| [1]
Et de l'estat des serviteurs sont teles personnes reçeutes a la table des enfans quant leur rude et insipient courage est eslevé en l'affection et doulceur de devotion quy, pour premiation de sainteté, seult estre rendu aux merites des parfaits. (Traité S. Sacr. B., c.1451-1500, 159). |
| [2]
En ces choses et en moult de samblables seult estre esprouvé le loial servant de Nostre Seigneur, comment il se doit renyer, et comment il le convient fraindre en toutes choses. (Internele consol. P., 1447, 218). |
| [3]
Il [le géant Grimaut] dit: "Ce vassaulx [Gieffroy] vient a moy, Ce croy je, pour la paix traictier; Roydement monte le sentier. Il est force qu'a lui je parle, Car tel monte qui puis devale." Un grant levier prent en sa main: Ne sembloit pas que corps humain Se peüst du levier aydier, Maiz il paumoyoit ce levier Tout aussi quë un bastonnet Seult faire un petit garçonnet De l'aage de six ou sept ans, Et mieulx que je ne dy sept tans. (COUDRETTE, Mélus. R., c. 1400, 258). |
| [4]
...sy tost comme il [le roy de Grenade] seult sa honteuse desconfiture, tout argüé et plain de couroux, il manda secours aux rois de Thunez, de Barbarye et de Fez (Comte Artois S., c.1453-1467, 80). |
| [5]
...et combien que son gracieulx maintieng seult estre asseuré et estable, mille fois fu il tourblé par une pensee qui luy estraindoit le cuer serreement et la faisoit soupirer, disant en son secret, sans faire sonner la langue... (Fille comte Pontieu B., c.1465-1468, 69). |
| [6]
Ouyés, les bons, entendés moy, Je vous commandes de par le roy, De part Pilate le prevost, Que vous ne disiés ung seult most, Et ne veullés feres moleste, Quar nous veullons monstret l'ystoyre De la passion Jhesucrist (Pass. Autun Biard F., 1470-1471, 67). |
| [7]
Car en tel apparat que ont le homme et la femme qui sunt ensemble par mariage, tel aournement ne differe en rien des parlers que l'en seult faire es tragedies. (ORESME, Ycon. Arist. M., 1374, 817). |
| [8]
Et tels malz sunt disceptations, dissencions l'un contre l'autre pour cause des contracts, faulz testemones ou tesmoignages et pervers jugemens et adulacions que l'en seult faire as riches. (ORESME, Pol. Arist. M., c.1372-1374, 83). |
| [9]
Aussi comme quant pluseurs cités ou païz ont aucune calamité, l'en seult dire que tout le munde est perdu. (ORESME, Pol. Arist. M., c.1372-1374, 293). |
| [10]
Comedies estoient uns gieux que l'en faisoit en publique, et se desguisoient les gens et prenoient faulz visages et recitoient personnages de choses villaines et deshonestes. Et faisoient rechignemens et laides contenances, si comme l'en seult faire es chalivaliz. (ORESME, Pol. Arist. M., c.1372-1374, 338). |
|
Attestation de 