| 47 exemples | | 1 | Et il estoit si large et tant dou sien donnoit, Chescun avoit mervelle la ou l'avoir prandoit ; Jamaix rien n'an paiaist, car trestous acreoit Et se disoit au gens cez perre paieroit : "Allez an a Monclin, demain ou quant que soit, Mez perre Bauduyn jamaix ne vous faroit Que ne fuissiez paiéz de ceu que on vous doit." (Lion Bourges K.P.F., c.1350, 32). | |
| 2 | Bialz filz, nous besoingne mal va, Car tant avez acrut et desa et dela Que ma terre ait vandue et se grant castel la (Lion Bourges K.P.F., c.1350, 35). | |
| 3 | Car tout adiés fine haus hons, Ou par proumesses ou par dons, Ou par acroire ou par paiier (FROISS., Pris. am. F., 1372-1373, 134). | |
| 4 | ...avoir en ce monde provision honneste et seure, c'est assavoir pasture licite et sans reprouche, hostel sans dangier, habit sans emprunct, chaufer de saison, fournir sans reprouche et sans acroire, prandre sans demander (Abuzé D., c.1450-1470, 3). | |
| 5 | De larechin toudis famez Est povre sans allegement, Equipollent aux diffamez Et reprochable en jugement Pour ce que devant juge ment Et que ses diz ne font a croire : Hongnier ne fault qui veult acroire. (TAILLEV., Passe temps D., c.1440, 145). | |
| 6 | Il acheta (...) des fourreures (...) d'aucune desqueles il accreust l'argent aus marchans qui les lui vendirent (Reg. crim. Chât., II, 1389-1392, 360). | |
| 7 | Et furent faites certaines ordenances (...) sur la maniere du paiement des debtes acreues et deues depuis le temps du pié desdiz gros (Comptes Etat bourg. M.F., t.1, 1419-1420, 220). | |
| 8 | Du Dyable je soye emporté S'il ne vous sera cher vendu, Combien qu'il vous soit attendu ! On dict en ung commun langaige, Sept ans acreu et puis pendu (Myst. Viel test. R., t.2, c.1450, 306). | |
| 9 | L'escripture tesmoingne, dont on fait le sautier : Qui deshonneure chiaus que on doit avoir chier, Che est et père et mère, qui leur fait destourbier, Jhésus, li tous poissans, leur envoie encombrier ; S'il ne l'ont en che siècle, si l'ont-il en infer. On n'acroit riens à Dieu, qu'il ne faille païer (Baud. Sebourc B., t.1, c.1350, 66). | |
| 10 | Pour ce me vodrai retrenchier Que d'acroire a un tel crenchier ["créancier" (Dieu)] Que pechiés est, qui tout poet perdre (FROISS., Joli buiss. F., 1373, 229). | |
| 11 | Telle folie je compere A Adam, nostre premier pere, (...) Qui sa femme crut com son pere, Dont tout le monde le compere. Mauvaise fut l'heure qu'il crut : Mauvaise debte nous acrut. (Renart contref. R.L., t.1, 1328-1342, 29). | |
| 12 | He Dieux, le juge [Pilate] combien qu'il feust mauvaiz et cruel, toutesvoyes, tres doulz sires, leur disoit il qu'il ne trouvoit en vous nulle cause digne de mort, et certes sire, il disoit voir, mais vous vouliez paier l'escot que vous n'aviez pas acreu. (FRÈRE ROBERT, Chastel perill. B., c.1368, 367). | |
| 13 | La creance de pain et de vin et de autres vitailles sera à moy faite à Dijon XV jours et, se dedans le devant dit terme n'auray rendu ce que l'en aura acreu, l'en ne me croira plus riens jusques à tant que toutes les choses acreues seront paiées. (Cout. bourg. glosé P.M., c.1380-1400, 20). | |
| 14 | NOTRE DAME [à Dieu]. Ta parfaitte charité (...) te fist consentir a pendre En croiz, et par piez et par mains Estre clofichié pour humains Acquitter de leur grief deu Que n'avoies pas accreu. (Mir. Pierre Changeur, c.1378, 248). | |
| 15 | Ferrans fu homs, et femme crut ; En cel jour mainte debte acrut, Bien perdi ce jour ses bontés, Quant par femme fut enhortés De tel oeuvre faire et emprendre. (Renart contref. R.L., t.1, 1328-1342, 29). | |
| 16 | Quant la mort se weult herbergier En corps de creature humainne, Dedens se taverne l'emmaine ; Ne rien n'y vault li delaier, Car en la fin convient paier De nature tous les treüs, Quant on les a assés acrus. (LE FÈVRE, Respit Mort H., 1376-1380, 21). | |
