| [1] | Comme doncques, en l'an mil IIIICXXII, je veisse le roy anglois, ancien adversaire de ceste seigneurie, soy glorifier en nostre ignominieux reproche, enrichir de noz despoilles et despriser noz faiz et noz couraiges et des nostres, qu'il a vers soy atraiz, fortifier les voulentez a son aliance, et avecques ce noz vices croistre avecques le temps et a noz aveuglees affections adjouster tousjours quelque chose a nostre confusion, j'ay conclut en ma pensee que la main de Dieu est sur nous et que sa fureur a mis en oevre ce flaiel de persecution,et ay curieusement encerchié par les discours des Sainctes Escriptures les faultes et les punicions de noz peres et des primerains et en grant craincte debatu en ma pensee se ceste douloureuse affliction en est en verge de pere pour nostre chastiement ou en rigueur de juge pour nostre exterminacion. (CHART., Q. inv., 1422, 4) | | [2] | Tandis que en ce debat entre espoir et desesperance mon entendement traveilloit, ung legier sompme me reprint comme, aprés la pesanteur du premier repos, il advient souvent vers le matin. (CHART., Q. inv., 1422, 7) | | [3] | A la partie d'embas, qui vers terre pendoit, assez povoit on veoir pourtraitures et entremeslees bestes, pluseurs plantes, fruiz et semencestendans de leurs branches en hault et naissans de la bordeure d'embas comme de terre plantureuse et fertile. (CHART., Q. inv., 1422, 7) | | [4] | Comme doncques elle les eust choisiz à l'ueil, indignee en son hault couraige, vers eulx les prist a reprendre de leur oiseuse lacheté par parolles entrerompues souvent de douloureux soupirs qui de cuer adollé lui mouvoient, leur disant en ceste maniere: FRANCE. (CHART., Q. inv., 1422, 10) | | [5] | Qu'est devenue la constance et loyauté du peuple françois, qui si longtemps a eu renom de perseverer loial, ferme et entier, vers son naturel seigneur sans querir nouvelles mutacions? (CHART., Q. inv., 1422, 14) | | [6] | Icellui temps detestoies et tenoies a mauvais, en tresgrant ingratitude a Dieu et vers ton prince. (CHART., Q. inv., 1422, 26) | | [7] | Or ont vers eulx nostre chatel, et maintenant ilz crient contre nous et nous blasment que nous ne combatons a toutes heures, comme ceulx qui peu doubtent mectre en aventure, sans raison et ordre, la noblesce et le royaume, et qui feroient assez grant marchié du sang des nobles hommes dont, s'ilz estoient perduz, le royaume ploureroit la mort puis aprés. (CHART., Q. inv., 1422, 34) | | [8] | A peu de parolles, je ose affermer que tes faiz, que chascun congnoist, me donnent plus cause de defiance vers toy que au prince ne donnent de confiance, et, se monstrer le fault, je produiroye exemples en lieu de raisons et nommeroye les lieux et les villes ou pluseurs des tiens ont habité tant come les vivres et les rappines des biens qu'ilz n'avoient pas acquiz les ont peu soustenir, mais ilz ont failly aux places quant la proye leur a failly, et prins des amis ce qu'ilz n'eussent ozé sur les ennemis chalengier pour laissier les lieux aux ennemis qu'ilz s'estoient chargez de garder aux amis. (CHART., Q. inv., 1422, 39) | | [9] | Ceste maniere tint le vertueux homme et d'entier courage Mathathias et ses enfans les Machabees en la persecution que fist le roy Anthiocus sur le peuple d'Israël par la desloiauté d'aucuns pervers hommes d'icellui peuple qui vers lui se tournerent; (CHART., Q. inv., 1422, 48) | | [10] | Et combien que rigle si estroite ne s'i doye donner que la vertu de liberalité, qui tant bien siet en hault seigneur, n'ait tousjours vers le prince son effect, toutes voies puis je soustenir que celle vertu pour circonstances regarde lieu et temps de donner, et que en temps d'abondance et de oisiveté telle domnacion seroit dicte oeuvre de largesse qui maintenant se devroit appeler prodigalité. (CHART., Q. inv., 1422, 52) |
|
|
Attestation de 