| [1] | Pendant lequel eslargissement, et aussi pour ce qu'il avoit ouy dire que ledit prisonnier estoit pour ce detenu oudit Chastellet, et avoit sur ce fait certaines confessions, il avoit esté en la maison dudit prisonnier, quis et serchié partout, et avoit trouvez certains teiz de terre à quoy l'en avoit fait fonture d'argent, si comme il apparoit par iceulx, et ladite fonture jettée parmi la place de la chambre d'icelli hostel en terre. (Reg. crim. Chât., II, 1389-1392, 403) | | [2] | OUY LE RAPPORT et deposicion duquel bailli, faite et rapportée de bouche par icellui, en la presence dudit prisonnier, et que sur ce ledit prisonnier ot esté fait jurer aus sains Euvangiles de Dieu dire verité, après plusieurs denegacions et variacions sur ce par lui faites, cogneut et confessa ledit prisonnier, sans aucune force ou contrainte, que ou mois de septembre, vers la fin, par ceulx qui avec lui furent à embler, audit lieu de Villebon, la vaissele d'argent dudit d'Estouteville, ladite vaissele, au moins ce qu'ilz en apporterent, c'est assavoir environ IIIJ tasses d'argent, furent fondues en sondit hostel, lui present, en certains teiz de terre, et la fonture d'argent dont il a esté trouvé saisi, et lequel lui fu baillié, environ quinze jours a, par les compaignons que cy-dessus a nommez, dont l'un est gentilhomme, nommé Jehannin, et né d'environ ledit lieu de Villebon. (Reg. crim. Chât., II, 1389-1392, 403) |
|
|
Attestation de 