| 17 | Apprés ce mot Loÿs de Gavres sailly avant et fery ung cop d'espee amont sur le healme de Cassidorus (...). Puis luy dist : O Cassidorus, assés poués congnoistre en moy que bon me fait prester, quant sans vous acroire avés recheu ce que m'aviés volu prester. Mais sachiés que avant ce que le vespre soit venu, plus amplement serés payés de vo deserte. (Hist. seign. Gavre S., c.1456, 54). | |
| 18 | Et les gens du pais Picars ne leur voulloient riens acroire (Chron. Valois L., c.1377-1397, 205). | |
| 19 | Je n'ay point aprins que je donge Mes draps, en dormant ne veillant, A nul, tant soit mon bienveillant ; Je ne les eusse point acreues. (Path. D., c.1456-1469, 116). | |
| 20 | Trois compaignons de ladicte ville, qui hantoient les tavernes, vindrent à ung tavernier à qui ilz devoyent, luy priant qu'il leur accreüst encores ung escot, et que, avant deux jours, le payeroient du tout (COMM., II, 1489-1491, 21). | |
| 21 | On dit souvent : "Qui riens ne porte Riens ne lui chet" et on le croit. En cela point ne me deporte Pour ung party qui me recroit, Mais d'aultre part qui plus acroit Aussi est il trop plus abstraint. Qui trop embrasse peu estraint. (CHAST., Temps rec. D., 1451, 44). | |
| 22 | ...il fait mal d'acroire, Ce sçavez vous bien, a l'estraine. (Path. D., c.1456-1469, 76). | |
| 23 | Acroire sur gage, Galer sans oultrage, Mettre oyseaulx en cage (CHART., L. Plais., c.1412, 151). | |
| 24 | ...comme varlet peletier fourreur ; et en ce temps fourra plusieurs garnemens à iceulx mariez, pour lesquieulx il acheta à plusieurs marchans de la ville de Paris des fourreures pour lesdiz mariez, d'aucune desqueles il accreust l'argent aus marchans qui les lui vendirent, soubz confiance qu'il avoit que par lesdiz mariez l'argent qu'il devoit pour iceulx feust par eulx rendu aus marchans ausquieulx il avoit accreu lesdites denrrées. (Reg. crim. Chât., II, 1389-1392, 360). | |
| 25 | Car Amours loirre Les cuers comme faucon au loirre, A qui l'en fait souvent a croirre De donner ce qu'on veult accroirre. (CHART., L. Dames, 1416, 247). | |
| 26 | A Ysengrin monlt bien parut, Quancquez il [Regnart] pensa acreüst ; Entour point il ne regarda, Et toudis Regnart l'ennorta. (Renart contref. R.L., t.2, 1328-1342, 59). | |
| 27 | Tu ne dois escouter ne croire Nulx malx ne mettre a memoire, Se tu n'en es bien enformez. L'on le voit en mainte histoire Que malvais hons fait bien acroire De que proudomme est malmenez. (DUPIN, Mélanc. L., c.1324-1340, 201). | |
| 28 | Les Sarasins vous croient en la fourme et maniere que Mahom les entrodit, qui les trouva simples sans malice, et leur fesoit acroire qu'il estoit mesage de vous, et tout ce faisoit il par couvoitise pour avoir le leur, quer par vous ne fu onques loi baillie aus Sarasins, et ycelle n'est mie loi de salvation (HENRI FERR., Modus et Ratio, Songe pest. T., c.1354-1377, 8). | |
| 29 | ...il semble qu'ilz oingnent Les cuers des gens, et ilz les poingnent Telement qu'il leur font acroire Ce qui n'est mie chose voire (Mir. st Ign., 1366, 88). | |
| 30 | Et puis lui demanda des nouvelles dou païs. Il l'en dist assés, fussent voires ou bourdes, et lui fist acroire que toute li terre de Gales le desiroient mout à ravoir à seigneur (FROISS., Chron. R., IX , c.1375-1400, 76). | |
| 31 | Et avoit cellui roy un nepveu, lyquelz avoit, par l'introducion d'aucuns envieux, sur Hervy, vostre pere, grant indignacion, car ilz lui firent acroire que le roy, son oncle, feroit son hoir de Hervi, vostre pere, et dirent au nepveu du roy en telle maniere : Tu es droiz hoirs de Bretaigne Brute et Gallesse. Or estes vous bien ruez jus et deboutez de la noble contree de Bretaigne. (ARRAS, c.1392-1393, 48). | |
