| [1]
...l'Yglise souloit estre tres honoree dez seigneurs seculiers, mez elle est a present tributaire (Songe verg. S., t.1, 1378, 14). |
| [2]
Lez bons chevalliers souloient jurer la chose publique deffendre (...) et portoient l'espee, por la foy et Sainte Yglise deffendre et esaucer, et pour lez povres, lez voevez et pupilles et tout le païs garder d'oppressions et deffendre. (Songe verg. S., t.1, 1378, 15). |
| [3]
Considerons se il est, au jour d'uy, ainssi : Certes nainni ! Mez veons tout le contraire, car, des ce que un chevallier est, huy, fait et creé, lez biens de l'Yglise il tout et occupe, et sez ministres prent en despit, et lez injurie et tormante, et, generaulment, sez subgiés et lez aultres povres et miserables persones sanz misericorde desherite, bat et souvante fois met a mort (Songe verg. S., t.1, 1378, 15). |
| [4]
...la [les chevaliers d'aujourd'hui] vous feront et establiront une loy que nulles dimes ne poïeront, que a Sainte Yglise point n'obeïront, que nulle excomuniement ne craindront, et que ilz bateront et roulleront prestres et clers et touz aultres ministres d'Yglise, et que tout ce que leurs predecesseurs predec[ess]eurs ont donné a l'Iglise ilz rapelleront et a leur demaine appliqueront. (Songe verg. S., t.1, 1378, 16). |
| [5]
...la [les chevaliers d'aujourd'hui] vous feront et establiront une loy que nulles dimes ne poïeront, que a Sainte Yglise point n'obeïront, que nulle excomuniement ne craindront, et que ilz bateront et roulleront prestres et clers et touz aultres ministres d'Yglise, et que tout ce que leurs predecesseurs predec[ess]eurs ont donné a l'Iglise ilz rapelleront et a leur demaine appliqueront. (Songe verg. S., t.1, 1378, 16). |
| [6]
Mez Dieu le Tout Puissent, qui humilie tout orgueil qui se esauce contre la science de Dieu, sauvera lez povres et lez ministres de l'Yglise, et si estoupera la bouche de cieux qui dient choses fauses, perverses et iniques. (Songe verg. S., t.1, 1378, 16). |
| [7]
Quar Paule fust une fois lapidé et fust trois fois ou peril de la mer et souffrit plusieurs aultres peris, pour la Sainte Yglise de Dieu soubstenir, conme il est plus au plain, en une siene epystre, declairé. (Songe verg. S., t.1, 1378, 18). |
| [8]
Et pour ce que lez prelas et lez aultres ministres de l'Yglise n'ont souffert lez tribulacions ne lez amertumes dez Apostres, il n'est pas raison que ilz soient participans dez douceurs et de la joe laquelle est deüe auz Apostres (Songe verg. S., t.1, 1378, 18). |
| [9]
Donques entre vous, ministres de l'Yglise, qui estes en prosperité, en soulas et en joe, n'estes pas consors ne conpaignons dez tribulacions dez Apostres et, par consequant, ne devés mie estre participans de leur consolacion pardurable. (Songe verg. S., t.1, 1378, 18). |
| [10]
Quar, au jour d'uy, par faveur ou service deshonorable, par pris ou par priere, contre lez comandemans de Dieu, lez bons et souffisans clers mis arriere, sont lez ydiotes et sanz lectreüre auz dignitez de Sainte Yglise appellés et tres hautement pourmeüs, conme sont leurs nepveus et, auqunes fois, leurs propres enffans. Et, ainsi, ilz transportent de pere en filz le saintere de Dieu, conme propre heritage, ou appellent et promevent seulement ceus de leur nacion, soient dignes ou nom. (Songe verg. S., t.1, 1378, 19). |
|
Attestation de 