| 52 exemples | | 1 | Quant elle [la mere l'empereur] ouÿ parler la belle dame et gente Et elle vit son filz qu(i) avoit le cueur ente Pour ce qu'il n'avoit hoir pour maintenir sa rante, Sa mere en ot grant joye qui avoit toute s'antente Pour agraver la dame a la face plesante ; Puis fit par ses faulx tours la royne tres dolente Et tant de maulx souffrir qu'oncques dame si gente Ne souffri tant de maulx (Flor. Octav. L., t.1, c.1356, 5). | |
| 2 | SATHAN. (...) tous deux [les deux chrétiens] les emporteray En Enfer sans point de respit, Et pourchasseray (...). Ma raison totalle E(s)t plus principalle, C'est de les grever, Car leur face palle Pourchasseray malle. Pour les agraver, Fainctes eslever Et me preserver, Monstres, espouentables faces, Pour vous abruver, Venez approuver Icy voz tirannicques traces ! (Mir. st Nic. juif, c.1480-1500, 123). | |
| 3 | ...[les membres des communes de Flandres] sentans estre trop aggravez de sa male seigneurie, se rebellèrent tous à une voix contre lui (CABARET D'ORV., Chron. Loys de Bourb. C., 1429, 166). | |
| 4 | Adont entra Helain en l'estang et y print ung grant poisson, puis yssi hors atout. Et lors commanda asoir tous ceulx qui estoient agravés de faim, puis pria Helain a Dieu qu'il voulsist le poisson multiplier sy que le poeuple aucunement en peust estre reconforté pour celle fois. (Percef. IV, R., c.1450 [c.1340], 898). | |
| 5 | Vostre femme est fort aggravée de chaulde maladie et en dangier de mort (C.N.N., c.1456-1467, 135). | |
| 6 | MONARCHE CRESTIENNE. (...) Decrepee, demolye, aggravee Suis de Naples [allus. au siège devant Naples par les Français, cette expédition en Italie étant considérée comme la première étape d'une croisade contre les Turcs], de tous poins desolee, Eschappee d'ung perilleux danger, D'une secte mauldicte et reprouvee. Juifz et marrans bennis d'autre contree, La recueilliz pour plus fort m'oultragier. (LA VIGNE, Ress. chrest. B., App., 1495, 181). | |
| 7 | De laquelle sentence le dict demandeur c'est sentu agravé et en a appellé en la court de ceans ou le dict procés a esté receu pour jugier. (MART. D'AUV., Arrêts Am. R., c.1460-1466, 37). | |
| 8 | Glorieuse vierge Marie, je te prie maintenant que en icelle heure que mes yeulx seront si agravez de l'oscurté de la mort que je ne pourray veoir la clerté de ce siecle (...), lors, Dame tresdoulce et tresprecieuse, me daignez regarder en pitié et moy aidier (Ménagier Paris B.F., c.1392-1394, 8). | |
| 9 | ...[Philippe de Macédoine] respondist a ses serviteurs que se le cas advenoit que il eust ung de ses membres fort aggravé de maladie, comme la main presques pourrye, il ne la devoit pas si tost copper (JUV. URS., Exort., 1458, 412). | |
| 10 | Or ie te pry considere se tu ne te dois pas humilier en ceste vraie congnoissance de toy quant tu vois clerement ton ame chargee de pechiez, aggrauee de la pesanteur de ce corps mortel, intriquee et enlassee de cures et sollicitudes terriennes (CIB., p.1451, 198). | |
| 11 | LE CHEVALIER [au Peuple]. Quans en est il de haulx hommes et de nobles dames exillez de leurs païs et mal receuz entre toy et les autres, despourveus de tous biens, souffreteux de confort et aggravez de douleur pour leur loiauté acquiter et garder. (CHART., Q. inv., 1422, 29). | |
| 12 | Luy doncques [le futur Philippe de Bourgogne] résidant à Gand (...), vinrent aucuns des eschappés dudit lieu de Montereau hastivement à Gand, et abordans premièrement à maistre Jehan de Thoisy (...) et à messire Athis de Brimeu (...), annoncèrent à eux deux secrètement la mort du duc Jehan (...) afin d'avoir advis sur la manière du rapport au fils qui amèrement en seroit agravé de douleur. (CHASTELL., Chron. K., t.1, c.1456-1471, 42). | |
| 13 | [Fierabras à Olivier, au cours de leur duel :] ...d'une chose tu te peulx bien venter plus grande : car jamais de personne vivant ne fus tant travaillés ne agravez comment je suis de toy (BAGNYON, Hist. Charlem. K., c.1465-1470, 58). | |
