| 47 exemples | | 1 | Se li traient lors a meschié Le tronçon qu'il avoit brisié En l'espaule et se li couvint Soiier, et, si tost que hors vint Li tronçons avoecques le fier, Morenois en senti au cuer Grande angousse et grande foiblece (FROISS., Méliad. L., t.3, 1373-1388, 173). | |
| 2 | Quant la fame ne sent nulle rigour ou fricon, et les purgacions lui laissent a venir, quant elles ont angoisses, abhomminacions, defaut de vertu naturelle, ces signes vienent pour cause de impregnacion. (SAINT-GILLE, A.Y., 1362-1365, 87). | |
| 3 | Et le chevalier, quant il ot perdu le braz, il se laissa cheoir a la terre de l'angoisse qu'il a. (Chev. papegau H., c.1400-1500, 8). | |
| 4 | Et quant le Chevallier Sauvaige le vey en ce point, il lui lance au col et lui emporte le heaume hors du chief tant anguoisseusement que le chevallier en eut le viaire sanglant ; et avecques ce le laissa aller par terre tout pasmé pour la grant anguoisse qu'il senti. (Percef. III, R., t.1, c.1450 [c.1340], 41). | |
| 5 | Tandis que Estonné se touilloit en ces orties pour yssir hors, il se detordoit pour la grant anguoisse qu'il sentoit (Percef. III, R., t.1, c.1450 [c.1340], 349). | |
| 6 | Et quant l'abatu eut passé son angoisse, commença a dire : "Sire chevallier, vous emporterez pour ceste fois l'onneur tant au jouster comme a l'espee, car j'ay la jambe rompue, sy ne me puis bougier..." (Percef. IV, R., c.1450 [c.1340], 777). | |
| 7 | ...preservé et gardé l'eust de morir, et sa vie corporelle luy eust ministré, sans sueur, peine ou labeur, et point n'eust la femme enfanté par angoisses. Cy avoit beau don et bel heritage ! Mais helas ! Adam et Eve, ingras de ce, forfirent mou tost contre ta majesté royale, divine et imperiale, en trespassant ton commandement de non mengier la pomme, et en preposant leur volenté a la tienne par orgueil et fole rebellion. (GERS., Concept., 1401, 397). | |
| 8 | ...si chien est esragié, mes que il soit hors de son angoise, se son mestre li dist "vuide mon ostel et garde que tu n'y meffachez !", il s'en yra tantost sans meffaire en l'ostel de son mestre. (HENRI FERR., Modus et Ratio, Livre deduis T., c.1354-1377, 61). | |
| 9 | Et si voy qu'a destruccïon Ma femme muert pour son enfant. Ou est le cuer qui ne me fent De dueil, d'angoisse et de meschief ? (Mir. enf. ress., 1353, 63). | |
| 10 | De honte et d'angoisse se porte Devant lui a la terre morte (DESCH., M.M., c.1385-1403, 334). | |
| 11 | Mais nul n'y passe qui n'y sue, Pour l'angoisse du trespasser (CHR. PIZ., M.F., I, 1400-1403, 104). | |
| 12 | Le cuer m'estraint ; angoisse me queurt seure. (CHART., Compl., 1424, 327). | |
| 13 | Mais le Chevalier du Papegaulx le va ferant et suyvant la ou il le pot aconsuyvre, qu'il l'afebloya tant, qu'il ne se pot plus tenir en estant qu'il ne chee a terre par la foison du sanc qu'il avoit perdu, come cil qui angoisse de mort destraint (Chev. papegau H., c.1400-1500, 17). | |
| 14 | Aussi vault moult, celle saison, Eviter, par toute raison, Angoisse, paour, tristesce, ire, Comme choses qui pevent nuire. (LA HAYE, P. peste, 1426, 111). | |
| 15 | LE CHRESTIEN. (...) Helas, las, helas, las, Consideré mon cas Qui sonne si trescas, N'est que desesperance. Fortune par oultrance Me tient icy en trance Sans nulle recouvrance, Mais malheur a grant tas. Quant je voy ceste dance Qu'i convient que je dance En angoisse et meschance, Je peulx bien dire helas. (Mir. st Nic. juif, c.1480-1500, 73). | |
