| 69 exemples | | 1 | DIEU. (...) Puis nous convient stabilité donner A tout le centre, en sa plaine estature, A celle fin que puissions adonner Perfection en la nostre facture (Myst. Pass. Troyes B., a.1482, 4). | |
| 2 | Je vous ferai un capelet De flourettes biel et doucet, Tel que l'adonne la saisons. (FROISS., Par. am., c.1361-1362, 79). | |
| 3 | Or me enteng car ton bon espoux et amateur tres saige t'a tellement proveu de lui qu'il n'est rien que faille en quoy que tu te dois ja glorifier ; mains tout ainsi qu'il t'a donné choses communes et choses specialles, ainsy [t'] a il adonner choses singulieres. (CRAP., Cur Deus, De arrha B.H., c.1450-1460, 271). | |
| 4 | Le cueur qui souloit estre mien Je vous ay long temps adonné, Qui ne vous a abandonné Ne n'abandonnera pour rien. (Rond. poés. XVe s. R., c.1400-1500, 95). | |
| 5 | Si pry vostre doulz attrait Qu'il lui souviengne du trait Qui mon cuer a adonné A vous et abandonné. (CHR. PIZ., Dit Pastoure R., 1403, 283). | |
| 6 | ...sapience est adonnee au Filz. (Somme abr., c.1477-1481, 160). | |
| 7 | ...aucunes euvres et operations sont adonnees a Dieu selon la causalité et non selon l'essence comme boire, courir. Aucunes sont attribuees selon l'essence et non selon la causalité comme justicier, garir. (Somme abr., c.1477-1481, 162). | |
| 8 | O Dieu glorïeux, O pere piteux, O magnificence Qui de ta divine clemence M'as or eslargi et donné Filz tant bieneureux, Filz tant precïeux, De telle exellence Qu'i est une divine essence Avec toy du tout adonné. (MICHEL, Myst. Pass. J., 1486, 332). | |
| 9 | LE COMMUN. Or, puisque vous avez tenu D'un commun acord le chappitre Et qu'en effect du contenu Chascun luy adonne son tiltre, Je conseille, sans estre tristre, Ou qu'il soit, qu'il ne nous eschappe (LA VIGNE, S.M., 1496, 402). | |
| 10 | Si croy que Dieu ça jus l'adonne, Afin que paix soit par son fait. Si est tout le mains qu'à faire ait Que destruire l'Englecherie, Car elle a ailleurs plus son hait : C'est que la Foy ne soit perie. (CHR. PIZ., J. d'Arc, 1429, 36). | |
| 11 | L'AVEUGLE NÉ. Helas, qui me confortera ? Helas, et qui m'apportera Quelque povre petite aumosne ? Helas, et qui m'estrennera ? Mon corps pour luy Dieu prïera Et chevance et senté luy donne. Je crie et sermonne, Je prie et jargonne. J'ay beau sermonner, Je ne vois personne Qui son corps adonne A moy riens donner. (GRÉBAN, Pass. J., c.1450, 188). | |
| 12 | Faulce Fortune, mon engin capital A te mauldire trop ne puis adonner D'avoir ainsi ta roe de metal Villaynement faict dessus moy tourner. (LA VIGNE, S.M., 1496, 374). | |
| 13 | Il est li droite heure et li tans Qu'a mes parolles devés tendre Et elles volentiers entendre, Car qui boin grain prent et messonne Quant li tamps l'adonne et fuisonne (FROISS., Dits Débats F., 1363-1393, 126). | |
| 14 | Mais loial Amour Resgardez, qui par douçour M'adonne d'un amoureus dart, Par vostre dous plaisant regart. (MACH., L. dames, 1377, 25). | |
| 15 | Quant a dame l'avons eüe, Longuement l'avons congneüe ; Maiz certes a tous biens s'adonne. (Gris., 1395, 49). | |
| 16 | Et sy a bien grant temps que ly mondes n'ot princes qui guerez s'adonnassent a estude de sçavoir. (BOUVET, Appar. Meun A., 1398, 3). | |
| 17 | Ma voulenté a tout ennuy s'adonne, Tout mon souhait en desplaisir se tourne, A m'esjouir on y pert son aumosne, Car banny suis de joye et tous esbas. (HAUTEV., Compl. B., c.1441-1447, 32). | |
| 18 | SAINT PHELIPPE. Il ne s'en fault point excuser : Vous ouez qu'il a respondu A Pierre qui a contendu Soy excuser, cuidant bien faire. SAINT MATHIEU. Il nous fault le laissier parfaire Puisque son vouloir s'i addonne. (GRÉBAN, Pass. J., c.1450, 239). | |
