| 224 exemples | | 1 | Cestui, comme pur astrologien, devisa les temps par ans et par moys, plus convenablement que fait encores n'avoit esté. (SIMON DE PHARES, Astrol., c.1494-1498, f° 20 r°). | |
| 2 | ...il [Jules César] fist condescendre les plus sages de toute Egipte à son oppinion touchant le cours du Soleil, et, selon ce, il ordonna et divisa l'an en trois cens soixante cinq jours et VI heures ou environ, desquelles heures parties en quatre ans se fait le jour du bissexe, lesquieux jours il partit en XII mois, desquelz il nomma l'un de son nom jullet. (SIMON DE PHARES, Astrol., c.1494-1498, f° 69 v°). | |
| 3 | L'an de grace mil trois cens quatre vins et neuf, le lundi VJe jour de septembre, en jugement sur les carreaux par devant mons. le prevost (Reg. crim. Chât., I, 1389-1392, 1). | |
| 4 | ...lequel (...) il ramena demourer à Paris, un an a ou environ (Reg. crim. Chât., I, 1389-1392, 42). | |
| 5 | Sire chevaliers, sachiez que j'ay grant joye de vostre venue, car certainement vous resemblez assez un mien frere, qui moult fu vistes et appers, qui se party de ce païs il a bien LX. ans, pour une noise qu'il ot, et ne scay pas la cause ne pourquoy, au nepveu du roy qui pour le temps regnoit en ce pays. (ARRAS, c.1392-1393, 53). | |
| 6 | De tous mes debteurs denyer n'eu ge Trois ans a (LA VIGNE, S.M., 1496, 511). | |
| 7 | Or te dirai ce qui m'avint Il ha ja des ans plus de vint (MACH., Voir, 1364, 7806). | |
| 8 | Il a ja des ans plus de vint (Mir. Clov., c.1381, 217). | |
| 9 | Des ans il y a sept et treize Que mon cueur en luy voulz pourtraire, Në oncques puis n'en fut fortrait (RÉGN., F.A., 1432-c.1465, 118). | |
| 10 | Pource que scet bien mon entente Jehan de Calaiz, honnorable homme, Qui ne me vist des ans a trente Et ne scet comment on me nomme, De tout ce testament, en somme, S'aucun y a difficulté, L'oster jusqu'au rez d'une pomme Je lui en donne faculté. (VILLON, Test. R.H., 1461-1462, 140). | |
| 11 | Or avint que environ .I. an que li rois Phelippes eut esté couronnés a roi de France [il demanda l'hommage de son cousin le roi d'Angleterre] (FROISS., Chron. D., p.1400, 187). | |
| 12 | ...lesdiz prevost et eschevins l'avoient banni à IIJ ans de ladicte ville (BAYE, I, 1400-1410, 262). | |
| 13 | ...mais que, avant qu'il soit ung an il s'en repentira. (COMM., I, 1489-1491, 8). | |
| 14 | Et commencay ceste hystoire a mettre en prose le mercredi devant la Saint Cleyment en yver l'an de grace mil CCCIIIJxx et XIJ. (ARRAS, c.1392-1393, 2). | |
| 15 | ...de ce terme en six ans, ilz ne s'armeront contre vous (FROISS., Chron. M., XIV, c.1375-1400, 106). | |
| 16 | Et [Geoffroy] dist a Remond et a sa mere que ilz lui voulzissent faire finance pour aler aidier a ses freres contre les Sarrasins. Et ilz lui accorderent par si que il leur jura que dedens un an il retourneroit par devers eulx. (ARRAS, c.1392-1393, 212). | |
| 17 | ...au plus tart dedens .II. ans, il seroient en l'ille de Rodes. (FROISS., Chron. D., p.1400, 241). | |
| 18 | ...ceulx de Flandres, considerans lesdis dommages, frais et interestz et ayans aussy regret à la desolation dudit pays, accorderont et consentiront à mondit seigneur d'Austrice une raisonnable somme de deniers à lever sur tout ledit pays, selon les transpors, en .III. ans, dont le premier payement et tierch eschera au jour de Noel prochain, l'autre tierch dudit jour en ung an et le .IIIe. au Noel ensiuvant. (MOLINET, Chron. D.J., t.1, 1474-1506, 461). | |
| 19 | Mais sachiez que nous, par la grace de Dieu, retournant de l'armée, vous, dedens la Saint Michiel qui sera de la Saint Michiel prochain venant en un an, trouverez à la court dou roy de France, qui vous respondera si comme il vous affiert (MACH., P. Alex., p.1369, 232). | |
| 20 | Et pour ce que vous ne vous puissiez mie desencuser que vous ne puissiez estre par devant l'un des IIJ., je vous doing terme de la S. Michiel prochain venant jusques à J. an (MACH., P. Alex., p.1369, 231). | |
| 21 | Et, ains qu'il soit oultre dix ans, Vous verrez que tout perira (GRÉBAN, Pass. J., c.1450, 204). | |
| 22 | Il avra demain quatorze ans Que de toy souffri les ahans ; Si n'as mais qu'un an a passer, Qu'au Sathan te doy delivrer (Mir. enf. diable, c.1339, 28). | |
| 23 | J'ay, passét a plus de X. ans, Oÿ dire que mesdisans Sont necessaires en amours (MACH., Compl., 1340-1377, 267). | |
| 24 | Quatre ans a passez au jour d'uy Qu'elle ot une fille moult belle, S'a plus de deux ans que nouvelle N'en ot de personne qui vive (Gris., 1395, 58). | |
| 25 | Ceste justice fu faite l'an de grace mille trois cens et vint siis par un venredi (FROISS., Chron. D., p.1400, 86). | |
| 26 | Combien que XII ans acompliz Y ait que sa fille nasqui. (Gris., 1395, 71). | |
