I. -

[Action produite par un agent animé]

A. -

[Dans le lang. cour.] "Action, fait d'agir"

1.

"Acte, ce que l'on fait" : Et encor sus ceste action Fui je requis des dames douces Et priiés de leurs belles bouces Qu'un rondelet vosisse dire. (FROISS., Par. am., c.1361-1362, 60). Et encore quiert il plus ou doit querir felicité pour soy et pour les citoiens de la cité, laquele est autre chose que n'est accion politique. (ORESME, E.A., c.1370, 521). Et ce est plus a plain exprimé en la translacion arabique ou il dit que accion ou negoce politique parfait requiert fait et experience. (ORESME, E.A.C., c.1370, 538).

-

[L'action est envisagée du point de vue moral ou p. réf. à celui qui l'inspire] : Car ne bonne accion ne le contraire, c'est a savoir mauvaise accion, ne sont pas senz pensee ou entendement ne senz inclinacion morale. (ORESME, E.A., c.1370, 333). Et a ceuls qui sont en aage souverain, c'est a dire moien et parfait, amis leur sont neccessaires a leur bonnes accions acomplir. (ORESME, E.A., c.1370, 413). ...l'en ne puet dire que les accions morales et pratiques leur soient deües ou actribuees [aux dieux]. (ORESME, E.A., c.1370, 526). Et soient toutes choses dessoubz toy, et ne soies pas dessoubz elles, afin que tu soies seigneur de toutes tes actions et recteur non pas serf, ne acheté mais exempt (Internele consol. P., 1447, 181). J'argüe contre l'autre point : Offense d'equale accion Veult egale pugnicion. L'ange et l'omme ont egal commis : Soient donc egalment pugniz Et, ainsi, se l'omme a secours, L'ange y pourra avoir recours. (GRÉBAN, Pass. J., c.1450, 39). Et pour conclure tout en bonne fin, en toutes mes actions et cogitacions il [Dieu] est perpetuel regardans et tousjours les congnoit. (CRAP., Cur Deus, De arrha B.H., c.1450-1460, 287). C'est ce Jhesus en bonne foy Qui par dïabolique action A fait songer celle vision A ta femme pour t'empescher De le jucger et condempner. (Pass. Auv., 1477, 169). Ez vertus theologiques, ainsi est que les habitz engendrent les actions et les oeuvres (Somme abr., c.1477-1481, f° 159). LE CHARRUYER. Labeur norrit les regïons, Labeur soustient les natïons, Labeur doit on magnifÿer. DIDIER. Mais Dieu, en qui nous nous fÿons, Car il conduyt noz actïons Et fait le grain fructifÿer. (FLAMANG, Vie Pass. st Didier S., 1482, v.1587). Et pour tant, sans dilacion, Devant tous je dis l'action De mort maulvaise et mal plaisante. (LA VIGNE, S.M., 1496, 488).

2.

Action de + subst.

a)

"Mise en oeuvre, mise en pratique de" : Doulx Jhesus, qui touz jours user Seulz a nous en toute accion D'amour et de dileccion, Si com tu le paralitique (...) De ton seul vouloir garisis (...), Par ta grace, ainz que de ci meuve, Vueillez cest anfant ci garir (Mir. st Val., c.1367, 144). L'office de miseration est de bien faire, car miseration est comme accion de misericorde. Car misericorde est proprement le piteux affect et vouloir du cuer seulement, mais miseration demonstre de fait la misericorde. (Somme abr., c.1477-1481, 179). En che lieu chi le garde de parolles et sermons de Dieu est à entendre l'oeuvre et action de ses commandemens Car celuy innutillement et pour nient en la memore les gardera qui en gardant de fet et d'oeuvre et de meurs et de vie ne les acomplira (Psaut. Ludolphe le Chartreux D., c.1495, 25). Indigne et craintif de valeur, (...) Ay transmis mon intencion Vers l'action De ta vraye amour charitable, Suppliant (...) Compassion De ma douleur inestimable. (Prières saints R., t.2, a.1500, 394).

b)

"Manifestation, expression de" : Aussi vault moult, celle saison, Eviter, par toute raison, Angoisse, paour, tristesce, ire, Comme choses qui pevent nuire. Et jà soit ce que l'action De joie donne occasion Parfoiz de moisteur corporele, Ce néantmains est naturele Pour résister à pestillence (LA HAYE, P. peste, 1426, 111).

