I. -

"A Rome, magistrat chargé d'établir le cens et de surveiller les moeurs des citoyens" : Sachiéz car lustres estoyt une maniere de sacrifice ou de purification que l'en fesoyt sur le peuple de sinc ans en cinc ans, quar li centeur nombrient le peuple et recevoyent cens de chascun et puys les expioyent et purifioyet par certayns sacrifices a ce ordenés, et celes sollempnités estoyent apelees lustres. (BERS., glossaire, c.1354-1359, ms. Paris, B.N.F., nouv. acq. fr. 27401, f° 161b). En celuy an meismez O. Furius, P. Atilius et M. Greganus Macerinus qui estoyent censeur [trad. lat. censor] proveret et ordeneret estre ville publique en champ marcien, si que ilequez fut fait premierement le c[e]ns et la taylle du peuple (BERS., IV.22, c.1354-1359, ms. Paris, B.N.F., nouv. acq. fr. 27401, f° 258b). Et se il est ainssi que il soit miex que ces citoiens soyent diffamés par le censeur, qui est le juge et qui congnoist des meurs des gens, que par les poëttes ["le censeur... gens" trad. lat. censor] (RAOUL DE PRESLES, Cité de Dieu, 1371-1375, ms. Paris, B.N., fr. 22912, II.9, f° 50d). censeur, c'est a dire juge et ordeneur des choses qui appartenoient a la chose publique (SIM. HESDIN, Val. Max., 1375-1383, prol. de Val. Max., II.2.9, glose, f° 96b). Censeurs, c'estoient certains juges ausquelx appartenoient les congnoissances en causes de heritages et de bonnes meurs. (ROUVROY, Stratagèmes, 1422-1425, ms. Paris, B.N.F., fr. 1234, glossaire). Lucius Veturius et P. Lucinius, qui estoient censeurs, le contraingnirent de muer son habit et de rongnier sa barbe et ses cheveux (LA SALE, Salade, c.1442-1444, 40). Tous les puissans vinrent pour demander la censure, non pas seulement afin qu'ilz la obtinssent ou par ce qu'ilz feussent courrousséz de veoir homme nouvel censeur, mais par ce qu'il esperoient la censure estre triste et perilleuse en la famme de pluseurs (MAMEROT, Romuleon D., 1466, 76). Le .vii.^e estoit censeur. Cellui donnoit jugement des meubles et patrimones seullement (DUCHESNE, César, 1473, I.5, f° 12c). Et semblablement plusieurs aultres reigles le nous demonstrent et les inquisitions des censeurs, lesquelz ne jugent point sy diligemment ung homme pour quelque aultre chose comme ilz font quant il a faulsé son serment (BOURRÉ, 1461-1464, III.111, f° I5).

II. -

"Celui qui tient une terre à cens, fermier" : Pour toute laquelle tiere le dit Colart de Leskerpe, censeur, en doit et est tenus de rendre et payer de cense a le dicte demisielle de Bary (...) de chascun an durant les II. censes, XL. rasieres de bled et I. hauot de pois, tel bled et a tel mesure que des gholenees du marchiet saint Quintin en Tournai, liuret en Tournai sur cauchie, partout ou cars ou carette poroit tourner et caryer (Doc. 1398. In : Ch. Doutrepont, Z. frz. Spr. Lit. 22, 1900, 118). J'ay veu homme de guerre Sur cheval bon et seur En Haspre venir querre ung tres rice censeur (MOLINET, Faictz Dictz D., 1467-1506, 307). ...ung jeune filz (...) servoit de mener les chevaulx à l'hostel d'ung censeur [var. censier] d'Arin, ung village scitué à une lieue près de Vallenciennes. (MOLINET, Chron. D.J., t.2, 1474-1506, 201).
 

"Dans l'Antiquité romaine, office de censeur" : ...pour cause de l'infame et envieuse leisson ou election du senat ses compainz vaincus par vergongne, avoit renoncié a son magistrat, mais Appius, perseveranz en l'ancienne fierté et obstination de sa famille, ne l'avoit volu lessier, et ainsi touz seulz il avoit obtenu la censourie. (BERS., I, 9, c.1354-1359, 29.8, 53). Car comme le temps de .XVIII. moys que la sensorie devoit seulement durer selonc la loy emiliene feust passé, si que C. Plaucius, qui estoit .I. des censeurs, se feust demis de son estat, Appius Claudius, li autrez censeurs, ne pot estre enclinez que il s'en demeist ne que il renonçast. (BERS., I, 9, c.1354-1359, 33.4, 59). Si estoit lors P... Sompronius tribons du pueple qui avoit pris la besoigne de faire fenir la censorie dedens le temps ordené (BERS., I, 9, c.1354-1359, 33.5, 59). [Autres ex. p.62, 63, 87] Et sachéz quar en celi an meismez commença l'estat et l'office de censorie [trad. lat. censura]. Et certez ce fut une digneté qui au comencement fut nee de mout petite nayssence, qui puis emprés vint a si grant estat quar en pouoyt, et en l'ordenance de ceste digneté fut tout le regimen des meurs et des disciplinez rommaynnez, le gouvernement du senat, des chevaucheurs et des centuriez ; et avequez ce la diffence de tout honneur et de tout deshonneur, et encorez touz les peagez et tous les treuz apartenans au peuple rommayn de quecunq[ue]z lieus publiquez ou privés furent en l'ordenance et en l'arbitrage de ceti magistrat (BERS., IV.8, c.1354-1359, ms. Paris, B.N.F., nouv. acq. fr. 27401, f° 252a). Je treuve en aucuns annuelz que Appius Claudius demanda le consulat mes que L. Furcus tribuns du pueple le li perturba jusques a tant que il eust renoncié a la censorie [trad. lat. censura] (BERS., IX.42, c.1354-1359, ms. Paris, B.N.F., fr. 263, f° 173d). Si se pensa que il diminueroyt l'estat de censurie [trad. lat. censura], ou pour ce que il li sembloyt que celuy magistrat avoyt trop grant poeyr, ou au moyns que il duroyt trop longuement (BERS., IV.24, c.1354-1359, ms. Paris, B.N.F., nouv. acq. fr. 27401, f° 258d).
 

"Dans l'Antiquité romaine, de censeur" : ...et, comme ainssi ait esté ordené par noz maieurs que, si en comicez censoriens l'en ne puet parfaire les loyaux suffragez par la renonciacion de touz deux pour ce que l'un d'eux n'ait mie renoncié, les comicez soient differé, je, qui bien say que tu touz ceux ne pues estre creez censeur, ne souffreray pas que tu touz ceux administrez la censorie ! (BERS., I, 9, c.1354-1359, 34.25, 63). ...et a present leur lustre et le temps de leur pouoir censorien fust failli par la mort dudit P. Furius (BERS., XXIV.43, c.1354-1359, ms. Paris, B.N.F., fr. 263, f° 256b).