Attestation dans les corpus textuels   Attestation de trehi dans 7FMR  2 attestations   Page 1/1  [1] et quant il se apperceut que ladite femme lui dist qu'il lui avoit widié sa bourse, afin que dudit argent il ne feust trouvez saisiz, jetta icelli à terre et en la boe entre ses piez, et, ce fait, se mist à chemin et trehi arriere d'icelle femme, en soy cuidant en venir vers le moustier Saint-Eustace; (Reg. crim. Chât., II, 1389-1392, 11) [2] Congneut aussy que, un pou paravant ce qu'il widast la bourse d'icelle femme, lui estant esdites hales de Paris,et au lieu où l'en vent les fruiz, vit et apperceut une femme, ne scet ou est record se ce fu ladite Climence, tesmoing cy-dessus examinée en sa presence, ou non, qui avoit tiré la bourse de velueau dont cy-dessus est faite mencion au dehors de sa cotte hardie, et cuidant que en icelle eust de la finence, et ainsy comme icelle femme entendoit à acheter du fruit, se trehi près d'icelle, à laquele, par l'aide d'un petit coustel à trenchier pain qu'il portoit et avoit sur lui, il coppa ladite bourse, laquele par lui ainsy coppée, et qu'il se fu retrait en l'ostel d'un cordouennier demourant au-dessus de la grant porte des hales de Paris, par où l'en va au marchié au Blé, illec sercha ladite bourse, et pour ce qu'il vit que en icelle n'avoit denier ne maille, fors deux clefs et deux lettres, l'une en pappier et l'autre en parchemin, il estant oudit hostel, jetta et mist icelles clefs et lettres en une queue ou poinçon estant en hault en une des chambres dudit hostel, et laditte bourse de velueau il muça en son saing; (Reg. crim. Chât., II, 1389-1392, 11) Fermer la fenêtre