c)

"Fait de commettre, perpétration de" : Il [le roi Hérode] est en tribulacïon Pour l'action Du murtre, lequel m'a fait faire. (Pass. Auv., 1477, 108).

d)

RELIG. Action de graces : [Dieu :] J'ay tout donné, je vueil tout ravoir et requier action de graces par grant discrecion. (Internele consol. P., 1447, 94). Et se tele doulceur de devotion nous est donnee, on la doibt recepvoir avec devote action de graces et soy raisonnablement en elle excercer (Traité S. Sacr. B., c.1450-1500, 161).

3.

"Manière d'agir, façon d'agir" : ...en l'arche presaintie Homme devint sanz diminucion De deité, par si noble accion Qu'en ce fait fu virginité gardée (Mir. nat. N.S.J.C., c.1343, 245). Et s'il avoit en l'ost nul sy hardit baron Qui se fiast en moy, par certaine action, Je le aprenderoie par quelle avision C'on aroit le cité à bien courte saison. (God. Bouillon R., t.2, c.1356, 128). Pluiseurs ymaginations A uns homs : ce n'est pas mervelles, Car il est de moult d'actions Forgiés, qui ne sont pas parelles, Mais diverses et desparelles, Qui toutes les scet esclarcir. (FROISS., Ball. B., c.1362-1377, 42). Pouoit il trouver accion Plus briefve pour le depeschier Que de noz editz empeschier Et la guerre a nous entreprendre ? (GRÉBAN, Pass. J., c.1450, 180). Neantmoings, lesdis membres [du corps mystique de l'Eglise] ont diverses actions et offices par la divine Providence si bien conduictes et ordonnées que l'ung membre ne peut bien exercer son office, sinon par tant que les autres membres luy soient en aide et familiers. [Réf. biblique : Romains XII, 4] (BUEIL, II, 1461-1466, 67).

B. -

[Dans le lang. philos. ou didact.] "Opération (immanente ou transitive) produite par un agent" : Car tant comme le actif et le passif sont disposés et appliqués semblablement senz variacion et se ont l'un a l'autre selon une maniere, tant longuement sera une chose faite par eulz et tant longuement dure leur effect ou accion. (ORESME, E.A., c.1370, 508). ...en matiere moral, le operacion qui est en l'ame et en la pensee ou volenté, c'est accion immanente ; et le fait dehors, si comme ferir, donner ou tele chose, c'est accion passante. (ORESME, E.A., c.1370, 541). Il entent de l'accion qui est operacion de vertu qui demeure et est dedenz en l'ame et la fin principal et felicité humaine (ORESME, E.A.C., c.1370, 333). Et Dieu a bien vacation, ce est a dire action contemplative et felicité, et tout le monde aussi. Et toutesvoies, ne Dieu ne le monde ne ont actions extrinseques, ce est a dire en choses dehors, et ne ont actions fors les propres actions qui sunt de eulz meismes ou en eulz meismes. (ORESME, Pol. Arist. M., c.1372-1374, 284). Par ce que nous dirons sera manifeste que cors infini ne puet souffrir mouvement ou action faicte par corps fini et aussi il ne puet faire action en corps fini. (ORESME, C.M., c.1377, 122). Ce est Dieu, et selon Averroïz, les autres choses purement incorporeles, car leur action est leur substance. (ORESME, C.M., c.1377, 502). G. Ce est a entendre de action qui est accident par quoy telle chose est transmuee. Et Dieu est intransmuable et son action est sa substance. T. Et action est en .II. choses : une est la fin pour quoy elle est ; l'autre est ce qui oevre pour la fin. G. Et est accident et, comme dit est, honme a pluseurs telles actions tendantes a une fin principal qui est felicité. (ORESME, C.M., c.1377, 504). LA ROYNE. Je voeil que tu m'escoutes, humain, et que ma pité soit concheue en la tienne par compassion. JEHAN BOCACE. Que te feray je ? Poinst n'est concedé a esperit d'avoir repaire aveucques le vif ne d'excerser action corporele. (CHASTELL., Temple Boc. B., 1463-1464, 89).

