| 77 exemples | | 1 | Puis fut el par sa voiz trouvee Entre les braz d'un lou sauvage Qui la gardoit sans faire oultrage ; Mais celx qui ainsi la trouverent La teste au corps li adjousterent. (Tomb. Chartr. Souvain S., c.1337-1339, 31). | |
| 2 | Mais il ne couvient adjouster En ce quart ver lettre, n'oster, Car qui riens y adjousteroit, Mon nom jamais ne trouveroit, Qu'il n'i eüst ou plus ou mains. (MACH., R. Fort., c.1341, 156). | |
| 3 | Et pour ce qu'elle iroit sans ordenance (...) Pour ce y fu par droite art ordonnee Une roe seconde et adjoustee, Qui le retarde et qui le fait mouvoir Par ordenance et par mesure (FROISS., Orl., 1368, 88). | |
| 4 | Et une telle adjoustee a chose plus pesante la fait plus pesante. (ORESME, C.M., c.1377, 594). | |
| 5 | ...toutesfois, affin que par leur coulpe nul plus grant mal n'y fust adjousté, chascun se prist en sa partie a ouvrer a la cloyson et a la deffension sanz admonnestement d'aucun (BERS., I, 9, c.1354-1359, 2.13, 4). | |
| 6 | Et toutesfois a toutes voz fraudes adjoustez vous tousjours aucune semblance de droit et de justice ! (BERS., I, 9, c.1354-1359, 11.7, 20). | |
| 7 | Adjouste l'amour de la foy avec sapience (CHR. PIZ., Ep. Othea P., c.1400-1401, 223). | |
| 8 | Comme dist Leo pape : a la simple nature de la divinité riens ne puet estre adjousté ne osté ou diminué, car tousjours est ce qu'il est. (Somme abr., c.1477-1481, 142). | |
| 9 | Numa Pompilius, homme cler, second roy à Romme. Cestui, comme astrologien, adjousta deux mois en l'an que par devant n'avoit esté fait, c'est assavoir janvier et fevrier, car cestui ediffia le Capitol qui est euvre moult sumptueuse. Aucuns dient qu'il fut IIIImVcIX. Romulus n'y avoit mis que dix mois. (SIMON DE PHARES, Astrol., c.1494-1498, f° 38 v°). | |
| 10 | Et se tu demandes quant il dit ces paroles, le Pere et le Filz, je te respons car ilz le dient toutes foilz et quantes fois ilz nous appellent et traient a la foy crestienne, quy est une vocation faitte par grant misericorde et sy grande que toute la terre en est plaine ; laquelle misericorde et justice ont delivré l'omme et ont fait adjouster verité et paix ensamble en une vraie et bonne concorde. (CRAP., Cur Deus, De arrha B.H., c.1450-1460, 255). | |
| 11 | ...et ainsi sans fin en adjoustant tousjours de jour en jour mendre degré d'isneleté selon proporcionalité soudouble, il est certain que l'isneleté du ciel ne attaindroit onques en temps du monde siques a isneleté double (ORESME, C.M., c.1377, 426). | |
| 12 | Il m'a pleu de le faire ainsi et personne de vous ne nous eust ja recogneus, ne fust que nous voulons recognoistre les deux chevaliers ou je adjouste grant proesse et valeur. (Percef. III, R., t.3, c.1450 [c.1340], 31). | |
| 13 | Mes Tulles au contraire a aresoné Mecius benignement et li commanda car les tentes des [Albains] il adjousta aus tentes romeines. (BERS., I, 1, c.1354-1359, 28.1, 48). | |
| 14 | Plus n'en di de ceste partie, Eins vorray d'une autre conter Pour a ceste ci adjouster (MACH., J. R. Nav., 1349, 170). | |
| 15 | De quoy elle sert, qu'elle fait, Compris la grant part de l'effait, Dont un bien pou vous compteray, Rien du mien n'y adjousteray (CHR. PIZ., M.F., II, 1400-1403, 104). | |
| 16 | ...Charles (...) institua XXIIJ chappittres de loys, et ces loys adjousta a la Loy sallicque (JUV. URS., T. crest., c.1446, 21). | |
| 17 | ...ung bien gracieux cas dont je fourniray une petite nouvelle, sans y descroistre ne adjouster aultre chose que servant au propos. (C.N.N., c.1456-1467, 454). | |
