| 51 exemples | | 1 | Quant en France arriva, n'ala mïe chacer (...) Ainçois fist on harnois brunir et arroyer. (Galien D.B., c.1400-1500, 8). | |
| 2 | Si trouva les estoremens, Pour la terre areer et fouïr (CHR. PIZ., M.F., II, 1400-1403, 279). | |
| 3 | Le bon Joseph que Dieu maintint Tous ses douze freres retint, Et tous douze les arroya. A tous douze femme donna, Dont yssirent pluseurs enffans. (Renart contref. R.L., t.2, 1328-1342, 149). | |
| 4 | Ainsi chevaucha le Jouvencel, bien ordonné en sa bataille. Et, quand il regardoit devant, darrière et aux costez et y véoit tant de si belles gens et si bien arroyez, il lui sembloit bien que tout devoit estre sien. (BUEIL, II, 1461-1466, 86). | |
| 5 | Chevauchiez tot hardïement Et voz eschelles arroiez (Tomb. Chartr. Dix-huit contes K., c.1337-1339, 8). | |
| 6 | Des poursivans les armes c'est la flours ; Le combatant de tous les combatours, Celli qui scet sagement guerroier, Celli qui scet gens d'armes arroyer (DESCH., Oeuvres Q., t.4, c.1370-1407, 191). | |
| 7 | ...mais est nommé Roy pour arréer et bien gouverner le pueple sur lequel il a puissance et seignourie (LE FRUICTIER, Dem. C., 1409, 22). | |
| 8 | Je suis celle qui tous arroie Ceulx qui m'aiment et tiennent chiere. (CHR. PIZ., Ep. Othea L., c.1400-1401, 154). | |
| 9 | ENVIE. Queulx motz voy la [les paroles présomptueuses de Plusieurs qui écrase le Peuple] ? FLATERIE. Tres arreans. ENVIE. Il dist bien. FLATERIE. A pris des valleurs. (Pouvre peuple H., c.1450-1492, 161). | |
| 10 | Et, se ainsi estoit que par quelque cause il avenoit que ceulx du logeis ne feussent advertiz ou sceussent de la venue des ennemyz, qui est chose comme impossible qu'ilz ne le soient aucunement, s'ilz sont gens d'ordonnance, ilz seront à leur guet bien ordonnez, bien advertiz, bien arroyez de ce qu'ilz doivent faire pour recepvoir leurs ennemyz. (BUEIL, II, 1461-1466, 242). | |
| 11 | Car il samble, qui le regarde [la Nature, au printemps] Vestir, parer et aroiier, Qu'elle voelle au ciel guerroiier ; Car il n'est ne flours ne foellette Qui ne se cointoie et oellette En li eslevant contremont (FROISS., Pris. am. F., 1372-1373, 115). | |
| 12 | Le roy de Castille a fait grace aux Anglois de venir reposer et eulx arroier en son pays et en ses bonnes villes (FROISS., Chron. M., XIV, c.1375-1400, 113). | |
| 13 | Car l'atente au dieu d'Amours grieve, Elle fait ses ros aprochier Pour mon roy plus fort acrochier, Afin qu'il n'issist de la roye, Et, par dire eschec, tel l'aroye, Qu'assés tost et a poy de jangle Elle me chasse el senestre angle (Echecs amour. K., c.1370-1380, 137). | |
| 14 | Adonc advint ung poy aprez, Alixandre qui fu engrez De concquerir, de guerroyer, A bien sa gent fait arroyer ; De garnisons chargier les fist Tant comme il lui pleut et lui sist. (Renart contref. R.L., t.1, 1328-1342, 114). | |
| 15 | Lors fist il son ost arrayer, Et le fist avant charroyer. (Renart contref. R.L., t.1, 1328-1342, 158). | |
| 16 | Leurs pensées a divers ars s'arroient. (DESCH., Oeuvres Q., t.3, c.1370-1407, 59). | |
| 17 | Ja suis amé et se mon corps s'arree Au mieulx servir, du lieu iray jettant Celle pour quy j'ay de l'amour ce tant (Percef. lyr. L., c.1450 [c.1340], 83). | |
| 18 | Il [Mercure] compte, il roye, il chemine, il charoye, Fort bien s'arroye a furnir sa despense (MOLINET, Faictz Dictz D., 1467-1506, 378). | |
| 19 | Je ne voidz Betris ne Maroie, Que joyeusement ne s'arroie Au behourder (MOLINET, Faictz Dictz D., 1467-1506, 408). | |