| 27 | Depuis ne demora pas demi an que madame la roine d'Engleterre et tous li consauls (...) adviserent (...) que il convenoit le jone Edouwart roi d'Engleterre marier. (FROISS., Chron. D., p.1400, 155). | |
| 28 | Gardez le [vostre enfant] bien d'yaue et de feu, Sy c'on ne vous en puist reprendre, Set ans (Mir. enf. ress., 1353, 25). | |
| 29 | ...il y demoura IX ans sans partir ne retourner en France (FROISS., Chron. M., XIV, c.1375-1400, 9). | |
| 30 | ...et fut le siege plus d'ung an devant le chastel (FROISS., Chron. M., XIV, c.1375-1400, 191). | |
| 31 | Car l'en voit bien un mariaige Durer souvent .XXX. ans et plus. (DESCH., M.M., c.1385-1403, 21). | |
| 32 | Et adont demanda Gieffroy de laquelle tour c'estoit que le pommel coustoit tous les ans X. s. Ne le povez vous faire si fort qu'il durast plus de X. ans ou de XX., afin que on ne le comptast pas si souvent ? Et ceulx respondent. Nennil, monseigneur, c'est rente. (ARRAS, c.1392-1393, 295). | |
| 33 | Et dura chils affaires bien .I. an (FROISS., Chron. D., p.1400, 271). | |
| 34 | ...le Parlement et les officiers, specialiter les conseilliers, ne souloient durer que ung an (JUV. URS., Nescio, 1445, 541). | |
| 35 | ...une petite montaigne où la riviere court au pié très doulce, touteffois en icelle sont puis, non gueres parfons, osquelx l'eaue est très sallée et, quant est sur le feu cuite, devient dure à merveilles et se maine par la province ; touteffois ne dure que demy an car de Noël à la Saint Jehan ceste merveille dure et l'autre moitié de l'an ne s'en peut riens fere (SIMON DE PHARES, Astrol., c.1494-1498, f° 90 r°). | |
| 36 | Donné à Paris, le XXVe jour d'octobre, l'an de grace mil CCCC et treze, et de nostre regne le XXXIIIJ e. (BAYE, II, 1411-1417, 156). | |
| 37 | Et si ay douze mille gens d'armes, tous souldoyez pour demy an pour aller conquerre le royaume qui fu mon pere. (Ponthus Sidoine C., c.1400, 123). | |
| 38 | Se il a trouvé en la mer aucune chose, soient vins, aultres, cables, coffres ou autres choses, il les doyt apporter au dict prevost, et icelluy prevost les doyt garder par ung an et par ung jour. (Commerce marit. Rouen F., Pièces justif., 1387, 164). | |
| 39 | Maulbec, j'ay vescu des ans trante Et ne fis oncques que chasser. (Pass. Auv., 1477, 141). | |
| 40 | L'ystoire dit que, quant Elinas ot perdue Presine et ses trois filles, il fu si esbahiz qu'il ne scot que faire ne que penser. Mais fu depuis, l'espace de VIIJ. ans, qu'il ne faisoit que plaindre, gemir et souspirer, et faire griefz lamentacions pour l'amour de Presine, qu'il amoit de loyal amour. (ARRAS, c.1392-1393, 10). | |
| 41 | On dict en ung commun langaige, Sept ans acreu et puis pendu (Myst. Viel test. R., t.2, c.1450, 306). | |
| 42 | ...faire armes a pié et a cheval, et laquelle je porteray an et jour en la plus grant partie du temps [Ou est-ce "un an et un jour" ?]. (ESCOUCHY, Chron. B., t.2, a.1465, 165). | |
| 43 | Joneche, qui m'avoit hanté Et compagniet an et demi (FROISS., Joli buiss. F., 1373, 132). | |
| 44 | Et furent les trieves criees cent ans et ung jour, et en furent les chartres seellees. (ARRAS, c.1392-1393, 237). | |
| 45 | Son procès lui fut fait juridicquement et fut condempné d'estre en chartre cent ans et ung jour (MOLINET, Chron. D.J., t.2, 1474-1506, 570). | |
| 46 | Car ceulx qui aises ne sont mie (...) Cuident avoir un an d'un jour. (DESCH., M.M., c.1385-1403, 288). | |
| 47 | Et laquelle [cronicque] a esté escripte l'an de grace mil cinq cens et deux, le vendredi de devant Noel, vingt troisieme jour de decembre, par la main de Jehan Lebourg, natif lés Vallongnes, ou pays de Coustantin. (LE CLERC, Interp. Roye, c.1502, 400). | |
| 48 | Considerés les durs enchans Que souffrirés petis et grans Bien tost, tenés vous en certains, An an an et plus de mille ans Dont au cueur me viennent les [lancz], Penetrant mon corps et mes flans Pour les poisons ors et puans Qui tumberont sur les humains. (Cene dieux, c.1492, 124). | |
| 49 | Par ma foy, beaulx seigneurs, ce ne seroit pas raison au moins que je ne payasse voz gens qui cy sont venuz a voz souldees et gaiges. Damoiselle, dist Anthoine, souffrez vous ent, car monseigneur mon pere et ma dame ma mere les ont satisfaiz d'un an avant ce que ilz partissent de nostre pays ; si n'a il pas encores ung mois acomply. (ARRAS, c.1392-1393, 166). | |
| 50 | Et eslit plus tres bien vivre par un an que vivre par pluseurs ans telement quelement. (ORESME, E.A., c.1370, 481). | |
| 51 | En la compaignie duquel Jaquet il chevaucha comme gros varlet par un an ou environ (Reg. crim. Chât., I, 1389-1392, 57). | |
