A. -

"Besogne, enchaînement de tâches nécessaires pour l'obtention d'un certain résultat de nature agricole, ménagère, artisanale" : Encores dit le dit Gervaise que autres fantasies s'apperent de nuit, en guise de femmes a face ridee, basses et en petite estature, et font les besoingnes des hostelz liberalment, et nul mal ne faisoient. (ARRAS, c.1392-1393, 3).

B. -

"Affaire"

1.

"Histoire, affaire, enchaînement logique d'une série d'événements" : Et en chevauchant leur compta Gieffroy comment il avoit trouvé en la montaigne de Brumblerio la tombe du roy Elinas (...) et comment leurs IIJ. filles furent predestinees, de quoy Melusigne, leur mere, fut l'une, et toute la besoingne, ainsi comme elle fu, et que je l'ay retraicte ou chappitre du roy Elinas, ou commencement de ceste histoire. (ARRAS, c.1392-1393, 270).

2.

"La situation, les choses" : Et lors dist le roy a Guyon, son frere, qu'il alast faire armer sa gent et passast la riviere et se meist entre le navire et les Sarrazins, et venist si prez de leur ost qu'il peust bien percevoir leur contenance, et ainsi que il verroit que la besoingne se porteroit, que il se gouvernast. (ARRAS, c.1392-1393, 137).

3.

DR. "Affaire, situation complexe" : ...comment, dist il, qui est ce qui m'en pourroit tort faire ? Sans ce que Dieu me voulzist nuire, il n'a homme ou monde que je craingne qui le me puist oster [mon héritage], car je scay bien que monseigneur le roy, mon oncle, n'a talent de faire ne avoir autre hoir que moy. Par foy, dist ly uns, vous estes mal informez de ceste besoingne, car vostre oncle a fait son hoir de Hervy de Leon, et en sont les lettres passees. (ARRAS, c.1392-1393, 49).

4.

"Ce qui intéresse particulièrement qqn, affaire" : ...car si povre orpheline comme je sui n'est pas digne d'estre assignee en si hault lieu que d'avoir la fleur de chevalerie et de noblesce de toute crestienté. Et d'autre part, je sens et congnois que vous, qui estes mes hommes, qui veez plus cler en mes besoingnes que je ne fais, ne me conseilleriez chose qui ne feust mon prouffit et mon honneur ; si ne vous doy ne ne vueil desdire, mais suis preste d'obeir a vostre plaisir. (ARRAS, c.1392-1393, 170). Et le roy lui dist : Ma belle niepce, Dieu mercy, voz besoingnes sont en bon party, et vostre pays est delivré du dangier des Sarrasins par la puissance de Dieu et des deux freres de Lusegnen. (ARRAS, c.1392-1393, 188). Or ne plourez plus, car je vueil que vous vous delivrez de ceste besoingne, car plus demourroit ceste baronnie, qui sont bien XIJ. mille combatans, sur vostre pays, tant y aurez vous plus de dommage. (ARRAS, c.1392-1393, 189). Monseigneur, ouez voz comptes, si saurez comment vous vivez. Comment, respondoit il, et ne faictes vous a nullui tort pour rente ne pour revenue que j'aye ? Et quelz comptes voulez vous que je oye doncques, quant vous et moy nous sommes tout aise, et que mes forteresces sont bien retenues, et toutes mes besoingnes en bon point, et que vous me baillez de l'argent quant j'en demande, et en donnez ou je vous command, et me faictes finance de ce que je vueil avoir ? (ARRAS, c.1392-1393, 295).

-

Ordonner de ses besognes : Prenez avant congié de voz femmes, mes seurs, et de voz gens, et ordonnez de voz besoingnes. (ARRAS, c.1392-1393, 283).

C. -

En partic.

1.

"Action militaire, combat" : ...se la besoingne ne tenoit que a eulx IJ., il en fauldroit attendre l'adventure. Mais il est bon de en laissier le parler et adviser comment noz ennemis soient destruiz. (ARRAS, c.1392-1393, 136). Et sont venuz en la ville, ou ilz furent bien festoiez, car bien savoient la verité de la besoingne et la victoire que ilz avoient eue. (ARRAS, c.1392-1393, 163). ...et puis [le roi d'Ausay] repaira vers ses barons et leur a dit tout son affaire, et comment il lui falloit aler secourre son frere, et comment le duc Anthoine et Regnault, son frere, l'yront aidier a toute leur puissance. Par foy, sire, dirent les barons, dont ne puet il que la besoingne ne se porte bien, car encontre leur effort ne pevent payens contrester. (ARRAS, c.1392-1393, 173). ...le roy Selodus avoit fait armer ses gens, et faisoit fort assaillir la cité, car il avoit grant desir de la prendre, et faisoit moult asprement assaillir, et ceulx de dedens se deffendoient moult laschement. Bien s'en appercoivent Sarrasins et assaillent tant plus courageusement. Et ja feust la besoingne mal tournée quant cellui chevalier vint, qui bien apperceut l'assault et la feble deffense de ceulx de dedens. (ARRAS, c.1392-1393, 182).

2.

"Combat pour soutenir une cause, une entreprise" : ...et aussi nous [les chrétiens] ne les devons pas ressoingnier [les Sarrasins], car Jhesucrist prist tous seulx la guerre pour nostre salvacion, et par sa digne mort seront tous crestiens sauvez qui ses commandemens tendront. Dont vous devez savoir que tous ceulx qui en ceste besoingne mourront, seront sauvez et auront la gloire de paradis. (ARRAS, c.1392-1393, 108). Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. (ARRAS, c.1392-1393, 109).