I. -

[Idée de partie qui prend place dans un tout]

A. -

"Disposition (partie, chapitre, paragraphe...) d'un traité, d'un contrat, d'un règlement, d'un compte, d'un mémoire.." : ...sus certains articles et trettiés d'acord et de paix, il procurerent que uns respis fu pris entre ces deus rois (FROISS., Chron. D., p.1400, 832). Cedit jour, furent leuz en la Court certains articles par maniere de memoire (...) sur les defaus qui sont en la justice de ce royaume (BAYE, I, 1400-1410, 143). Et si avoit oudit traictié de Calays ung article contenant que... (JUV. URS., Aud. celi, 1435, 211). Sur certaine requeste et articles à moy bailliez par escript par Jehan Cherourier, par lesquelx il disoit et maintenoit que certains ustencilles et mesnagie estans en l'ostel de l'Argenterie, cy-après déclérez, luy compectent et appartiennent, en me requérant les luy randre et délivrer ou faire rendre et délivrer, et iceulx faire rayer et tracer de l'inventoire qui autresfoiz en avoit esté fait (Aff. Jacques Coeur M., 1453-1457, 55). ...le trop chargé en recepte sur l'article de Bouyac, juif de Pertuys, ou compte des sept moys commencés le premier d'octobre (Comptes roi René A., t.2, 1476-1477, 457). Oultre, requist au roy consentir que audict traicté se meïst ung article en faveur de monsr du Lau (COMM., I, 1489-1491, 165). Auquel seigneur de Guienne le roy avoit donné la confiscation des terres du conte d'Armignac par accord fait entre le roy et ledit seigneur de Guienne à Coulonges, ainsi qu'il est contenu es articles qui s'ensuivent : Premierement, le roy donna à Mons. de Guienne toute la confiscation des terres dudit conte d'Armignac (LE CLERC, Interp. Roye, c.1502, 232).

-

DR. "Partie d'un document juridique, d'une déposition, d'un acte d'accusation" : Des tanneurs de la ville de Troyes, pour composicion faite par eux avec le dit gouverneur de plusieurs articles et malefaçons proposez contre eux par le procureur dou roy et par devant le dit gouverneur LX lb. (Comté Champ. Brie L., t.3, 1340-1341, 281). Faire ne pouez plus biau trait Que de traitablement attraire Bon conseil, et puis de retraire Les articles dou jugement, Selonc le vostre entendement (MACH., J. R. Nav., 1349, 254). ...et que les confessions autrefois par lui faites, cy-dessus dittes et escriptes, par devant le bailli et garde de la justice dudit lieu de Fontenay, lesqueles lui ont esté leues mot après autre, et chascun article separéement et diviséement, il a autrefois cogneues et confessées estre vrayes (Reg. crim. Chât., II, 1389-1392, 97). ...les offres et promesses par lui faites, contenues et desclairées ès articles cy-dessus escrips (Reg. crim. Chât., II, 1389-1392, 209). La fu recordé et leu au lonch et tout hault li mesfait de messire Hue le Espensier ; ne a nuls des articles il n'oposa ne ne dist rien a l'encontre. (FROISS., Chron. D., p.1400, 92). Et estoient tout li fait dou roi Edouwart (...) tous par articles mis en escript. (FROISS., Chron. D., p.1400, 101). Ce jour, messire Symon Morhier, prevost de Paris, vint en la Chambre de Parlement pour respondre à aucuns articles à lui bailliez par l'ordonnance de la Court, faisans yceulz articles mencion d'aucunes exactions nouvelles ou indeues, que l'en disoit estre faictes par ledit prevost et aucuns autres ses devanciers (FAUQ., II, 1421-1430, 162).

-

P. ext. "Partie, passage d'un texte quelconque" : ...c'estassavoir que une lecçon generale vous sera par moy escripte et a vous baillee sur trois distinctions contenans dixneuf articles principalment. (Ménagier Paris B.F., c.1392-1394, 3). Et puis lui firent lire ung article contenu en une cronique, qui estoit en l'ostel d'icelle ville publiquement devant tous, qui contenoit en effect que jadis y ot ung roy de France qui mourut (ROYE, Chron. scand., I, 1460-1483, 147). ...Comme j'espere coucher icy aprés Quant se viendra aux articles exprés. (LA VIGNE, V.N., p.1495, 141).