| 16 | Puis si fiz a Dieu ma priëre Et mes petites oreisons, Que par sa grace vrais pardons Me fust donez de mes mesfaiz, Si qu'il li pleüst que le fais, L'enui, la peine et la dolor, L'anguisse, l'ire, la tristor Que me covenoit sostenir Me donast par son douz plaisir En paciënce recevoir (Le Songe vert, éd. L. Constans, c.1395. In : Romania 33, 1904, 502). | |
| 17 | ...en grant angousse de coer (FROISS., Chron. D., p.1400, 522). | |
| 18 | [Les gens de Calais se désolent de voir partir leurs six bourgeois] Ensi en plours et en cris et en grans angousses de cuers dolereus les amena mesires Jehans de Viane jusques a la porte et le fist ouvrir. (FROISS., Chron. D., p.1400, 845). | |
| 19 | Lors est [l'âme] de souspirs tourmentée De la longue angoisse qu'elle a (DESCH., M.M., c.1385-1403, 214). | |
| 20 | Car pluseurs chouses et aultres singulieres addicions y eusse adjoustees en plus grande declaracion, se paix, transquillité, temps, espace et congruité me feust venue et opportunité, lesquelles j'ay differees a cause de briefté et d'angoisses interioires et de maintes passions exterrioires. (CRAP., Cur Deus, De arrha B.H., c.1450-1460, 162). | |
| 21 | Augustin (...) tesmoigne au livre des Confessions, disans : "Tous les livres que ilz appellent des ars liberaulx, orendroit j'ay, tresfelon serviteur de couvoitise, leu par moy seul et les entendi. Tous ceulx de l'art de parler et de diviser, tous ceulx des divisions, des figures, de musique et des nombres, je les entendi et leu sans grant force et sans ce que nul le me monstrast. Tu sçais, mon Seigneur, mon Dieu, car la hastiveté de mon aprendre et l'engouesse d'entendre est ton don..." (BATALLIER, Lég. dorée D.-L., 1476, 798). | |
| 22 | ...po estez senez Qui tel dueil ore demenez Ne telle angoisse. (Mir. emp. Julien, 1351, 181). | |
| 23 | [Un père s'adresse à son fils] Mais nous avons depuis eü Pluiseurs pencers [l. pensers] entrelaciés De grans anguisses, ce saciés, Que de nous ensi partesistes, Pour tant que congié ne presistes A vostre mere, ne a moy, Ne a vostre sereur ; en foy Ne sçai comment, par nul afaire, Si briefment le peuistes faire. (FROISS., Méliad. L., t.3, 1373-1388, 239). | |
| 24 | Ung chevalier y vint qui angoisse sentoit, Car il estoit navrez par le corps d'un espoit (Renaut Mont. B.N. V., c.1350-1400, 217). | |
| 25 | Hé ! mes amies, Je pert mon filz qui tant est gent, Tres bien le sçay, mon cuer le sent, Dont j'ay le cuer triste et noircy, Tellement qu'il me fault droit cy Pasmer d'angoisse que j'en ay. (MARCADÉ, Myst. Pass. Arras R., a.1440, 178). | |
| 26 | Et comme elle vey le chevalier en tel point, elle perdy toute contenance et fut tant oultree qu'elle ne regarda a honte ne a anguoisse, car par le commandement d'Amours elle se aproucha sy pres du pacient que leurs deux viaires toucherent enssamble, et comme ravie d'Amours dist :... (Percef. III, R., t.1, c.1450 [c.1340], 116). | |
| 27 | Tu scez, mon filz, que ta puissance Conforte toute creature Qui pour toy engoisse tresdure Vuellent pourter et endurer (Myst. st Adr. P., c.1450-1485, 114). | |
| 28 | ...angoisse preveue est a demy passee. (CHART., L. Esp., c.1429-1430, 14). | |
| 29 | ...je mettray avant ce que je porray sentir de l'art d'astronomie tout ouvertement et sans crainte nulle, affin que ceux qui en eux mesmes se jugeront parchonniers du malheur aient provision sur leur fait et soient deliberés d'attendre le cop, car angoisse prewue est a demy passee. (MOLINET, Faictz Dictz D., 1467-1506, 905). | |
| 30 | Et si muast la nature De Refus et de Dangier, Car par ces deus tant endure De painne et d'angousse dure Ne la diroit creature (FROISS., Par. am., c.1361-1362, 72). | |