| 19 | Et aucuneffois leur en laisses joïr paisiblement par aucun temps, affin qu'ilz se rendent plus subgés a toy, jusques a ce qu'ilz se sont du tout adonnez aux soulas amoureux, et tellement que, quant ilz s'en cuident departir, ilz ne peuvent ! (Percef. III, R., t.1, c.1450 [c.1340], 284). | |
| 20 | Par ceste substraction de grace, Dieu pourvoit souvent a nostre indiscretion, c'est a sçavoir que par indiscretement nous adonner a tele espirituele consolation, nous ne blechons les puissances du corps et de l'ame (Traité S. Sacr. B., c.1450-1500, 137). | |
| 21 | ...je [l'âme] m'adonnay a la parfonde fange et tres puante ordure ou le cuer me tyroit (RENÉ D'ANJOU, Mortif. Vaine Plais. L., 1455, 6). | |
| 22 | ...et par ses paroles y eut plusieurs femmes, qui s'estoient adonnées aux plaisances des hommes et autres pechez, qui de ce se retrahirent (ROYE, Chron. scand., II, 1460-1483, 70). | |
| 23 | Or se sont tous adonnez a vertu, tes haulx parens, tournez au salutaire de leur besoing, paciens en leur dur, ployans soubz constrainte et en usant de sens a l'advenant de leur cas, ont consorti tempz aveucques fortune soubz qui pendoit leur cause. (CHASTELL., Temple Boc. B., 1463-1464, 143). | |
| 24 | Et la damoiselle s'embat En un lieu qui adonnoit rire. Or ne vous saroi je pas dire Le douls mouvement de sa bouce : Il samble qu'elle n'i atouce, Tant rit souef et doucement (FROISS., Espin. amour. F., c.1369, 69). | |
| 25 | C'est ce qui luy fait aymer solitude : volentiers s'adonner a oraison, s'occuper a fructueuse leçon (Disc. amour divine, 1470, 38). | |
| 26 | Se vous adonnez a ceste oyseuse occupation et negotieuse vacation de vraye contemplation (...) vous aurez ce que vous demandez (Disc. amour divine, 1470, 127). | |
| 27 | Mais finalement, vous demandez la maniere de soy y adonner [à la vie contemplative], excercer et totalement occuper (Disc. amour divine, 1470, 153). | |
| 28 | ...car ce sont les pays de la crestienté plus adonnéz à tous les plaisirs à quoy l'homme est enclin (COMM., II, 1489-1491, 208). | |
| 29 | Et non pourtant je n'entends pas suivre toute l'ordre de sa posterité et generacion, ainçois tiendray la plus certaine et laisseray celle de Caïm, pour ce que ledit Josephus recite qu'il fut adonné à diverses rapines et violenses (SIMON DE PHARES, Astrol., c.1494-1498, f° 11 v°). | |
| 30 | Aquilla Ponticus, philozophe et grant astrologien, second interpreteur après les Septante. Cestui, dès sa jeunesse, se adonna à la calculacion des corps celestes et après se mist et disposa à la pratique et jugemens d'icelle (SIMON DE PHARES, Astrol., c.1494-1498, f° 76 r°). | |
| 31 | Ne me pouoit on pas reprendre Et batre d'amont et d'aval Tantost qu'on me voyoit mesprendre Ou adonner a quelque mal ? (LA VIGNE, S.M., 1496, 321). | |
| 32 | Ja si crueuse N'iert qu'a penser au songe ne s'adoint Et que pensee en cela ne se doint Qui li sera, se bien au cuer li joint, Delicieuse. (MACH., F. am., c.1361, 171). | |
| 33 | Maleureuse est la personne Qui a vous servir ne s'adonne (Mir. femme, 1368, 182). | |
| 34 | "Dame," dist il, "je n'en prandré ja point se celle non qui m'a navré au cueur, se je la puis avoir, a qui mon cueur c'est adonné a faire tous ses commandemens." (Chev. papegau H., c.1400-1500, 22). | |
| 35 | Jehan, il nous convient pescher Ceste nuyt se le temps l'adonne ; Mais nostre roiz n'est pas trop bonne : Elle est en plusieurs lieux deffaicte. (GRÉBAN, Pass. J., c.1450, 147). | |