| 52 | Lors fist crier a la trompe que tout gentil homme, de quelque pays que ilz feussent, qui vouldroient aler aux gaiges d'Anthoine et de Regnault de Luseignen se traisissent dedens un jour nommé a Lusignen, et la seroient paiez pour un an de leurs gaiges. (ARRAS, c.1392-1393, 151). | |
| 53 | Et, pour l'amour de toy, je quicte les gens de ton pere jusques a un an le treu qu'ilz me doivent. (ARRAS, c.1392-1393, 246). | |
| 54 | Sire, se vous me vouliez faire ceste grace, je vous jure ma foye que je feroye Regnault, vostre frere, roy de Behaigne après le decez de mon frere le roy, qui est ainsnez de moy bien prez de XX. ans (ARRAS, c.1392-1393, 173). | |
| 55 | Li rois d'Engleterre (...) se tint a Calais sans retourner en Engleterre bien un quartier de un an (FROISS., Chron. D., p.1400, 854). | |
| 56 | Certes dire ne vous porroie En un an la feste et la joie Qu'on faisoit en chambre et en rue Par le Quaire de leur venue. (MACH., P. Alex., p.1369, 193). | |
| 57 | POYLEUIN. Par iupin nostre createur Nous irons droit a millan S. MARTIN. Nous ny serons de demy an (Myst. st Martin K., a.1500, 159). | |
| 58 | ...sus l'an de grace mille trois cens IIIIXX. (FROISS., Chron. M., XIV, c.1375-1400, 3). | |
| 59 | Et se vous di Qu'onques encor en ma vie ne vi Corps de dame si trés bien assevi. Mais elle avoit quatorze ans et demi Ou environ. (MACH., J. R. Beh., c.1340, 72). | |
| 60 | Mais dites moy par vostre foy, Quans ans pensez vous bien avoir Et ou demourez ? (Mir. Barl. Josaph., c.1363, 272). | |
| 61 | J'ay d'aage quarante cinc ans (Mir. Barl. Josaph., c.1363, 272). | |
| 62 | ...soixante dix ans passez Avez d'aage (Mir. Barl. Josaph., c.1363, 272). | |
| 63 | ...n'avoit pas XV. ans passez. (MACH., P. Alex., p.1369, 116). | |
| 64 | ...quant il eust XL. ou L ans de age. (FROISS., Chron. M., XIV, c.1375-1400, 2). | |
| 65 | ...ung roy par droit, avant qu'il doye venir a terrene possession, ne gouverner royaulme, doibt avoir vingt et un ans et doit estre jusques en cel eage au gouvernement de ses oncles (FROISS., Chron. M., XIV, c.1375-1400, 80). | |
| 66 | ...[femme] qui ait du mains De .XV., .XVI. ou a vint ans (DESCH., M.M., c.1385-1403, 27). | |
| 67 | Et la nourry ses filles jusques en l'aage qu'elles orent XV. ans. (ARRAS, c.1392-1393, 11). | |
| 68 | ...Remondin, qui estoit trop durement beaulx et gracieux, et bien entechiez. Et ou temps que cellui Remondin povoit avoir de XIIIJ. à XV. ans (ARRAS, c.1392-1393, 16). | |
| 69 | Escript en Rodes, le quars jour d'Aoust, l'an de la Nativité Nostre Signeur mil ccclxvij. (MACH., P. Alex., p.1369, 231). | |
| 70 | Comment se pourroit ce faire ? Vous n'avez pas bien l'aage de XXX. ans, et vous me feriez acoincté [l. acoincte ?] de la verité de cest fait que nulz ne scot oncques en cest pays (ARRAS, c.1392-1393, 53). | |
| 71 | ...Melide, sa fille, qui n'avoit pas encore deux ans accomplis (ARRAS, c.1392-1393, 173). | |
| 72 | ...elle avoit l'eage de .IX. ans (FROISS., Chron. D., p.1400, 107). | |
| 73 | Cinq ans d'aage avoie (CHR. PIZ., M.F., I, 1400-1403, 9). | |
| 74 | ...mais [Alexandre] print vieulx et anciens chevaliers (...) dont le plus josne avoit LX ans. (JUV. URS., Verba, 1452, 236). | |
| 75 | Port asseuré, maintien rassiz Plus que ne peut nature humaine, Et eussiez [vous, Marie d'Orléans] des ans trente six ; Enfance en rien ne vous demaine. (VILLON, Poèmes variés R.H., c.1456-1463, 44). | |
| 76 | Cy define maintenant Ce livret lequel, Dieu donnant, Je, nommé d'Orleans Fiz quant je eus acompli .X. ans. (CH. D'ORLÉANS, L. péché C., 1404, 549). | |
| 77 | Lisses sont chaudes et en leur amour communelment deux foiz l'an (...) quant elles ont leur an, elles deviennent voulentiers chaudes (GAST. PHÉBUS, Livre chasse T., 1387-1389, 111). | |
| 78 | ...estoit en l'eage de quatorse ans. (FROISS., Chron. D., p.1400, 267). | |
| 79 | Maistre Thomas Scropz, Anglois, en son aage de 83 ans, très notable docteur en theologie et grant astrologien, prenostica la division que fist en Angleterre, en l'an mille IIIcIIIIxxXVIII et XIX, le duc de Lenclastre (SIMON DE PHARES, Astrol., c.1494-1498, f° 148 v°). | |
| 80 | En l'an de l'Incarnation Nostre Seigneur M. IIIc et IIIIxx et six (FROISS., Chron. M., XIV, c.1375-1400, 226). | |
| 81 | ...ung petit fils (...) environ d'ung an, qui dormoit en celle tour (FROISS., Chron. M., XIV, c.1375-1400, 11). | |
| 82 | C'est une fille de douze ans Et un beau filz qui en a huit. (Gris., 1395, 88). | |
| 83 | ...en l'eage entre trese et quatorse ans (FROISS., Chron. D., p.1400, 158). | |
| 84 | ...ou sessime an de son eage (FROISS., Chron. D., p.1400, 103). | |
| 85 | ...et le roy d'Engleterre Edouart estoit ou Ve an (JUV. URS., T. crest., c.1446, 30). | |
