A. -

"Événement qui se produit par l'intervention de Dieu, par l'intervention d'un saint, contre les lois naturelles et qui est considéré comme un signe de Dieu, miracle" : Venez veoir appert miracle (Mir. emp. Julien, 1351, 211). Or sus, sus, venez veoir, sire, Miracle apperte. (Mir. mère pape, c.1355, 402). N'il ne paroit coulour ne trace En la fournaise n'en la place Dou feu, car il estoit estains Qui si mervilleus estoit ains. Quant le miracle et la merveille Vit li rois, forment s'esmerveille Si dist hautement en oye : "Misaël, et vous, Azarie, Il n'est plus de dieus vraiement Que le vostre qui telement Vous a garenti et sauvé. Venez, car vous estes sauvé." (MACH., C. ami, 1357, 24). Seigneurs, seigneurs, certes vezci Miracles et tresgrant merveille (Mir. femme, 1368, 218). Saint Lorent rendi la veüe A ceaus qui l'avoient perdue ; Sainte Magarite creva Le serpent qui mult la greva ; Et cent mille, que sains, que saintes, Ont moustrées miracles maintes, Tout par la vertu de la crois. Mar fus nés, se tu ne la crois, Car c'est une droite creance, Et de nostre foy l'ordenence. (MACH., P. Alex., p.1369, 15). Ce fu de la sainte columpne, Où Jhesu Cris, o sa couronne, Fu batus, ferus et lyez, Einsois qu'il fust crucefiez, Qui est moult petitement mise De Jherusalem en l'eglise Où miracles faisoit jadis. (MACH., P. Alex., p.1369, 174). ...en celle saison furent les nouvelles espandues de sant Piere de Lucembourch, le cardinal, que son corps estoit saintis en la chité d'Avignon, et lequel en ces jours faisoit et fist merveilles de miracles, et tant et si grant fuison que innumerables. (FROISS., Chron. M., XIV, c.1375-1400, 183). Le pape et les cardinaulx, quant ilz veirent que les miracles du corps saint se multiplioient ainsi, en escripsierent au roy de France (FROISS., Chron. M., XIV, c.1375-1400, 184). Or advint soudainement, par merveilleuse indence, que Dieux y envoya ung grant miracle (FROISS., Chron. M., XIV, c.1375-1400, 187). ...sachiez que la victoire Qu'avons eu de la bataille (...) N'a pas seule esté par mon fait, Mais par miracle Dieu l'a fait (Mir. fille roy, c.1379, 113). E[n] la personne saint Pol est plus grant et evident miracle que par dehors : combien que saint Pol feist miracles pluseurs visiblement en ressuscitant mors, garissant malades, en sa personne fut plus grant miracle que de garir malades et ressusciter mors. Dient les docteurs, et ce est verité, que c'est plus grant merveille et fait de plus grande puissance, convertir et justifier ung pecheur que de former ung monde de neant (GERS., P. Paul, a.1394, 495). Mais aucun me dira : pourquoy Dieu ne fait a ung chascun une telle grace et ung tel miracle, comme il fait a saint Pol, et que se ainsy le faisoit, chascun se convertiroit. O homme, qui ainsy parles, avise que tu dis : tu veulz, [c]e samble, que on ne croye a Dieu ou a sa loy (que) par la predicacion d'autre homme ou par quelconque moyen fors que par nouvel miracle a une chascune foys (GERS., P. Paul, a.1394, 497). ...le conte Thomas de Lancastre (...) preudoms et vaillans homs ; et fist depuis moult de biaus miracles ou lieu ou il fu ensevelis. (FROISS., Chron. D., p.1400, 48). ...et a l'en alé querir corpus Domini à S. Jehan en Greve, ouquel fu fait le miracle des Billettes, comme l'en dit (BAYE, II, 1411-1417, 68). Car, se Dieu fist par Josué Des miracles à si grant somme, Conquerant lieux, et jus rué Y furent maint, il estoit homme Fort et puissant. (CHR. PIZ., J. d'Arc, 1429, 32). Encores veul prouver que c'est pour tempter Dieu, car les clers dient que demander chose contre nature est pour miracle ou pour tempter Dieu. (LA SALE, J.S., 1456, 30). Je scey bien qu'elle a le cuer autain Et qu'elle est bien de mal affaire ; Bien sçay oussi qu'elle a grant fain De veoir quelque miracle faire A ce prophete de bon aire, Que le cuer des gens admollist (Pass. Auv., 1477, 134). Pour ce que par la divine puissance se font les miracles, pour tant il est appartenant de traicter d'iceulz. Saint Augustin apelle ce estre miracle, quant aucune chose haulte et non acoustumee se fait ou survient, et par dessus l'espoir ou faculté du esmerveillant appert. A dire que aucune chose soit miracle, quatre choses sont requises. Premierement qu'elle soit de Dieu. Secondement qu'elle previengne nature contre l'ordre de laquelle se fait. Tiercement qu'elle soit evidente. Quartement qu'elle soit pour le fortefiement de la foy. Et pour tant, se l'un de ces quatre poins deffault, c'est merveille, non miracle. (Somme abr., c.1477-1481, 162). Aucune fois la potence est miracle et le fait est naturel, comme quant ung aveugle est illuminé et voit. Aucune fois et la puissance et le fait est miracle comme l'enfantement d'une vierge. Notez que les miracles et les choses merveilleuses se font aucune fois en choses estans, comme la station du soleil sans se mouvoir ou le reculement d'icellui. (Somme abr., c.1477-1481, 163). LE JUIF. (...) Ce Nicolas si fait merveilles. De ces miracles m'esmerveilles. Le grant Dieu me garde d'errer, Oncques ne vy choses pareilles. Aux sours il refait les oreilles, Contrefaictz il fait droit aller, Aveugles veoir cler (...). Le plus qui m'esmeut en ces trés, C'est des faictz de sainct Nicolas. (Mir. st Nic. juif, c.1480-1500, 79). DIEU [à saint Nicolas]. Ta puissance Est en grace Excellence D'efficace. Toute place Ou n'on fera de toy regnom, Des miracles exaulceray le nom. (Mir. st Nic. juif, c.1480-1500, 101). DIEU. Nicolas, par toy, du lïen De Sathan seront delivrés Et grans miracles demonstréz. Le crestien corporelle mort Recepvra, mais, par ton support, Ressuscité de mort a vie Sera et la faulce envie Du dyable de tous apperceue. (Mir. st Nic. juif, c.1480-1500, 136). L'ADVOCAT. (...) mercier Dieu Qui nous a monstré en ce lieu Si haultain merveilleux signacle [la résurrection du chrétien]. MATHATIEL, varlet du juif. C'est ung moult apparent miracle Qu'on ne doit pas en oubly mettre (Mir. st Nic. juif, c.1480-1500, 148). Aucuns dient qu'il fut filz de celui homme, à qui par accident la main senestre fut ostée et ung an après lui fut restituée et, pour enseigne de ce miracle, ou lieu de la conjunction demoura une cycatrice en semblance d'une ligne de sang. (SIMON DE PHARES, Astrol., c.1494-1498, f° 109 v°). OFFICIAL. J'ay apperceu de mes deux yeulx, Ainsi qu'avez peu voir aussi, Le miracle tresglorïeux Que Dieu a fait en ce lieu cy. (LA VIGNE, S.M., 1496, 553).