| 32 | Si pouoit de legier acroire Faire que ce fust chose voire (CHR. PIZ., M.F., II, 1400-1403, 231). | |
| 33 | Si ont ycelles office d'acheter la viande et aler a la char, ou trop bien batent le cabaz - qui est un mot communement dit, qui est a entendre : faire acroire que la chose couste plus que elle ne fait, et retenir l'argent. (CHR. PIZ., Trois vertus W.H., c.1405, 209). | |
| 34 | Et aprés qu'ilz furent ordonnez et fermez, il fist de nuyt partir de la toute sa compaignie, en laissant toutesfois ou grant logis le pretoire ou il tenoit son siege et faisoit ses ordonnances, et le laissa tout a escient pour abuser les ennemis et leur faire acroire qu'ilz estoient tousjours leans. (JEAN DE ROUVROY, Stratag., c.1425. In : Chrestom. R., 104). | |
| 35 | Gardez vous que vous n'acroiez ja chose que vous puissiez bonnement paier. Et se par neccessité vous fault accroire, tantost que vous avez l'aisement, faictes en satisfaction. Et ainsi pourrez vous estre sans dangier et vivre honnourablement. (ARRAS, c.1392-1393, 85). | |
| 36 | ...si en ung peage il passe ung marchant qui n'aquite, on confisque toute sa marchandise. (...) Et n'en pourra mais le marchant, qui n'y sera n'ouy ne veu ; mais l'auront fait ses commis pour obliance ou pour peine d'aller aquiter, ou pour le rober au marchant meismes et lui faire acroire qu'ilz avoient aquitté. (BUEIL, II, 1461-1466, 12). | |
| 37 | Jamais ne me ferez acroire Que se ne soit quelque fentosme. (LA VIGNE, S.M., 1496, 427). | |
| 38 | Se cestui filz qui vint en terre Fust vraiz Diex, com tu fais acroyre (...) Di moy conment morir peust (Mir. Barl. Josaph., c.1363, 285). | |
| 39 | Tres fort vous en seriez blasmés, Et y aroit raison notaire, Sy vous nous voulez faire acrere Chose qui fust a reproucher. (GRÉBAN, Pass. J., c.1450, 414). | |
| 40 | ...et pour tant lui sambloit bien que du mesme pourroit-il faire à Deventer et que autant le craindroit-on là et obéiroit comme on feroit en ses propres pays, mais ce toutevoies ne pouvoit-on faire acroire à la généralité du pays pour cause que la fraieur qu'avoient des Picars et de leur renommée, leur estoit plantée en courrage et ne leur pouvoit dehors nullement ! (CHASTELL., Chron. K., t.3, c.1456-1471, 160). | |
| 41 | Quant Loykin avoit le rasseurement de son maistre par sa vive parole (...), à prièmes se tint à certain que c'estoit-il, et partant le plus joieux que fut onques de lui pouvoir faire service de sa povreté, alla à coup faire lever sa femme, lui fit couvrir un lit, fit accroire que là avoit un des hommes du monde que mieux aimoit et à qui plus estoit tenu (CHASTELL., Chron. K., t.3, c.1456-1471, 267). | |
| 42 | Sy vous prie qu'il vous plaise envoyer en toute diligence de la pouldre, car, attendu le train des Bourguignons, ilz font acroire qu'ilz tyrent droit audit Guise. (LE CLERC, Interp. Roye, c.1502, 325). | |
| 43 | Li contes de Montfort (...) tenoit grant estat et estofet. Et faisoit partout paiier bien et largement sans riens acroire (FROISS., Chron. D., p.1400, 473). | |
| 44 | ORDRE. Que dient ces vasaulx, Qui sont en ce poinct arivés ? LE MONDE. Se sont trois povres engelés Qui me veulent menger toult cru. ORDRE. Monde, s'on leur a rien acreu, Qu'on les paye, afin qu'i s'en voisent. (Troys Gal. P., c.1445, 41). | |
| 45 | Se nous avons des draps acreuz Nous poyrons a la Magdalaine (Gaut. Mart. A., c.1480-1500, 173). | |
| 46 | ...plus y vit [dans ce monde] ly homs, plus a confusion ; Il acroit sans payer, s'en a mal guerredon. Dont je prueve de fait et fas probascion (God. Bouillon R.B., t.3, c.1356, 58). | |
| 47 | Leur jeunesce demener Veulent et leur temps user Es delis, manger et boire, Mau paier, assez acroire, Eulx polir com blanc yvoire, Bien dormir et reposer, Pechié de char aloser (DESCH., Oeuvres Q., t.2, c.1370-1407, 220). | |
|