| 86 | ...au trente cincquiesme an de mon aaige me delectay, en lieu de passe temps et d'eschever oysiveté, à escripre et faire memoire de plusieurs choses advenues au royaulme de France et aultres royaulmes voisins (ROYE, Chron. scand., I, 1460-1483, 1). | |
| 87 | Accorderent aussi sur la nativité et revolucions d'icelle et sur les faiz de Scipion dont parle Titus Livius, que, environ le XXIIIIe an de son aage, feroit choses dignes de memoire et qu'il surmonteroit Hanibal (SIMON DE PHARES, Astrol., c.1494-1498, f° 62 r°). | |
| 88 | Et quant vint au IIJe an de leurs amours, que il fut en son XVJe an, Madame se appensa qu'il estoit ja assez grant pour estre hors de paige (LA SALE, J.S., 1456, 65). | |
| 89 | ...ou temps que ce treseureux bruyt et vertueuse renommée d'elle sourdoit, en son quinziesme an ou environ... (C.N.N., c.1456-1467, 31). | |
| 90 | Certes humaine creature Eust vescu le cours de nature, Et eust l'en veu mains beaulx enfans Vivre, qui en leurs premiers ans Mouront, dont se sera dommaige (Cene dieux, c.1492, 123). | |
| 91 | Pour quoy notez que cest escript Fut fait en l'an de Jhésu Crist Mil quatre cens, à droit compter, Et vignt et cinq, sans plus monter (LA HAYE, P. peste, 1426, 168). | |
| 92 | Cestui à difficulté comprint la science des estoilles en ses premiers ans, mais on lit qu'il fut à merveilles memoratif en ses vielx jours. (SIMON DE PHARES, Astrol., c.1494-1498, f° 55 v°). | |
| 93 | Je croy qu'il fu mis dedens l'arche Noël, car bien est garnis d'ans (MACH., Compl., 1340-1377, 263). | |
| 94 | ...des enfans (...) mendres d'ans (DESCH., M.M., c.1385-1403, 67). | |
| 95 | Au tesmoignage de Lorete la Rigaude, povre femme chargée de III petis enfans dont le plus ancien n'a que huit ans, l'un appelé Pierre, l'autre Guillaume et l'autre Jehannette, tous enfans mendres d'ans de ladicte Lorete et de Guillaume Rigaut son mari (Sent. Chât. Paris M., I, 1395, 769). | |
| 96 | Ce jour, Jaquin Le Marquant, tuteur des enfans mineurs d'ans de feu Jehan de Billy, dit le Charron, fist le serement acoustumé comme tuteur desdiz enfans. (FAUQ., I, 1417-1420, 284). | |
| 97 | Que son lait ait un an passé (DESCH., M.M., c.1385-1403, 101). | |
| 98 | Menasses, evesque d'Orleans, insigne clerc et vertueux en la science des estoilles, prenostica plusieurs ans et fist des almanachs. (SIMON DE PHARES, Astrol., c.1494-1498, f° 123 v°). | |
| 99 | Mes pour ce que la lune n'acomplist pas son cours en trente jours chascuns moys, si que son an defaut plus tost que celi an se cuncet par le cours du soleil (BERS., I, 1, c.1354-1359, 19.6, 31). | |
| 100 | Vous avez les jardins plaisans De tous fruis et les tresdoulz ans, Ou nulz ne doit avoir fiance Qui trespassent en oubliance ["les belles récoltes qu'il faut bien se garder de traverser par oubli" (éd.)] (DESCH., Oeuvres R., t.8, c.1370-1407, 56). | |
| 101 | Jupiter dist lors : "Chiere fille, Saige, plaisant, subtile et belle, Qui toute forme renouvelle, Qui faictes les estez plaisans, Qui faictes venir les doulz ans, Qui formez de maintes couleurs Les arbres, les prez et les fleurs..." (DESCH., Oeuvres R., t.8, c.1370-1407, 318). | |
| 102 | ...depuis l'an mil quatre cens soixante que regnoit à roy de France Charles, septiesme de ce nom, jusques au trespas du roy Loys, unziesme de ce nom, filz du dit roy Charles, qui fut le penultime jour du mois d'aoust mil quatre cens quatre vingtz et troys (ROYE, Chron. scand., I, 1460-1483, 1). | |
| 103 | Pour li ne vueil user jamais Qu'en pleur mes ans. (Mir. nat. N.S.J.C., c.1343, 238). | |
| 104 | Ton eur (...) Ne tes ans a doleur ne met (DESCH., M.M., c.1385-1403, 186). | |
| 105 | ...c'est pour justice de publique honnesteté qui est contraite par les espousailles, par les parolles de present ou de futur, ou de droit ou de fait, excepté le cas et c'est quant la pucelle ou l'enfant devant sept ans on contrait ensemble et par adventure. C'est chose especiale en ce cas, car en telz cas et les ans et le sentement et sens defaillent, comme il est touchié au droit. (Sacr. mar., c.1477-1481, 72). | |
| 106 | Le savoir raisonnable croist avecques les ans et la longue vie et grans experiences font les certains jugemens (CHART., Q. inv., 1422, 47). | |
| 107 | L'un de voz obeissans, Et entre les vrais amans, Voz servans, A despendu largement Le temps de ses jeunes ans Tresplaisans A vous servir loyaument (CH. D'ORLÉANS, Songe compl. C., 1437, 105). | |
| 108 | Helas, mon enfant et ma joye, Sur tous gracïeulx et plaisans, T'en vas tu, en tes jeunes ans, Finer et en terre pourrir ? (GRÉBAN, Pass. J., c.1450, 161). | |
| 109 | ...le duc d'Orlians, Nommé Charles, a present jeune d'ans, Nous retenons pour l'un de noz servans (CH. D'ORLÉANS, Ret. am. C., 1414, 14). | |
| 110 | RIFFLARD. (...) Lors me mirent en leurs escrips Et me renvoyerent sans boire. ALORIS. Et sans mengier ? RIFFLARD. Par mes ans, voire (GRÉBAN, Pass. J., c.1450, 68). | |
