| 31 exemples | | 1 | Les raysons dessus mises sont pour la plus grant partie de logique et de methaphisique et generales a toutes choses, soient substances ou accidens (ORESME, C.M., c.1377, 252). | |
| 2 | ...le Filz procede du Pere, pareillement du Filz procede le Saint Esperit. Mais du Saint Esperit nulz ne procede. Car selon la raison d'entendre tel regart par maniere de raport et de referer l'un a l'aultre sont dehors l'essence des personnes, car plus sont dependant d'aucune chose que en aucune par essence, mais sont comme accidens qui sont dehors les choses essencieles, qui ont estre par eulz sans dependence d'aultrui. (Somme abr., c.1477-1481, 114). | |
| 3 | Ne en Dieu est aucune composition de "quod est" et de "quo est", c'est a dire de ce qu'il est essencielement et de ce par quoy il est, car il est par soy et est ce qu'il est, ne en lui n'est composition de substance et accidens comme ez suppostz personnelz. (Somme abr., c.1477-1481, 148). | |
| 4 | Choses proprement contraires sont accidens, si comme chaleur et froidure, blancheur et noirté et telles choses (ORESME, C.M., c.1377, 358). | |
| 5 | En quantz accidens accordra le adjectif ovesque son substantif ? En trois. En quielx ? En case, genre et nombre, si come bel sire, belle dame (DonatOxf., p.1400. In : Th. Städtler, Zu den Anf. der frz. Grammatikspr., 1988, 133). | |
| 6 | A maistre Guillaume de Jumèges, maistre d'escole de grant maire, la somme de trente et deux soulz six deniers, c'est assavoir pour un carteron que les trois anffans dudit feu ont esté a l'escole dudit maistre, la somme de XV souls ; pour la vençon d'unes accidens de Paris, x souls ; pour l'escriture d'unes accidens et regle de grant maire en letres de forme pour les anffans dudit feu, v souls ; et pour avoir relié le sautere des anffans dudit feu, II souls six deniers (Doc. 1417. In : P. Rézeau, R. Ling. rom. 78, 2014, 404). | |
| 7 | Si mettent nombres ainsi que matere et principe des choses et les passions des nombres ainsi comme les passions ou les abiz des choses si que nous entendions par passions accidens legierement passibles et par abiz accidens permanens sicomme ilz mettoient que la passion daucun nombre selon laquelle il est dit pareillement per estoit principe de iustice pour lequalite de sa division (CHR. PIZ., Avision T., 1405, 124). | |
| 8 | ...il est d'usance que les jeunes gens muent et changent souvent de propoux et de volunté pour aucuns accidens, qui encourant souvent aux hommes en cest monde. (LA CÉPÈDE, Paris Vienne K., 1432, 124). | |
| 9 | Sans adjouster mes accidens, Il n'est homs ou mont tant ait sens Et fust docterres scïenteus Et vausist adés estre oyseus, Pour penser au ciel glorïeus, Ne saroit il par nul assens La centisme part des joieus Secrés, hautains et precïeus, Dont je vi les contenemens. (JEAN DE LE MOTE, Voie d'enfer P., 1340, 120). | |
| 10 | C'est bien dit, car ainsi par ces choses repliquees tu pourras des accidens en la matiere traittier - d'une chascune en son lieu assez briefment (CRAP., Cur Deus, De arrha B.H., c.1450-1460, 167). | |
| 11 | Il veult dire que les propriétés ou accidens de la terre contraires a ceulz du feu sont aussi comme privacion et moins dignes que ceulz du feu (ORESME, C.M., c.1377, 360). | |
| 12 | Il convient l'amant embrachier voulentiers toutes choses dures et ameres pour son ami et non estre rebouté de lui pour quelques accidens contraires. (Internele consol. P., 1447, 81). | |
| 13 | Durant le temps qu'il fut illec dedens (...) Ordre donna par moyens evidens Aux dangereux et divers accidens Qui destourner povoyent sa quietude (LA VIGNE, V.N., p.1495, 191). | |
| 14 | Item, toutes passions ou accidens [corporelz] sont divisibles en .II. manieres (ORESME, C.M., c.1377, 590). | |