-

Sang de miracle : ...[les pénitents] se faisoient li auqun entre deus espaules sainier moult vilainnement ; et auqunes sotes fenmes avoient drapelés apparilliés, et requelloient ce sanc et le metoient a lors ieuls et disoient que c'estoit sans de miracle. (FROISS., Chron. D., p.1400, 894).

-

Par dérision : Mectés le en terre ; il est mort. Ce sont des miracles Jhesus ! [Réf. à Marc 9, 26] (Pass. Auv., 1477, 163).

B. -

P. ext. "Chose singulière qui étonne, prodige" : ...Et si chantoit si doucement Que les grans arbres s'abaissoient Et les rivieres retournoient Pour li oïr et escouter, Si qu'on doit croire sans doubter Que ce sont miracles apertes Que Musique fait. C'est voir, certes. (MACH., Prol., c.1377, 10). Il parloit Quant il queroit ung tabernacle, Il est vray c'estoit ung miracle. (Vig. Trib., c.1480, 234). Cestui fut moult grant praticien en la congnoissance des herbes, gommes et perres et fist par icelles choses repputtées de plusieurs à merveille ou miracle. (SIMON DE PHARES, Astrol., c.1494-1498, f° 83 r°).

-

Les sept miracles du monde. "Les sept merveilles du monde" : L'on dit que cestui Audoxus fut celui qui donna l'invencion de fere le theatre merveilleux in Heraclea, lequel est compté entre les sept miracles du monde pour le quint. (SIMON DE PHARES, Astrol., c.1494-1498, f° 50 r°). Ce fut luy qui premier inventa la composicion de la merveilleuse tour du phar située en Alexandrie, vingt pas en mer, et la fonda sur sept cancres de verre, qui est reputée l'une des sept merveilles et miracles et le second du monde (SIMON DE PHARES, Astrol., c.1494-1498, f° 60 v°).