| 111 | Saint pére, Dieu vous doint bon an. A Dieu vous conment ; je m'en vois. (Mir. enf. diable, c.1339, 34). | |
| 112 | Bon jour, bon an et bonne vie, Bien et honneur sans villanie Doint Dieu a ma doulce maistresse (RÉGN., F.A., 1432-c.1465, 89). | |
| 113 | Telz crimes (...) traitreusement fut fet L'an mil. CCC. cinquante et sept (DESCH., M.M., c.1385-1403, 369). | |
| 114 | L'an de l'Incarnacion courant Mil .IIIIcIIIIxx. et huit, Des jours il estoit dix huit De ce beaul joly mois de may, Ung dimanche aprés dimay, Ceste notable Passïon Fust par grande devocïon Achevee du tout d'escripre Sans riens y trover que redire Ne d'y avoir faulte d'ung mot. (Pass. Semur D.M., c.1420 [1488], 269). | |
| 115 | Seignieur chanoyne du monstier, Bon jour, bon an vous soit donné. (Myst. st Bern. Menth. L., c.1450, 78). | |
| 116 | J'estraine de bien loing m'amie, De cueur, de corps et quanque j'ay, En bon an lui souhaideray Joye, santé et bonne vie. (CH. D'ORLÉANS, Rond. C., 1443-1460, 304). | |
| 117 | Ne te conseille par merdaille, Qu'il ne valent rien en bataille, N'a garsons, quar, se tu les crois, Je te jur sur toutes les croix Qui furent en Jherusalem, Il te mettront en si mal an Que tu n'i porras conseil mettre Par cop d'espee ne par lettre (MACH., Voir, 1364, 5357). | |
| 118 | ...et le Cueur regarda sa bonne espee et son aubert, dont il n'estoit point degarny, ne de sa coiffe de fer aussi, et dit bien a soy meismes que ennuyt mectroit Jalouzie et ses mesdisans en mal an s'il les pouoit actaindre. (RENÉ D'ANJOU, Cuer am. espris W., 1457, 187). | |
| 119 | S'est tresbien dit ; maiz je t'advise Que preignes avec toy Sathan Et Asmo pour mectre en mal an Jehan baptiste, nostre contraire. (Pass. Auv., 1477, 94). | |
| 120 | Je pri a Dieu qu'i les confonde, Et qu'i les mette huy en mal en. (Myst. Pass. N.S. R., c.1350-1370, 192). | |
| 121 | ...va t'en. Que Mahon te mette en mal an ! (Mir. Barl. Josaph., c.1363, 256). | |
| 122 | HERESIE. Dieu mette en mal an la maniere ! Pleust a Dieu qu'ilz ne veissent goute ! (Concil Basle B., 1434, 87). | |
| 123 | Que Dieu mette l'ange en malant, Qui me menoit en paradis ! (Janot sac G.-Z. R., c.1450-1500, 74). | |
| 124 | Dieu mecte en mal an l'orde beste qui m'a encusé, dist le bon seigneur. (C.N.N., c.1456-1467, 213). | |
| 125 | ...depuis le premier jour du moys de decembre l'an courrant mil CCCC et XXIIII. (Journal Bellev. H.D., 1424-1425, 97). | |
| 126 | Or le [le pot pendu à la crémaillère] haulsez donc, Dieu vous mecte en mal an ! (C.N.N., c.1456-1467, 543). | |
| 127 | Paix, villain, qu'an malle contree Ayez vous et mis en malan. Par Dieu, la teste en sera frotee Se tu en parles de cest an. (Myst. siège Orléans H., c.1480-1500, 153). | |
| 128 | Qu'en grant malan soient il entrés (OUDIN, St Genis M.S., c.1490, 77). | |
| 129 | Veez ci Sathan, nostre adversaire, Qui nostre malen renovelle. (Myst. Adv. N.D. R., c.1360-1365, 62). | |
| 130 | Ie puisse auoir malle iournee Mal an malle heure et malle ioye. Si plus tost me soustiendroye Sur la teste que sur les piedz. (Myst. st Martin K., a.1500, 191). | |
| 131 | En mal an sont entré Sarrasin et Turcois (Bât. Bouillon C., c.1350, 70). | |
| 132 | En mal an est cellui entré Qui se veult mettre en tel servage (DESCH., M.M., c.1385-1403, 24). | |
| 133 | Ou entré je soie en mal an, Se je n'ay le georget de Aman (Myst. Viel test. R., t.6, c.1450, 169). | |
| 134 | Tel cuide bien avoir bon eur Qui est en grant mal an entré (ALECIS, Faintes monde P.P., c.1460, 91). | |
| 135 | Ilz seront en aussi mal an Entrez que le Cul quoniam Qu'on refforma desrainement (Pont aux ânes T., c.1480-1500, 84). | |
| 136 | Donné en nostre present capitole le XIIe jour de septembre en l'an de la fondacion de Rome VIIcLII ans, et de nostre regne imperial l'an XLII. (MARCADÉ, Myst. Pass. Arras R., a.1440, 20). | |
| 137 | Sil vient il souffrira mal an (Myst. st Martin K., a.1500, 246). | |
| 138 | Il a fait son sanglant mal an (Gaud. sot, c.1450, 9). | |
| 139 | Et c'est pour ce villain marpault A qui Dieu doint senglant mal an ! (GRÉBAN, Pass. J., c.1450, 282). | |
| 140 | Lasse ! pecherresse ! en quel an Sui je, lasse, plaine de rage ? (Mir. Theod., 1357, 81). | |
| 141 | Cestui Abraham engendra Ysaac environ le Xe orbe, l'an du monde trois mil IIc quatre. (SIMON DE PHARES, Astrol., c.1494-1498, f° 18 r°). | |
| 142 | ...en l'an de la creation du monde .IImVIIcIIIIxx. ans, Abdon estant juge en Israel, Bavo, roy de Frige, cler astronomien et de singulière devotion aux dieux, cousin germain du roy Priam, son commilitant et frère d'armes, se party de Troyes bien acompaignié (MOLINET, Chron. D.J., t.1, 1474-1506, 230). | |