| 18 | Lequel traittié contendra les chappitres des Euvangiles des Quenoilles ensemble les gloses que aucunes sages et prudentes matrones y ont adjousté et aincoires feront en multipliant le texte. (Ev. Quen., I, c.1466-1474, 80). | |
| 19 | LE CAPPITAINE. (...) As tu parlay au dessusdit ? PERROQUET. Ouy, et adjousté ton dit A mes dictz. (Sots mal., c.1480, 79). | |
| 20 | Il y est gramaire, logique, Geometrie, arismetique, (...) Adjouster y vueil arquemie Qui est une ouevre moult soutive (MACH., F. am., c.1361, 217). | |
| 21 | En la saluant dictez les paroles proposees fors que au commencement, vous ne adjoustatez point ce nom icy, Marie, maiz aprés le nommastes. Ave, Maria, etc. (GERS., Annonc., a.1400, 228). | |
| 22 | Et, en la fin dudit roole, fust, par l'ordonnance de la Court et du chancelier de France, escripte et adjoustée une clause (FAUQ., II, 1421-1430, 82). | |
| 23 | A tant me deporte de ce propos fors que je adjouste ceste conclusion (CHART., Q. inv., 1422, 52). | |
| 24 | Einsi donques Rome se prist a croistre par la ruine d'Albe, et se doubla le nombre du peuple d'icelle. Et, pour ce, on adjousta a la cité de Rome tele montegne qui a non Celius (BERS., I, 1, c.1354-1359, 30.1, 51). | |
| 25 | Et qui avecques ce vouldroit adjouster que ces choses durassent par toute sa vie et que il finisist sa vie en oeuvre de vertu selon la descripcion de felicité devant dicte, pour ce que les choses a venir ne sont pas certainnes, encore pourroit l'en dire a parler de present que un homme est beneuré (ORESME, E.A., c.1370, 136). | |
| 26 | Et pour ce, aprés ce qu'il eut donné a son peuple le commandement de l'aymer, comme il est escript en Exode, il adjouxta : "Je suis ung Seigneur desirant mon honneur..." (OLIVIER MAILLARD, Serm., 1475. In : Chrestom. R., 218). | |
| 27 | Comment par algorisme on peut un nombre adjouster a l'autre pour faire une somme totale. Se tu vois deux nombres devant toy et tu veulx adjouster l'un a l'autre, tu le doiz figurer l'un dessoubz l'autre tellement que la derreniere figure de l'un soit dessoubz la derreniere figure de l'autre, et la penultime dessoubz la penultime, et ainsi tousjours. (LEGRAND, Archil. Sophie B., c.1400, 242). | |
| 28 | Pour adiouster Il conuient premierement poser les nombres que lon veult adiouster lung soubz laultre et en telle maniere que les primes soient alendroit lune de laultre et les secondes alendroit des secondes et une chascune figure alendroit de sa semblable. Et puis assembler primes auecques primes secondes auec secondes et ainsi des aultres. Toutesfois en adioustant les secondes les tierces quartes et aultres on les considere et nombre ton comme si elles estoient primes. (NIC. CHUQUET, Triparty M., 1484, 594). | |
| 29 | Adjouster si est deux ou plusieurs nombres joindre en ung qui tout seul soit egal aux nombres adjoustez (NIC. CHUQUET, Triparty M., 1484, I, 594). | |
| 30 | Aprez ce que le duc d'Angou fut retourné de Bretaingne, il adjouxta son host à l'ost de ses freres (Chron. Valois L., c.1377-1397, 246). | |
| 31 | ...personne adjouster a personne par propagation de char mue degré, mais non pas le genre d'abstinence, et persone adjoustee a personne par copule charnele mue genre d'abstinence, mais non degré. (Sacr. mar., c.1477-1481, 74). | |
| 32 | Si fu continué le consulat a Fabius pour cause des besoignez bien faitez et Decius luy fu adjoustez en compaignon (BERS., I, 9, c.1354-1359, 41.1, 75). | |