| 20 | Qui pourroit dire : "ce sont bourdes" Et maint veoir s'i arreer (...) Qu'ilz ne scevent que font, ne dient ? (CHR. PIZ., M.F., II, 1400-1403, 32). | |
| 21 | Fortune est en Amors et Drois bien s'i aroie, Dont ciex qui boute l'un, l'autre sake et desvoie. Qui fait hounor as .II. li tiers pas ne le noie. (BRIS., Restor paon D., a.1338, 114). | |
| 22 | Messires Balastres s'arrée D'autre part pour jouster a li. (FROISS., Méliad. L., t.2, 1373-1388, 55). | |
| 23 | ...un brief de Nisi prius del dit Eschequer fuist granté al dit suppliant et Justices ordeignés et assignéz de seir et terminer sur les duresses avantdites a la ville de Ramesay, quelle chose cognoissant le dit W. lui ordeigna et arraia ove grande povoir de gentz d'armes et autres bien mountéz a la nombre de CC. hommes pur estre a Ramsaye al jour del dit brief retournable (Lettres agn. L., p.1390, 6). | |
| 24 | ...le planchier d'icelle chambre relaver et ayrier partout où mestier estoit (Trés. Reth. S.L., t.2, 1409-1410, 632). | |
| 25 | Il y a mains gentilz gadrus Qui pour nous assieger s'arroient (MOLINET, Myst. st Quentin C., c.1482, 29). | |
| 26 | Loyauté nul meffet n'escuse : Justice le sert et honneure Et le met de soi au deseure Dessus le sisisme degré, Car il sont ami et secré, D'un fet et d'une intention Et d'une juridition ; S'est bien raison que tu les croies Et que selonc yauls tu t'arroies. (FROISS., Dits Débats F., 1363-1393, 112). | |
| 27 | Car bien .VI. jones et belles, Toutes dames et damoiselles, Filles de chevaliers ou fames, Dou pays les plus frices dames, Moult ricement et bel arrees, Tres noblement et bien parees En draps de canjans et de soie, (Plus rices deviser n'osoie), Drut perlees et orfrisies, Dont le mieuls estoient prisies, Y peuïst on adont veoir. (FROISS., Pris. am. F., 1372-1373, 48). | |
| 28 | ...maniere apoint arree, Soit a vue ou en requoi, Est volentiers regardee (FROISS., Joli buiss. F., 1373, 152). | |
| 29 | ...[Mélusine] fist appareillier tout le peuple, et aler contre Remondin. Et elle mesmes y vint o foison de dames, damoiselles, chevaliers et escuiers montees et arrees noblement. (ARRAS, c.1392-1393, 77). | |
| 30 | Si estoit li rois de France, ensi que il chevauçoit parmi Londres, montés sus un blanc coursier, très bien arret et appareilliet de tous poins (FROISS., Chron. L., V, c.1375-1400, 83). | |
| 31 | Plusieurs nobles de ladicte baillie sont venu à nous et nous ont monstré en complaingnant que vous les voulez traire à amende pour ce qu'il ne viene[nt] sy arréez en nostre dite guerre comme il appartenist selonc leur estat, avec ce les voulez contraindre par testez et de telz finances que il ne pouroient soustenir. Pour quoy nous et nos subgiez voulans touz jours garder de griez et de domagez, vous mandons et à chascun de vous que ceulz qui venront bien arréez selonc leur estat en nostre dite guerre, de samedi prochain venant en huit jours à Saint Quentin, vous ne traiés à amende pour ce (Comté Champ. Brie L., t.3, 1330-1372, 236). | |
| 32 | ...vous prions nous que des gens a pié que vous li voudrés envoier vous li envoiés le plus que vous porrés arbalestriers bien arreés et targiés et li veuilliés faire tele aide que ce soit a l'honneur de vous et au proffit du pays. (PHIL. VI VALOIS, Lettres closes C., 1347, 124). | |
| 33 | En sa compaingnie estoient bien quairante millier Que bien furent aroiéz a loy de chevalier (Lion Bourges K.P.F., c.1350, 676). | |