| 36 | ...se fortune estoit chose creé, qui s'adonnast du tout a suyvre autruy vouloir. (CHART., L. Esp., c.1429-1430, 113). | |
| 37 | JHESUS. Freres, mon vueuil s'est adonné de vertir en nostre contree Affin qu'a plusieurs soit monstree La parole de Dieu, mon pere. (GRÉBAN, Pass. J., c.1450, 161). | |
| 38 | Si suy donnee A Desconfort et adonnee. (CHART., L. Dames, 1416, 228). | |
| 39 | ...car on ne puet mieulx apprendre le stille d'aucun mestier que de le frequenter souvent et fuyr les aises du corps, comme trop boire, trop mengier et trop dormir, et plusieurs autres delices charneulx, qui obfusquent et empeschent tout entendement de prouffiter à apprendre et retenir ce à quoy on est adonné, soit en operation pratique ou en science speculative. (BUEIL, I, 1461-1466, 26). | |
| 40 | Et quant je suis adonnee supernaturellement a contemplation et degustation des choses celestes et divines, je suis tousjours rectifiee et simplifiee (Disc. amour divine, 1470, 284). | |
| 41 | CHANTRE. Je croy, moy, qu'il tiendra Tresbien l'ordre s'il y est adonné. (LA VIGNE, S.M., 1496, 372). | |
| 42 | Chacun de nous est adonné A vous faire honneur et service (Myst. Viel test. R., t.1, c.1450, 13). | |
| 43 | ...un brigant hydeux et horrible en l'aspect, prest et adonné à faire tout mal. (CHASTELL., Chron. K., t.4, c.1456-1471, 302). | |
| 44 | Mon vouloir est tout adonné A servir telz roix de noblesse (Myst. Pass. Troyes B., a.1482, 253). | |
| 45 | ...sans savoir a quoy leurs mos s'adonnent Devers elle bonne entree lui donnent. (CHART., D. Fort., 1412-1413, 171). | |
| 46 | GABRIEL. Vray dieu puissant qui es mon sire, Je vien ycy toy presenter L'ame ton servant Gadiffer Qui t'a servy bien loyaulment. DIEU. Il en ara bon paiement En ce point que raison l'adonne, Car lieu et place ly ordonne Avoecq moy en mon paradis. (DU PRIER, Roy Adv. M., 1455, 232). | |
| 47 | Il pourroit avenir beaucoup de choses que on ne pourroit pas faire tousjours ainsi, ne à pié ne à cheval ; car les lieux ne les places ne s'i adonnent pas, pour ce qu'on est aucuneffoys surpriz de si prez que on n'a pas loysir de choisir lieu ne de eslire place et que on ne peult pas avoir le loysir de faire son ordonnance. (BUEIL, II, 1461-1466, 38). | |
| 48 | Mais qui a loysir et assault, il doit choisir à son avantaige, s'il peult. Se vous chargez sur le costé gauche, vostre corps ne vostre lance ne s'i adonne pas si bien. (BUEIL, II, 1461-1466, 201). | |
| 49 | ...elle s'est adonnée De bon cuer a celi qui l'aimme (MACH., D. Aler., a.1349, 279). | |
| 50 | Demain me covanrait avoir aultre baron. Et serte non ferait, je lou dis san raison : Ains me lairoie ossire a grant destruccion Que mez corpz s'adonnest a ung sifait glouton Qui ne croit en Jhesu non plux qu'an ung mouton ! (Lion Bourges K.P.F., c.1350, 85). | |
| 51 | JHESUS. Freres, il est necessité Qu'en Gallilee retournons. PIERRE. Sire, a vous seul nous addonnons ; Cheminez quant il vous plaira. (GRÉBAN, Pass. J., c.1450, 156). | |
| 52 | Fait avons follie, Mais si roy et si duc aront la signorie, Car pais n'affiert a nous dame de tel lignie, Car en nous se tanroit assez mal anploye. Trop pluxtost s'adonroit au fort roy de Honguerie, Cilz de Constantinoble, ou cil de Rommenie, Ou au duc de Callabre s'i y aroit aye ; Honnour de povre gens est poc auctorisie. (Lion Bourges K.P.F., c.1350, 231). | |
| 53 | Las, j'ai tout pierdu, J'ai tout mon jouvent confondu, Je sui pis mise qu'à pain querre, J'ai pierdu me pais et me werre, Je rueve, mès on riens ne donne, Il n'est nuls qui à mi s'adonne (JEAN DE LE MOTE, Regr. Guill. S., 1339, 70). | |