| 33 | Aprés dit que il adjouste Pallas avec Minerve qui bien y siet (CHR. PIZ., Ep. Othea P., c.1400-1401, 223). | |
| 34 | Avec iceulx fut adjousté le roy de Boesme, comme septiesme, pour les accorder, se d'aventure, a l'election faire, ilz estoient troys d'ung costé et troys de l'autre. (LA SALE, Salade, c.1442-1444, 226). | |
| 35 | Et aussi a on adjousté a la cité la monteyngne de Janiculus, non pas pour souffraite d'espace ne de lieu, mes afin que les anemis en temps a venir ne peussent occuper la forterece de celi lieu. (BERS., I, 1, c.1354-1359, 33.6, 57). | |
| 36 | Si avint que Servius, de certain propouz, loueyt mout souvent le consentement de ceus d'Ayse et lez dieux a eulz adjoustés entre les barons des Latins avecques lesquelz il avoit privees et publiques amitances (BERS., I, 1, c.1354-1359, 45.2, 75). | |
| 37 | Le premier genre d'affinité est contrait de persone additee et adjoustee a sanguinité par copule charnele juste et selon la rigle qui dist : personne adjouster a personne par propagation de char mue degré, mais non pas le genre d'abstinence, et persone adjoustee a personne par copule charnele mue genre d'abstinence, mais non degré. Et vecy le cas : je et ma soeur sommes une sanguinité. Ma soeur ait ung mary ou ung amoureux, ou lui samblablement. Cellui ajousté a personne de ma sanguinité par copule charnele mue genre d'abstinence, mais non pas degré. (Sacr. mar., c.1477-1481, 74). | |
| 38 | Chiers et grans amis, j'ai recheü de par vous unes lettres qui moult me donnent a penser pour tant que vous me tenés a vostre compagnon et appellés a vostre consel et adjoustés avoec vos joieuses et amoureuses aventures, et me nommés sage et discré et digne de ce valoir et faire ; c'est moult pour moi. (FROISS., Pris. am. F., 1372-1373, 60). | |
| 39 | ...car, ces, esmeue toute leur jouvente et avecquez ce grant partie des Etrusquez parforcie de rebellier, avoient ajousté si grant ost que en soy ventant et mesprisant les Romains il disoient que il lesseroient aprés euls Decius en Etrurie sanz que il se daignassent combatre a luy et que il s'en iroient tout droit a Rome pour l'assallir. (BERS., I, 9, c.1354-1359, 41.9, 76). | |
| 40 | Si avint que le similitude de eulz deux, c'est a dire de Tarquin et de Tullie, les adjousta assés plus de le fier, car c'est bien chose acoustumee que mal a mal a grande convenence. (BERS., I, 1, c.1354-1359, 46.7, 78). | |
| 41 | Et chascun qui scet aucun art et s'i excercite, il y doit adjouster se aucune chose y deffaut. (ORESME, E.A., c.1370, 122). | |
| 42 | ...ancor y avoit une clause à la fin par laquelle les commissaires dessusdiz se reservoient d'y povoir adjouster à leur adviz (BAYE, II, 1411-1417, 142). | |
| 43 | Voir est que il est dit devant que en tous les habis desus diz ou vertus aussi comme en autres choses, c'est a savoir es arts, en chascun est un signe auquel tout homme qui a en soy droite raison regarde et selon ce il croist et adjouste ou appetice son oeuvre ou sa matiere. (ORESME, E.A., c.1370, 330). | |
| 44 | Li rois de France, si frère et li prelat de France (...) entendirent volentiers à ses parolles, et leur samblèrent toutes veritables : pour tant i ajoustèrent il plus grant credense. (FROISS., Chron. R., IX, c.1375-1400, 147). | |
| 45 | Atant nostre damoyselle adjousta telle creance en la vertu de ce dieu que devant nous tous elle dist qu'elle vouloit visiter ce temple adfin que ce souverain dieu la voulsist conforter de son desirier (Percef. IV, R., c.1450 [c.1340], 870). | |
