| [1]
Si fut cestui evesque vaincu de l'argent et, donnant a entendre que le pape y consentist, ja soit ce qu'oncq n'en oÿst parler, abusa les procurans et leur donna faulse et fainte remission (CHASTELL., Chron. IV D., c.1461-1472, 258). |
| [2]
.. [Mopsus et Theseus] furent tres grandement festoyez du roy et de ses nobles, meismement de Peleus, qui contre cuer faisoit une chiere fainte. (LEFèVRE (R.), Hist. Jason P., c.1460, 165). |
| [3]
Peuple de pensee enterine, Gouste de mes ditz la saveur, Sans donner ne prester faveur A ypocrisie la fainte, Embrace devocion saincte. (Myst. Pass. Troyes B., a.1482, 388). |
| [4]
Mais tant y a qui ont grande mauvaistie et malice pour cauteleusement tapir leurs vices soubz fainte simulacion en ombre et couleur de bien. (CHR. PIZ., Corps policie L., 1406-1407, 29). |
| [5]
Les grans merveilles dessus dictes et les autres semblables que musique peut faire nous sont trop bien signifies par la fable ancienne qui de Ampheon et de Orpheüs est fainte quant elle dit qu'ilz faisoient les pierres et les arbres et les haultes montaignes courre aprés eulx pour oïr les doulx sons et les grans melodies qu'ilz faisoient, tant estoit leur musique de grant vertu et de grant excellence. (EVR. CONTY, Harm. sphères H., c.1400, 88). |
| [6]
Fart est une couleur fainte que les femmes mettent sur leur face pour leur donner couleur et beauté apparant, et est couleur composee de moult de choses. (CORBECHON, Couleurs S., 1372, 383). |
| [7]
Cestuy conte de Warvich fut homme saige et subtil en ses affaires, et entretint la cité de Londres et le royaulme d'Angleterre par trois voyes. La premiere par capperonnées et par humilité fainte au peuple de Londres, dont il estoit moult aymé. (LA MARCHE, Mém. III, c.1470, 69). |
| [8]
...pour pervenir à ce mariage fist une fainte vendition audit de Pompignac de certaines terres qui sont en la conté de Castres et des miennes ; mais jamais ledit de Nemours ne lui en bailla la joissance (...) et aussi ladicte vendition estoit faicte depuis la transaction que ledit de Nemours fist, par quoy de la en avant il ne povoit riens aliener. (Lettres Louis XI, V., Pièces justif., t.7, 1478-1481, 322). |
|
Attestation de 