| 42 exemples |
| 1 | ...nous ne sommes, toy et moy [l'âme et la raison], blanches, ne noires, ne chaudes, ne froides. Nous ne sommes choses que on puisse ouir, ou oudurer, ou assavourer ou taster. (GERS., Trin., 1402, 157). |
|
| 2 | Et les fault tremper [les noix nouvelles] de .X. a .XII. jours (et lesquelles deviennent comme noires) et que au macher vous n'y puissiez assavourer aucun amertume, et puis les mectre boulir une onde en eaue doulce par l'espace de dire une miserelle, ou tant comme vous verrez qu'il appartendra a ce qu'elles ne soient trop dures ne trop moles. (Ménagier Paris B.F., c.1392-1394, 267). |
|
| 3 | Puiz ayez pain harlé, broyé et deffait de puree, et coulez par l'estamine ; puis mettez dedens la puree et faictes boulir tout ensemble, et l'assavourez de vin, de vertjus et vinaigre, et soit claret. (Ménagier Paris B.F., c.1392-1394, 222). |
|
| 4 | Einsi Plaisance le [l'amant] soustient Et en mon service [du dieu d'Amours] le tient Et fait en lui monteplier Voloir, Penser et Desirier ; Car si plaisanment assaveure Mes biens que Desirs li court seure. (MACH., D. verg., a.1340, 36). |
|
| 5 | Le monde habandonnez, le ciel assavorez, Quar le monde fauldra, ou ciel joye havrés. (Pleur ste âme B., c.1375-1425, 78). |
|
| 6 | ...et [Edouart] ne pouoit en ceste partie riens assavourer, participer ne sentir que chose femenine (JEAN DE MONTREUIL, Traité Angl. I, G.O.O., 1413, 165). |
|
| 7 | Autre bien n'ay, n'autre bien n'assaveure Fors seulement l'actente que je meure (CHART., Compl., 1424, 327). |
|
| 8 | C'est a dire, mon ami, que la fin de ceulz qui assavourent les choses terriennes est la mort, desquelz aussi font de leur ventre leur Dieu (LA SALE, J.S., 1456, 26). |
|
| 9 | Et certainement, ceulx qui vous ont conseillé le département du concille n'entendoient mie les griefs maulx qui en pourroient naistre. Pleust à Dieu qu'ilz assavourassent et entendissent la fin, comme l'attente et retargement en cest cas soit moult périlleux et nullement à souffrir. (Doc. 1431. In : MONSTRELET, Chron. D.-A., t.4 c.1444-1453, 451). |
|
| 10 | Je pry a mon dieu et mon sire Que grace te vueille donner De sa puissance assavourer Pour acquerre salvacion. (DU PRIER, Roy Adv. M., 1455, 517). |
|
| 11 | Nenny, tres mal assavourez L'estat dont Dieu vous a faict estre : C'est grant bien que son cas congnoistre. (MESCHIN., Lun. princes M.-G., c.1461-1465, 55). |
|
| 12 | Si compteray comment Fortune, Qui n'est pas a toute gent une, Je vy, tout soit elle invisible, Plainement de droit oeil visible, Et avec elle demouré, Ou maint meschief assavouré (CHR. PIZ., M.F., I, 1400-1403, 10). |
|
| 13 | Car le goust est quant au jugement des saveurs, et tel jugement font ceulz qui espreuvent les vins et qui asaveurent et confisent les sausses et les potages. (ORESME, E.A., c.1370, 222). |
|
| 14 | S'ilz ont espoir d'avoir secours, Ce n'ay je pas en nulles cours, Ains ay voulloir que bref je meure Pour les doulleurs que j'asaveure (Rond. poés. XVe s. R., c.1400-1500, 122). |
|
| 15 | Vous irés ailleurs tabourer, Se ne voulez assavourer La mort, comme voz compaignons, Que loups pevent bien devourer, Car mors gisent par les sillons ! (CHR. PIZ., J. d'Arc, 1429, 36). |
|
| 16 | Et dit comment je suis tristre et pensis, Comment gemis, souspire, plains et pleure Et n'ay membre qu'a morir ne labeure, (...) Telz sont les biens qu'en Amours j'assaveure (TAILLEV., Edif. hôt. am. D., p.1440, 271). |
|
| 17 | ...par lequel vent et air sont lesdictes infections corrumpues espartes et eslongnees de l'instrument dont la personne les pourroit aucunement assavourer et soy emplir d'icelles, lesquelles pourroient estre cause de chasser ladicte personne a sa fin et jour derrenier plustoust que l'ordonnance premiere de sa nature ne requerroit. (Abuzé D., c.1450-1470, 21). |
|
| 18 | ...et force estoit d'assavourer et corporellement sentir, de sa fortune, fust dure, fust douce, sa portion (CHASTELL., Chron. K., t.1, c.1456-1471, 1). |
|
| 19 | Mais nous povres qui demourons A vous regreter labourons, Tant souspirons Et tant plourons, Qu'autre chose n'assavourons, Fors gemissement douloureux ! (FLAMANG, Vie Pass. st Didier S., 1482, v.6099). |
|
| 20 | S'en plaing et pleure, Quant j'assaveure Que pour vous à la mort me poing. (MACH., Les lays, 1377, 290). |