-

[P. oppos. à passion "accident consistant à subir une action"] : L'usage de pecunes semble estre en despendre les et en donner ; car prendre les et garder les est plus passion que accion. (ORESME, E.A., c.1370, 231). Il prent ici passion pour souffrance distinguee contre accion ; si comme estre batu, estre occis, estre despoillié, estre injurié, c'est passion ; et faire teles choses, c'est accion. (ORESME, E.A.C., c.1370, 289). Selon Aristote ou tiers de Phisique, l'accion du faisant ou agent et la passion du pascient ou de la chose meüe sont un mouvement et sont ou trespassent en la chose faite. Et ainsi l'amour que le faisant ou agent a a son estre et a son fait trespasse en l'euvre faite. (ORESME, E.A.C., c.1370, 474). Le fruit donques et prouffit de toutes passions et actions est amour et dilection (Psaut. Ludolphe le Chartreux D., c.1495, 109).

-

[P. oppos. à faction "opération transitive"] "Opération immanente" : C'est ou VI. livre de Methaphisique ou il appert la difference entre accion et faccion. Car accion est operacion qui demeure en celui qui la fait, si comme veoir ou entendre. Et faccion est celle qui passe en aucune matiere dehors, si comme edifier, forgier, etc. (ORESME, E.A., c.1370, 336). Action est operation qui demeure en cellui qui la fait, si comme veoir, ouïr et entendre. Et faction est operation qui oevre en matiere dehors, si comme edifier et faire draps. (ORESME, Pol. Arist. M., c.1372-1374, 370). ...prudence et art sont es parties de l'ame, où avient la prattique, laquelle est raciocinative des choses ouvrables contingentes ; et different, car prudence adrece aux accions, qui ne passent pas en matiere dehors, mais sont accions perfaittes, si comme là appert ; mais art adrece aux façons, qui passent en estrange matiere, si comme edifier, paindre ou autre oeuvre. (CHR. PIZ., Faits meurs Ch. V, S., II, 1404, 11).

-

[P. oppos. à contemplation] : Et ce sunt les .II. principalz commandemans de Dieu, ce est assavoir amer Dieu, qui resgarde contemplation, et amer son proisme, lequel resgarde action : Quia probacio dilectionis exhibicio est operis. (ORESME, Pol. Arist. M., c.1372-1374, 285). Mes aussi comme bonne vie active ne peut estre sans aucune contemplation, il me semble que vie contemplative ne peut estre sans aucune action a autres hommes (ORESME, Pol. Arist. M., c.1372-1374, 285). Item, action est dite de operation qui resgarde vertu morale et oevre pratique. Et ainsi action est distinguee contre contemplation, laquele est operation qui resgarde aucunes vertus intellectuales (ORESME, Pol. Arist. M., c.1372-1374, 370).

C. -

DR.

1.

"Exercice d'un droit en justice" : Combien que selon les docteurs de droit nue et simple promesse ne fausse [l. fasse ?] point cause de accion ne rayson de complainte, tout homme qui promet selon la verité, si comme l'en dit communement, a obligié et fichié son poulce et, se le droit civil cesse, il est par nature obligié a sa foy. (FOUL., Policrat. B., III, 1372, 232). Jehan Marcel (...) quicta et quicte clama bonnement et absolutement a tousjours sans rappel ledit Robin Clement, ses biens, ses hoirs et ayans cause de tous contraulx, marchiez, sociectés, compaignies, et generalement de toutes autres quieulxconques dont il luy pourroit demander accion ou pourssuite (Rouen temps Jeanne d'Arc L., 1420, 16). ...sans prejudice du procès pendant ceans entre ledit evesque et le procureur du Roy et de l'action et poursuicte d'iceulz evesque et prisonnier pour injures et interests. (FAUQ., II, 1421-1430, 78). ...toutes accions, justices, execucions et contraintes ainsi que ledit Pierres Poolin eust peu et pourroit fere par vertu de ladicte fieffe. (Rouen temps Jeanne d'Arc L., 1430, 196). Sy aucun vieult intanter action contre autre, il le doit faire adjourner davant son juge ad ce qu'il lui vouldra demander (Cout. instit. Anjou Maine B.-B., t.2, 1437, 50). Si aucun vieult intanter son action contre autre sur heritaige regardant de sa femme, il le doit faire adjourner à respondre à luy ou à sa femme (Cout. instit. Anjou Maine B.-B., t.2, 1437, 51). Quant ces deux litigiens furent venus devant ledit Potestat en jugement, celluy qui estoit acteur dist en son cas et allégua les causes de son action, et comme l'aultre luy devoit son argent et il ne luy vouloit point payer celle debte. (TARDIF, Facéties Pogge M., c.1490, 178). L'USURIER. Je fois ma presentacion Pour achever mon entreprise Et combatre sur l'action Qui a esté devant vous prise. JUGE. La chose est en vous bien comprise (LA VIGNE, S.M., 1496, 526). ...sans jamais aller au contraire en quelque forme ou maniere ne pour quelque cause et action que ce soit et en baillier noz lettres patentes de ratiffication en forme autentique et vallable sitost et dès lors que requis en serons. (LE CLERC, Interp. Roye, c.1502, 245).