| 14 | La onziesme [course], Bonniface faillit, et messire Jaques l'atteindit assez près des aultres deux cops, et luy empira moult son harnois, et aggrava sa lance. (LA MARCHE, Mém., II, c.1470, 159). | |
| 15 | La quatriesme course ilz trouverent tous deux l'ung l'autre par les armetz (...). La septiesme se rencontrerent si durement sur les grans gardebras, que le fert dudit de Vauldrey fut agravé et rompu, et le Gascon rompit sa lance (LA MARCHE, Mém., I, c.1470, 308). | |
| 16 | ...quant la pleuresie ou la pleuripleumonie sont si fors et agravans nature, que la compassion en viegne et soit communiquee au foye, adont vient diarrie qui est flux d'umeurs (SAINT-GILLE, Comment. A.Y. L., 1362-1365, 165). | |
| 17 | Veulx tu de rechief exemples de plus fresche memoire ? (...) Semblablement peulx avoir oy par le raport des vielz la tempeste que fist nagueres en Castille Pierre soy disant roy ; pour laquelle aggraver il appella a son ayde les payens d'Auffrique et lez gens d'Engleterre, qui tourmenterent les Espaignez maintes anneez (CHART., L. Esp., c.1429-1430, 142). | |
| 18 | Sy fit chascun son pouvoir, l'un de justifier et de colorer son délit, l'autre d'aggraver incessamment, voire par extrême desraison, sa partie. (CHASTELL., Chron. K., t.1, c.1456-1471, 19). | |
| 19 | LE CHEVALIER [au Peuple]. Par toy et par les partiz que tu as choisiz folement et soustenuz de obstinee voulenté est ceste guerre sourse et aggravee, et n'as oncques cessé jusques a ce que ta parfaicte paix a esté troublee et muee en trescruelle division. (CHART., Q. inv., 1422, 27). | |
| 20 | CYBOREE. Las, fault il que je magnifeste L'infamie et l'ort inceste, De tous pechés le plus enorme ? En mon cueur l'agrave et deteste Car publiquement je proteste Que oncques n'en fut de plus enorme (...). JUDAS. Qu'i a il ? CYBOREE en criant et plorant. Vous estes mon filz ! Vous estes mon filz naturel Et le vray ventre maternel Avés polu en marïage ! (MICHEL, Myst. Pass. J., 1486, 60). | |
| 21 | ...cestui évesque avoit fait faire son harnois complet à intention d'y aller infailliblement [au saint voiage], mais quant vint que l'autorité de la court lui fut mise entre mains avecques les grans honneurs, commença à décliner de l'un pour l'autre et aggraver plus le fait et peser que par avant. (CHASTELL., Chron. K., t.3, c.1456-1471, 334). | |
| 22 | FOY [à Entendement]. (...) excuse, se tu sçais, la tres endurcie et longue obstination de voz cueurs, ainçois que tu accuses la longueur de ton juge (...). Tousjours aura sa main a ferir estendue, tant que son peuple ait retourné sa face vers lui en humilité. Crainte et humiliation attraient misericorde, et mespris et murmure aggravent vengense. (CHART., L. Esp., c.1429-1430, 75). | |
| 23 | ...se le fait [la destitution de Louis le Débonnaire] estoit injurieux et detestable de soy, la condition des faiseurs aggravoit l'amertume de la desplaisance ; entre lezquielz ses propres enfans, et ceulx qu'il avoit honorez de dons et graces, furent complices et culpables de si grant crime. (CHART., L. Esp., c.1429-1430, 144). | |
| 24 | L'empereur, roy ou prince aussi est pasteur de ses subgetz et les doit garder et conserver (...) ; or advisez et pensez comment vos brebis sont malades, c'est assavoir vostre povre peuple, il en a tant que plus n'en peult ; pensez doncques de le aleger, et non mie de le aggraver de charges ainsi que on fait de present. (JUV. URS., Verba, 1452, 272). | |
| 25 | Et cependant qu'on rabilloyt le dict pont, la pluye vint en si grant quantité que l'ost et l'armee fut mervilleusement ennuyee (...). Et encore, pour plus agraver l'ennuy et la peine, ce jour mesmes estoit force que toute l'armee passast auprés de Plaisance, qui est une des fortes villes et dangereuses de toutes les Ytalles (LA VIGNE, V.N., p.1495, 293). | |
