| [1]
Ce roy droit cy [Charles VII] est recommandable entre tous aultres ses progeniteurs (...), lequel, né en guerre et en tribulation, norry et parcreu en povreté et en misere, en tristes nouvelles, en dures ruynes, en multitude de foules, en ejection de ses villes (...), et en fin par constant endurement, par dilligence, par corrage, par sens et par sollicitude il a vaincu tout, tout rompu et cassé son maleur, il a mis bras au deseure de fortune (CHASTELL., Chron. IV D., c.1461-1472, 313). |
| [2]
Quant l'ame devote par l'inspiracion divine pensant a la mort parfondement considere et de lui meismes la vie brieve, sa propre fragilité, maladies sans nombre et tribulacions soudaines, saillans en place et issans come d'une enbuche, qui sans misericorde et jour et nuit li queurent sus, et d'autre part li sovient de ceste valee de misere, du faulz monde et de ses concupissences (MéZIèRES, Test. G., 1392, 301). |
| [3]
Car moult de maulz me surviengnent en ceste valee de misere, lesquelz me troublent souvent, me contristent et obscurcissent et trés souvent m'empeschent, me detraient, me oignent ou atraient et me impliquent affin que je n'aye franc accés a toy et que je ne goe des joieux embracemens qui toudis sont prests aux beneurés esperis. (Internele consol. P., 1447, 131). |
| [4]
Il te convient doncques trespasser vistement toutes choses et user de main puissante encontre les choses qui te sont opposees. Car au vainqueur est donnee manne, et au pareceux est relenquie moult de misere. (Internele consol. P., 1447, 173). |
| [5]
Mais quelle doleur aux non congnoissans leur misere, mais encore plus quelle doleur a ceulx qui aiment ceste miserable vie et corruptible ! (Internele consol. P., 1447, 335). |
| [6]
Hellas, je fus nee de male constellacion! Tant soit pou d'heur ne puis trouver en ce monde, tout honneur m'eschappe, tout bien me fuit, tout doeil me coeurt sus. Hellas! et s'il est une misere en la plus loingtaine part du monde, elle part pour venir moy infortuner. (LEFèVRE (R.), Hist. Jason P., c.1460, 175). |
| [7]
Je entre au val de la misere Moult amere ; Biau syre Dieu, que farai ge ? (Myst. st Bern. Menth. L., c.1450, 19). |
| [8]
...ie doute tant ces payens Ces faulx sarrazins mescreans : Qui ne croyent pas que descendre Voulsist dieu : et en la croix pendre Pour le peche de premier pere Dont tous estions en misere Au plus parfond lieu denfer (Myst. st Martin K., a.1500, 177). |
| [9]
Et du bel et gracieulx estre Qu'on nomme paradis terrestre Lors fut bannis lui et sa femme De paradis a grant diffame Et envoies en grant misere En paine et en labeur sur terre. (MARCADé, Myst. Pass. Arras R., a.1440, 4). |
| [10]
Loy qui est tant saincte et tant pure, Tant digne et de si hault mistere, Veoir aler en tel misere ! (MARCADé, Myst. Pass. Arras R., a.1440, 144). |
|
Attestation de 