| [1]
Si s'en allerent au devant des Dampnoiz, lesquelz furent bien esbaïz quant ainsi les veirent arrenchés en bataille (Rambaux Frise S., c.1451-1475, 58). |
| [2]
...anchois, quant lez Sarasins le congnurent et veirent sy desmesureement contenir, ilz furent comme tous espoëntez et au rebours lez Crestiens tant encouragiez que hardis que chascun en valoit deux (Comte Artois S., c.1453-1467, 86). |
| [3]
Et ainsy comme paz pour pas en telz devisez ilz passoient temps, ilz veirent une compaignie de chevaulx venir au long d'une grant rue (Comte Artois S., c.1453-1467, 106). |
| [4]
Quant Gerars et le chevalier veirent les hostages entré ou chastel, ilz se eslongerent pour prendre leurs coursses, puis retournerent les lances baissyes, les healmes embrunchiés, les escus avant mys. Ferirent les destriers des esporons que, a les voir venir, sambloit ungs effourdres. (Gérard de Nevers L., c.1451-1464, 43). |
| [5]
Quant la furent venu, ilz veirent grant assamblee de barons et chevaliers. Le duc de Mes et le conte de Bar, son oncle, estoyent assis sur deux faudestoefs [faudestoef[s]] pour oÿr et escoutter ceulx quy la damoiselle voldroyent jugier. (Gérard de Nevers L., c.1451-1464, 119). |
| [6]
Adonc les damoyselles feirent marcher avant, sy veirent les dessusditz tant de manieres de fruictz que racompter nulluy ne sçavroit, c'est assavoir pommiers, poyriers, grenadiers, figuiers, serisiers, noysilliers, pruniers, noyers, voyre noyers qui les grosses noix d'Inde portent, orengiers, lymoniers, palmiers, quenelliers, gingembriers, poiriers, petiz noyers, muscadiers et d'autres mil fassons d'arbres estranges desquelz n'y a nulz par deça la mer sy non dedans cedit parc la tant seullement. (RENé D'ANJOU, Cuer am. espris W., 1457, 207). |
| [7]
Les dames s'escrierent moult douloureusement quant elles veirent l'outrage de ces yvrongnes Centaures. Herculés et Jason coururent lors querir leurs armes et furent adoubez. Si tirerent aprés les yvrongnes qui s'en aloient tout tumbant par les champs, et tant les sieuvirent qu'ilz les rataindirent en une place verte. (LEFèVRE (R.), Hist. Jason P., c.1460, 129). |
| [8]
Vaillamment doncquez se combaty Jason contre les Esclavons a ceste premiere fois, et longuement dura la bataille. Quant ceulx de Damas veirent la grant presse qui estoit en tour luy, ilz se fourrerent entre ceulx qui l'assailloient; et lors s'efforça Jason de soy faire valloir (LEFèVRE (R.), Hist. Jason P., c.1460, 137). |
| [9]
Quant les mariniers veirent Jason ainsy ferir de l'espee, ilz prindrent leurs fourquiers et leurs avirons et combatirent leurs anemis avec Jason (LEFèVRE (R.), Hist. Jason P., c.1460, 156). |
| [10]
Ysiphile, en l'instant que ses yeux veirent Jason, de Jason fu amoureuse, comme du plus beau et du plus convoitable. (LEFèVRE (R.), Hist. Jason P., c.1460, 171). |
|
Attestation de 