A. -

Aconduire qqn

1.

"Conduire, amener" : Ensement que Clarinde l'aloit aconduisant Pour mener en la chambre, sy con j'ay dit devant, Atant es ou palais par derriere venant Ung serf grant et orrible qui venoit abruyant. (Tristan Nant. S., c.1350, 524). Or fu Ricart ou camp qui sa maisnie atent, Qui estoient armet bien et souffissanment, Et furent aconduit ou camp moult noblement (God. Bouillon R., t.2, c.1356, 286). Depuis, environ quinse jours, fu uns traitiés fais de ceux dou fort à ceux de l'ost, et se rendirent, le castiel et les pourveances, salves lors vies, et furent aconduit jusques à Bouteville. (FROISS., Chron. R., XI, c.1375-1400, 253). Si furent aconduit de messire Jehan d'Elle et d'autres gens, sus le conduit et seellé de monsigneur de Bourgongne, jusques en la ville de Callais. (FROISS., Chron. R., XI, c.1375-1400, 312). Car nos gens aconduient une dame de nom, Mere est a Ciperis, Clarisse l'appellon, Et fille au duc Marcus d'Orliens le regnom. (Cip. Vignevaux W., p.1400, 143). Ensi se departi la roine d'Engleterre dou roi de France son frere, son fil le jone Edouwart avoecques lui, et le conte de Qent (...). Et les conduisoit li sires d'Esne et aconduisi et amena en Cambresis, et furent un jour et une nuit en son chastiel (FROISS., Chron. D., p.1400, 58). Ainsy que je vous devise, furent lez contez de Boulongne, celuy d'Artois avecquez le train de charioz et chevaulx, aconduis jusquez en la court le conte dez habitans de la ville d'Arras (Comte Artois S., c.1453-1467, 18).

2.

"Mener" : Mais .Xm. paien qui furent de sa loy Sont venu a Saudoine par mi le sablonnoy. Pinars les aconduist, qui avoit grant anoy De son cousin qu'il vit gesir en tel effroy. (Bât. Bouillon C., c.1350, 12). Pour Dieu, que il soit poursievis ! Je vous pense tellement aconduire et mener que il ne nous puet escapper que il ne nous viengne ens es mains. (FROISS., Chron. R., IX, c.1375-1400, 97).

B. -

Aconduire qqc. "Apporter, acheminer" : A Hennotin Marlette, pour avoir aconduit dudit lieu de Dijon jusques à Montbar et d'illec à Troyes certaine grosse finance que mondit seigneur avoit envoyé querir par ledit receveur general ou tresor de feu mondit seigneur son pere (Comptes Etat bourg. M.F., t.1, 1420, 330). Et pour ce que durant le siège les Anglois asségans avoient vivres à grant dangier, tant pour la garnison du Mont Saint-Michel, comme pour autre, sy fut envoyé le seigneur d'Escalles, à tout cinq cens combatans, en la Basse Normendie, pour aconduire les vivres dessusdictes. (MONSTRELET, Chron. D.-A., t.4, c.1444-1453, 288). ...pour faire aconduire en l'ost les vins et toutes autres vivres nécessaires. (MONSTRELET, Chron. D.-A., t.4, c.1444-1453, 397). ...à Jehan Screnel et Lois de Leacre, pour avoir aconduit de la ville de Bruges en la ville de Mons lesdits coffres (Comptes Lille L., t.1, 1451-1452, 410).

Rem. Attest. pic., wall. et norm.