| 10 exemples |
| 1 | Il vault trop mieulx un bon amy Que deux de petite amytance Ou il n'ait confort ne demy. Combien qu'ilz sont de grant vantance, A toute heure on est en doubtance, Quant secours on y cuide acquerre, De soy trouver, par leur meschance, De deux selles le cul a terre. (Prov. rimes F.M., c.1485-1490, 71). |
|
| 2 | C'est quelq'ung qui a bien de quoy, Terres et pres a grant puissance, Et ne quiert vivre qu'a par soy, Sans avoir a nul congnoissance. Il ne serche point d'acointance, Mais tousjours pratique en son art. Quant en luy n'a nulle amytance, On l'appelle ung riche pinart. (Prov. rimes F.M., c.1485-1490, 79). |
|
| 3 | En grant risee ou beau samblant Ne doit pas avoir grant fyance : Tel est festyeur ressamblant Qui point tresbien sans deffyance. A paine auroit on congnoissance Le quel a bon ou faulx remort, Car on treuve peu d'amitance : Tel rit aulcunesfois qui mort. (Prov. rimes F.M., c.1485-1490, 81). |
|
| 4 | Mais, se vers elle fist offense, Maintenant bien la recompense Quant sy tres grant baudour li livre Qu'elle est par ly quitte et delivre De ceux qui la tinrent enclose. Belligere pour ceste chose A Lëonet la mort pardonne De son ami, mais mot n'en sonne ; Et avoec lui par amistance S'en va jouer sans arrestance Par pars, cavanes et champiaux, Tout chantant et faisant chapiaux, Sans penser vilain pensement (Pastor. B., c.1422-1425, 215). |
|
| 5 | Si avint que Servius (...) loueyt mout souvent le consentement de ceus d'Ayse et lez dieux a eulz adjoustés entre les barons des Latins avecques lesquelz il avoit privees et publiques amitances, pour ce car il avoit esté nés de celi peuple (BERS., I, 1, c.1354-1359, 45.2, 75). |
|
| 6 | ...a la requeste des dames qui avoient esté raviez, elle s'en ala a lui et le prist a prier que aus parens d'icelles il vousist pardoner et les recevoir avec soy par dedens la cité, et dit car par tel voie se porroit engendrer amitance et concorde (BERS., I, 1, c.1354-1359, 11.2, 18). |
|
| 7 | Filz, a chevalier s'affiert bonté pour ce qu'il ne soit mal. Et lui affiert loyauté pour ce qu'il ne soit mesprisié (...). Et lui affiert sagece pour ce qu'il ne soit deceu. Et a chevalier affiert tout ce par quoy soit amistance entre prince et son pueple. (THOM. SALUCES, Chev. errant W., 1394, 1104). |
|
| 8 | ...les barons des Latins avecques lesquelz il avoit privees et publiques amitances (BERS., I, 1, c.1354-1359, 45.2, 75). |
|
| 9 | Donne loiers de joye, donne dons de graces, deslie liens de ire, assamble nous amistance de pais, enlumine mon cuer, car autrement, Sire, j'ay trop pechié devant toi. (GAST. PHÉBUS, Livre oraisons T., c.1380-1383, 33). |
|
| 10 | L'amistié de David et de Joache leur seront adversitez. O, comme grant amistié est entre eulx ; car Dieu les aime comme ses filz et ilz aiment Dieu plus que eulz meismes ! (...) L'amitance de David et de Jonatas seroit entre eulx male volunté. O quant doulce amitance les joint ensemble, car Dieu les ame comme ses filz et ilz ament Dieu plus que eulx mesmes (Élucidaire V, K., p.1400, 615). |
|