| 31 | ...et ainsi prant et pille ce que lez povres, en la sueur et grant engoise de leurs corps, ont loyaulment gaingné et acquis : c'est de nostre chevalier la proye, c'est dont il se monte, c'est dont il se cointaie. (Songe verg. S., t.1, 1378, 15). | |
| 32 | Le Saint Esperit vous gart tous A tous jours de mal et d'angusse. (Gris., 1395, 23). | |
| 33 | Nommez en ung [parmi les saints], se vous pouez, qui soit venus a ceste bieneureuse gloire sans avoir cuer doloreux, sans souffrir peine, angoisse et tribulacion : Per multas tribulaciones opportet intrare in regnum celorum. (GERS., Déf., 1400, 220). | |
| 34 | Puiz a esté declaré estre attaint et conveincu de crime de lese magesté (...) et condempné en chartre perpetuel à pain de doleur et eaue d'angoisse (BAYE, II, 1411-1417, 249). | |
| 35 | Parmy le ventre ay doleur tant Et par les reins sanz tant d'angoisse Qu'il m'est avis c'on les me froisse (Mir. enf. ress., 1353, 18). | |
| 36 | Souventesfois me sert Dangier, Sifait Courroux oultre mesure, Nuyt et jour si me fait manger De l'angoisse qui est trop dure (RÉGN., F.A., 1432-c.1465, 99). | |
| 37 | ...les faiz, labour, angoisses, tourmens et peines de ceur, de corps, de conscience, et perilx d'arme que tu [la couronne de France] donnes a ceulx qui te portent sur leurs espaules (JUV. URS., Aud. celi, 1435, 162). | |
| 38 | Il se fait appeller Jhesus, Ung homme saint et vertuable : En tout nostre enffer n'y a dyable A peine qui ne le congnoisse Et a qui n'ait fait tant d'angoisse Qu'il n'est a dire ne sommer. (GRÉBAN, Pass. J., c.1450, 312). | |
| 39 | ...comme ta vertu soit si grande que par vraye foy sont reprimez toutez affections perverses, et toutes tribulations et angoisses tantost surmontés (CHART., L. Esp., c.1429-1430, 33). | |
| 40 | Fortune ! sont ce de voz dons, Engoisses que vous aportés ? A present vous en deportés, Ce sont trop doloreux guerdons. (CH. D'ORLÉANS, Rond. C., 1443-1460, 442). | |
| 41 | Par les angoisses Dieu, moy lasse ! (Path. D., c.1456-1469, 130). | |
| 42 | Là recomenche guerre d'angouste et de miseire, Mais Flamens sont lasseis. (JEAN D'OUTREM., Geste Liège B.B., t.1, a.1400, 619). | |
| 43 | ...et par autant de fois et aussi fort comme l'en piqueroit icellui botereau, la char de celui pour lequel l'en feroit ce sentiroit autant d'angoisse comme feroit icellui botereau. (Reg. crim. Chât., II, 1389-1392, 307). | |
| 44 | Quant il voit le roy qui ainsi malmenoit sa gent, si lui gecte le dart par grant air et le fiert ou senestre costé telement que il le perce de part en part. Le jaserent qu'il ot vestu ne le pot oncques garantir. Le roy senty grant angoisse, et trait le dart hors de son costé, et le cuida getter au soudant. (ARRAS, c.1392-1393, 105). | |
| 45 | Non, dist le roy, ceste doulour n'est pas neccessaire a mener. Je vous commande a tous que vous laissiez a mener ce dueil, si chier que vous avez que je demeure en vie encores une piece de temps avec vous autres, car vostre doulour me met au cuer plus de griefté que l'angoisse de la bleceure que j'ay. (ARRAS, c.1392-1393, 120). | |
| 46 | Ogier at encontreit le roy Danemont, qui estoit le filz Corsuble, sy le fiert tellement qu'il luy rasat chair et cheveulx et luy trenchat l'oureilhe et le navrat sur l'espaille. Le paien brait, qui sentit l'anguoise, et sy se mist a la fuite vers Romme. (JEAN D'OUTREM., Myr. histors G., a.1400, 41). | |
| 47 | Ogier le fiert, le heaulme faulsat et luy coupat et armez et chare jusque a teste ; sy palmat et chaiit a terre de l'angousse. (JEAN D'OUTREM., Myr. histors G., a.1400, 96). | |
|