| 54 | ...[un espion, dans la foule] nul ne se adonnoit à luy. (FROISS., Chron. M., XIV, c.1375-1400, 53). | |
| 55 | Item aprés le conseil ordonna Seigneurs a qui le tiltre s'adonna De mareschaulx, maistres d'ostelz, prevostz (LA VIGNE, V.N., p.1495, 148). | |
| 56 | ...jamais ne se fust adonnés que la dame fust là venue pour tel cause. (FROISS., Chron. L., IV, c.1375-1400, 156). | |
| 57 | [Les Français refusent la bataille aux Anglais] Mais il les costioient une heure à diestre, l'autre à seniestre, ensi que les rivières s'adonnoient (FROISS., Chron. R., VIII, c.1375-1400, 170). | |
| 58 | Jamais on ne feuist adonnés à ce que ce fust Trimilien [un espion déguisé en marchand] (FROISS., Chron. M., XIV, c.1375-1400, 52). | |
| 59 | Car se vous estes de la Haulte Bretaigne, il vous y convient laissier armures et cheval et puis aprés avrez congé d'aller ou vostre chemin s'adonne. (Percef. III, R., t.1, c.1450 [c.1340], 128). | |
| 60 | Sy vous advertis que, se vous desirez ma departie, en pareille maniere me tourne vostre compaignie a faiz, car il m'est advis qu'en vous sieuvant je voy ou trop tost ou trop loings, et aussi ma voye ne s'adonne point au lieu ou vous allez, parquoy je convoitte la departie comme vous faittes. (Percef. III, R., t.1, c.1450 [c.1340], 293). | |
| 61 | Se maintenant fusses au Chastel de Brane, tu peusses penser que ce eust esté Zephir qui te eust ainsi deceu, mais tu en es tant loing que ses voies ne s'adonnent point par cy. (Percef. III, R., t.1, c.1450 [c.1340], 350). | |
| 62 | Or en allez a vostre compaignie, car nous vous traveillons trop et nous irons la ou nostre chemin s'adonnera. (Percef. III, R., t.2, c.1450 [c.1340], 180). | |
| 63 | Il chevaucha le plus hastivement qu'il peust, et dist l'istoire qu'il fut deux jours sans manger et sans dormir, s'il ne reposoit sur la selle de son mulet en chevauchant. Advint que ces deux jours passez, il se mist en ung bois ainsi comme son chemin s'i adonnoit. Et quant il fut la dedens, il veit le lieu qui estoit delectable, et bel estoit le bois et fueillu ; si luy souvint de Josienne s'amye. (Beufves Hant. I., c.1499-1503, 46). | |
| 64 | ...tant est franc ou il s'adonne Que corps et avoir habandonne (CHR. PIZ., M.F., I, 1400-1403, 69). | |
| 65 | Si arraisonne Son compaignon a qui sa foy s'adonne (CHART., D. Fort., 1412-1413, 169). | |
| 66 | Et, ainsi que lesdictes parties soustiennent les principaulx membres du corps et sont obéissans à porter le corps partout où la voullenté se adonne, ainsi les bourgeoys, marchans et laboureurs doivent soustenir l'estat de l'Eglise (...) et l'estat de noblesse et de chevalerie (BUEIL, II, 1461-1466, 78). | |
| 67 | La se fist couronner tantost Alixandre devant son ost, Et voians tous il s'adonna, Et ordonnances y donna, Et y estora gardes bonnes Qui bien garderent pas et bournes. Lors fist il maint commandement, Et Daire enterrer richement Fist, si comme il apertenoit Et selon l'estat qu'il tenoit (Renart contref. R.L., t.1, 1328-1342, 137). | |
| 68 | Au temps qui ores court Fault que mainte parsonne Tiengne l'argent de court. Car la denree est bonne Et envye s'adonne Sy fort pour sa valeur Que l'argent qui ne sonne Se treuve le meilleur. (Prov. rimes F.M., c.1485-1490, 78). | |
| 69 | La maulvaistié dont tu es plaine ; Car maulvaistié est de telle sorte Que, où elle est, beaulté est morte. L'on ne dit point, ne te desplaise : "Ceste femme est belle et maulvaise", Car le langaige mieulx s'adonne En disant : "Elle est belle et bonne." Mais toy, tu n'es bonne ne belle. (Deux hommes deux femmes T., c.1500, 453). | |
|
