| [1]
"...Car se .I. chien estoit occis et mis devant .I. autre chien, si n'en mengeroit il en nulle maniere ; et vous qui estes veus estre hommes raisonnables, si faites si grant bestiauté." (VIGNAY, Merv. Terre Outr. T., c.1331-1333, 47). |
| [2]
...et quant il fut a terre, ung sien serviteur saillit sur luy pour le cuider sauver, lequel fut occis comme lui. Et lors s'enfouirent les malfaicteurs en l'ostel d'Artois (LE BOUVIER, Chron. Ch. VII C.C.J., c.1451-1455, 22). |
| [3]
Adonc dist il [Raymon] a haulte voix: "Mort, viens avant et plus n'atens, Or me vien prendre, il en est temps. Or ay perdu et ame et corps; Mon chier seigneur qui la gist mors Ay occis par grant mesprison. Mort, vien avant, il est saison..." (COUDRETTE, Mélus. R., c. 1400, 122). |
| [4]
Tant fist d'armes cilz Urïens Que paiens, Turs et Surïens Lui fuient comme a l'esprevier L'aloe, le lievre ou levrier. Tous s'en fuyent vers leur navie, Et Urïens qui ot envie De destruire les Sarrazins Fiert sur eulx comme sur mastins. Par Guion et par Urïens Furent touz occis les payens. Urïens es trefs se loga, Et d'illecques ne se bouga, Que sur payens ont conquesté. (COUDRETTE, Mélus. R., c. 1400, 161). |
| [5]
Lors Sarrazins plus ne sejournent, De leurs chevaulx les regnes tournent. Quant ilz voyent leur roy occis, Ilz se tiennent pour desconfis; Appertement tournent en fuite, Mais Poitevins leur font poursuite. Sur Sarrazins fierent et maillent; Ilz les trenchent, ilz les detaillent Comme on fait la char sur l'estal. (COUDRETTE, Mélus. R., c. 1400, 192). |
| [6]
Aux prisonniers tantost [Gieffroy] s'en vient Et moult doulcement leur demande S'ilz sont né de Norhombelande, Et quel chose meffait avoient Et pour quoy la prison tenoyent. Ly un lui dit, pour le treü Qu'ilz orent au geant deü, Qui pas ne lui estoit paiez. Gieffroy respont: "Joyeux soyez, Joyeusement vous demenez; De son papier estez planez. Je l'ay occis et mis a mort, Jamais ne vous puet faire tort. Mort l'ay je mis en verité, Le treü vous ay je acquité." (COUDRETTE, Mélus. R., c. 1400, 278). |
| [7]
...avant qu'il se partist il en abatty bien .X. a ruer du dos de l'espee adfin qu'il ne blechast nulluy, car, s'il eust aussy bien rué du trenchant, il en eust autant occis qu'abatu. (Jehan d'Avennes F., c.1465-1468, 89). |
| [8]
..."Certes, sire chevalier, (...) je suy servant a bonne et belle damoiselle, laquelle m'envoie a la court du roy de France requerre secours, a cause que le seigneur de Rocefort, de quy elle tient ses terres, pour ce que elle est orpheline et qu'elle a plenté de richesses, luy admet faulsement et trahicteusement, pour applicquier a son pourfit ses chevances et richesses, que elle a occis son pere et sa mere, disant qu'il la fera morir, dont ce seroit le plus grant dommaige du mondë. (Jehan d'Avennes F., c.1465-1468, 122). |
| [9]
...le roy de Morienne en champ mortel fu occis et pendu avec le chepier aux fourchez, trayné et encröé pareillement. (Saladin C., c.1465-1468, 164). |
| [10]
Je suis du tout entalenté De faire grant occision Pour ceste conspiration, Car je veul que tous les enfans Jusques al aige de deux ans Et demi soyent decollés, Tués, occis et desmembrés (MARCADé, Myst. Pass. Arras R., a.1440, 54). |
|
Attestation de 