| 46 | ...[Fortune] prent la petite chevance des povres pour adjouster au grant monceau des plus riches (CHART., L. Esp., c.1429-1430, 8). | |
| 47 | Tres chiers compains et grans amis, j'ai recheü de par vous unes lettres es queles je ajouste grant foi, car de vos secretes et amoureuses besongnes vous me segnefiiés et escripsiés moult avant et plus que je ne soie tailliés ne sages dou consillier (FROISS., Pris. am. F., 1372-1373, 73). | |
| 48 | Et dient les docteurs que adjouster foy a la dicte science [astronomie], c'est assavoir a la seconde partie [les jugements], est chose moult perilleuse et espirituelment et temporelment, et souvent est cause de male fortune (MÉZIÈRES, Songe vieil pèl. C., t.1, c.1386-1389, 605). | |
| 49 | Item, il voult et ordena que le dit Jehan Sac soit creu en sa conscience de tout ce qu'il affermera à lui estre deu par le dit testateur, ou que il lui devra, et semblablement de tout ce qu'ilz ont eu à faire l'un à l'autre de tout le temps passé, et que aux papiers et escriptures du dit Jehan Sac soit adjoustée plainne foy. (Test. Parlem. Paris T., 1407, 447). | |
| 50 | Les ungs s'en mocquent, et les aultres y adjoustent foy (LA SALE, Salade, c.1442-1444, 80). | |
| 51 | ...j'ay trop tost adjousté foy a voz semblans et decevables parolles (C.N.N., c.1456-1467, 235). | |
| 52 | ...ausquelles lettres fut foy adjoustée pour ce que ledit Briçonnet estoit homme de bien et de credit. (ROYE, Chron. scand., II, 1460-1483, 136). | |
| 53 | Puis le Jouvencel lui dist devant tous : "Mon cappitaine, je vous pry, allez-y ; car vous le ferez mieulx que nul autre. Je scay bien que le Roy adjoustera grant foy ad ce que vous lui direz." (BUEIL, II, 1461-1466, 140). | |
| 54 | Elle ne parloit que ou nom de ladicte damoyselle, mais il estoit fait pour y adjouster plus grant foy. (COMM., II, 1489-1491, 194). | |
| 55 | ...tellement que les ennemys pensoyent que la dicte bataille se descamperoit et mettroit en desarroy, en conformant et adjouxtant foy ad ce que par autres foys ilz avoyent ouy dire des Françoys (LA VIGNE, V.N., p.1495, 284). | |
| 56 | Et aussi par le conseil d'un home appelé Proculus, ajoustee foy a la dicte opinion de deité Romulus, car cestui (...) appela le peuple en concion (BERS., I, 1, c.1354-1359, 16.5, 26). | |
| 57 | ...[le duc de Bourgogne négocie] pour avoir l'Escluse en hiretage et ajouster avoecques la conté de Flandres (FROISS., Chron. R., XI, c.1375-1400, 241). | |
| 58 | Dame, je vueil que les gardez [les clefs] ; Pour l'enfant serez et pour moy. J'adjouste a vous bien tant de foy, C'est bien droiture. (Mir. st J. Cris., c.1344, 261). | |
| 59 | Li pueples qui la venus yere A eaus ajousta foy planiere, Car li jugë encïen furent, Pour ce li pueples les creürent, Et Susanne a mort condampnerent (MACH., C. ami, 1357, 10). | |
| 60 | ...comme saint Pol le dit en l'epistre aux Rommains, que les choses qu'il [Dieu] a faictes seront veues et sceues par la creature du monde. C'est l'omme qui voit les livres lire et adjouste foy es atteurs (ARRAS, c.1392-1393, 2). | |
| 61 | ...finablement li rois d'Engleterre, par l'avis de ses previleges asquels il ajoustoit grant foi, fu consilliés de escrire (...) lettres patentes (...), en recongnissant l'onmage tel que il le doit et devoit adont faire au roi de France (FROISS., Chron. D., p.1400, 191). | |