-

"Passage musical" : Et y est tout clerement legiereté de monter et d'avaler diverses notes, et tele tranche de mesure et multiplicacion de minimes, tele replicacion d'articles (FOUL., Policrat. B., I, 1372, 116).

B. -

RELIG. Article de (la) foi / article de la loi. "Chacune des propositions dogmatiques contenues dans les symboles de la foi chrétienne" : ...Et les articles de la loy Que nous tenons en nostre foy Voulentiers vous dira aussi. (Mir. Pierre Changeur, c.1378, 299). C'est article de nostre foy : N'y a plus fors que de bien faire. (Mir. fille roy, c.1379, 30). Je congnois la personne qui une fois estoit temptee d'une article de nostre foy et qui longue espace batilloit contre ceste temptation (GERS., Trin., 1402, 1043). Et il semble que tu cuydes que toutes les parolles des phillosophes soyent article de foy et qu'ilz ne puissent errer. (CHR. PIZ., Cité dames C., c.1404-1407, 624). ...chascun des articles de la foy chrestienne (Rouen temps Jeanne d'Arc L., 1426, 96). ...et [les ennemis] encorent en diverses erreurs, sans croirre es articles de la foy, et usent de diverses manieres de sorceries dampnables et reprouvees de l'eglise. (JUV. URS., Loquar, 1440, 310). Neccessaire chose est de croire tous articles de nostre foy catholique qui sont de Jhesu Crist Dieu et homme (CRAP., Cur Deus, De arrha B.H., c.1450-1460, 162). Il nest pas de puissance a entendement humain veoir ou entendre parfaictement ceste saincte et benoiste trinite tant que on est en ceste mortelle vie, car cest article ou articles de foy mais de loing et aussi comme en vne vmbre on en peult parler a la semblance deuant dicte ainsy que on congnoist la cause par leffect. (CIB., p.1451, 201). ...quant aux dix commandement, Tu as mesprins, comme je croy, Et aux articles de la foy, Et se tu as communiqué Avec nul excommunié, Ainsi confesser tu te doys. (C. Riffl., c.1480-1520, 60). De cela nul ne doibt mescroire, Car c'est article de la foy. En tel creance je mourray Et vivray, tant qu'a Dieu plaira. Je suis cil qui endurera La mort pour l'amour de Jesus. (Myst. st Laur. S.W., 1499, 256).

-

Article de... "Proposition dogmatique touchant..." : Cuidez vous que aucuns fussent si durs et obstinez a mal faire, s'ilz creussent bien l'article de la resurrection et que pardurablement ilz fussent dampnez s'ilz ne se repentent ? (GERS., Pâques G., 1394, 784).

-

En partic. "Chacune des douze formules du symbole des Apôtres" : Lors eürent entencion, Chascun par grant devocion, Les apoustres d'un credo faire. Vous l'orréz ja tentoust retraire : De qui il fut fait et comment, Les articles qu'il y appent. En latin a nom Sinbolun, Qui vault autent, se me dit on, Come fait "sentence amassee De plussieurs en une assemblee." (Liber Fort. G., 1346, 202). Je vous ay dit si comme je croy Les douze articles de la foy Et comme les appoustres les dirent Et comë ou Credo les mirent. (Liber Fort. G., 1346, 209). Les commandemens de la loy Et les articles de la foy M'otroie que crere et garder Les puisse tous jours sanz fausser (ARNAUD, Prière Vierge O., II, c.1350-1400, 150).

Rem. Cf. aussi Dict. encyclop. du Moy. Âge, t.1, 1997, 130.

C. -

P. ext.

1.