-

[Dans un cont. allég.] : Devant Ymagination, Ou on doit par droite action Mettre memores et escrips, Fu une fois .I. plais empris Entre rose et la violette. (FROISS., Dits Débats F., 1363-1393, 191). ...je proteste au jour du jugement - Se je n'en ay plus tost amendement - De t'en poursuivre [Mort] et en faire actïon Sans faillir, soies en seure, hardiement, En soustenant qu'a tort, mauvaisement, Tu l'as occise et tuee faulsement (HAUTEV., Compl. H., c.1441-1447, 59). Mais Justice fait accion Pour avoir reparacion De l'offense vers luy commise (GRÉBAN, Pass. J., c.1450, 45).

-

En partic.

.

Action reelle/personnelle. "Exercice d'un droit en justice qui a pour fondement un droit réel sur une chose ou qui demande la reconnaissance d'un droit personnel" : Au recort de le Court venra Puis que li Cours en est kierkïe, Car nostres debas ne kiet mie Em pure action personnele Ains poet iestre mixte u reele (BRIS., Plait Ev. Dr. K., a.1340, 69). Aucune foys quant deux lays sont en procés devant le juge seculier, en action reele ou personnele, l'une dez partiez, pour delaïer la cause, si appelle au prelat de celle dyocese, et ja soit ce que ce soit aprés grans cous et missions, l'official du prelat s'efforce d'avoir la cognescence de telle cause, reele ou personnelle (Songe verg. S., t.2, 1378, 171). Ce ne fu pas par vertu de l'obligacion reelle, car il n'en y avoit point, com li sires du fief ne s'i feust assentiz ; mais estoit par vertu de l'action personele, par laquelle ledit Bernart estoit tenuz, par laquelle l'en meist à execucion la dite action es biens dudit Bernard, combien qu'ilz ne feussent obligiéz (Cout. bourg. glosé P.M., c.1380-1400, 131). Il est assavoir que lesdictes personnes sont generalment esleues pour accorder, cognoistre et jugier de tous les debaz et riotes meues et a movoir, et de toutes controversitez qui touchent causes civiles et toutes accions civiles, realles et personelles, et non pas criminelles. (MÉZIÈRES, Songe vieil pèl. C., t.1, c.1386-1389, 491). Et quant aux actions que on dit despendre de realité, comme de arrerages de rentes, ceulx qui en parlent se semble entendent mal ce qu'ilz veulent dire (JUV. URS., Verba, 1452, 369). ...lesdits eschevins de Gand n'auront doresnavant aucune cognoissance, ne jurisdiction sur les baillifs du duc, ne autres ses officiers, soit en matières d'excès ou action personnelle ou en cas possessore, quant iceux baillifs ou officiers seront deffendans (...) ; et au regard des actions réelles autres que féodales, qui seront intemptées par les baillifs et officiers ou menées à l'encontre d'eux, les eschevins de la ville de Gand (...) en auront la cognoissance (CHASTELL., Chron. K., t.2, c.1456-1471, 338). ...par l'usaige et coustume du pays d'Anjou, le juge ordinaire ne doit congnoistre de nulles actions, soient relles, mixtes ou personnelles hors les assises, sans commission du Roy ou du duc d'Anjou, fors de crimes. (Cout. instit. Anjou Maine B.-B., t.3, a.1458, 5). ...actions reelles selon le commun usaige et maniere de parler esditz pais sont accions concluans fons de dommaine, cens, rentes, devoirs, prestations annuelles, et autres choses immeubles qui en dependent. (Cout. instit. Anjou Maine B.-B., t.4, 1496, 408). ...accions personnelles selon ledit commun usaige sont quant il est question de meuble, jacoit ce qu'il en fust question par adveu, ou reivendication qui de droit seroient reelles, parce que lesdictes accions personnelles sont par raison de choses mobiliaires. (Cout. instit. Anjou Maine B.-B., t.4, 1496, 408). Quant le demandeur poursuyt le deffendeur en actions reelles (...) comme s'il demandoit à cause de quelque heritaige, (...) le deffendeur peut requerir que le demandeur acertaine sa demande par monstrée, avant que plus avant defendre ne respondre à la cause s'il ne luy plaist. (Cout. instit. Anjou Maine B.-B., t.4, 1496, 415).