| 143 | ...en l'an devant (FROISS., Chron. M., XIV, c.1375-1400, 227). | |
| 144 | Le premier an, le sort advint à Romullus ; et, quant il se vit au-dessus de son frere, il se pourpensa de le faire mourir, pour usurper la seigneurie totalle et adfin que, l'an ensieuvant, il ne fut destitué du gouvernement. (BUEIL, I, 1461-1466, 128). | |
| 145 | Mil IIIIc, l'année de grace LXXV, en la grant place, à Paris, que l'en nomme Greve, L'an que fut fait aux Angloys tresve (ROYE, Chron. scand., I, 1460-1483, 366). | |
| 146 | Et mourut l'an qu'il trespassa. (Fr. arch. B., c.1468-1480, 40). | |
| 147 | En cest an (FROISS., Chron. M., XIV, c.1375-1400, 227). | |
| 148 | Ci fine le livre de l'Estoire de la marquise de Saluce, miz par personnages et rigmé l'an mil CCCIIIIXX et quinze. (Gris., 1395, 100). | |
| 149 | En cel an (FROISS., Chron. M., XIV, c.1375-1400, 228). | |
| 150 | ...dedens cel an li rois d'Engleterre envoieroit [des négociateurs] (FROISS., Chron. D., p.1400, 456). | |
| 151 | Et le duc Anthoine demoura avecques sa moillier. Et ot la dame cellui an un filz qui fut appellez Lohiers (ARRAS, c.1392-1393, 195). | |
| 152 | Cest an là, tous les vins d'Italie estoient aigres (COMM., III, 1495-1498, 37). | |
| 153 | Item, a Thibault de la Garde... Thibault ? je mens : il a nom Jehan, Que lui donrai ge que ne perde ? - Assez j'ay perdu tout cest an, Dieu y vueille pourvoir, amen ! (VILLON, Test. R.H., 1461-1462, 109). | |
| 154 | Il [un pommier] n'y fut planté (...) Il n'y fut planté de cest an (Feste roys, c.1475-1500, 310). | |
| 155 | Le roy y entre et regarde par my la chambre, et y voit grant foison de chevaliers pains, armez de leurs cottes d'armes toutes armoiees de leurs armes. Et estoient dessoubz leurs noms escripz, et de quel lignaige et de quelle region ilz estoient ; et par dessus eulx avoit escript : En tel an veilla ceans cest chevalier nostre espervier, mais il dormy, et pour tant lui fault tenir compaignie a la dame de cest chastel tant comme il pourra vivre. (ARRAS, c.1392-1393, 304). | |
| 156 | Or, vien ça, declaire moy comme Tu t'es habillé en ce point, Qu'as tu trouvay, quel ver t'a point, En l'aultre an pourquoy ne vins tu ? (Sots gard., a.1488, 104). | |
| 157 | ...son benefice qui puet bien valoir par an XLm. frans (FROISS., Chron. M., XIV, c.1375-1400, 44). | |
| 158 | Requis qu'il gaignoit par an à servir yceulx Jaquet et Blanchebarbe, et quel prouffit il avoit des prisonniers, etc., dit par son serement qu'il ne gaignoit aucun salaire prefix (Reg. crim. Chât., I, 1389-1392, 60). | |
| 159 | Comme doncques, en l'an mil IIIICXXII, je veisse le roy anglois (...) soy glorifier en nostre ignominieux reproche (CHART., Q. inv., 1422, 4). | |
| 160 | A Cellui vouldroye je bien estre quitte pour X. s. par an. (ARRAS, c.1392-1393, 295). | |
| 161 | ...le roy luy fourniroit en pension, par chascun an jusques à LXm livres tournois (ROYE, Chron. scand., I, 1460-1483, 199). | |
| 162 | ...mais, très voulentiers, il luy laisseroit trois mil florins par an par condicion qu'il n'entreroit jamais dedans la duché (COMM., II, 1489-1491, 3). | |
| 163 | ...on rechevera d'an en an la moitiet de leditte rente (Doc. 1388. In : T. Matsumura, Mél. T. Shimmura, 1998, 112). | |
| 164 | ...[Louis de Blois reçoit une pension du roi de France ; il fut] paiiés d'an en an tant que il vesqui. (FROISS., Chron. D., p.1400, 646). | |
| 165 | Et [le cerf] mue ses cornes d'an en an au temps de ver et de sa prudence n'a point volenté de combatre iusques a tant que ses cornes soient reuenues. (Best. hérald. H.E., c.1435-1450, 468). | |
| 166 | La veille du Noel, allèrent en pareille ordonnance oyr la messe à Nostre-Dame, et vespres qui se chantèrent devant disner ; et, à la requeste de l'empereur, fut monstré les saintz reliquiaires de l'eglise, qui n'est acoustumé de faire que de .VII. ans à aultre. (MOLINET, Chron. D.J., t.1, 1474-1506, 474). | |
| 167 | Livrée de charetils de III ans en III ans par livrée du verdier, et pour clorre sur rue de III ans en III ans... (HECTOR DE CHARTRES, Cout. R., 1398-1408, 40). | |
| 168 | Cestui fonda une cité nomée Aclydem, assize au pié du mont Olympus, jouxte Macedone, et y ordonna les jeux que ce faisoit de V ans en V ans que l'on appella Olympiades, et fut le premier date des Grecs annuel. (SIMON DE PHARES, Astrol., c.1494-1498, f° 26 v°). | |
| 169 | ...li oiselet ne sont lent Chascun an de leurs niz viser (DESCH., M.M., c.1385-1403, 7). | |
| 170 | Balade que ledit prisonnier fist en l'an mil CCCCXXXIX, a la requeste de la royne de France (RÉGN., F.A., 1432-c.1465, 209). | |
| 171 | Et, chascun an, deurent payer et donner au roy Uriien XXXm. besans d'or. (ARRAS, c.1392-1393, 236). | |