"Propos, argument ; point d'une argumentation, d'une accusation" : ...comme Jehan Bonnet, lequel nous a longuement servi en nostre office de procureur de Poitou, feust approchié par maistre Guillaume de la Garrigue, nostre general procureur, sur pluseurs articles tendens à toutes fins. (Doc. Poitou G., t.3, 1350, 12). Les articles li dist dont ses corps fu retés (Chev. cygne P., c.1356, 47). Et dire le contraire est un article condampné a Paris. (ORESME, C.M., c.1377, 368). Les haus signeurs de France s'en vorent en aller En la cité de Paris et au roy raconter La response dou duc de Bourgogne (...) Comment à ciertain jour dut venir remonstrer Les causes et articles, et fera pourposer Pour quoi il fist le duc d'Orlyens afinner. (Geste ducs Bourg. K., c.1410-1419, 315). ...che maistre Jehan Petit Par devant tout le peuple (...) En se colation que pour sen segneur fist, Raporta ce fait-chi et pourposa et dist Avoecques pluiseurs autres artiqueles qu'il y mist Par infourmation (Geste ducs Bourg. K., c.1410-1419, 323). Trop grant despit en mon cueur ay De ce maleuré serviteur (...). Il m'en fait au cueur bien grant mal Quant j'oys reciter cest article. (GRÉBAN, Pass. J., c.1450, 241). ...a celle fin que ung chacun peust mieulx respondre, juger et parler sur chacune article selon leur entendement. (LE BOUVIER, Chron. Ch. VII, C.C.J., c.1451-1455, 207). ...c'est mains mal (...) de la [la Pragmatique Sanction] muer et changer selon les articles pourparlees entre les ambaxadeurs du pape et de vostre Conseil (JUV. URS., Verba, 1452, 292). ...par argumens et par exemples et articles mis tout avant (CHASTELL., Temple Boc. B., 1463-1464, 189). ...elles me prierent que (...) voulsisse retourner entr'elles a l'eure acoustumee, affin de parfurnir et achever leur intention et la chose encommencee, et pour mettre par escript le residu des euvangiles de dame Berthe de Corne, qui estoit la derraine assemblee qu'elles devoient faire et ou elles devoient conclurre et faire fin de leurs articles. (Ev. Quen., I, c.1466-1474, 111). Les autres se tiennent au pec Et respondent : "Vous me lerriez !" Leurs excuses : "Vous le diriez", Leurs deffences : "Je n'oseroye", Leurs raisons : "Vous m'accuseriez", Leurs exceptions : "Je feroye", Leurs articles : "Se je povoye", Leurs additions : "Je crains honte" (COQUILL., Oeuvres F., 1478-p.1494, 196).

-

"Sujet, matière" : [Le roi d'Ecosse croit possible, pour diverses raisons, de s'allier au roi de France ; il réunit des conseillers] et lor remonstra (...) moult sagement de point en point, les articles de ses imaginations. (FROISS., Chron. D., p.1400, 236). MISERICORDE. (...) Devant vous viens, et me soubzmetz, Crëeur du ciel et de la terre, Vostre salcitude requerre Qu'il vous plaise exaucer ma voix Sur ung article que je voix Estre grandement necessaire... (GRÉBAN, Pass. J., c.1450, 37).

-

"Point précis d'une question, d'un sujet" : ...de ceste article vous requier je tresaffectueusement [Partant pour un long voyage un homme âgé prie sa jeune femme de ne jamais prendre pour amant un homme qui soit "vague, deshonneste et pou vertueux"] (C.N.N., c.1456-1467, 563). Ainsi, pour conclure cest article me semble que Dieu ne peult envoyer plus grant playe en ung pays que d'ung prince peu entendu (COMM., I, 1489-1491, 130).

-

Prescher des articles : La responce oye par l'inquisiteur de la foy, fut ordonné que les articles que avoit preschié publicquement [maistre Jehan Petit seroient arses publiquement,] présent le clergié et tous aultres qui veoir le vouldroient. (LEFÈVRE ST-RÉMY, Chron. M., t.1, c.1462-1468, 155).

2.

"Moment décisif, phase décisive" : ...ilz trouveront tant de hayes, de passaiges, de chemins, par quoy il fault que les premiers soient les derreniers. Et chascun craint cest article, soit petite compaignie, soit grosse. Il fait perilleux marcher devant ses ennemiz. (BUEIL, I, 1461-1466, 199).

-

Article de (la / sa / cette...) mort. "Moment de la mort, agonie" : A l'article de celle mort jugié seras selon tes operacions, soyent bonnes ou mauvaisez (CRAP., Cur Deus, De arrha B.H., c.1450-1460, 287). Et aussi doit dire son confiteor et puis faire protestation qu'il veult mourir en la verité de la saincte foy catholique, quelconque illusion ou frenasie luy advienne en l'article de la mort (Ordinaire chrét., 1469, 118). ...ung nommé Micheau Poytou (...) a juré que il avoit ung enfant en article de mort, lequel il a recommandé a Dieu et a madame sainte Katherine, et incontinent ledit enfant est venu a santé. (Mir. ste Cath. Fierbois C., 1470-1483, 129). Tu pourras porter ta croix apprès moy et m'ensuivir [Jésus-Christ] jusques a l'article de ta mort (ALECIS, Dial. crucif. pèler. P.P., 1486, 113).