.

Action hypotheque. "Action hypothécaire" : Contre lesquels mariez, present leur dit procureur, les dis religieux par leur procureur dessus nommé faisoient leur demande ou requeste en action personnelle et ypotheque, comme autres fois avoient fait (Chartes Abb. St-Magl. T.F., t.3, 1366, 319). C'est certain que une action ypotheque si est reele ou au moins elle est mixte et, nientmoins, lez officiaux dez prelas en veulent avoir la cognescence. (Songe verg. S., t.2, 1378, 176).

.

Action redhibitoire : : Action redebitoire est droit de demander au vendeur restitucion du pris avecques l'interest pour cause du vice et maladie sectretz de la chose vendue qui est venduee ou oufferte. (Cout. instit. Anjou Maine B.-B., t.2, 1437, 257).

.

Action universelle : En action universel n'y a comme dessus point de monstrée (Cout. instit. Anjou Maine B.-B., t.4, 1496, 419).

-

P. méton. "Réclamation, plainte" : ...on met en escript l'action que l'une partie demande a l'aultre et la responce que l'aultre partie respont a ce et les met ons en lettrez (JEAN D'OUTREM., Myr. histors G., a.1400, 159).

2.

P. ext. [Avec valeur potentielle] "Droit de propriété ; droit d'intenter une action"

a)

[À propos d'un bien que l'on cède, d'un droit que l'on accorde] : Guerin de Othines, bourgois de Paris, transporte (...) a honorable homme et discret mestre Remi de Saincte Mergerie, clerc nostre s. le roy et chanoine de l'esglise Nostre Dame de Paris, a ses hoirs etc., tout tel droit et action etc., comme il a, puet et doit avoir maintenant et ou temps avenir en et a touz les heritages que feu Jehan Gaudin avoit et tenoit au jour et heure de son trespassement (Doc. 1339. In : Bibl. Éc. Chartes 139, 1981, 63). ...touz lesquels diz solz de menu cens avecques touz les droiz, toutes les seignouries, proprietez, possessions, saisines et toutes les actions reeles et personneles, mixtes, directes, taisibles et expresses (...) vendirent (...) aus devanz diz confreres achatans (PHIL. VI VALOIS, Doc. paris. V., t.2, 1340, 76). ...tout le droit, proprieté, possessyon et seigneurie et toutes actions reelles, personeles, miextes, teues, expresses, directes et autres que les diz Jehan de Sernay et sa fame y avoient (Chartes Abb. St-Magl. T.F., t.3, 1345, 142). ...la dite venderresse transporta, mist, cessa et du tout en tout delessa audit acheteur (...) tout le droit, toute la seigneurie, proprieté, possession, raison et action quelconques, reelle, personnelle, mixte, directe, taisible et expresse, et tout autre que elle avoit et povoit avoir es trente sept soulz et huit deniers par. de cres de cens ou rente par an dessus diz, et en et sur les lieux la ou il sont pris, et envers et contre quelconques personnes et leurs biens (Chartes Abb. St-Magl. T.F., t.3, 1355, 207). ...auction, seignourie, reclamance et justice comme les diz priour et frères avoient, povoient et devoient avoir, tant en fons que en rentes, en une pièce de terre (Cartul. Hôtel-Dieu Cout. L., 1373, 179). Et cedons ly uns a l'autre [Hôtel-Dieu et Maison Saint-Lazare de Beauvais] tous drois proprietaires, possessions, actions mixtes, directes, réelles et personnelles et autres que nous avions (Cartul. Beauv. L., 1433, 713).