| 62 | A nous chascun adjoute foy Pour ce que gouvernons la loy (MARCADÉ, Myst. Pass. Arras R., a.1440, 147). | |
| 63 | Phelippes (...) adjoustoit en toutes ces parolles grant loyauté (FROISS., Chron. R., VIII, c.1375-1400, 77). | |
| 64 | Melyador ossi ajouste Grant segurté en ses .III. lances ; Car, pour furnir ces ordenances, La damoiselle de Montrose Li avoit fait, c'est vraie cose, Pluiseurs fiers de glave assaiier (FROISS., Méliad. L., t.2, 1373-1388, 52). | |
| 65 | Cesti Evander, entendu comme les pastours s'ajosterent entour Hercule (BERS., I, 1, c.1354-1359, 7.9, 12). | |
| 66 | L'auctorité du roy Tarquin estoit ja mout grande entre lez barons latins, si a empris une journee et ordené que tous les princez du paÿs se adjoustassent en un certain lieu appelé le boyz de Ference afin de traiter des choses communez. (BERS., I, 1, c.1354-1359, 50.1, 83). | |
| 67 | ...mais la falangue et la bataille des Macedoniens estoit puissant et non mouvable et celle des Rommains estoit plus distinte et composte de diverses parties et preste et obeissant a soy partir ou a soy adjouster a la volenté de leur duc. (BERS., I, 9, c.1354-1359, 19.8, 36). | |
| 68 | ...et que la moytié du residu de .b. soit faite encore plus tenve en tant que, quant elle sera adjoustee aveques l'autre en figure circulaire, elle soit aussi large comme le semydiametre de la premiere partie ou moytié ["elle" représentant une figure géométrique]. (ORESME, C.M., c.1377, 120). | |
| 69 | ...il commencierent envaïr et chassier non pas seulement les bestes sauvaiges, mes les larrons qui erent es montaignes [ausquiex] il toloient les proiez qu'il avoient emblees et les devisoient a leurs compaingnons, c'est a dire aus pastours du desert, si que de jour en jour grant compaignie des juvencelz se adjoustoient avecquez eux (BERS., I, 1, c.1354-1359, 4.9, 9). | |
| 70 | ...car, en non Dieu, tout le païs entour avoyt senti la depopulacion et la pille du mont ciminien, si que les pueples d'Etrurie et avecquez eux les prochains de Ombrie s'ajousterent par grant indignacion, siques le plus grans os que onques mais n'i estoit venus arriva a Sutere. (BERS., I, 9, c.1354-1359, 37.1, 67). | |
| 71 | Et quant vint l'heure qu'on se adjoustoit au champ et que le roy eut disné et ja estoit en son eschaffault et la royne et la belle Maguelonne, Pierre avec son varlet et son page sans autre compagnie vint et s'en alla mettre au plus humble lieu comme celuy qui estoit estranger (Belle Maguel. B., c.1400-1450, 8). | |
| 72 | Fol est qui trop s'est adjousté A force ou temps qu'il a vescu, Car celui qui mieulx a jousté Est souvent le premier vaincu. (TAILLEV., Passe temps D., c.1440, 157). | |
| 73 | Mais sy tost qu'au parc sont venu Cil de l'ost, il y ont tenu Et mis le siege et ajousté Par hardement et fiereté (Pastor. B., c.1422-1425, 160). | |
| 74 | ...mais en longue vie et diligente labeur n'est rien qui ne se mène à chief, quand bon vouloir s'y ajouste (CHASTELL., Vérité mal prise K., c.1460, 268). | |
| 75 | Tulles (...) s'est mis aus chanz contre ceus de Fidene et a son ost assiz en celi lieu ou le fluve de Amene se adjoustet o le Tibre (BERS., I, 1, c.1354-1359, 27.4, 46). | |
| 76 | ...comme adjouxte Dieu nouveau torment sur le fais de leur labour ? (CHART., L. Esp., c.1429-1430, 43). | |
| 77 | Ung livre faulx escript fait errer ceulx qui y lisent, et a ceulx qui le contreescripvent adjouxter fauls sur faulz. (CHART., L. Esp., c.1429-1430, 45). | |
|
