| [1] | O hommes forvoiez du chemin de bonne cognoissance, feminins de couraiges et de meurs, loingtains de vertuz, forlignez de la constance de voz peres, qui pour delicieusement vivre choisissez a mourir sans honneur, quelle musardie ou chetiveté de cuer vous tient les mains ployees et les voulentez amaties que vous bastez en regardant devant voz yeulx vostre commune desertion et musez comme attendans de quelle part versera le faiz de cestui vostre naturel heberge et retrait, lequel vous pourroit tous acraventer et enclorre vostre ruyne soubz la sienne? (CHART., Q. inv., 1422, 10) | | [2] | Je me doubte que tous trois soient rabaissez et avillez de la dignité et devoir de leurs estaz. (CHART., Q. inv., 1422, 14) | | [3] | Apprenez a cognoistre vostre infelicité par les fortunes eureuses de voz ennemis, et vous souviengne que les glaces d'yver, ne la diminucion du vivre, la pestillence des maladies contagieuses ne le long travail des armes vestir et porter nuit et jour, ne leur cassent leurs fortes entreprises, ne ilz n'en laissent sieges a mectre, ne champs a tenir, et tous voz faiz se delaissent pour chacune legiere ochoison ou particuliere voulenté. (CHART., Q. inv., 1422, 16) | | [4] | leur eur ne sera pas Fortune leur estre tousjours propice, qui de sa nature est envers tous muable. (CHART., Q. inv., 1422, 19) | | [5] | Regarde, mere, regarde, et advise bien ma treslangoureuse affliction et tu cognoistras que tous refuges me défaillent, les champs n'ont plus de franchise pour administrer sceure demeure, et je n'ay de quoy les cultiver ne fournir pour y recueillir le fruit de nourreture. (CHART., Q. inv., 1422, 21) | | [6] | Recognois au moins que tu, ta femme et tes enfans, mengiez vostre pain en sceurté chascun jour, chascun sur son lieu et soubz la seigneurie, comblé de tous biens, sans perte et sans dangier; (CHART., Q. inv., 1422, 26) | | [7] | Guerre, de sa propre naissance, vient par defaulte de justice, car, se tous estions justes, force d'armes ne nous auroit besoing. (CHART., Q. inv., 1422, 27) | | [8] | Se tu veulx doncques en guerre querir tout ordre, mesure et raison, tu travailles en vain, car, se le plus juste qui oncques nasquit faisoit guerre, ce ne peut estre sans aucunement autruy grever, car tous ceulz de mauvais vouloir, qui en temps de paix ne l'osent mectre en oeuvre, prennent hardement de soy mectre sus soubz umbre de guerre. (CHART., Q. inv., 1422, 27) | | [9] | Et puis que parler en fault si avant et que tu me donnes reprouche de lascheté, je te ose dire que ton enfermeté et petite constance est grant cause que mieulx ne se fait, car en plusieurs lieux, non pas en tous, qui ne se donroit aussi grant garde de toy que des ennemis, ta folie et petite foy feroit de haulx dommaiges que tu mesmes et autres acheteroies puis asprès. (CHART., Q. inv., 1422, 28) | | [10] | Quans en est il de haulx hommes et denobles dames exillez de leurs païs et mal receuz entre toy et les autres, despourveus de tous biens, souffreteux de confort et aggravez de douleur pour leur loiauté acquiter et garder. (CHART., Q. inv., 1422, 28) |
|
|
Attestation de 