| 15 | Le chaut nuist a ceulx qui en usent souvent, car il engendre effeminacion de chars, incontinence de nerfz, stupeur de pensee, flux de sang et deffaut d'esperit, esquelz accidens la mort advient. (SAINT-GILLE, A.Y., 1362-1365, 82). | |
| 16 | ...aucunes des maladies passions ou accidens dessuz diz (SAINT-GILLE, Comment. A.Y. L., 1362-1365, 222). | |
| 17 | Si avient que pour les grans paines et travailz, les mallez nuiz et les froidures qu'il a eues pour acquerre chevance et vivre a honneur, come ung chacun doit faire, ou pour accidens ou pour veillesse, le bon homme chiet en langour de maladie, de goute ou d'autres choses, tellement qu'il ne se peut lever quant il est assis ne partir d'un lieu (Quinze joies mar. R., c.1390-1410, 72). | |
| 18 | ...ses signes [de la moelle] ou accidens sont comme ceulx du cervel (PANIS, Guidon, 1478, tr.I, doct.2, chap.1). | |
| 19 | Et apres ce, nous determinerons de pesant et de legier et de leurs accidens ou passions, de chascun pour quelle cause il est fait (ORESME, C.M., c.1377, 674). | |
| 20 | Car les accidens qui ont acoustumé de venir en solucion de continuité sont douleur, apposteme, male complexion, fievre, prurier, spasme, paralisie, sincopisement et alienacion. (PANIS, Guidon, 1478, tr.III, doct.1, chap.1). | |
| 21 | Car les accidens qui surmontent leur cause changent l'ordre de la cure (PANIS, Guidon, 1478, tr.III, doct.1, chap.1). | |
| 22 | [Il] eust une plaie en sa dicte teste (...), a l'occasion de laquelle et d'autres accidens de maladie qu'il avoit, s'acoucha malade au lit (Arch. Nord, 1468, B 1693, f° 35, IGLF). | |
| 23 | ...les accidens de l'ame, si comme joye, liece, doulour, tristece (SAINT-GILLE, Comment. A.Y. L., 1362-1365, 222). | |
| 24 | ...Desir et Esperance, dont nous avons devant aucunement parlé et dit que ce sont deux des passions ou accidens de l'ame qui autrement aussi aucunesfoiz sont appellés mouvement de courage (EVR. CONTY, Eschez amour. mor. G.-T.R., c.1400, 739). | |
| 25 | Or est il temps, comme je tiens, Tractier, selon les Anciens Et leurs belles tradicions, Des accidens et passions Ausquelz l'âme est tousdiz subjecte, S'elle n'est trop émée et nete, Comme sont paour, ire, tristesce, Audace, espoir, joie et léesce, Dure pensée et forte estude (LA HAYE, P. peste, 1426, 108). | |
| 26 | Item appetit quant il passe l'eure qu'il doit menger, il se affoiblit et dormir superfluement et air venimeux le diminue et crapule et viandes fastigieuses et oyseuse et accidens de l'ame (GORDON, Prat., c.1450-1500, V, 2). | |
| 27 | Notez que les accidens de l'ame transmuent le corps, car la forme plaisante ymaginee esmoeut le corps, comme fait la forme triste et desplaisante. (Somme abr., c.1477-1481, fº 80 vº). | |
| 28 | Aussi convient que il congnoisse les choses non naturellez comme sont l'aer, boire, manger, dormir, veiller, traveiller, reposser, inanition et replection et les accidens de l'ame car icelles sont causes de toutes maladies et de santé. (PANIS, Guidon, 1478, chap.sing). | |
| 29 | Les accidens, comme maniere, raison, sapience, prudence, providence, et les set vertus qui sont en vostre songe figurés comme humaines choses sont accidens qui sont en Dieu, et est Dieu meismes, quer tous biens et bons accidens viennent de lui. (HENRI FERR., Modus et Ratio, Songe pest. T., c.1354-1377, 193). | |
| 30 | Et, par les mauvés accidens qui en eulz sont, les tient le diable en sa subgection, quer toute mauvestié, tout barat, toute tricherie, toute glouternie, toute ribaudie, toute pillerie et toute sorcherie sont aujourd'ui trouvees es gens des trois estas. (HENRI FERR., Modus et Ratio, Songe pest. T., c.1354-1377, 92). | |
| 31 | Elle het tricherie, fausseté, menterie, flaterie et tous mauvais accidens (HENRI FERR., Modus et Ratio, Songe pest. T., c.1354-1377, 111). | |
|