| 26 | La est manifesté sa justice [de Dieu], et aggravé le tourment du pecheur. Car comme par pechié s'est eslevé contre la benigne seigneurie de Dieu, par punition est il foullé et abaissié soubz la dure tyrannie de pechié. (CHART., L. Esp., c.1429-1430, 42). | |
| 27 | Et avecques ce, l'estat de sa personne [le juge corrompu] aggrave le pechié. (ORESME, E.A.C., c.1370, 314). | |
| 28 | Quelles circonstances aggrievent le pechiet il est plus amplement declairiet en ces mettres ensieuvans : l'ordre, le lieu, la demeure, la cause (...), le nombre, l'eage, l'escandle et le sexe. Toutes ces choses precedentes sont qui aggravent le pechiet et le font plus grief. (Somme abr., c.1477-1481, f° 209). | |
| 29 | Ce Saint sacrement aggrave la mort du peché espirituelle ["le caractère mortel du péché"] en celluy qui pour son peché mortel n'est point preparé (MONTFIQUET, S. Sacr., c.1481-1501, 94). | |
| 30 | Et n'y a celluy qui se vueille amender, et toutevoys la chose [la situation du royaume de France] agrave de jour en jour (JUV. URS., T. rever., 1433, 58). | |
| 31 | ...voyant les peres et les meres prendre grand plaisir a veoir les enfans jouer (...), aggrava sa doleur que par avant avoit de soy mesmes conceu. (C.N.N., c.1456-1467, 555). | |
| 32 | Et pour tant ilz [les religieux, gens de deuocion...] doiuent eulx soustenir et ne se doiuent pas laisser cheoir ne aggrauer iusques aulx condicions de la terre qui sont froideur et secheur. Et se tu me demandes par quoy ilz se tendront en hault et ne cherront point en ceste tristesse melancolieuse, ie tay respondu deuant que ce sera par leesse spirituelle par laquelle ilz se soustendront. (CIB., p.1451, 219). | |
| 33 | Les aulcunes [circonstances] sont non aggravans notablement (...). Les aultres circonstances sont aggravans notablement, et selon l'opinion d'aulcuns il les fault confesser (Somme abr., c.1477-1481, fº 209). | |
| 34 | JUSTICE. (...) Paine est vraye medicine De péché et guarison plaine (...). Formés doncq ceste concordance : Si les anciens bergiers pecheoient Et pour péché paine portoient, Vous qui plus estez agravéz, Plus de péchés en vous avéz. (Moralité cincq pers. B., 1484, 46). | |
| 35 | Et comment ils avoient contraint l'official de Paris par grant force à faire procès contre eulx afin qu'ilz feussent excommuniez, agravez, réagravez et renforcez. (MONSTRELET, Chron. D.-A., t.2, c.1425-1440, 239). | |
| 36 | DAME CHRESTIENTÉ [à Magesté Royalle] (...) [Mes gens] Las, agravez, povrement substentez, Tentez d'ennuy et d'espoir contentez, En telz horreurs crient souvent "Helas !" (LA VIGNE, Ress. chrest. B., 1494, 118). | |
| 37 | Et la fut le preu chevallier porté en une moult riche chambre et couché en grant deduit et soulas, selon le cas, car il estoit tant agravé qu'il n'avoit membre sus lui dont il se peust aydier se pou non, tant avoit de plaies sus son corps grandes et petites. (Percef. III, R., t.1, c.1450 [c.1340], 382). | |
| 38 | Encore estoient [noz ennemis] a l'exploit importun Frez, sejournez sur leurs pays privez, Et les François loing de leur ranc, grevez Du grant chemin qu'avoyent fait par davant, Puis leurs chevaulx si las, si agravez Qu'a peine estoit nul qui peust hay avant. (LA VIGNE, V.N., p.1495, 280). | |
| 39 | Car moy (...) vey plainement que la matiere se transmua premiers en si tresgrant clarté que je, qui paravant ce le regardoie de legier, aprés ce je le regardoie a aussi grant paine comme se j'eusse regardé au ray du soleil pour lui mesmez tresperchier, car tant estoie agravé en la clarté regardant que ma veue s'en espardoit comme estincelles de fer boullant. (Percef. IV, R., c.1450 [c.1340], 568). | |
| 40 | Les maronniers montèrent sur leurs hunes, apperchurent la terre (...). Et adonc, fut engendrée grant leesse èz corages des maleureux infortunéz (...). S'en furent les desoléz consoléz, les desconfis assouffis, les agravéz ravivéz, les esbahis resjoys (MOLINET, Chron. D.J., t.2, 1474-1506, 565). | |