.

Estre à/en l'article de la mort : Liquel quattre allerent par devers le dict malade, mais n'y parlerent mie pour ce qu'il estoit en l'article de la mort, mais revinerent au dict bailly, liquels les tint prisonniers comme dessus pour celle tire par le dit jour et le nuict enssuivant (Hist. dr. munic. E., t.2, 1368, 122). [La reine Ysiphile à Jason :] Et je suis serve a vous requerre en ceste façon, ymaginant que les dieux vous ont envoyé en ceste cité pour deux causes : la premiere affin que la cité vous secourust en l'article de la mort ou vous avez esté, et la seconde affin que vous gardés la cité d'estre deserte, car elle gist seule entre femmes, sans roy et sans hommes. (LEFÈVRE (R.), Hist. Jason P., c.1460, 173). ...lui estant en l'article de la mort, envoya querir ledit suppliant et lui dist : "Mon compaignon, sans cause je t'ay frappé et t'en requiers pardon" (Doc. Poitou G., t.11, 1473, 354).

.

Estre es articles de la mort : ...[le roi] va le plus droit qu'il puet en son pays, pensant de triste cuer aux paroles que Melior, la dame du chastel de l'Esprevier, lui ot dictes. Et moult se doubta d'avoir perdu son bon eur. Mais il se garde bien de soy en descouvrir a sa gent. Et nonpourquant depuis s'en descouvry il a un sien frere, quant il fu es articles de la mort. Et cil estoit attendant du royaume aprez luy. (ARRAS, c.1392-1393, 306).

.

Estre constitué en l'article de la mort. "Se trouver à l'agonie" : Et, quant il fut constitué en l'article de la mort, congnoissant que eschapper n'en pouoit, il appella ses .III. filz venir a lui. (COLART MANS., Dial. créat. R., 1482, 97).

.

Passer les articles de la mort. "Trépasser" : Et quant Remond voit ce, si est si actaint de doulour qu'il ne voit ne ot ne entent ne ne scet contenance. L'ystoire nous tesmoingne que Remond fu moult doulent. Et pour verité l'ystoire dit, et la vraye cronique le tesmoingne, que nulz homs ne souffry oncques telle doulour sans passer les articles de la mort. (ARRAS, c.1392-1393, 256).

.

[Dans un cont. métaph.] : Vostre royaulme est comme en article de mort (JUV. URS., Loquar, 1440, 428).

Rem. Cf. aussi FEW VI-3, 141b, s.v. mors.

D. -

GRAMM.

1.

"Adjectif démonstratif" : Quant articles sont ? Trois. Lesquelz trois ? "Hic" et "hec" et "hoc". Et de cez trois articles sont formés septz genres. Forme les ! Le masculin, le feminin, le neutre, le commun, le tout, le doubteux, et l'epichien. (DonatS, a.1436. In : Th. Städtler, Zu den Anf. der frz. Grammatikspr., 1988, 126).

2.

"Article" : ...cest mot "le" est un article, c'est a dire un seigne enforçant les autres mos, si come "je ayme le meistre, le quel me ayme". (DonatOxf., p.1400. In : Th. Städtler, Zu den Anf. der frz. Grammatikspr., 1988, 170).

II. -

"Articulation"

-

(Goutte d') article. "Rhumatisme articulaire, arthrite" : ...et estoit raides, hardis et de bonne volenteit, anchois qu'il awist les gottes d'article, dont ilh est forment traveilhiez et alieneis (HEMRICOURT, Miroir Hesb. B.B., 1353-1398, 472). Item, l'an VIc et LXI, vient li emperere Constantin de Constantinoble par nave en Ytaile, com chis qui voloit resideir là, por regarir d'on maladie de podagre c'on nom altrement articles. (JEAN D'OUTREM., Myr. histors B.B., t.2, a.1400, 353). Chis fut I temporeis hons et de grant discretion, et qui ne queroit que paix, car ilh avoit les artycles en piés et en mains. (JEAN D'OUTREM., Myr. histors B.B., t.5, a.1400, 466).