| [1] | Ung riche palais ancien avoit de coste soy, somptueusement edifié de murailles eslevees et de haultes tours, compassé, comprins et environné de diverses et differentes habitacions par engins de souverains ouvriers, enrichy d'entailleures, paintures, armoeries et autres menueries a l'ueil plaisans, mais, par negligence des maistres des oeuvres et en default de bonne reparacion, les eaues et les vens y avoient tel dommaige porté que de pluseurs lez estoit prest de fondre et verser tout jus, et n'y apparoit refection sinon aucuns appuys de foibles et petites estaies que pour passer temps et a la haste, non pas a durer, on avoit ça et la assises ou et quant la ruyne sembloit greigneur et le péril plus prouchain. (CHART., Q. inv., 1422, 9) | | [2] | Comme doncques elle les eust choisiz à l'ueil, indignee en son hault couraige, vers eulx les prist a reprendre de leur oiseuse lacheté par parolles entrerompues souvent de douloureux soupirs qui de cuer adollé lui mouvoient, leur disant en ceste maniere: FRANCE. (CHART., Q. inv., 1422, 10) | | [3] | Or est a juger selon ces premisses l'estat et infelicité des princes qui, pour acquerir seigneurie ou pour demourer seigneurs de celles qui leur appartiennent, sont faiz serfs et subgiets a gens de diverses affections, de contraires voulentez, et a pourveoir et avoir l'ueil a choses repugnans et aux cas qui soudainement leur sourviennent soit en leur avantaige, quant bien en veulent user, ou en leur préjudice, se obvier n'y scevent. (CHART., Q. inv., 1422, 47) | | [4] | Celer ne se peut ce que loiale affection contraint a dire et, quoy qu'il touche aux haulx faiz et haultes personnes, j'en parle selon ma petitesce, mais oncques ne fut veue a l'ueil ne levé par escript maindre discipline ne plus fraelle justice d'armes que celle que nous disons tenir sur nostre chevalerie. (CHART., Q. inv., 1422, 59) | | [5] | Un jour refus, un autre bel acueil, Moitié confort, moitié soucy et dueil, Parmy les gens rire la lerme a l'ueil, Son semblant faindre, Souffrir douleur et ne s'en oser plaindre, Et ses souspirs estrangler et refraindre, Et d'un regart a coup son mal estaindre Et sa mesaise. (CHART., D. Fort., 1412-1413, 161) | | [6] | Bel Acueil n'est mie haÿs D'Amours qui n'a cure d'orgueil, Mais le fait franc en son païs, Si que nul si hardi sur l'ueilDe clamer droit sur Bel Acueil, Ne chalanger de ses biens fors ce Qu'il a donné de son bon vueil, Sans faire contrainte ne force. (CHART., D. Rev., a.1424, 317) | | [7] | Assez sa face destournoit Pour regarder en autres lieux, Mais au travers l'ueil retournoit Au lieu qui lui plaisoit le mieulx. (CHART., B. Dame, 1424, 335) | | [8] | Il a grant fain de vivre en dueil Et fait de son cuer lasche garde, Qui contre un tout seul regard d'ueil Sa paix et sa joye ne garde. (CHART., B. Dame, 1424, 339) | | [9] | Et s'une foiz l'ueil de mon cuer s'avance Et ceulx du corps devers la belle envoye, Son doulx regart qui le mien reconvoye Me navre a mort et si m'offre alegence. (CHART., R. Bal., c.1410-1425, 384) | | [10] | Car assés ne me suffist pas de te choisir a l'ueil et de loing; (CHART., L. Esp., c.1429-1430, 91) |
|
|
Attestation de 