| [1]
Et aussitost que ilz s'entrevirent l'un l'autre, ilz picarent leurs chevaulx des esperons et s'en vindrent l'un vers l'autre, les lances bayssees, tant comme ilz povoyent des chevaulx traire, et se ferirent de toute leur force sur les escuz, si que les lansses volarent en pieces et les chevaulx s'acularent et puys se releverent. (LA CEPEDE, Paris Vienne K., 1432, 88). |
| [2]
Aussitost que Maudonnete fut fiancee, messire Lionnet lui donne ung fermail bel et riche et ung diament avec. (Cleriadus Z., c.1440-1444, 64). |
| [3]
...aussitost que il vint a sa cognescence [du roi de France] la deffense faitte par le roy d'Angleterre au pueple que ilz n'appellassent, il contredit et fist signifier a tous sez subjés que il estoit prest de recevoir leur appellacions et de user de sa souveraineté et darrenier ressort (Songe verg. S., t.1, 1378, 279). |
| [4]
...l'en puet assez user du ministere et du service de l'Anemi, de laquelle chose nous en avons exemple (...) conment monseigneur saint Pol conmanda au mauvez espirit, lequel estoit ou corps de la pucelle phetonique, c'est a dire dyvine, que il essist hors, lequel aussitost en yssist hors. (Songe verg. S., t.1, 1378, 376). |
| [5]
Et sachiez que aspide porte en sa teste la tres clere et luisant pierre que l'en appelle escharboucle. Et quant l'enchanteur qui lui veult oster dit ses parolles aussitost qu'il s'en appercoist il fiche l'une de ses oreilles dedens terre et en l'aultre boute sa queue en telle maniere qu'il deuient sourt et non oant des parolles coniureuses. (Best. hérald. H.E., c.1435-1450, 492). |
| [6]
Raines ressemblent assés a la fourme d'un crapout combien qu'ilz ne soient pas de celle nature. Et sont en eux fort caquetantes quant il fait doubz temps, et sont tres paoureuses car aussitost qu'ilz oent rien ilz laissent leur caquet a faire. Et senefie que cellui qui premier les porta en armes estoit grant deuiseur et caquetoit de ses ennemis et du fait d'aultry (Best. hérald. H.E., c.1435-1450, 500). |
| [7]
[ lesquelx ], aussitost qu'ilz furent aux champs, se desréerent sans eulx tenir ensemble, et tous furent prins en mains d'une heure (Journal bourgeois Paris T., 1405-1449, 251). |
| [8]
en cellui an fut tres bel aost et tres belles vendenges, et furent les vertjus hastifs, car aussitost qu'ilz estoient entonnez, ils commençoient à boullir ou à gieter pour mieulx dire (Journal bourgeois Paris T., 1405-1449, 261). |
| [9]
Et declairons par ces presentes que lesdiz enfans et nepveux seront aagiez aussitost qu'ilz auront vint ans acompliz, et, se plus tost de vint ans ilz sont mariez, soient filz, soient filles, ilz seront tenuz et reputez pour aagiez aussi tost qu'ilz seront mariez. (Paris domin. angl. L., 1420-1435, 336). |
| [10]
...ung jeune varlet de la parroisse de Trogues (...) perdit la parole tellement qu'il ne povoit parler ; si se voua en son cueur a madame sainte Katherine, et y vint ; mes, aussitost comme il fut entré dedans la chappelle, il commença a parler, et s'en retourna sain. (Mir. ste Cath. Fierbois C., 1470-1483, 6). |
|
Attestation de 