-

Donner action à qqn. "Lui accorder le droit de poursuivre qqn en justice" : Mez, certes, telle response ne me souffist mie, car le roy de France laisse lez Juyfs prester a usure, et la Loy civile aussi, et non mie seulement de simple permission, car le Roy donne aide et action aux Juyfz de demander lez usures en jugement. (Songe verg. S., t.1, 1378, 356).

b)

[À propos d'un bien ou d'un droit revendiqué ou usurpé et contesté] : ...par dedens ma tierre n'avés nulle actïon, Pour mes foriés trachier ne prendre venison. (Chev. cygne P., c.1356, 4). ...ilz vous furent bailliez et delivrez par contrainte, non par nulle action de droit que vous y eustes (FROISS., Chron. M., XIV, c.1375-1400, 14). Et parmy cecy qu'om leur baille, Le roy d'Angleterre et son fis Renuncent a tous les profis Des terres qui ne sont nommées En ce traicté ne exprimées, Aux demandes et actions, Saisines et possessions Qu'il disoit avoir en personne Ou royaume et en la couronne De France (DESCH., M.M., c.1385-1403, 385). ...car jà s'estoit avancé par secret message le comte de Nevers, d'envoyer unes lettres à aucunes privées personnes et villes, par lesquelles il signifioit avoir droit et vraie action en la duché de Brabant, lequel droit il entendoit à poursievir par toutes voies convenables en contraire du duc de Bourgongne et de tout autre (CHASTELL., Chron. K., t.5, c.1456-1471, 280).

-

P. plaisant. : Et luy presteroit franchement Son corps s'elle en avoit a faire, De bon gré, voluntairement, Sans jamais venir au contraire (...) Et renonça, en ce faisant, En toutes fraudes, actions, Tromperies, exceptions, Respis, lettres et instrumens, Quinquernelles, dillations, Previleges et aultrement (COQUILL., Oeuvres F., 1478-p.1494, 110).

-

[À propos d'une dette] : Se on l'assault par debtes, regarde quelle accion et quelle cause les demandeurs ont (CHR. PIZ., Trois vertus W.H., c.1405, 191).

-

Avoir/trouver action de + inf. "Avoir/trouver un motif légitime de" : ...la guerre s'esmeut entre France et Hainnau, et depuis entre France et Engleterre, par quoi li enfant dou dit Borgne de Manni n'eurent nulle action de proceder en plait a l'encontre des Gascons, fors a l'espee, car il tinrent l'opinion le roi d'Engleterre. (FROISS., Chron. D., p.1400, 629). ...chils Bacons (...) trouva cautelle et action de guerriier le pais, pour tant que chils viscontes de Comborne s'estoit armés pour la contesse de Montfort (FROISS., Chron. D., p.1400, 858).

.

Sans avoir cause ne action (de). "Sans motif, sans raison" : O Jhesus, on t'a mis a fin Sans avoir cause ne action ! (MARCADÉ, Myst. Pass. Arras R., a.1440, 223). A tous nos subjets inhabitans en nostre ville de Gand, qui vous estes constitués voulontairement nos ennemis rebelles et désobéissans en faisant guerre ouverte avec nos subjets et pays, sans avoir cause, ne action de ce faire (CHASTELL., Chron. K., t.2, c.1456-1471, 378).

