| [1]
Et toujours feusmes la, et prinsmes la pacience sur des nates de jonc qu'avions achaptees, fors troys ou quatre nuytz que les dictz Cordeliers nous firent bailler des tapiz velus et orilliers de cuyr que Monseigneur le grand maistre de Roddes leur a envoyé pour servir aux pelerins. (Pèler. D., 1486, 340). |
| [2]
O n'est il vray que au temps de sa tribulation jeusne [du roy Charles VII], lorsque le plus fort bras de son royame le tint en compression et ung autre, son ancien ennemy, en dure foule (...), vainqui Dieu quasi et le compella en pitié envers lui a la mesure de sa pacience ? (CHASTELL., Chron. IV D., c.1461-1472, 320). |
| [3]
Et toutesfois en constant corrage, en espoir toudis fondé en Dieu, en diligent perseverer en labeur, en veille et en estudie de sens et en pacience, vertueux pourpos toudis en fortune contraire, [le roy Charles VII] a vaincu tout en fin, a tout surmonté et rompu, et telement que, la ou les dures adventure luittoient journelement encontre ses vertus, ses vertus finablement ont obtenu triumphes sur leurs battailles. Est il oÿ oncques roy avoir esté si bas comme cestui, ne est il trouvé en livre jamés de pareille resourse ? (CHASTELL., Chron. IV D., c.1461-1472, 320). |
| [4]
Et combien que ceste doulceur habituele aulcunes fois telement se respant qu'elle rent le cuer fervent et joyeux a tous biens espirituelz, et triste et tanee au contraire, et que cela soit quelque signe de ceste habituele doulceur ; toutesfois continence, refrenation de elation en prosperité, pacience en adversité, constance en equanimité entre prosperité et adversité, perseverante voulenté de complaire a Dieu et soy du tout submettre a la divine voulenté et les aultres signes, dessus nommez, sont plus certains et plus efficas signes de tele habituele doulceur que ceste maniere de diffusion quy peu souvent advient et que la sensible perception de tele delectation et consolation. (Traité S. Sacr. B., c.1451-1500, 161). |
| [5]
...le povre pelerin supplie que le covent en ce cas debonaire pour l'amour de Dieu et de leur zelateur veulle doulcement avoir pacience et supporter lesdis freres ou le frere, en supposant ou ymaginant que les desusdis freres ou frere soient alé a un autre covent de la religion par le commandement de nostre pere provincial. (MéZIèRES, Test. G., 1392, 315). |
| [6]
...pour li donner ausi cuer et vigour par grace d'avoir pacience en ses darraines dolours corporelles et mentales et resister, a celle eure formidable, par grace singuliere en vraie foy, a ses enemis visibles et invisibles (MéZIèRES, Test. G., 1392, 317). |
| [7]
Aprés recite de la pacience de Job qui perdit toute sa substance, et fut navré par le corps par l'operation de l'ennemy, et en toutes ses tribulations beneissoit Nostre Seigneur. (Déclar. Hyst. S., a.1449, 186). |
| [8]
Pourquoy quiers tu repoz, comme tu soies nez a labeur ? Mets toy plus a pacience que a consolacion, et plus a porter la croix que a liesse. Qui est cil des seculiers qui ne prendroit voulentiers consolacion et liesse espirituele se toudis il les pooit avoir ? (Internele consol. P., 1447, 34). |
| [9]
Donne moy force de resister, pacience de tollerer, constance de perseverer. (Internele consol. P., 1447, 148). |
| [10]
Je leur donnay perseverance et ay couronné leur pacience. (Internele consol. P., 1447, 257). |
|
Attestation de 