| 41 | EXEMPLE [d'une action de Megere] (...) Vous sçavez Que j'ay valleu ["j'ai été utile"], de ma cure importune, A Hanibal, entre les espavez, Infortunez, oppressez, aggravez, Plus qu'esbahy, deceu de son attente. Je luy forgeay l'anneau, a mon entente Empoisonné, dont il mourut lassé (ANTITUS, Poés. P., c.1500, 13). | |
| 42 | JESUS [à trois puis à onze de ses disciples]. Ne soyés plus tant endormis ; Allés avec les autres seoir ! (...) Agravés estes en vos corps, Remplys de tristesse et ennuy. (MICHEL, Myst. Pass. J., 1486, 287). | |
| 43 | [Plainte de l'Université de Paris :] ...comme par un sirurgien est guerie la plaie, aussy sera ceste doloreuse plaie (...) que a fait ledit chevalier [qui a attaqué les membres de l'Université au cours d'un office religieux], en prenant la similitude d'un chien qui met sa pate et langue à sa plaie [allus. à la guérison du sourd-muet, N.T., I>Marc/I> VII, 33] (...).Helas, ceste plaie a jà longuement duré sanz remede (...). Il y a un moiz qu'elle ne cesse de crier, de latrer comme le chien, à qui souvant sont comparez les clers (...). Maiz retournent à la Court à ce que souvereinement y pourvoie (...). Duc, donques, populum ad aquas [allus. à A.T. I>Juges/I> VII, 4], scilicet sapientie hujus Curie, qui weille metre la pate à ceste plaie agravée. (BAYE, I, 1400-1410, 100). | |
| 44 | [Lettre d'un chevalier aux dames pour participer à une joute :] Toutesvoyes ledit chevallier, par maladie d'amour aggravée, longuement norrye en son cueur, a souffert l'angoisseuse et travaillable paine qu'il n'estoit plus puissant de porter ne souffrir (LA MARCHE, Mém., III, c.1470, 155). | |
| 45 | ...par car [l. car par ?] telle incision la vertu du membre seroit hostee, et pourroit bien venir trop grant effusion de sang, dont la vertu regitive de tout le corps seroit affoibliee, et si pourroit la matiere estre repercutee aux membres principaulx (...) ; si ne seroit pas le chancre principalment gari, et ainsi la vertu seroit agravee de toutes pars et affoiblie, et s'ensuivroit mort. (SAINT-GILLE, Comment. A.Y. L., 1362-1365, 193). | |
| 46 | ...et incontinent (...), [l'archevesque de Cologne] a excommunié, aggravé, reagravé et anathematisé nosdicts peuple et sujets, et qui trop pis est, a sur eux et ledict comté de Flandres laxé interdit general (Lettres Ch. VIII, P., t.2, 1488, 255). | |
| 47 | Haa ! le feu roy trop tost est mort pour nous ! Pleurez, plaignez, gemissez, povres Mores ; Laissez ce jaune et ce beau gris encores (...) Et n'apportez que voz obscurs mynois. Pour enfondrer lermes deteriores Et fulminer plaintes interiores, Soubz agravées façons exteriores, Chose plus propre crier en mon bannoys, Et vous aprèz, desolez Albanoys, Voz virevoustes et plaisans esbanoys N'ont plus de cours (LA VIGNE, Compl. roy Bazoche M.R., 1501, 397). | |
| 48 | Sy yssirent et montez sus fleurs de chevaux et tous agravez et reposez (FROISS., Chron. M., XIV, c.1375-1400, 94). | |
| 49 | ...accident de noxive infirmité m'a aggravé sur mon grabate (Lettre Philippe, c.1450. In : Chrestom. R., 113). | |
| 50 | ...telle fievre est causee de la retencion des menstrues, qui est gardee jusques a l'enfantement, ou elle est causee de la retencion (des menstrues) des superfluitez de l'enffant, lesquelles se pourrissent en la marriz ; (...) dont la fame est agravee tant de la fievre comme du fruit (SAINT-GILLE, Comment. A.Y. L., 1362-1365, 135). | |
| 51 | Ce jour, a esté enjoint à maistre Deniz de Paillart (...) qu'il alast veoir madame Jehanne de Dormans, sa mere, aggravée de maladie et près de sa fin (BAYE, I, 1400-1410, 198). | |
| 52 | Et lui-mesmes, assez agravé de maladie, se partit dudit lieu de Senlis (MONSTRELET, Chron. D.-A., t.4, c.1425-1440, 107). | |
|