| 34 | Par ma foi, monsigneur, dist li hiraus, il sont bien eux vint et sis mille hommes d'armes, la plus belle gent, les mieux armés et les mieux aroiiés que on puist veoir. (FROISS., Chron. R., XI, c.1375-1400, 130). | |
| 35 | ...en autre plat appart les oefs en brase, les porreaulx blancs, la puree es souppes, ung broet georgé sur poysson frit, une gravé de trippes de poissons arroiés sur le poysson frit, et les naveaux. (CHIQUART, Cuis. S., 1420, 169). | |
| 36 | Et ceulx li distrent qu'il estoient, (...) De la mesgnie au roy de gloire Qui la les avoit envoiez De toutes armes arroiez (Tomb. Chartr. Trois contes S., c.1337-1339, 81). | |
| 37 | Avoec ce qu'elle est coulouree, Est elle si enmanieree, De maintien plaisant et poli, D'abit, de contenance arree Et de vesteüre paree. (FROISS., Dits Débats F., 1363-1393, 138). | |
| 38 | [Au terme de la bataille qui se prépare] Ou parc en avra, bien l'orrés, Grant fournee de mal arrés (Pastor. B., c.1422-1425, 154). | |
| 39 | Je me voys deesperee, Mal euree, mal paree, Mal arree et emplouree, Esgaree De joie et prés de mort sure. (MOLINET, Faictz Dictz D., 1467-1506, 530). | |
| 40 | Et pour cest cas dit Aristotes Que mainte faiz les ydiotes Font euvres meillours et plus sages Que celx qui sunt es haulx estages, Quar les folx et desavoiez Ne deviennent point arroiez Pour devenir prelatz ou princes. (Tomb. Chartr. Dix-huit contes K., c.1337-1339, 251). | |
| 41 | Aux entendeurs bien arroiés, Il n'y fault riens que deux parolles. (MOLINET, Myst. st Quentin C., c.1482, 72). | |
| 42 | ...En une cambre bien paree Et tres joliement arree Tant d'orilliers com de tapis, De courtines et de biaus lis. (FROISS., Espin. amour. F., c.1369, 146). | |
| 43 | ...et rechurent le roy englès moult liement. Et l'en mena li dis contes par le main jusques en la Salle, qui estoit toute arrée et appareillie pour lui rechevoir. (FROISS., Chron. L., I, c.1375-1400, 160). | |
| 44 | Si descendy le roy au palais qui estoit ordonnez et arroiez pour luy. (FROISS., Chron. M., XIV, c.1375-1400, 79). | |
| 45 | Amont le hÿaume, sans faille, .I. si grant cop li a donné C'Agamar a tout estonné ; A painnes qu'il ne l'abati De ce cop, tout l'a endormi. Cil qui estoient ou chastiel Voient maintenir bien et biel, Et par moult arée ordenance, Leur chevalier ; s'ont grant fiance Que Agamar desconfira, De quoi Dix bien les aidera. (FROISS., Méliad. L., t.1, 1373-1388, 116). | |
| 46 | ...car nostre propos est de vivre selon nature, mez certes c'est contre nature tourmanter le corps et luy doner viandes ordes, mal arraïees et horribles, selon sa coustume et selon sa nature. (Songe verg. S., t.2, 1378, 224). | |
| 47 | Si doulz le trouvai, et si sage Et de si arrée raison Que de puis, par nulle façon, Il n'euist jousté contre mi (FROISS., Méliad. L., t.2, 1373-1388, 270). | |
| 48 | De vïande mal arree... (MOLINET, Faictz Dictz D., 1467-1506, 554). | |
| 49 | Item ons ne doit paiier de areir et tuweir une bueffe que II sous de tour (STAVELOT, Chron. B., a.1447, 226). | |
| 50 | ...se li tamps deuïst un roi Rechevoir, pour li bien arrer, Il ne se peuïst mieulz parer Ne vestir ne apparillier. (FROISS., Joli buiss. F., 1373, 90). | |
| 51 | Lors fu la pucelle moult liee ; car moult desiroit a veoir les estrangiers ; et lors se vesty et para bien et richement et fist bien arreer ses dames et ses damoiselles. (ARRAS, c.1392-1393, 126). | |
|
