| [1] | Encore de la bonne fortune du roy Charles : en cellui temps n'ot pas moins de vittoires en la duché de Bretaigne, car, si comme assez de gens encore vivans le scevent, et les croniques le tesmoignent, comment le duc Jehan de Bretaigne, non obstant l'omage, que avoit fait au roy Charles, soustenoit la partie du roy d'Angleterre, et de fait tint les Anglois en pluseurs villes et forteresses de son pais de Bretaigne, contre la volenté de ses barons, qui vouloient estre bons françois, lesquelz [Anglois moult domagoient meismes ceulz du pais] [et les François,] par quoy le roy y envoia grant armée, le duc de Bourbon, le conte d'Alançon et cellui du Perche, le connestable et pluseurs aultres, et, quant le duc de Bretaigne vid que il ne pourroit contrester, il garni ses meilleurs chasteaulx, c'est assavoir : Aulvray, Brest, Darval et pluseurs autres, entra en mer et passa en Angleterre. (CHR. PIZ., Faits meurs Ch. V, S., I, 1404, 224) | | [2] | dont nous povons savoir que, comme en toutes besoignes il fust tres circonspect, ou fait de ses guerres, où jà par long temps avoit procedé, n'estoit mie ignorant de ce que en telle continuacion convenoit faire, tant en soustenir par finance, et savoir honnourer les capitaines et gens d'armes, par qui avoit les nobles vittoires, comme en ordenances que bien fussent gardées les choses conquises, auxquelles choses si sagement pourvei que je ne treuve en cronique, n'escrips, ne personne, qui le me die, que chose conquise, fust cité, terre, forterresse ou autre besoigneoncques puis en son temps fust perdue par rebellacion ou autrement, qui est chose merveilleuse et hors le commun cours des choses conquises à l'espée, qui souvent se seulent rebeller et entregitter en diverses mains ; (CHR. PIZ., Faits meurs Ch. V, S., I, 1404, 236) |
|
|
Attestation de 