I. -

Empl. trans.

A. -

Empl. trans. dir.

1.

CHASSE [D'un animal]

-

Assentir qqc. (ou un autre animal) "Sentir, flairer" : Or te diron comment tu destorneras le cerf des joennes tailles. Pren ton limier et va aus tailles ou tu avoies veu le cerf, et va a ta brisiee et fai assentir a ton limier ce de quoi tu avoies encontré, a si haute heure que bestes soient demourees, et le destorne a la maniere comme nous l'avon devisé (HENRI FERR., Modus et Ratio, Livre deduis T., c.1354-1377, 29). Il avient, quant les chiens sont en une requeste et il a jennez chiens, que il se tranportent pour leur radeur et pour leur jennesce et courrent tous jours devant eulz san riens asentir (HENRI FERR., Modus et Ratio, Livre deduis T., c.1354-1377, 70). Et se il [les loups] ont bien mengié chelle nuit la caroigne, atant un jour ou deus et leur redonne a mengier en la plache meimes, et leur en donne autant comme tu feïs devant ; quer les autres leus y vendront, qui aront asantu cheux qui ont mengié (HENRI FERR., Modus et Ratio, Livre deduis T., c.1354-1377, 113).

-

Empl. abs. "Sentir, flairer" : ...j'ai ailleurs fait desclaracion en cest livre comme cerf fuist quant il est chassié ; il fuit les voiez dures et seches, affin que les chiens qui le(s) chassent ne puissent assentir (HENRI FERR., Modus et Ratio, Livre deduis T., c.1354-1377, 117). Puis doit il releissier tout droit, le visaige de ses chienz tourné la ou le cerf fuit, quar, s'il releissoit au travers, aucune foiz les chienz qui n'auroient point assenti, prendroyent la contre ongle (GAST. PHÉBUS, Livre chasse T., 1387-1389, 196).

2.

[D'une pers.]

a)

Assentir qqc. "Chercher à connaître" : Povre Commun, ce fait mon, voir Et pour tant ne t'esjoÿ point Se non par raison et a point Car Paix encor asentiras ; Mais quant faite la sentiras Et que Guerre sera dehors, Tu te pourras resjoÿr lors Et faire chiere competente. (TAILLEV., Moral. D., 1435, 95).

b)

Assentir + interr. indir. "Guetter" : ...car il estoit moult saiges et faisoit tenir gens exprez de tous coustez pour assentir s'ilz verroyent rien venir (Rambaux Frise S., c.1450-1475, 58).

B. -

Empl. trans. indir. CHASSE

-

Assentir de (un animal) "Flairer les traces, les émanations" : Et saches que c'est mauvaise chose de le mener trop matin es tailles ne parmi le bois [le limier], pour ce que, s'il assent d'aucune beste et y crie, toutes les bestes qui sont ou païs en sont effrees, et aucune fois ne demeurent mie en leurs bissons, ou il ont amors a demourer. (HENRI FERR., Modus et Ratio, Livre deduis T., c.1354-1377, 25). Puis [le cerf] si fait un grant saut a travers, le plus grant qu'il puet, et s'en va ailleurs faisant tiex malisses, et puis si vient aus rivieres et saut dedens. Et va et revient parmi, et li est avis que les chiens ne pourront assentir de lui en l'iaue ne a chemin (HENRI FERR., Modus et Ratio, Livre deduis T., c.1354-1377, 45). ...il [les chiens] aiment mielx la char du dain a mengier que du cerf, la quinte [cause], qu'il asentent miex du dain par ou il passe que du cerf. (HENRI FERR., Modus et Ratio, Livre deduis T., c.1354-1377, 66). Chien sage est beste veritable. Chien a memoire souverain, Dont je parleray plus a plain Et comment des bestes assent Quant a lez saichier les emprent. (LA BUIGNE, Rom. deduis B., 1359-1377, 292). Et aussi fuit il [le cerf] aval le vent, pour ce qu'il oye touz jours les chiens venir aprés luy, et aussi affin que les chiens ne puissent bien assentir de luy (GAST. PHÉBUS, Livre chasse T., 1387-1389, 63). Et, quant les chienz viennent aux champs, ilz n'en peuent pas si bien assentir comme ilz font aux fortz et es forestz par trop de raysons, quar aux chanz n'en peuent ilz assentir forsque par le pié... (GAST. PHÉBUS, Livre chasse T., 1387-1389, 201).

-

Assentir de bonnes/hautes erres. "Flairer les émanations de la bête qui est passée il y a plusieurs heures (hautes erres) ou tout récemment (bonnes erres)" : Et s'il y avoit nul cerf en parc ou privé, il le doit fere suyr de hautes erres et de bonnes, espiciaument li enseignier de suyr de hautes erres au commencement, quar touz jours assentent chienz voulentiers de bonnes erres et non pas de hautes. (GAST. PHÉBUS, Livre chasse T., 1387-1389, 191).

II. -

Inf. subst. L'assentir (d'un animal) "La faculté de flairer un animal" : ...j'ai ailleurs fait desclaracion en cest livre comme cerf fuist quant il est chassié ; il fuit les voiez dures et seches, affin que les chiens qui le(s) chassent ne puissent assentir, et puis va a l'iaue pour soi baignier, affin que il perdent l'asentir de lui. (HENRI FERR., Modus et Ratio, Livre deduis T., c.1354-1377, 117). ....le brusleiz oste l'assentir aux chiens de la beste qu'ils chassent, aussi les herbes en celuy temps out leurs flours et leurs oudours, chascune selon sa nature. (GAST. PHÉBUS, Livre chasse T., 1387-1389, 135).