| 172 | I. estrelin pour I. denier (...) a paiier cascun an as canges a Bruges. (FROISS., Chron. D., p.1400, 105). | |
| 173 | ...il ne savoit point annuncer les festes des sains qui viennent chacun an et a jour determiné (C.N.N., c.1456-1467, 512). | |
| 174 | ...tous les ans (FROISS., Chron. M., XIV, c.1375-1400, 144). | |
| 175 | Lors orent conseil qu'ils envoieroient devers Gieffroy et lui offreroient, s'il les vouloit delivrer de ce crueulx monstre, qu'ilz lui donrroient, tous les ans qu'il vivroit, Xm. besans d'or (ARRAS, c.1392-1393, 249). | |
| 176 | ...[un couvent a un excellent clos de vignes] car, an par aultre, ilz y ont bien eulx Freres entre C. et VIxx. keves de vins. (FROISS., Chron. M., XIV, c.1375-1400, 221). | |
| 177 | Le cherriage, verjage et afforage et roage du dit lieu, trouvez valoir par le dit maistre Loys VIII l. par an. Il est rapporté par Jehan Le Houletel, qui les tient a ferme pour le present a VIII l. XVI s., et vault bien par le rapport dessus diz, l'un an par l'autre, VIII l. (Comté Porcien R., 1400, 215). | |
| 178 | V. ou VI. foiz l'an on les renouvelle. (FROISS., Chron. M., XIV, c.1375-1400, 140). | |
| 179 | ...et qu'il le vendroit veoir une foiz l'an, tant comme il vivroit. (ARRAS, c.1392-1393, 279). | |
| 180 | ...le chanceiller de droit ordinaire (...) avoit robes quatre foys l'an et manteaux en yver et chappeaulx (JUV. URS., Nescio, 1445, 449). | |
| 181 | ...et me trouva, le premier jour de may l'an mil IIIICXXXV, "a Biauvés" (JUV. URS., Aud. celi, 1435, 146). | |
| 182 | Et fu tout droit, selonc m'entente, L'an mil ccc. sept et sexante, Einsi com li ans renouvelle. (MACH., P. Alex., p.1369, 181). | |
| 183 | Le jour de l'an, par ce bon jour, En estrine vous voel donner Mon coer, ma pensée et m'amour (FROISS., Méliad. L., t.2, 1373-1388, 355). | |
| 184 | Ce jour de l'an renouvelle ma paine Ou par trop craindre ou par trop hault choisir. (CHART., R. Bal., c.1410-1425, 377). | |
| 185 | Cy s'ensuit la taille d'une sotte amoureuse, lesquelles se font a Amiens, le jour de l'an noeuf, ou il y a tous les ans prince d'icelles sottes amoureuses [le 1er janvier] (BAUDET HER., Doctr. sec. rhétor. L., 1432, 175). | |
| 186 | Mes faire assavoir le fault dont A nostre maistre cappitaine, Que donner esbat nous volons A la seigneurie souveraine ; Qu'i nous veille a la bonne estraine Veille du premier jour de l'an, Donner congié, en my la plaine, Luyster a deux hommes de bien. (Myst. siège Orléans H., c.1480-1500, 299). | |
| 187 | En acquittant nostre temps vers Jeunesse, Le nouvel an et la saison jolie, Plains de plaisir et de toute liesse (...) Venuz sommes (...) Prestz de dancer et faire chiere lie (CH. D'ORLÉANS, Ball. C., c.1415-1457, 128). | |
| 188 | Bien moustrez, printemps gracieux, De quel mestier savez servir (...) Vous estes venu esclersir Toutes choses et embellir ; Yver a sa peine perdue, Car l'an nouvel l'a fait bannir, A vostre joyeuse venue ! (CH. D'ORLÉANS, Ball. C., c.1415-1457, 130). | |
| 189 | Ainçois que li ans soit passez (DESCH., M.M., c.1385-1403, 31). | |
| 190 | Au bout de l'an y a grant somme D'argent (DESCH., M.M., c.1385-1403, 115). | |
| 191 | Mais Gieffroy dist qu'il l'avoit en convenant a son pere, au partir, qu'il reseroit devers lui au chief de l'an, et s'il demouroit plus, il lui fauldroit de convenant. (ARRAS, c.1392-1393, 238). | |
| 192 | L'an cinquante dernier passé, le clerc d'[un] village du diocese de Noyon... (C.N.N., c.1456-1467, 283). | |
| 193 | Maiz, ès autres quartiers et poins De l'an, valent pommes de coigns, Et poires nèfles et corneilles, Et les autres qui sont pareilles, Et à pluseurs Sages il semble Que les figues et noix ensemble Par leur vertu et leur puissance Font à venim grant résistance (LA HAYE, P. peste, 1426, 96). | |
| 194 | Et si junent tous les jours del ain. (JEAN D'OUTREM., Myr. histors G., a.1400, 174). | |
| 195 | ...[on conclut des trèves] a durer jusques au premier jour dou mois de marc, lequel on atendoit, que on compteroit l'an M.CCC.XL et I., jusques au marc ensievant l'an M.CCC.XLII. (FROISS., Chron. D., p.1400, 457). | |
| 196 | Tout ce que j'entends cy après à dire des famines, guerres, pestilences et autres dispositions du temps, advenues depuis l'an MCCCCXXXVII par chascun an, doibt estre entendu estre advenu en l'an compté selon l'usage de l'esglise de Rome, selon lequel usage l'an commence le premier jour de janvier inclus et finit le dernier jour de decembre inclus. (MAUPOINT, Journ. paris. F., p.1437, 24). | |
| 197 | Il [Romulus] fist le kalendrier duquel nous usons. Il partit l'an en dix mois et le fist commancer en mars pour l'onneur de son dieu Mars et pour ce qu'il disoit femme porter IX mois et se delivrer au Xe (SIMON DE PHARES, Astrol., c.1494-1498, f° 40 v°). | |
