| [1] | Queque il son conte contoit Et la reïne l'escoutoit, Si s'est de lez le roi levee Et vient sor ax tot a celee, Qu'ainz que nus la poïst veoir, Se fu lessiee entr'ax cheoir, Fors que Calogrenanz sanz plus Sailli an piez contre li sus. (CHR. DE TROYES, Yvain, 1177, 79e) | | [2] | Comander vos vuel et prier Que ja n'en aiez au cuer ire Ne por lui ne lessiez a dire Chose qui nos pleise a oïr, Se de m'amor volez joïr, Mes comanciez tot de rechief. (CHR. DE TROYES, Yvain, 1177, 80a) | | [3] | A bien pres tot le jor antier M'en alai chevalchant issi Tant que de la forest issi, Et ce fu en Broceliande. (CHR. DE TROYES, Yvain, 1177, 80b) | | [4] | Cele part ving plus que le pas, Vi la bretesche et le fossé Tot anviron parfont et lé, Et sor le pont an piez estoit Cil cui la forteresce estoit, Sor son poing .i. ostor mué. (CHR. DE TROYES, Yvain, 1177, 80b) | | [5] | Et il me dist tot maintenant, Plus de .vii. foiz en un tenant, Que beneoite fust la voie Par ou leanz entrez estoie. (CHR. DE TROYES, Yvain, 1177, 80b) | | [6] | Del soper vos dirai briemant Qu'il fu del tot a ma devise, Des que devant moi fu assise La pucele, qui s'i assist. (CHR. DE TROYES, Yvain, 1177, 80c) | | [7] | Car quant j'en puis une tenir, Si l'estraing si par les .ii. corz, As poinz que j'ai et durs et forz, Que les autres de peor tranblent Et tot environ moi s'asanblent Ausi con por merci crier ; (CHR. DE TROYES, Yvain, 1177, 80e) | | [8] | La mervoille a veoir me plot De la tanpeste et de l'orage, Don je ne me ting mie a sage, Que volentiers m'an repantisse Tot maintenant, se je poïsse, Quant je oi le perron crosé De l'eve au bacin arosé. (CHR. DE TROYES, Yvain, 1177, 81a) | | [9] | Que lors vi le ciel si derot Que de plus de .xiiii. parz Me feroit es ialz li esparz Et les nues tot mesle mesle Gitoient pluie, noif et gresle. (CHR. DE TROYES, Yvain, 1177, 81b) | | [10] | Et quant je vi l'air cler et pur, De joie fui toz asseür, Que joie, s'onques la conui, Fet tot oblier grant enui. (CHR. DE TROYES, Yvain, 1177, 81b) |
|
|
Attestation de 