II. -

[Action produite par un agent inanimé] "Manifestation d'une force agissante par ses effets"

A. -

[À propos d'un objet matériel, d'un phénomène phys.] : Li aige, qui est virtueuse, De la belle rose amoureuse Ostera substance et vigour, Et violette en sen oudour Demorra, c'est cose certainne ; Si le tieng a trop plus hautainne Et de trop plus noble action Que rose ne soit, c'est raison. (FROISS., Dits Débats F., 1363-1393, 199). ...choses qui sont contraires ont action une en l'autre ensamble et passion une de l'autre et corrompent une l'autre. (ORESME, C.M., c.1377, 360). D'autre partie, posé que il [le feu] fust tres ardant, ce n'est pas impossible simplement que le vaissel qui seroit lasus fust de matiere inconbustible et qui ne pourroit arder, ou que par vertu divine l'action de ce feu fust suspensé telement comment il fu en la fornese de Nabugodonosor. (ORESME, C.M., c.1377, 404). Derechief, Diex si puet enpechier et souspendre l'effect et l'action dez choses natureles, car qui metteret estoupes ou feu, Diex pourret enpechier et souspendre la vertu naturelle du feu qu'elles n'arderoient mie, conme il garda lez troys enffans d'estre ars en la fournaise du feu ardent (Songe verg. S., t.2, 1378, 251).

B. -

ASTR. "Influence" : ...nous devons cuider que l'action des estoilles ou des cielz est tele quant a propos comme est celle des honmes et des bestes et des plantes (ORESME, C.M., c.1377, 504). Y n'y a constellatïon Actuel(le) ne tant hault planet[e] Dont je ne say l'axïon, Exceptée sest estoilette Qui chi bas en l'aier vollette. (Jeu Etoile T., c.1400-1500, 103).

C. -

MÉD.

1.

[À propos d'un organe ou d'une fonction] : ...nous disons que telle apostume ou vulnere est malle pour cause de son membre ou elle est, dont l'accion et l'opperacion est bleciee, comme seroit es nerfz, ou en aucun membre noble. (SAINT-GILLE, Comment. A.Y. L., 1362-1365, 147). En temps de sanité quant chaleur naturelle fait action sur la viande, adonc elle est pure naturelle et n'est empechee de riens, mais en temps de fievre et en temps oultre nature, l'action est sur la matiere pour luy convertir en sanie (GORDON, Prat., c.1450-1500, IV, 7). L'estomac fait action sur une matiere et le foye sur une autre matiere (GORDON, Prat., c.1450-1500, V, 13). ...et en l'esplain n'est pas vertu generative de humeurs, mais du foye, mais elle s'i engendre plus par cause de matiere que elle ne fait par cause de action ou de agent, car le foye est chault et moiste dont l'umeur est attraite a l'esplain par cause de similitude et se y abunde par cause de conservacion et non pas de generacion, jassoit ce que les humeurs innaturelles se peuvent engendrer aultre part que ou foye (GORDON, Prat., c.1450-1500, VI, 7). Plusieurs maladies viennent es nazilles qui affoiblissent ou parmuent ou destruient l'action de l'odorement et de la respiracion (PANIS, Guidon, 1478, tr.VI, doct.2, chap.2). ...l'action de l'estomac en la viande se fait par bonne mixtion, par bonne digestion et puis s'ensuit vraye separation des choses pures et non pures. (Rég. santé corps C., 1480, 65).

2.

[À propos d'un traitement] : Accion ou operacion de la medecine (SAINT-GILLE, Comment. A.Y. L., 1362-1365, 222). L'action du feu actual est plus simple et moins blesce les parties prouchaines et les membres principaulx que l'action du ruptoire (PANIS, Guidon, 1478, tr.VII, doct.1, chap.3).

3.

[À propos d'une substance, d'un aliment] : Puiz fault traictier, en besoignant, De lait aigre, cler et poignant, Car itel lait, sans dire fable, Est approuvé et convenable (...) Espécialment en esté, Pour sa plaisant propriété Sourdant de sa complexion Froide et sèchant en action (LA HAYE, P. peste, 1426, 128). ...pour faire bonne mixtion des viandes et pour les transporter es parties extremes du corps, le vin vault mieulx que l'eaue car le vin, a cause de sa subtile substance et action, il le mesle mieulx avec la viande et nature plus se delecte en luy, et pour ce les membres l'attirent plus tost et le meslent avec la viande. (Rég. santé corps C., 1480, 65). Et cela pour le plus advient quant noz corps sont preparés, disposez et rempliz de maulvaises humeurs abiles et convenables comme subjectes et passives de recevoir l'action et operation des corps et qualitez actifs. (LE FORESTIER, Rég. épid. pest., 1495. In : Chrestom. R., 278).