C. -

P. méton.

1.

"Composition dramatique représentant une intervention de la Vierge ou un épisode de la vie d'un saint" : Cy conmence un miracle de Nostre Dame conment un enfant resucita entre les braz de sa mere que l'en vouloit ardoir pour ce qu'elle l'avoit noié. (Mir. enf. ress., 1353, 1). Cy conmence un miracle de Nostre Dame de l'empereris de Romme que le frére de l'empereur accusa... (Mir. emper. Romme, 1369, 239). Miracle De Monseigneur Sainct Nicolas. D'ung juif qui presta cent escus A ung crestien, A XVIII personnaiges. C'est assavoir... (Mir. st Nic. juif, c.1480-1500, 71).

-

[Dans une indication scénique annonçant un passage où est raconté un miracle du Christ] : C'est le miracle de l'enfent Centurion garit en Capharnaon. (Pass. Auv., 1477, 127).

2.

"Petite médaille de jubilé" : Pour les despens de ceux (...) qui vendoient les miracles... (Doc. cathédr. Troyes A., 1462-1463, 394).

Rem. Cf. GAY II, 130a.
 

"Petit miracle"

-

[Avec une nuance péj.] : Trop nous a greuez [Saint Martin] soir et main Par myracles et myracleaux Quil faict par montz et par vaulx (Myst. st Martin K., a.1500, 324). Tout est plain iusques a orleans De miracles et de miracleaux Et par villes et par chasteaux Tant que chascun a guarison (Myst. st Martin K., a.1500, 366).
 

"Celui qui fabrique et vend des miracles" : Pour la vendue des enseignes d'argent dorées et blanches (...) et d'aultres achettées de Belin, miraclier... (Doc. cathédr. Troyes A., 1462-1463, 393).
 

"D'une manière miraculeuse" : Dieu, qui sy miraculeusement y a ouvré... (Guill. Orange T.H.G., t.2, p.1450, 689). Je deiz que sours ouroyent miraculeusement, Les aveugles verroyent, muetz pareillement En ce temps parleroyent que Crist, filz Dieu le Pere, Viendroit pour rachapter l'omme de mort amere. (ROBERTET, Oeuvres Z., c.1450-1500, 144). La LXXIXe nouvelle, par messire Michault de Changy, d'ung bonhomme de Bourbonnois, lequel ala au conseil a ung saige homme dudit lieu, pour son asne qu'il avoit perdu, et comment il croioit que miraculeusement il retrouva son dit asne, comme cy après pourrez ouyr. (C.N.N., c.1456-1467, 17). Comme le roy fut baptizé par saint Remys, et en son baptiesme fut apportee miraculeusement la sainte anpoule par l'ange de paradis, dont aprés tous les roys de France sont oings en leur consecracion a Rayns le .Ve. chappitre. (BAGNYON, Hist. Charlem. K., c.1465-1470, 9). Auquel Clovis monstra Dieu par moult de fois qu'il le vouloit appeller en son service, comme de luy envoyer les trois fleurs de lys, dont il fist mutacion en ses armes, qui estoient de trois crapaulx de sables en ung champ d'or, comme aussy de luy envoyer miraculeusement la saincte ampole, qui encoires est à Sainct Remy à Rains, dont luy et les aultres Roys de France furent sacrez et enoincts. (LA MARCHE, Mém., I, c.1470, 56). Puis, au meillieu d'icelle chappelle et au pavé d'icelle, est ung rondeau de pierre de marbre, ou la endroict miraculeusement, par la resuscitacion d'un corps mort fut cogneue et distinguee ladicte vraye croix de Nostre Seigneur avec celle des deux larrons (Pèler. D., 1486, 355). Il composa aussi le livre des Ierarchies, lequel fut par le docteur Johanes Scotus translaté de grecq en latin. Autres de ses dits livres, l'empereur de Constantinoble fist translater et les envoya aux filz de Charles roy de France et empereur nommé Loys, par lesquelz miraculeusement furent gueris XIX malades, qui fut miracle moult merveilleux. (SIMON DE PHARES, Astrol., c.1494-1498, f° 79 v°). ...et aussi l'afaire des Juifz causée par le miracle qui advint de l'enfant juif, gecté par son pere ou four ardent pour ce qu'il avoit esté recevoir le corps Nostre Seigneur avecque autres enfans chrestiens, qui miraculeusement fut preservé du feu. (SIMON DE PHARES, Astrol., c.1494-1498, f° 97 r°).

Rem. Ex. fin XIVe s. ds LITTRÉ (TLF).
 

