaucheurs Junius le bovier, et si luy assigna jour ouquel il promulgueroit la loy curiate (BERS., I, 9, c.1354-1359, 38.15, 71). | |
| 112 | ...message furent envoiiet (...) et li certains jour assignés qu'il venroient (FROISS., Chron. L., I, c.1375-1400, 142). | |
| 113 | Et ly quens de Namur (...) Et li dus de Brabant (...) Tinrent ung parlement ou pays par delà ; Et vinrent à Buillon où li jours s'asigna. (Chev. cygne R., c.1356, 125). | |
| 114 | Et disoit que depuis il li avoit esté assigné jour à Fontenay, au premier jour des assises du dit lieu prochainement ensuiguanz, pour faire ce que reson peust donner. (Doc. Poitou G., t.2, 1335, 121). | |
| 115 | Ci fist le bon preudomme durant celle annee y avoit ordonné et assigné la vie des pouvres, et commis gens exprés pour les servir. (Rambaux Frise S., c.1450-1475, 79). | |
| 116 | ...et, au jour à lui assigné, il comparu en jugement et obtint contre icelle Marion comparuit. (Reg. crim. Chât., II, 1389-1392, 427). | |
| 117 | ...et requierent que on leur assigne jour pour dire les causes de leur opposition (FAUQ., I, 1417-1420, 174). | |
| 118 | ...journee est assignee au premier jour d'avril a vous et a voz parties adverses (Lettres Chart., 1425, 360). | |
| 119 | Sur ce, fut dit que on bailleroit jour de combatre et que on les fist appeller. Ainsi fut fait ; et fut dit que on leur assignoit jour à quarante jours de là (BUEIL, II, 1461-1466, 107). | |
| 120 | Et quant Artus l'oït, si les va deffïer, En l'ille de Bouscault fist bataille assigner, Le jour de la Saint Jehan c'on le deust selebrer. (Huon Bordeaux B., c.1400-1450, 438). | |
| 121 | Et, quant le roy (...) les eut assiégez, ilz lui demanderent jour de bataille, que voullentiers il leur octroya. Or vint le jour que la bataille fut assignée que ces deux freres saillirent en belle et plaisante ordonnance (BUEIL, I, 1461-1466, 125). | |
| 122 | ...Jehans de Pikegni (...) manda secretement à chiaus de le garnison de Cray (...) que il fuissent apparilliet (...) en un certain lieu que il leur assigna (FROISS., Chron. L., V, c.1375-1400, 123). | |
| 123 | O souveraine sapience plus parfonde que la terre, et plus haulte que les cieulx, qui mesuras le temps et assignas a toutez choses leurs mettes ! (CHART., L. Esp., c.1429-1430, 35). | |
| 124 | ...et lesse convenir de ta mort a celuy qui assigne leurs termes et leurs metes a toutes choses. (CHART., L. Esp., c.1429-1430, 100). | |
| 125 | Tant seullement sçavoir querons Quel lieu a esté assigné Ou celuy Crist doit estre né ; Or vous plaise le nous espondre. (GRÉBAN, Pass. J., c.1450, 88). | |
|
