| [1]
se oultre l'ordonnance dessus dicte, aucun cappitaine (...) prent ou lieve aucune chose, il sera constraint a restituer ce qu'il aura plus prins qu'il ne lui est permis par ceste presente ordenance, et a l'amender envers nous du quadruple par retenue sur ses gaiges et, se ilz ne souffisent, par arrest et explectacion de ses autres biens exploittables (Chron. Mt-St-Mich. L., t.1, Pièces diverses, 1418-1432, 228). |
| [2]
Car c'est cler a veoir es nombres, car se deux est double a un et quatre est double a deux, il s'ensuit que quatre est quadruple a .J.. Et pour ce est ceste consonancie bisdyapason appellee, c'est a dire dyapason doublee, et c'est ce que les musiciens appellent communement double sus double. (EVR. CONTY, Harm. sphères H., c.1400, 47). |
| [3]
Et par adventure pour ce arrestent cy endroit a ceste quadruple proporcion, qui ainsy fait double dyapason, communement les musiciens sages et ne font pas grant mencion de ce qui vient aprés, pour ce que jusques a elle l'humaine voix et les instrumens se peuent bien estendre et convenablement a nostre oÿe et aussy en ce prendre plaisance et delectacion. (EVR. CONTY, Harm. sphères H., c.1400, 47). |
| [4]
Et par aventure pourroit on dire et bien que c'est pour ce que les consonancies musicaulx desirent que les sons qui les font soient moiennement et par bonne mesure ne trop ne pou distans et eslongié de equalité et de union. Et pour ce dit Boece que les consonancies ne doivent point passer oultre la quadruple proporcion ne oultre la sesquitierce aussy a l'autre lez. (EVR. CONTY, Harm. sphères H., c.1400, 57). |
| [5]
Car les sons qui seurmonteroient celle proporcion quadruple seroient trop distans et trop s'eslongneroient de la dessus dicte equalité ou de unison et, par consequent, de l'unité et de la conformité qui y doit estre ou regard de l'oÿe, ja soit ce que ce feust tousjours de consonancie. (EVR. CONTY, Harm. sphères H., c.1400, 57). |
| [6]
Et se nous comparons aussy une sillabe a quatre ou quatre a une, nous trouverons proporcion quadruple, qui en musique fait bisdyapason. Et pour ce y peut on faire raisonnablement pause, car on y treuve aussy que telle prolacion est plaisant a l'oÿe. (EVR. CONTY, Harm. sphères H., c.1400, 74). |
|
Attestation de 