| 198 | A .IIcXX. et .VIII. advint, De ce milliare et ces ans (DESCH., M.M., c.1385-1403, 364). | |
| 199 | Et se il vient grant Thomas ne Jehan, Leur mescharra en cestuy an ! Je leur romprait toutes les anches A ses espees qui tresbien tranches. (Pass. Autun Biard F., 1470-1471, 136). | |
| 200 | Paix, villain, qu'an malle contree Ayez vous et mis en malan. Par Dieu, la teste en sera frotee Se tu en parles de cest an. (Myst. siège Orléans H., c.1480-1500, 153). | |
| 201 | Alons ! Dieu nous peul delivrer ; Quil ara poür cy ce couche. C'il y a nully quil l'aproche, Je ly bailleray tel baudee Que de cest an n'est amendee ; Mieulx vaudroit celluy estre a naistre. (Pass. Semur D.M., c.1420 [1488], 144). | |
| 202 | C'est jugié ung peu trop en haste ; Je ne le croiray de cest an. (GRÉBAN, Pass. J., c.1450, 57). | |
| 203 | Pierre de Suze, penitencier de l'eglise de Romme, jugea en ce temps sur la signifficacion de la commete qui apparut l'an mil nonante sept, la premiere sepmaine d'octobre, et predist les grandes innundacions des eaues qui furent en autompne et la sterillité des fruiz subsequente (SIMON DE PHARES, Astrol., c.1494-1498, f° 113 r°). | |
| 204 | Jude, amy, vous avez raison Et ne le croiray de cest an. (Myst. Pass. Troyes B., a.1482, 860). | |
| 205 | Le premier an de sa coronne [Pierre 1er], Il s'en ala en Ermenie. (MACH., P. Alex., p.1369, 20). | |
| 206 | Ceste annee fist la dame faire le chastel et le bourc d'Ainnelle, et fist faire Vuavent et Meurvent ; et puis fist faire le bourc et la tour de Saint Messent, et fist commencier l'abbaye, et faisoit moult de bien a povre gent. Et, au second an aprez, ot un filz qui fu nommez Guyon, et fu moult bel enfant ; mais il ot un oeil plus hault que l'autre. (ARRAS, c.1392-1393, 78). | |
| 207 | Cy nous dit l'ystoire que, au VIJe an ensuivant, Melusigne porta le quint enfant, et enfanta a son droit terme un filz qui ot a nom Regnault. (ARRAS, c.1392-1393, 80). | |
| 208 | ...li jones rois d'Engleterre ot recheu ces desfiances ou premier an de sa creation (FROISS., Chron. D., p.1400, 111). | |
| 209 | Cy commence le livre de l'esperance maistre Alain le Charretier. Au diziesme an de mon dolent exil, Aprés maint deueil et maint mortel peril (CHART., L. Esp., c.1429-1430, 1). | |
| 210 | Et quant vint au IIJe an de leurs amours, que il fut en son XVJe an, Madame se appensa qu'il estoit ja assez grant pour estre hors de paige (LA SALE, J.S., 1456, 65). | |
| 211 | ...ung an aprez (FROISS., Chron. M., XIV, c.1375-1400, 4). | |
| 212 | Ne say quans ans aprez morut celle dame (FROISS., Chron. M., XIV, c.1375-1400, 155). | |
| 213 | Et ot Melusigne, les deux ans après, deux filz (ARRAS, c.1392-1393, 196). | |
| 214 | ...en l'an de grace Nostre-Seigneur mille IIIc LX et XI (FROISS., Chron. M., XIV, c.1375-1400, 166). | |
| 215 | Et de ce fut dit par plusieurs que ces choses signifioient le bout de l'an de la rencontre de Montlehery. (ROYE, Chron. scand., I, 1460-1483, 163). | |
| 216 | LE BOURGOIS. (...) Savez se rien de nouvel a Venu au dan ? LE COUSIN. Cousin, il n'i ot puis un an Tant comme il a de bonnes choses. ["il n'y eut (plus) depuis un an autant qu'il y a (maintenant)"] (Mir. enf. ress., 1353, 12). | |
| 217 | ...depuis IX. ans (FROISS., Chron. M., XIV, c.1375-1400, 30). | |
| 218 | ...laquelle [lettre] son pere print et ot en garde devers soy, auquel son pere il a, depuis trois ans, oy dire qu'elle avoit esté arse, en son hostel à Lysieux, par les Englois [l'événement est survenu à cette date] (Reg. crim. Chât., I, 1389-1392, 74). | |
| 219 | ...Melusigne demoura puis environ deux ans sans porter enfant. (ARRAS, c.1392-1393, 80). | |
| 220 | ...il n'est pas memoire que puis quatre cens ans homs passast par le cavain (ARRAS, c.1392-1393, 267). | |
| 221 | ...il n'i avoit esté puis priés d'un an. (FROISS., Chron. D., p.1400, 342). | |
| 222 | Nous voions nostre prince qui depuis quatre ans n'a cessé de voiager sans guaires de repos ne d'arrest (CHART., Q. inv., 1422, 57). | |
| 223 | ...puis demi an ença, elle lui a esté baillée par ses pere et mere, afin de la aprendre le mestier et euvre de broderie. (Reg. crim. Chât., I, 1389-1392, 42). | |
| 224 | Et disoit le dict demandeur que ung sien frere et compaignon d'armes acquesta ja pieça d'une trés belle dame ung baiser toutes les sepmaines, dont il a longuement joui. Et estoit vray que puis ung an en ça icellui, du consentement d'elle et pour son bon plaisir, avoit vendu et transporté le dict baiser et le droit qu'il avoit en cellui au dit amant deffendeur, sa partie averse, pour certain pris convenu entre eulx. (MART. D'AUV., Arrêts Am. R., c.1460-1466, 61). | |
|