A. -

"Qui tient du miracle, qui ne s'explique pas par les lois de la nature, miraculeux" : Miraculosus (...) : miraculeus (Aalma R., c.1380, 258). Si doit estre ceste chose repputee (...) entre les grans fais du dit mareschal, comme miraculeuse (Bouciquaut L., 1406-1409, 308). Sains enseignemens, miraculeux exemples et artificieux ouvrages m'as a present desclairez et ouvers, mere tres cheritable et maistresse excellente, et qui surmontent la comprehension naturelle de ma pensee. (CHART., L. Esp., c.1429-1430, 33). ...le tres noble, digne et presque miraculeux sacre du roy Charles fait a Reins (JUV. URS., Aud. celi, 1435, 197). ...la façon et la manière de la recouvrance miraculeuse d'icelle duchié. (CHART. J., Chron. Ch. VII, V., t.2, c.1437-1464, 235). On dit qu'as fait resusciter Mors, et aveugles veoir cler, Et d'aultres choses merveilleuses Qu'on dist estre miraculeuses, La voix en est partout commune, Je te pry qu'en m'en faces une (MARCADÉ, Myst. Pass. Arras R., a.1440, 160). Aprés, quant il vint a les oindre selon la coustume de la sainte cresme, que nul ne l'apporta incontinent, par le plaisir de Dieu et demonstrance miraculeuse, tous estans en ce passaige, d'un moment et subitement va descendre du Ciel une collombe resplandissant, et estoit toute envoullee en l'ayr (BAGNYON, Hist. Charlem. K., c.1465-1470, 10). Pour lors furent faictes euvres miraculeuses, car tous les malades qui estoient la presens furent gueris de toutes maladies pour l'oudeur des fleurs dessusdictes, et le peuple, qui entroit dedens l'eglise par grant violence de presse de gens, crioit : "Veritablement, aujourduy est jour de salut a Resurrection ! ..." (BAGNYON, Hist. Charlem. K., c.1465-1470, 25). Se il eust par meur conseil deliberé s'il y devoit entrer ou non, il eust trouvé ceste chose estre miraculeuse et oeuvre divine et par dessus nature et ne s'y feust point boutté, mais, sans advis, par soudaineté, se y boutta et confusiblement y mouru et y demoura (FILLASTRE, Traité Conseil H., c.1472-1473, 240). Adonay, mon Dieu vivant, Dieu, veez cy chose merveilheuse, Treshaulte, tresmiraculeuse ! (Pass. Auv., 1477, 231). ...comme fu fait ez verges desquelles furent fais les serpens soudainement en ung moment. Nature eut fait ce mesmes petit a petit par longue putrefation. Et ainsi apert que les choses qui se font selon les raisons semenciales, qui sont ez choses, en partie sont natureles et en partie miraculeuses. (Somme abr., c.1477-1481, 163). LE PREVOST. Helas, or est il mort parjure ! Vecy l'or en ce baston creux. Sainct Nicolas, quel adventure ! Le cas est fort miraculeux. LE GREFFIER. Ha, sainct Nicolas glorieux, Tu oeuvres par dessus Nature. (Mir. st Nic. juif, c.1480-1500, 143). Cestui predist, selon aucuns, le grant mouvement de terre qui fut le IIIe des ydues d'aoust, qui fut si horrible que toute Angleterre en eut fraïeur et y fut veue chose quasi miraculeuse, c'est assavoir que les haulx ediffices, à moitié clinés pour tumber, se releverent, sans estre nulle part conquassés. (SIMON DE PHARES, Astrol., c.1494-1498, f° 114 v°). Et, en allant par eulx en leurs logys, trouverent le lieutenant du cappitaine de laditte Bastide, lequel ne les congnut point : dont ilz furent bien joieulx et disoient que c'estoit chose miraculeuse. (LE CLERC, Interp. Roye, c.1502, 170).

B. -

P. ext. "Qui produit des miracles, des effets merveilleux" : Et icellui jour meismes de son entrée, ala à la grant eglise de Saincte-Souffie, et en icelle fist logier ses chevaulx ; et sy fist prendre tous les ymages de bois qui y estoient, et sur le parvis d'icelle, fist ardoir lesdis images, sauf une ymage de Nostre-Dame, qui estoit nommée moult miraculeuse, qu'il fist garder ; et sur icelle comme sur ung bloc, fist pluseurs crestiens decoller (ESCOUCHY, Chron. B., t.2, a.1465, 55). Ç'a esté chose bien piteuse De faire ung tel homme morir, Que nous pouvoit molt secourir [l. secorir] Par sa vertut miraculeuse. (Pass. Auv., 1477, 243).

Rem. MOND. ds T-L VI, 71.