|
| 21 | ...et par ce nous assauourons et goutons par experience que dieu est souef et begnin (CIB., p.1451, 179). |
|
| 22 | A ce me duit Vraie Amour qui me court seure Et bonté qui l'assaveure (MACH., L. plour, 1349, 285). |
|
| 23 | Tu nous donnes la grace, c'est moult precïeux dons ; Le don de sapïence dont Dieu assavorons (Pleur ste âme B., c.1375-1425, 82). |
|
| 24 | Cerf est plus saiges en deux choses que n'est homme du monde ne beste. L'une si est en gouster, quar il a meilleur goust et mieulx assavoure et sent les bonnes herbes et fueilles et autres pastures qui li sont proufitables que ne fet homme dou monde ne beste qui soit. (GAST. PHÉBUS, Livre chasse T., 1387-1389, 64). |
|
| 25 | N'est pas chose perdue ou mesapartenant parler a simples gens de la vie contemplative pour les introduire a amer Dieu et l'assavourer ou gouster par saintes et doulces affections comme par esperance, par bonne paour, par ardant desir (GERS., Montagne contempl. G., 1400, 20). |
|
| 26 | Ainsi est la fin principale [de la vie contemplative] amer Dieu et assavourer sa bonté et doulceur (GERS., Montagne contempl. G., 1400, 22). |
|
| 27 | ...sy te prie pour le present que tu le congnoisce et vueille congnoistre [Dieu] de quelle doulceur il est et comment a toy il se donne a guster et assavorer (CRAP., Cur Deus, De arrha B.H., c.1450-1460, 291). |
|
| 28 | Il dist sa messe par coustume Sans nullement l'assavourer (Bien avisé Mal avisé B., c.1487-1490 [1396], 224). |
|
| 29 | Saveur du ciel assavourer Dois et Dame Dieu aourer Et prïer que saveur de terre Ne t'asaveure ne que pierre. (Best. lap. Rosarius S., c.1330, 74). |
|
| 30 | Et, ainsi qu'il s'en alloit ung jour aux champs et qu'il vouloit mengier avecq les autres oyseaulx, il ne trouvoit chose dont il se peust saouler ne qui lui assavourast (COLART MANS., Dial. créat. R., 1482, 197). |
|
| 31 | ...j'en ay tiré la saveur qui m'en est amère, dont, du mauvais goust que je y trouve, avec fresche conception, j'en ay fait prest jugement, et ai recrachié dehors ce qui m'assavouroit mal. (CHASTELL., Vérité mal prise K., c.1460, 279). |
|
| 32 | ...l'yawe froide plairoit A celluy, qui grant soif aroit, Aussy plaist plus et assaveure Deliz apprez longue demeure. (Echecs amour. K., c.1370-1380, 32). |
|
| 33 | Mais quant il se trouva en la forest, il se tira envers ou il cuidoit plus tost trouver chasse et trouva sur une fontaine plenté de cerfs et bisces. Mais l'on dist que grant plenté n'assaveure, et pour ce ot il de ce plenté desplaisance. (Percef. IV, R., c.1450 [c.1340], 928). |
|
| 34 | Se plus belle et plus mengnote estes de moy, d'aultre part je suis mieulx asavouree. (Gérard de Nevers L., c.1451-1464, 64). |
|
| 35 | ...quant assavouré Ont assez viandes et vins, Les uns se sont couchiez souvins Sur lis (CHR. PIZ., M.F., II, 1400-1403, 205). |
|
| 36 | ...et croy que icelle estroite nécessité certes le mettoit et devoit mettre en cognoissance de sa longue et haute félicité par avant mal assavourée. (CHASTELL., Chron. K., t.3, c.1456-1471, 256). |
|
| 37 | Un souvenir de mort asavouré, Chiere damë, avez en mon cuer mis, Par quoy Espoir est en moy demouré Sans recevoir le don de fins amis (GRANDSON, Poés. P., c.1360-1397, 300). |
|
| 38 | Je te dy, encores de rechief, que par le tourment qu'ilz te feront souffrir ton corps sera tout seiche [l. seiché] de soif, et quant tu demanderas a boire, pour payer l'admende du goust que Adam assavora en la pom[m]e ilz te donneront a boire fiel et vin aigre mesle [l. meslé] emsemble. (Vie J.-C. M.B., c.1429-1458, 8). |
|
| 39 | Il n'est rien que puisse gouster Ne degouster, Tant ay le cuer triste et sarré. Riens ne pourroys assavorer. Jamaiz manger Ne puisse ja. (Pass. Auv., 1477, 277). |
|
| 40 | De cel yaue bevront Sans le ruissel diminuer Ne son droit cours en rien muer, Tant en sçachent boire ne prendre Në a l'assavourer entendre [l'eau qu'il s'agit d'apprécier est celle, purement allégorique, des fontaines de Miséricorde] (COURCY, Chem. vaill. D., 1406, 605). |
|
| 41 | ...sans lequel sel toute viande se trouve mal assavouree (MÉZIÈRES, Epistre lamentable C.P., 1397, 129). |
|
| 42 | Le surplus du temps ilz n'ont nul que cresson pour leur pain assavourer. (VASQUE DE LUCÈNE, Cyropédie G.-G., 1470, 191). |
|
